مساعدة: السفر براً إلى البحرين

**عذبة الورد** · 2007-07-25, 12:52

مرحبا خواتي حبيت اسألكم كم مدة السفر براً من السعودية إلى البحرين؟؟ .. ومن البحرين إلى الكويت؟؟؟

عذبة الورد

المزيد من آخر المواضيع من نفس القسم:

**Bint BaBa** · 2007-07-25, 14:39

طال عمرج انا من الامارات ..
لاكن السفر يعتمد من منطقه لأخرى
شوفي حبيبتي من الدمام للبحرين نص ساعه
عاد من منطقتكم للدمام كم ياخذ؟

بالنسبه للكويت والله ماعندي علم

**عذبة الورد** · 2007-08-01, 00:18

مشكورة اختي على المعلومة

**um-abdulla** · 2007-08-01, 05:38

مرحبا اختي عذبة الورد

بنسبه من السعوديه الى البحرين على حسب المنطقه او المدينه يعني من الخبر الى البحرين في حدود الـ 45 دقيقه والى الدمام ساعه تقريبا وكل ما طالت المسافه كثر الوقت

ومن البحرين الى الكويت او بالعكس تريبا 4 او 5 ساعات

وشكرا اتمنى اني افدتج

**ام لولوتي** · 2007-08-01, 06:46

انا بخبرج
انا كنت افكر اسير البحرين
بس الي قريتها من موقع من المواقع انه البحرين وااايد مرتفعه الرطوبه عندهم والسعوديه حرارتها فوق 50 فقلت خل ااجل السيرة لبعد شهر 10 او بعطلة الربيع
المهم كنت مرتبه جدول للسيرة والمناطق الي بسيرها والشقق والمراكز وكل شي منظم عندي
بخبرج عن خطتي انا مقررة اسير العمره وبعد العمره البحرين
فالمسافة مثل ما بقولج
من ابوظبي للرياض بحدود 6 ل7 ساعات
ومن الرياض لمكه 8 ساعات
ومن الرياض للبحرين 3 ساعات ونص
ومن البحرين للكويت والله ما ادري
بس جان بتسيري الحين وبالبر ما انصحج الا اذا كنتي انتي وريلج بس اما العيال فحرام بيهلكون لان الكويت والبحرين ما بتقدرون تسيرون الا المراكز بس برع فطسه وحر
من الرطوبة والحرارة
وانا شفت بالاخبار ان الحرارة بعد بالكويت فوق ال50 فنصيحه اجلي السيرة للشتا

**عذبة الورد** · 2007-08-04, 02:21

مشكورة اختي um-abdulla على المعلومة..

مرحبا ام لولوتي اشكرج على المعلومات المفيدة.. وشكلي باخذ بنصيحتج..وانا بعد كنت مخططه اسير من العمره للبحرين .. ومن البحرين للكويت.. بس الحينه بأجل الفكرة لين ما يتعدل الجو..

**الماسة88** · 2007-08-04, 11:04

للرفع..

**ام لولوتي** · 2007-08-04, 11:39

هلا والله
رجعت مره ثانية

تدرين كنا مخططين نسير صلالة
بس يوم سار اخوي قالي حارة مب نفس كل سنه
فقلت خلنا نرجع لخطتنا الاولية الي هي
نطلع من الامارات للرياض ونتم يوم فيها ومن الرياض نطلع للميقات نحرم ونطلع لمكه نعتمر ونتم ليلتين ولا ثلاث ليالي
وبعدين نطلع للرياض مره ثانية نريح شوي ونطلع بنفس اليوم للبحرين نتم فيها كم يوم على حسب الضروف وبعدين نطلع من البحرين اذا اتاخر علينا الوقت في الطلعه ويانا وقت الظهر بنسير قطر بنتم فيها بالكثير يومين وبنطلع على الامارات
يعني تقريبا طلعتنا هاي ما بتقل عن 8 ايام
وبنحاول نطلع من الفجر وما بنمشي الظهر بالسيارة نخاف تخترب السيارة لان طلعتنا انا وريلي بس
وان شالله بشتري كم جلابية حلوة للعيد من البحرين
سجلت كم محل للجلابيات الكشخه

**أمووون** · 2007-08-04, 13:18

يعتمد من وين من الامارات طالعين..

نحن طلعنا من راس الخيمة الساعة 10 في الليل...

وفي بوظبي اختي جابلتنا تسلم علينا... يعني وقفنا وياها حول ربع ساعة ثلث ساعة وكلمنا..

وصلنا غويفات الفجر على الساعة 4 وشي...

وطلعنا من الحدود وصلينا في مسيد في حدود السعودية.. ومشينا

وصلنا البحرين الساعة 8 الصبح توقيت البحرين يعني تقريبا 9 توقيت الامارات

يلسنا فيها كم يوم وسرنا الكويت... المسافة من البحرين لين الكويت اربع ساعات بالتمام والكمال

ونصيحة كل ما تشوفون محطة بترول اترسوا بترول لأنه بتيكم منطقة تقريبا ساعتين مافيها محطة بترووول مووول لين قبل حدود الكويت بشوي...

والله يعينكم على السفرية لأنها شوي متعبة.. انا تعبت وحلفت توووبة اسير البحرين والا الكويت بر...

**كل الحلى** · 2007-08-09, 14:46

السفر برا من البحرين لي الكويت يستغرق ماكسيمام 4 الى 5 ساعات يعتمد على سرعة السياقة

وتحياتي لكم ولكممممممممممممم جميعا في البحرين

كل الحلى

الموضوع: مساعدة: السفر براً إلى البحرين

أدوات الموضوع

عرض

مساعدة: السفر براً إلى البحرين

المزيد من آخر المواضيع من نفس القسم:

المواضيع المتشابهه

نصائح يجب الانتباه لها قبل الشروع في السفر براً

مساعدة في السفر إلى ألمانيا

مساعدة في السفر لألمانيا للعلاج

عدة السفر براً ومع الأطفال ؟؟

لخبيرات السفر ابي مساعدة