عمتي !!!!!!شسوي؟

**دلوعه مغربيه** · 2011-07-31, 17:37

السلام عليكم بنات
بدش في الموضوع على طول.

انا وعمتي ام ريلي. كانت علاقتنا مب لهناك.
الي قرت موضوعي الاولي بتعرف السالفه كلها

في البدايه ابدن علاقتنا مب زينه وكانت وايد تكرهني

لكن بعد مايبت حمدان الحمدلله بدا قلبها يلين علي. وشوي شوي تهتم فيني وتشرف على اكلي لانها
هي نفستي

بس المشكله حريم اخوان ريلي .

نحن ساكنين ويا بعض

يعني فله كبيره وسور كبير وداخله فلل
انا وريلي عندنا فله داخل واخوان ريلي بعد يعني جنه مجمع

نحن كل يمعه نتغدا في في فلة عمي ابو ريلي
حتى اخوان ريلي وحريمهم

اكره يوم اليمعه بسبة هالتيمع لأن عمتي من تشوف حريم اخوان ريلي
ينقلب حالها علي
لأنهن يرمسن عني ويعرفن كيف يقلبن راس عمتي بساعات بس

حاولت اكلم زوجي اكثر عن مره والمح له ان مو لازم كل يمعه اتغدا عندهم بسير الخميس واخوانه اليمعه

لكنه ما رضى. حاولت اكثر عن مره بس ماشي فايده

عمتي زينه ويايه بس حريم عياله مايحبوني
ومولازم يتقبلوني اهم شي زوجي واهله بس مشكلتي ان من نجتمع اليمعه الحال ينقلب.

شو اسوي.؟ احاول قد ما اقدر ما احتك فيهم بس تعبت وايد من هالحال

وشي ثاني الغاليات. خاطري اهدي ام زوجي هديه للعيد
انا فكرت اهديها عطور وبخور واشتريلها طقم ذهب

بس المشكله ماعرف انواع البخور الي يحبونها الكباريه
سرت عبدالصمد القرشي ماعرفت اختار بخور لأني مب وايد اوكيه في هالسوالف وشومن عطور ودهن عود زين
عطوني اسامي الله يخليكن

وشكرا.

المزيد من آخر المواضيع من نفس القسم:

**دلوعه مغربيه** · 2011-07-31, 17:41

اخواتي ياريت لو تعطوني افكار عن الهدايا ابا اقدمها لأم ريلي

**so0oso0o91** · 2011-07-31, 17:41

الله يعينج اسألي عن العود الخشب و المخمريه و هالسوالف

**مزيونةعيناوية** · 2011-07-31, 17:48

اكثر شي العيزان يحبن العوود الخشب
والمخمريه

ومووفقه

**أنا بدر البدور** · 2011-07-31, 17:50

روووحي ياااس وخذيلهاا مخلط بو خليفه ودخون جميرا <<< احلى هديه ..

والله يعينج عليهم ..

**عسولة البرشا** · 2011-07-31, 17:50

خذي دهن عود الشيخ عبد الله في باريس غاليري ومخمريه من عبد الصمد القرشي ودخون من انفاسك دخون

**bellegirl** · 2011-07-31, 17:56

قال الله تعالى:فى سورة الأنبياء

وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ

أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

ربي يوفقج اختي

وانتي لا تقطعين ريلج عن رحمه في هذي الجمعـة

سيري وخليج كول أختي

واثق الخطى يمشي ملكا

لا تهزج كلماتهم بل قولي شكرا ترى هذا أجر لج اشكريهن والله حسنات ببلاش يزاهن الله خير ^^

وعمتج اهديها طقم صلاة وجلابيات للبيت ودخون من ياس ^^

**دلوعه مغربيه** · 2011-07-31, 17:59

مشكورات اخواتي على اقتراحاتكم

ابغي اسال هدي المخمريه ليها انواع ولا اسامي

ودخون انفاسك هدا وين محل ولا شو.

مشكورات غالياتي ماتقصرن

**مرت حبيبها** · 2011-07-31, 18:01

العيد اللي طاف اشتريت حق الوالدة هدية من أنفاسك دخون و كانت وااايد حلوة و عيبتها و هي عبارة عن شنطة فيها كلكشن عطور و دخون و عود و بودي لوشن ريحتهم جناااان ... الحقي عليها قبل ما اتخلص أكيد شيء عرض الحين حق رمضان و العيد و هذه خطوة و مبادرة حلوة منج انج بتأخذيلها هدية .. و إن شاء الله تتصافى القلوب و يحنن قلبها عليج ... و الرسول صلى الله عليه وسلم وصى بالهدية ( تهادوا و تحابوا )

**عسولة البرشا** · 2011-07-31, 18:08

انفاسك دخون محلهم في دبي مول والاتحاد مول بس اعرف هالمكانين إن شاء الله البنات بيساعدونج

**marwa2005** · 2011-07-31, 18:12

الله يهدي سرك اختي انتي ماعليكي من كلامهم وواثق الخطى يمشي ملكا واتهلاي في راجلك وولدك و عمتك

**أم حمــد3** · 2011-07-31, 18:16

الله يعينج ياااااااااااااااارب

**ايام الحزن** · 2011-07-31, 18:47

احسن شي تخلي ريلج يدخل غرفة امه وشوف شو تحب وشتريلها
ام عن اليمعه مب زين منيج تحاولي تبعدي نفسج وريلج عن اليمعه ويا اهله تحمليهن شو مسيرهن بيتقبلنج
والله كريم

**دلوعه مغربيه** · 2011-07-31, 18:52

اشكر كل اخت ردت علي

ان شاء الله الكل يتقبلني.
ايام الحزن حلوه فكرتك

**عيالي وبس** · 2011-07-31, 19:40

فدبتج محل انفاسك دخون فبوظبي فالوحده مول والله ايهنيج ويا ريلج

الموضوع: عمتي !!!!!!شسوي؟

أدوات الموضوع

عرض

العرض المتطور

عمتي !!!!!!شسوي؟

المزيد من آخر المواضيع من نفس القسم:

المواضيع المتشابهه

عمتي عمتي عمتي عمتي ام ريلي

عمتي...

بموت قهر من عمتي اتغتني ابنتي شسوي ابى نصايحكم ؟؟؟:(