بغيت رايكم

**أثير88** · 2007-07-25, 18:14

السلام عليكم ورحمة الله وبركاته :

هذه أول مره أشارك فيها معاكم ،(كنت زائره فقط)..وبغيت آخذ رايكم في شغله ألا وهي ولدي عمره(11سنه ) وهو عيناوي ويموت في شيءلونه بنفسجي (عاشق البنفسج)..والمعروف إنه البنفسج لون بناتي فكيف أخليه ولادي

وهذه ورده منيلكم عربون محبه

أرجوكم لاتبخلون بالرد

المزيد من آخر المواضيع من نفس القسم:

**ايمانووه** · 2007-07-25, 20:05

هلا الغاليه دخلي فيه اللون الاخضر يمكن يطلع ولادي

**أثير88** · 2007-07-25, 20:41

يزاج الله خير على ردج

**::المها::** · 2007-07-25, 20:46

أو دخلي وياااااه التركواز والأبيض
وإن شالله يكووون أوكيه ^_^

**أثير88** · 2007-07-25, 20:54

إنزين بخبركم عن فكرتي وقولولي رايكم..

بكسر اللون من خلال الستارة ومفرش السرير.. ومن خلال الديكورات الولادي مثلا كورنر أحط فيه كره ،كاسات رياضية معلقات تخص نادي العين..يعني شيء من ها القبيل

**فديت اماراتي** · 2007-07-25, 21:23

اممم كل شيىء بنفسجي حطي عليه شعار النادي,,

**thariya** · 2007-07-25, 22:05

الاخضر والأبيض

**الــمــدلــلــه** · 2007-07-26, 11:13

أنا حجرة عيال أخوي وهم شباب أعمارهم 20 و 18 لونها بنفسجي ابداُ ما بين انه بناتي
يمكن لأن صورهم تارسه الحجرة خخخخخخخخخخخخخخ

بس صدقيني يعتمد على درجة اللون اللي تختارينها
وأنا متأكدة لنه فالنهاية بتاخذ لمحه ولادية قوية

**Brown Leafs** · 2007-07-26, 11:34

تقدرين..تصبقين جدار واحد...بيج مثلا...والباقي عيناوي...لانه البيج بيكسر حدة اللون.......والعبي بلديكور ,وخلي الصباق يرسم لج بورد بيج عل طول اليدار العيناوي...ممكن هل فكره ؟؟!!

**أثير88** · 2007-07-28, 13:16

خاطري تتفاعلون أكثر .. أبا أفكاركم النيره

**أنــ هيامي ــا** · 2007-07-28, 13:43

ممكن ادخلين لون فاااااتح مثلا (افتح درجه من التركواز)... والبنفسجي يكون بدرجه غامجه ...
وأنا متأكده انها بتكون مناسبه لولدج ^_^
وطبعا اكيد مع الأكسسوارات الخاصة بالأولاد مثل فكرتج عن كاسات رياضيه وكرة قدم وهالسوالف أكيد أكيد بتكون ولاديه .... لاتحاتين وابدي التنفيذ ... وان شاء الله كل شي بيكون مناسب ولايق ..
وبالتوفيق

الموضوع: بغيت رايكم

أدوات الموضوع

عرض