وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

**دنيـآ دنيَـه** · 2011-07-18, 20:44

*

استغفــــــر الله العظيـــــــــم

**مغتربة2** · 2011-07-18, 20:59

موضوع ممتاز يستاهل الرفع
انا ان شاء الله برتب جدولي وبعدين بشارككم به

**دهن العود.** · 2011-07-18, 21:05

السلآم عليكم ورحمة الله وبركآته ...

بالنسبه لي إن شآء الله مآ بشوف ولآ مسلسل ..

و إن شآءالله نآويه أختم القرآن ثلآث مرآت ^^

بتفرغ للسويتآت والأكل بعد العصر ..

جهزت رسآيل نصيه فيهآ أدعيه و أحآديث ونصآيح رمضآنيه ..

و إن شآء الله بصلي الترآويح في المسيد ويآ يدتي =)

و الله يتقبل منآ ومنكم صآلح الأعمال ^^

**زيباشو** · 2011-07-18, 21:28

المشاركة الأصلية كتبت بواسطة جمر بارد

انا الحمدالله

قررت اصوم

خخ

هههه

اما عني ..
جدولي (مع اني كتبت رد في موضوع نفس هالموضوع

1-اتسحر واصلي الفير وانام
2-اقوم الصبح على 11 او 12 واسوي ريوق حق بنوتاتي ،
3-اصلي الظهر واقرا قرآن
4-شوية استراحة وتنظيف البيت وترتيب
واصلي العصر
5-ادخل المطبخ واجهز للفطور
6-نفطر شي خفيف واصلي المغرب واقرا قران
7-قيلولة الفطور هههههه لاااااااااااازم
واصلي العشا عقب اذا عندنا مشاوير للسوق للعيد نطلع ..
8-الليل اصلي قيام الليل واقرا قران

وباذن الله اختم القران والله يتقبل منا ان شاء الله

**مآلي شبيه..~** · 2011-07-18, 21:34

المشاركة الأصلية كتبت بواسطة al-jo0oharh

يا دوري اخبركن بجدول جوجو لرمضان هالسنه باذن الله تعالى

1-ختم القران مرتين السبب الاول لاني كل مره اقول بختمه اكثر عن مره ولا اسوي شي عسب جي في رمضان هذا ابغي فعل مب كلام وبختمه مرتين باذن الله بقسم الختمه الاولى لين نص رمضان ومن نص رمضان ببدي الختمه الثانيه باذن الله

2- بساعد الاهل بالفطور بخلي وقت من بعد صلاة العصر بدخل المطبخ

3- بتصدق يوميا بمال ولا مساعده ولا ابتسامه ولا نشر اي موضوع يفيد الناس واخذ عليه حسنات اي فكره بسيطه تعتبر صدقه راح اسويها باذن الله

4- التقرب من الله اكثر من حيث الاذكار الصلاه السنن والنوافل وقيام الليل

5- ان شاء الله بسهر بعد صلاة الفجر لين ما تشرق الشمس تعتبر لي عمره وحجه في رمضان ان شاء الله

6- قيام الليل في الثلث الاخير من الليل للدعاء والاستغفار

7- الاستغفار باليوم 1000 مره

8- قرائة سورة البقره او سماعها للبركه

9- صلات التراويح في المسجد او البيت

10 - الالحاح بالدعاء في كل وقت ووقت الفطور وبين الاذان والاقامه وبقيام الليل وفي وقت الصوم

11- اافطار صائم لوجه الله

هذا جدولي باذن الله في رمضان والله يثبتني عليه ويتقبل مني ويرضا عليه وييسر لي اموري باذن الله

يلا بنات

قولن جداولكن ولا تنسن الاجر اللي راح تحصدن عليه يوم كم وحده تستفاد من جداولكن ^^

:55 (4)

جدووولج روووعه

الله يوفقنااا

**سوالف بحر** · 2011-07-18, 21:35

شكررررررررا للطرح
ماعندي ترتيب بصراحة لان رمضان يفرض ترتيباته
واهمها اني كل سنة الحمدلله اختم القران ثلاث مرات لكن السنة الماضية ختمته مرتين بس للاسف
مرة لامي لانها ماتقرا ومرة لاخي المتوفى باول رمضان ومرة لنفسي ربنا يتقبلها انشالله
وصلاة التراويح والقيام
وهي اهم الامور طبعا
شكرررررر
ومبروك عليكم الشهر

**برستيجي غير!!** · 2011-07-18, 21:37

{.. موضوع حلوو

والله يبلغنا رمضان ان شاء الله

اول شي راح اعدل رقاادي بدل السهر ليين الصبح

بعدين في اول يوم رمضان بروح المسيد حق صلاة التراويح مسويه توزيعات من مجهودي ومجهود اختي وراح نوزعهم للحريم لوجه الله تعالى >> السنة اللي طافت سويت نفس الشي ووزعته لكل البيت وحق كل واحد يعطي ربعه وحبيت الفكره وراح اطبقها هالسنة ان شاء الله وانصحكم تجربونها

وبعدين اختي الكبيرة مسويه جدول توزيع الطبخات والاشياء اللي كل واحد شوو يسوي

وبحااول اختم القران ولو مرتين على الاقل ومااننسى الدعاء والاستغفار وااحااول اني ماعصب ولا ازعل حد على اي شي

بس مع هذه كله راح احااول مااتابع مسلسلات وهالخرابيط في شهر الخير

والله يتقبل منا ومنكم صالح الاعمال

..}

**وفــــــيه** · 2011-07-18, 22:34

لا اله الا الله
يستاهل الموضع الرفع
جزاج الله خير

**al-jo0oharh** · 2011-07-19, 09:07

لا هنتن عالمرور المبدع والجداول القيمه

وان شاء الله بميزان حسناتكم ياربي

**أم يمن** · 2011-07-19, 12:16

بلغنا الله رمضان بخير
أنا من أول ما اتزوجت هذا أول رمضان راح أكونه في الأمارات لأني بالعاده اسير سوريا عند الأهل بس الحين الأوضاع ما بتسمح فما بعارفه كيف أنظم وقتي بين البيت والعباده وخصوصا أنو عمتي راح تكون عندي

**بنت العين 200** · 2011-07-19, 13:00

ربييه يوفقج جوجو عالموضوع الحلووو

وربيه يتقلبناا مناا طاعتنااا ويوفقنا ويسهل علينا رمضان
موفقات فديتكن

**ام سعووود^_^** · 2011-07-19, 13:08

استغفر الله واتوووب اليه

**لزق شفاف** · 2011-07-19, 13:59

باذن الله بصلي القيام يوميا والنوافل ^^ باذن الله

سبحان الله العظيم وبحمده

**موااااااز@&@** · 2011-07-19, 16:36

بحاول أختم القرآن أكثر عن مرتين إن شاء الله وبصلي قيام الليل دايما وبكثر من الإستغفر أكثر عن 500 مرة في اليوم وإذكار الصباح والمساء دايما لازم انداوم عليه ,, وأكيد بدخل المطبخ وبسويلهم توست بالتونة,, ولفائف الرقاق بالدياي,, وجلي فواكه بالبسكوت,, وأكيد بتعلم أشياء يديده وبسويها لهم^^
وصلاة الترويح بصليها فالبيت أو المسيد وبكثر من الدعاء وما يخلص رمضان إلا وربي يحقق لنا كل إلا نتمناه قولوا آآآآآآمين ,, والصدقة لازم ما ننساها,, وبحااااول إن شاء الله م أتابع أي مسلسل نهائيا وربي يقدرني ويقدركم على فعل الخير وطاعة الرحمان

إستغفر الله العظيم الذي لا إله إلا هو الحي القيوم وأتوب إليه

**رشوودي حياتي** · 2011-07-19, 17:57

للرفـــــــــــع

^
^
^

أستغفـــــــــــر الله وأتوب إليه

الموضوع: وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

أدوات الموضوع

عرض

المواضيع المتشابهه

منو تعالجت من عرق النسا اللي ترد علي ربي يفرج كل همومها ويحقق امانيها

متى قررتي تسوي رجيم وشوسبب

اللي اتحب الله يفرج عليها همومها تدخل

اقري هذا الموضوع عسى الله يفرج همج

بنات ابو ظبي / الله يجزاها الجنه الي ترد علي او ترفع الموضوع