ستاير سيدار

**ام رفاه** · 2011-07-25, 14:11

هلا خواتي منوه فصلت ستاير عند سيدار
وشو رايكم في قطعهم وشغلهم ؟؟؟؟وشو اسعار الستاير تقريبا؟؟؟؟
وحد سوى ستاير اللي يكون عليها فصوص كرستال؟؟؟؟؟

المزيد من آخر المواضيع من نفس القسم:

**طموحة** · 2011-07-25, 16:25

عن نفسي ما جربت ..بس يمدحون ستايره و اسعارهم غاليه حسب ما سمعت

**@مبدعه@** · 2011-07-25, 17:25

**حــــلاوه** · 2011-07-26, 20:52

لا اله الا الله

**ملكة الاحاسيس** · 2011-07-26, 22:27

شغلهم مضبوط وسعرهم مرفوع

**السوروفسكيه** · 2011-08-24, 17:12

والله يختى لكل واحد وجهت نظر انا سيدار من طلع وانا مش بالعتنه اتعرفين ليش لانه سعره وايد غالي مادريبهم يمكن الستاير مالهم ترمس واللى قهرنى اكثر الستاره اللى عليها كرستال عنبو ظو نصيحه منى سوي مثلي انا نص بيتنا اتخيلي ماخذه قطه من مني بزار اخبال حته الكنب اخذه من اهناك القطع اللى تيج امنقشه واعطى الريال ايلبسي اياهم وعندى ستاره انا روحي خذت كرستال واسليت فيها ترستها كرستال فول وصدقيني ما كلفتنى ربع ستارتهم فحار يعنى اما لو خاطرج عندهم ابرايج امرخصه ع قولت المثل اللى عنده افلوس وامحيره يجيب حمام وايطيره ههههه

**soordiala** · 2011-09-01, 01:44

سيدار شغلهم نظيف بس الاسعار مبالغ فيها واحس كتير ناس طايحه فيها فحتلاقي كتير اشياء مكرره..

اذا تدوري ع الموديلات .. اللي عندهم مافي شي مبتكر وفيكي تطلعي من النت اشياء احلى..

واذا ع الخامات خاماتهم كويسه بس تلاقي غيرهم ارخص وممكن احلا ، مثال .. curtain land فدبي نفس الشارع اللي فيه مفروشات الحذيفه بس ع السايد المقابل.

واذا ع الشغل انا جربت محل فبوظبي اسمه قصر الملكة شغلهم روعه واسعارهم مره حلوه

الله يوفقك فاختياراتك ويهنيكي فيها يا ستي

**سراااااب** · 2011-09-02, 21:37

الغاليه عن تجربه شخصيه لاختي من اقل من شهر مسويه عندهم ستاره للميلس

وكان شغلهم للستاره زفت وتعاملعم ازفت من الزفاته

لا والقهر تدفعين كاش قبل ما يسوولج الستاره ما عندهم عربون ما عربون

وتعالي واتورطي فيها اذا ما عيبتج ومب نفس الي اخترتيها والاسعار ناااااااااااار

لا وكانو مركبينها بطريقه بشعه والقهر انها للميلس يعني اللي المفروض يكون اجمل ستاره ستارة الميلس

وهم بس رمسه عالفاضي ...يعني تخيلي يلست اختي 3 ايام تختار في الوان الستاره واتنسقهم على كراسي الميلس

وعشموها بوجودهم ولما استلمو فلوسهم دقولها بعد كمن يوم وقالولها لا والله القماش الي اخترتيه مب موجود

والشيفون خلص

انا اقولج عن تجربه روجي لماليل الديكور وسوي عنهم ستايرج

انا اكلمج عن تجربه صارت قريبه والي اتكلم عنه هو سيدار الموجود في العين

والله يوفقج

**ملكة الاحاسيس** · 2011-09-02, 22:15

اختي سراب نحن دفعنا لهم سيدار العين مبلغ كبير للستارة!! لاتخرعيني. مبلع ضخم. وفعلا عقب كم يوم دقو لنا الشيفون مخلص وغيرناه!

**بثـينه** · 2011-09-02, 22:52

مووووووووووول ما أنصحج تسوين عندهم ><

و الله انهم حراميه .. أهلي سووا ستاره عندهم و زين انه الوالد ما كان مقتنع وقال بنسوي وحده و بنشوف كان للدري و ستاره طويييله من فوق لتحت وعليها رسم و بعد ما اعتمدوا كل شي تموا يماطلوا و كل مره يقولوا طلبكم مب موجود حاليا و آخرتها سوولهم نوع عاااااادي جدا و زين انهم ما سووا غيرها عندهم والله انها الستاره ما كملت حتى 6 شهور الا و هي مختربه ( السحاب اللي يفتح و يسكر اخترب ! )
و سووا باجي البيت عند محل أثاث والله كلمه رووووووووووووعه اشوي عليهم و ما اييون نص سعر سيدار بس صج أشكال خبال وخامتهم روووووعه واذا على الكريستال بامكانج تاخذين من أي مكان و تعطين راعي المفروشات يركبها على قطعه الستاره قبل لا يعلقها ^^

**رتوـش** · 2011-09-02, 23:44

قطعهم زينة بس ماشي تطور تحسينه اسايل قديم شوي وبعدين وايد رافعين سعر ستاير الشوارفسكي تقريبا ستارة وحدة على 24 الف !!

**::ملاك::** · 2011-09-02, 23:45

ستايرهم روعة ماشاءالله و محترمين ،، بس أسعارهم وايد غالية،، صح انج تشوفين السعر في الشغل بس بعد
،، ماجربنا اللي بالكريستال

**noorae** · 2012-05-14, 01:07

يمكن الموضوع قديم شوي
بس ماتنّصح اي حد يسوي عندهم ابد
الشغل اي كلام والخدمة والمعاملة هم كذلك
والله فصلت عندهم ستارة من ركبوها وهي اي كلام
تعبت وانا اتصل لهم واشتكي ،، مافي فايدة
خسارة الفلوس بس
ولازم الدفع كامل مقدما
حسبي الله عليهم

الموضوع: ستاير سيدار

أدوات الموضوع

عرض

ستاير سيدار

المزيد من آخر المواضيع من نفس القسم:

رد: ستاير سيدار

المواضيع المتشابهه

سيدار

وين احصل مثل باب اكوديون وستارة سيدار قماش

مين جابت ستائر سيدار

أبواب سيدار ..