فستان عرسج ؟!

**Al3'wya** · 2011-07-20, 17:17

شحاالكن يااحلواات

عاد اليوم قعدت ادور موضووع حلوو ويديد

فستاان عرسج

منو اختااره لج ؟!

حبيتيه ؟!

شو اطرف موقف استواالج وانتي لابسته ؟!

وريلج شوو قال يووم شاافج ؟!

هه ببدى باول موقف

موقف اختي .. لانها ما تهنت بعد الملجه بشهرين صار العرس وبالموت لقت فستاان لانها واايد ضعيفه والمشكله كان شكله يهبل قبل لا يضوقوونه ,, بس بعد ما ضوقوه شكله >< المهم اختي اول ماشافته قعدت تصيح وقالتلهم يركبوله ايد بس ما حطوله وتم بس عالصدر , ومسكينه كل شوي تقول احسه بيطيح ماشي يمسكه ونحن ميتين عليها من الضحك ،، لما شافها ريلها عالكوشه قالها مالقيتي غير هالفستان المفصخ قامت اختي ادمع عقب قالها لا بس اغار عليج ههه <<رقعهااا اونه عاد

اترياا مواقفكن يااحلواات

ممنوع الملاقيف << لا امزح

المزيد من آخر المواضيع من نفس القسم:

**امل نبيل** · 2011-07-20, 17:27

انا قعدت ادور من مكان لين مكان عشان فستان العرس و أخيرا حصلته في مكان ما توقعته المهم كانت المصممة ع وشك تخيطه و عجبني التصميم فخذيته والحمدالله كانت اول لابسة والكل عجبه الحمدالله......
اما عن اظرف موقف: كانت اخر بروفة لي قبل العرس والأهل كانوا وياي (أمي- يدتي -عمتي ١ - عمتي٢ - مرت عمي و بنتها) فضيحة طلعت لهم وانا لابسة الفستان كلهم صاحوا وانا صحت معاهم والمصممة استغربت اول شي و يوم عرفت أني اول حفيدة تاثرت
وعن ريلي ما خليته يشوفه الا يوم العرس

ايام حلوة والله

**فديتني نونو** · 2011-07-20, 17:47

انا فستان عرسي صممه ايلي صعب

خرطه ملقوفه عشرطعش

**Al3'wya** · 2011-07-20, 17:50

المشاركة الأصلية كتبت بواسطة فديتني نونو

انا فستان عرسي صممه ايلي صعب

خرطه ملقوفه عشرطعش

ههه

لا انا زهير مرااد << ههههه عميتها مره وحده

**مواليد2010** · 2011-07-20, 17:47

للرفع

**"زوزو1"** · 2011-07-20, 17:50

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**DeMaNyّ!** · 2011-07-20, 17:59

الحمدلله أبـدا ما تعبـت فــي فستــان العرس كنــت حاطة مصممة فـي بالــي و يوم روحـــت لقيــــت
اللي ع ذوقـــي

...

وفي البروفــا كنــت أبـا اللبس روحي و عقــب ما خلتني المصممة >>> ><"

وكانوو معايه ماماتي و خيتوو نخوبـة و خيتو الصغيرة دومي حشيم

...

وكلــهم مااااااااااااتو ع الفستاااان >>> قالووا << طالعــه أميـــرة

...

و إن شــاء الله ياااااااااااااارب يعيـــب ريـــلي

........

وبخبركم عقب العرس إن شاء الله

**adom** · 2011-07-20, 18:31

اممممم انا استاجرت الفستان وعيزت وانا ادور لين لقيت واحد نفس اللي انا اباه وطبعا معايه خواتي خخخ وما راويته ريلي لين يوم يوم العرس لانه مفصخ شوي وخفت يعصب مع انه فخاطري خخخ

كل اللي شافوه يوم العرس تخبلو عليه كان صدق شي شي

ااااااه ذكرتوني يهاذيج الايام ليتها ترد والله

**om dana2012** · 2011-07-20, 18:51

هههههههههه
والله الصراحة روووووووعة

**Al3'wya** · 2011-07-20, 20:33

وينكن يالمعرساات

شاركووناا

ويالملقووفات بعد شااركوناا بتجاارب خواتكن والعزيزاات عليكم

**يحبك موت** · 2011-07-21, 02:34

أنا الحمدالله ما تعبت كنت حاطة في بالي اروح لكذا مصمم والحمدالله لقيت عند المصمم احمد الرياسة وصرااحة رووعة الفستان ما علية كلام واول لبسة طبعا وكان مأخذ الاول ع لبنان في هلفستان

امممم احلا موقف كنت كل ما اروح اقايس البروفة يا يكون وسيع اوضيق هههههه واخر بروفة حلفت ماروووح

**زيباشو** · 2011-07-21, 03:44

انا بعد حصلت الفستاان بعد ما لفيت على كم محل دبي شارجه لين حصلته وكانت المصممة بعدها تخيطه وخلصته قبل عرسي بكم يوم ، وكل ما اسير اسوي بروفة اتضيقه ، وليلة عرسي اضطرينا انضيقه زياده بدبابيس
الكل انبهر ولله الحمد ولين احين يقولون ان فستاني كان غريب وحلو ،،

والموقف المحرج انه في ليلة العرس مرتين التنورة (فستاني كانت عبارة عن قميص وتنورة منفوشة مثل الفستان) المهم طاحت عني تخيلو مرة وانا فالصالون ومرة وانا اصور في الغرفة من كثر ما ضعفت والتنورة كانت بدون سحاب بس مثل الزر الحديدي فكنا انسكرها وتنفتح اهئ اهئ،،، كنت على اعصابي ومع ان حطينا ابر
المهم مرت الليلة بسلام وبدون فضيحة ولله الحمد

**ايام الحزن** · 2011-07-21, 04:10

انا محد خلاني البس فستان على اساس اونه عيب لبسوني مغربي بس بعد عرسي كل بنات العايلة لبسن فساتين محد قلهن عيب ومنقود ذكرتيني بالذي مضى أهئ أهئ أهئ

اهاااااااا صبتني حسرة

**دلوعه يسوف** · 2011-07-21, 09:02

أنا فستان عرسي عيب الكل وكان فخم بس
بس
أنا ما حبيته
لانه مب ذووقي
واااايد دفش
ومارمت أمشي فيه
ما حبيته
واللي قهرني
وزاد قهري
قالتلي اللي تسوي بروفه مب لازم تلبسين تحته ستيان
وطلع شكلي مبهدل
قصت علي
أونه بضبطه لج
هئ هئ
ريلي ما علق كلش
وهو بطبعه ما يعلق
قهرررررر

**Hno0odah** · 2011-07-21, 10:25

انا نفس الشيء عرسي كان بعد الملجه ب 3شهور تقريبا
ما خليت مكان ما دورت فيه فستان حق عرسي ولا شيء عيبني

آخر شيء اهلي كانوا رايحين السعوديه يتمشون
وانا ما سرت وياهم عشان الكليه كنت ماخذه صيفي ابغي اخلص
في الاخير اختيه يلست اتقولي في السعوديه عندهم فساتين روعه واسعارها جدا معقوله ولا اذا تبين تفصيل بيفصلولج ومن هالكلام

في النهايه قلتلها اوكي وكانوا كل ما يدشون محل يا انهم يصورولي الفساتين
يا انهم يكلموني فيديوا كول

في الاخير استقريت على واحد معني ما جفته وااايد اوكي بس اعتمد على كلام اختيه وعمتيه واميه وعمي كان معاهم بعد

والحمد لله الفستان الكل عيبه والكل سالني عنه

وبصراحه اكثر انا اتصدقت فيه .. ولبسنا للحين 3 عرايس من بعدي وما اعرف حاليا الفستان وين وصل لوووول

والله يسعد كل وحده راح تلبسه

الموضوع: فستان عرسج ؟!

أدوات الموضوع

عرض

العرض المتطور

فستان عرسج ؟!

المزيد من آخر المواضيع من نفس القسم:

المواضيع المتشابهه

فستان عرسج

وين/ اجرتي / فستان / عرسج / ؟

فستان عرسج