الاخ مسوي نفسه ريال

**ورد جوري 20** · 2011-07-22, 15:19

السلام عليكم خواتي

شخباركم عساكم بخير,

خواتي الصراحه عندنا مشكله فالبيت وقامت تكبر ومحد يقدر يتكلم واتمنى خواتي انكم تساعدوني حتى ولو بدعوة. بدخل فالموضوع اخوي الله يسلمكم عصبي وااايد وما يحترم حد ودايما يعلق على كل شي ولا شي يعيبه فالبيت اما حق الناس الغرب واهل حرمته يحطهم فوق راسه اما نحن خواته لا تحت نعاله لو يقدر بيحطنا. عندي اخت متينه شوي وكل ما تاكل شي يعلق عليها يعني يقولها كلي الصحن بعد ومن هالسوالف مع انه امتن عنها ما يشوف نفسه خاطري اقوله تعيب عليها وناسي عمرك بس استحي لانه كبير وبيني وبينه يمكن 9 سنوات , بتقولون وين امج وابوج بقولكم ابوي ريال كبير وتعب منه وهو ينصحه وامي ما تقدر عليه لانه ما يحترمها ابدا ومرات يسبها هيه يسبها لا تستغربون!

بقولكم موقف وانتو احكموا منو الغلطان ؟ انا وحرمته رحنا بيت وحده نزورها واللي ودانا اختي بسيارتها وقالت ما اقدر اردكم بقول حق فلان يردكم اخوي يعني , وقالتله رد حرمتك وختك عقب صلاة العشا قال حق امي رديهم انتي انا بروح عند ربعي قال امي اوكي , بس بعدين امي تعبت فليل وهي حرمة كبيرة دقتله وقالت له روح ايبهم ويوم خذانه من بيت البنت ما خلى سبه ما قالها عن امي جدام حرمته تخيلوا بس لانها ما يت تاخذنا وخلته يقوم من عند ربعه وياخذنا ترى انا اخته مافيها شي لو خذني ووصلني البيت وربعه لاحق عليهم تخيلوا يقول عن امي اكبر خراطه وجذابه وانه بيردلها الحركه حسبي الله ونعم الوكيل يسوي عمره ريال جدام حرمته على حساب امه ناره وجنته حسبي الله ونعم الوكيل قلت حق امي اللي صار تمت تصيح قطعت قلبي تكلمه ياشر بايده يعني روحي ولي والله اني اكتب لكم وانا ارتجف وخايفه من بكره بعد ما عيون ابوي تغمض منو بيكون سندنا وهو اخونا وما يحبنا ولا يحترمنا وحرمته كانت اوكي ويانا بس بعد ما سمعت هالكلام احس انها تغيرت حتى ما تسلم شرات قبل كله منه حسبي الله عليه

انصحوني خواتي وادعولنا الله يهدنا ويصفي قلوبنا الله يوفقكم دنيا واخره امين

المزيد من آخر المواضيع من نفس القسم:

**عشقي انت** · 2011-07-22, 15:29

ماقول غير الله يهديه يارب ويصلح شانه

**الماركه شما** · 2011-07-22, 15:37

لا تزعلين حبوبه ولا تزعلين أمج واسيها وونسيها غيروا تفكيركم شوي خلي أمج تدعي له الله يهديه ويحنن قلبه عليكم .. ربي يسر أموركم ويسعدكم ويحفظ لج أمج وأبوج يارب ..

**فيراندلفلي** · 2011-07-22, 15:37

حرمة اخوج لا تسوين لها سالفة .. واخوج المحترم لو فيه خير مابيرمس عن امه جي جدام الغريب حتى لو كانت حرمته

هذا عنبوووو يقلل من احترام امه .. والله الدنيا دوراة .. وعياله بيسون اكثر من جي .. عباله عقوق الوالدين

ابلاش تروح .. بيشوفها فالدنيا والاخرة .. واخوج هذا انا لو مكانج بحاربه مابكلمه .. وبطالعه جنه العدو مب اخوي

الي مايحترم امي عمري مافكر احترمه ولا اعطيه ويه .. حتى لو كان من لحمي ودمي .. يوم يعدل اسلوبه ذيج

الساعة بفكر ارمسه .. حبيبتي انسب حل لكم .. انج انتي واختج واخواتج الثانيات تقاطعونه .. ولو رمس

وحدة فيكن لا تردون عليه مووليه .. واذا سالكم ليش .. قولوله يوم تفكر تحترم الي يابتك ذيج الساعة بنرمسك

عاملوه بجفاف .. لا تخطلون وياه .. حتى لو قال بوصلج مكان ارفضي .. اطلعي ويا ابوج واختج ابرك لج

من واحد لسانه متبري منه

**ام مـ2003ـايد** · 2011-07-22, 15:38

سبحان حالتكم نفس حالة واحد من عيال خوالي نفسه بالضبططططط

بس الفرق انه طلق حرمته وتزوج وحده متدينه بدت تغيره للاحسن لانه وايد كان عاق بأمه وابوه يحليله توفى الله يرحمه

حالتكم جدا صعبه اخوج محتاج حرمه تسنعه توقف جدامه دامه يسوي روحه ريال معنه عقوق الوالدين مالها بالرجوله شي معرف كيف يفكر اخوج تفكيره يباله فرمته صراحه ,,

لو عندكم شباب من الاهل ملتزمين ويحبهم رمسوهم بس من غير مايحس لانه اخوج شكله عنيد وممكن يتصرف بطريقه مب حلوة وتكون ردة الفعل عكسيه اهم شي ناس يحبهم ويتقبلهم شباب هالايام بصراحه صايرين مدري كيف يقهروووون ومايحترمون اهاليهم مب الكل طبعا

بالاخير
عليكم بحرمته دامه يتمظهر جدامها رمسوها بطريقه غير مباشره انه كيف ترضين جيه بأمج لان العمه بمكان الام ولزوم الاحترام

الله يهديه يارب

**J & A** · 2011-07-22, 15:42

وراء كل رجل عظيم امرأة
وراء كل رجل منحط امرأة

السموحة اذا كلامي ثقيل شوي ..

ياريت مثلا تحطون شريط محاضرة عن العقوق .. أذكر شريط سمعته زمان وسمعت اخواني والله كلهم رجفوا من الخوف ..
لا تقولين أكبر مني واستحي أنصحه ..
الرسول صلى الله عليه وسلم قدوتنا كان أصغر من كفار قريش وحمل رسالة رب العالمين لهم من دون خوف ..
ليش؟ لأن الله سبحانه وتعالى مع الحق وينصر الحق ويزهق الباطل ..
أنصحج تنصحينه بينج وبينه بالسر ..تذكرينه بالله عزوجل وعقوبة عقوق الوالدين ..
يمكن تقولين .. بيقولي منو انتي اصغر مني تنصحيني؟؟
خله يقول وخليج قوية وثابته .. قولي نعم أنصحك لأني أحبك .. مثل ما طلعنا من رحم واحد واجتمعنا في بيت واحد والدين اللي يجمعنا، نبي الله يجمعنا بعد في الجنة ان شاء الله .. وانت ان عقيت أمك ولا أبوك ماراح تشم ريحة الجنة..
وتذكر ..كما تدين تدان .. عندك عيال .. سويت خير بتلقاه .. سويت شر في أمك وأبوك وأهلك بتلقى أخس عنه .. والله بيعاقبك وبيبليك في أهلك ومالك ..
أنصحك لوجه الله مابا منك شي .. ولأني أحبك ..انت أخونا والمفروض تكون سندلنا بعد أبونا الله يحفظه .. والخ من هالكلام ..
الله يهديه يارب ويصلحه ..

السموحة على كلامي الثقيل شوي

**حلآتي بحجآبي** · 2011-07-22, 15:43

أووف شو هآآا مآا يستحي عويهه ،، ليش جي مآآ يحترم آمه .. حرآآم و الله كسرت خآاطري...

عيييب علييه الصرآااحة هذي آمه بآآجر بتغضب عليه لآ سمح الله و الله يعين من إلي

بيستوي فيه .. بآآجر عيآاله بسووون فيه جي و أخس بعدد و بيعرف سآآعتهآا شو هو بر الوآآلدين..

مآآقوول غيير الله يهديه و يصبركم علييه ...

حسبي الله و نعم الوكييل..

**لاهوبه** · 2011-07-22, 15:44

الدنيا دواااااااره وباجر بيشوف هالمعامله من عياله

والله يرزقج انتي وخواتج بالزووج الطيب عشان تفتكون من شره

مسكينه امج معاملتها بتجرحها هيييه اكثر ...

ياختيييه هذا مايخاف ؟؟
حاولي تقوليله حرام تعامل امييييي جذه باجر عيالك بيسون فيك

**غاليه الحمادي** · 2011-07-22, 15:46

انا ما بنصحج .. لآني فعلا ما بعرف انصحج بهالموقف ..

بس بقولج عن اللي بسويه لو كنت مكانج ..
بقوله كآآآآآآآآآآآآآآآآش بويهه ..
و بعطيه من الكلام الزين ..
حتى لو يكون اكبر مني ..
بس كلمه الحق تنقال ..
بقوله انت جيه و جيه و جيه .. و بليز لا تقعد تستعرض عضلاتك جدام مرتك ..
و يوم يقول حق اختج اكلي الصحن .. المفروض ترد عليه .. و تقوله و الله انت شكلك مآكل الصحن قبلي .. لآنك صاير دبل متني ..

استغفرالله العظيم .
اكره شي يوم ما يكون في احترام ..
انا من النوع اللي اعامل الناس بأسلوبهم .. الكلمه اللي تنقال لي .. ارد اقولها لهم ..
عشان يحسون بالكلمه اللي تطلع منهم شكثر تأثيرها علي ّ ..

**كيكة حلوة** · 2011-07-22, 15:47

لا حول ولا قوة الا باالله...الله يعينكم ويفرج همكم ويسر اموركم

**ورد جوري 20** · 2011-07-22, 15:47

مشكورات خواتي عالرد

الله يهديه نحن الحين ما نرمسه وهو بعد لا سلام ولا كلام
مسكينه امي طلعت كل ورثها من ابوها عشان تزوجه وابوي بعد طلع الفلوس اللي خاشها حقنا عشان يزوجونه وكل ها ولا بين بعينه ياكل ويمش ايده بالطوفه كبر الثور ويشتغل من سنين ولا عنده ولا فلس حق العرس ولا فلس واحد حطه فعرسه ماعرف وين يوديه انا مره شفت محادثاته فالمسن بالغلط قبل لا يتزوج كلها سوالف اسغفر الله ويصرفون عالبنات فالنت يحولون لهم فلوس بس عشان ...... استغفر الله

**SaяσǾ** · 2011-07-22, 16:00

كلمي حرمته خليها تحاول تغيره
وخليها تفهمه ان هالشي ما يكبره بعيونها
بالعكس اللي يسويه غلط

صدقيني حرمته هي الوحيده اللي بيسمع لها لانها اكيد تعرفله

**وردتبسم** · 2011-07-22, 16:06

**وينك ؟؟؟** · 2011-07-22, 16:32

ما بيغيره الا الدعاء له بالهداية ،، وحرمته لاززم ما تكون سلبية ،، المفرووووض تنصحه دوووم

**ابتسامة قمر** · 2011-07-22, 16:46

الله يهديه ><

كله و لا قلب الام
وانتي لااتخبرينها عن كلام اخوج لو قال شي مرة ثانية لانها لو عرفت بتتضايج ><

الموضوع: الاخ مسوي نفسه ريال

أدوات الموضوع

عرض

العرض المتطور

الاخ مسوي نفسه ريال

المزيد من آخر المواضيع من نفس القسم:

المواضيع المتشابهه

سكب على نفسه بنزينَ وحرق نفسه فدخلت عليه أمه فماذا فعلت

مسوي نفسه شريف مكه

لانجري بسعر الجملة تبدأ ب 40 ريال ولا تتعدى 65 ريال وأشكالها روعة

هدية تناسب الاعراس و الافراح قيمتها 660 ريال اوفرها لكم ب 200 ريال ::::::بالصور