قروب سبيشل k .. تعالوا نحطم الدهون في الشهر الكريم (الجزء الثاني)

**pinky pearl** · 2011-07-31, 10:10

السلام عليكم ورحمة الله وبركاته

بنات .. حريم .. ستات .. دبدوبات

أولا اهنيكم على الشهر الكريم

و أن شاء الله يعينا الله على صيامه وقيامه

المهم

أهدافنا هالشهر:
- يكون شهر الصحة والرياضة.
- ننقص فيه أكبر قدر من الدهون (مايهمنا الكيلوات نبى نتخلص من الدهون).
- نكون فيه خفاف وهذا بالاعتدال في الاكل.
- نكثر من العبادة والصلاة والدعاء لله بالصحة والعافية.
- نلبس هالعيد الى خاطرنا فيه ونزيد من ثقتنا وحبنا لأنفسنا.

فالنسبة لي هالشهر بيكون شهر التخفيف مابا احرم نفسي وفي نفس الوقت مابا أكون شرهه

يعني نبى نعلم نفسنا هذا الشهر على سياسة جديدة وهي سياسة :

" الصحن"

شو هذي السياسة ؟؟

تختارين صحن من المطبخ ويكون حجمه وسط .. مب تاخذين أكبر صحن

ربع الصحن يكون عبارة عن سلطة (دايما)

ربع الصحن يكون عبارة عن لحوم

نص الصحن يكون عبارة عن كربوهيدرات

بس حطي في بالج نقطة أن هذا الصحن هو يكون وجبتج خلال اليوم يعني لو خلصتيه على الفطور ماتقدري تاخذي غيره

و يوميا اختاري قطعة صغيرة حلى (حبة بقلاوة، قطعة صغيرة كنافة، كريم كراميل صغيرة، حبتين فاكهة، ...)

والسحور حاولي دايما يكون شي خفيف (ساندويش خفيفه أو غيره)

كل جمعة فري كلي الأخضر واليابس عسب تكسرين النظام

أتمنى تكون الفكرة عجبتكم ...

حبيت بعد اضيف نصايح أختي "غلا نفسي" لأن هي صاحبة فكرة الملاعق والتخفيف

وهي اقتراحاتها في نقاط:

- أفضل تستخدمون الصحن المجزء مع الملاعق يعني خواتي في الصحن المجزء تحطين حبتين سمبوسه حبتين لقيمات وملعقتين هريس +ثلاث ملاعق فريد هذا يوم واليوم الثاني العكس ملعقتين عيش ثلاث ملاعق معكرونه بهذي الطريقه انتي نوعتي وعطيتي نفسج حقها .......
- الجمعه هو اليوم المفتوح لج لا رياضه ولا رجيم عشان نكسر النظام ونصدم الجسم اشوي.
- بخصوص الرياضه اختاري قبل الفطور بساعه اي نظام رياضي يكون مريح لج كل يوم غيري مثلا يوم مشي يوم تمارين بطن عشان نحرق اشوي قبل الفطور بس الرياضه الاساسيه تكون بعد صلاة التراويح مشي ساعه او ايربك بس بذل مجهود.
- بخصوص السحور انا انصح بملة عيش ابيض او اسمر بس من دون ملح مع روب قليل الدسم لانه يبرد على المعده وياخذ العيش وقت لين يتهضم وفي اليوم الثاني مانتعب او نشعر بجوع حتى الشوفان اوكي لسحور.

المزيد من آخر المواضيع من نفس القسم:

**دانة_ دبي** · 2011-07-31, 10:32

حبيت فكرة الصحن
السالفة يبغي لها غض بصر عن سفرة الفطور <<

لو في مجال ابغي اشارك وياكم :

الوزن: 65
الطول: 158

**شموخي يدمرك** · 2011-07-31, 10:33

حلوووو الرجيم
خاطري اضعف اهئئ

**pinky pearl** · 2011-07-31, 10:55

حياكم بنات

وصدقوني تخيلوا الصحن معدتكم

لو حطيتي هالتصور في بالج بتتقبلين الفكرة

بس أهم شي مانترس الصحن لأنه معدتنا ومانباها تتعب وتخزن الدهون

**Miss shafaf** · 2011-07-31, 11:21

بالتوفيق حبيباتي

وان شاء الله نخف ونحن بصحه وسلامه

الخفيف+ الرياضه مهمه + شاي اخضر او اي شي مساعد للهضم

**pinky pearl** · 2011-07-31, 12:54

وين بنات القروب ماشوفكم

غالي عليه

بدوية والنعم

دلوعة

غلا نفسي

ام حسون

شوكو لايت

وينكم بنات

**غلا نفسي** · 2011-07-31, 13:15

مساء الخير بنات مبروك عليكم الشهر الفضيل ينعاد علينا وعليكم كل سنه وكل حول ......أختي بنكي مبروك عليج فتحج الجزءالثاني من قروبنا اسبيشل kيزاج الله خير ومشكوره على اتعابج وعساج دوووم على القوه ......طبعا مثل ماقلتي اختي نظامنا هذا الشهر تخفيف مش حرمان عشان نتخلص من الدهون ونعطي نفسنا الثقه أكثر في بذل المجهود طبعا اول شي نحن في هالشهر الفضيل نطلب اللاجر ورضى رب العالمين وفي نفس الوقت نطلب الصحه والبركه في اجسامنا .....نظامنا رايح يكون نظام الصحن وهو نظام واايد حلو استخدمته العام ونزلت نزول حلو عليه بس انا افضل تستخدمون الصحن المجزء مع الملاعق يعني خواتي في الصحن المجزء تحطين حبتين سمبوسه حبتين قيمات وملعقتين هريس +ثلاث ملاعق فريد هذا يوم واليوم الثاني العكس ملعقتين عيش ثلاث ملاعق معكرونه بهذي الطريقه انتي نوعتي وعطيتي نفسج حقها ....... في خلال هالشهر كله تتبعين هذا النظام راح يريحج والجمعه هو اليوم المفتوح لج لا رياضه ولا رجيم عشان نكسر النظام ونصدم الجسم اشوي وبخصوص الرياضه اختاري قبل الفطور بساعه اي نظام رياضي يكون مريح لج كل يوم غيري مثلا يوم مشي يوم تمارين بطن عشان نحرق اشوي قبل الفطور بس الرياضه الاساسيه تكون بعد صلاة التراويح مشي ساعه او ايربك بس بذل مجهود اوشوي وبخصوص السحور انا انصح بملة عيش ابيض او اسمر بس من دون ملح مع روب قليل الدسم لانه يبرد على المعده وياخذ العيش وقت لين يتهضم وفي اليوم الثاني مانتعب او نشعر بجوع حتى الشوفان اوكي لسحور ....هذي بعض الاضافات حبيت ازيدها على كلام اختي بنكي طبعا هي ماقصرت بالشرح والسموحه منكم .

**دانة_ دبي** · 2011-07-31, 13:24

سبحان الله قبل ما تفتحين الموضوع يالسة اقرىء الجزء الأول
قلت سأنضم إليكم
فحاليا اللي حاطتنه ف بالي

اشرب شاهي اخضر من مرة إلى مرتين ف اليوم ~ عقب الفطور و عقب ما امشي
و بحاول اشرب ماي قدر الإمكان
^...^

**pinky pearl** · 2011-07-31, 13:41

حياج دانة دبي

أهم شي اكتبي يومياتج حتى لو خبصتي عسب نشجعج

**mooon shj** · 2011-07-31, 23:05

هلا حبوبات

ربيعه غالي عليه

قالت انه مشتركه ف نك يديد غالي حبي
وتنتظر الموافقه من الاداره

**غالي حبي** · 2011-08-01, 00:47

أنا رجعت

مبرؤووووك عليكم الشهر

سامحوووني انقطعت غصبا عني بسبت ناس ماتخاف ربها تتحرا الصرقه بس إلي يصرق فلوووس

الله لا يسامحهم

صدق انقهرت يؤم عرفت ان عضويتي انصرقت

عافأن الله ناس ماعندها شغل إلا تصرق

**غالي حبي** · 2011-08-01, 00:52

بنكي

أنا هي غالي عليه

سجلت باسم ثاني لأن كمن مره طرشت للإدارة محد سؤالي سألفه

وكنتت أباهم يرجعووون نك نيمي

بس الله كريم

وزني يوم الجمعه

65

**Banota vip** · 2011-08-01, 06:28

اول شي مبارك عليكم الشهر جميعن ..

انه حابه اضعف و اطلع بلوك يديد حق العيد واتمنى انكم تساعدوني =(
و ابي تشيعكم عشان اقدر اواصل ..
بصراحه انا اشتركت بالمنتدى عشان احصل على تشجيكم و عجبني انكم حتى لو غلطتو تحاولون
تكملون الي بديتو فيه ..

اننننه معاكم وان شاء الله بنستمر وبنضعف وبنحصل الجسم الي نتمنااه ;p

طولي : 160 تقريبا
وزني : 62

واذا قدرت بانزل صوور ;P
بناات تشجييعكم لي

!!!

**Banota vip** · 2011-08-01, 07:11

عندي كم سؤاال وابي احد يرد علي =/
اممم ..
في امل انزل 10 كيلو بشهر ؟
او 8 بهالحدود يعني ..
و انا مابسوي رجيم بس تخفيف اكل و رياضه و طبعا مع الشاي الاخضر ..

انه بصراحه وايد سمعت عن ترهل الجسم ..
كل وحده تضعف لازم يترهل جسمها ؟
او مع الرياضه والتخفيف ممكن مايترهل !!

وسمحوولي طولت عليكم =(
بلييز ابي احد وياي عشان اتشجع =(

**دانة_ دبي** · 2011-08-01, 09:29

السلام عليكم

اليوم تسحرت 5 لقمات مجبوس + قلاص ماي
و كلت لي كراميل

احس اني مدووخة لاني كل يوم اشرب كابتشينو الصبح

انا قررت اني بمشي بس ما بشوف لاني بظهر اليوم بخلص اغراض العيد
ترى المشي ف السوق رياضة

الموضوع: قروب سبيشل k .. تعالوا نحطم الدهون في الشهر الكريم (الجزء الثاني)

أدوات الموضوع

عرض

قروب سبيشل k .. تعالوا نحطم الدهون في الشهر الكريم (الجزء الثاني)

المزيد من آخر المواضيع من نفس القسم:

..

المواضيع المتشابهه

قروب new life ✿.. الشهر الثاني ..✿

قروب: آي فــــون iPhone 3G-S {موضوع شامل لأحدث الاخبار والاستفسارات} - الجزء الثاني

قروب الرشاقة (الجزء الثاني)