وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

**al-jo0oharh** · 2011-07-18, 13:57

المشاركة الأصلية كتبت بواسطة الله يحفظهم

الله يبلغنااااااا رمضان بصحه وعافيه
الحمد لله الله مثبتني في كل رمضان اختم ثلاث او اربع ختمات ..كل يوم اقرا خمس اجزاء..ان شاء الله اختم القران اكثر
ثاني شي ..ناويه باذن الله اني اسير انا وعيالي كلهم مع بو عيال على صلاة التراويح والله يثبتنااا على طاعته
ثالث شي ..اني معوده عيالي مقاطعة المسلسلات والافلام وغيره ..ومتابعة قناة المجد والعفاسي ..وهذي عاده مربيه عيالي عليها ..حتي في الايام العاديه ما خليهم على متابعة التلفزيون وحريصة على هالشي
رابع شي ...الحمدلله في كل سنه ابعث للاهل والاصدقاء رسائل على الحث واهمية الصدقه في هذا الشهر الكريم واخراج الزكاة وتوصيلها للفقراء ومحتاجين اينما تواجدوا
رابع شي ..كثرة الاستغفار والصلاة على النبي الكريم
خامس شي ..عدم الاكثيار من الاطعمه على الفطور ..لاني في كل رمضان انوع من الاطعمه والحلويات وتزيد ومحد يهبشها ..وغيرنااااااا ممحصلين اللقمه ياكلونها
سادس شي ..ما سير السناتر والاسواق ..والحمدلله خلصت اغراضي واغراض الاعيال ..واذا اضطريت اسير الصبح عن الزحمه والمناكر في الرمضان
سابع شي ..امسك اعصابي عن العصبيه مهما ستوى ..واستغفر الله بنية البعد عن الضيق

ماشاء الله تبارك الرحمن الله يحفظج ويحفظ لج عيالج وريلج ويثبتكم عالطاعه يارب اللهم امين

المشاركة الأصلية كتبت بواسطة ام سعووود^_^

ماشاءالله عليييكم الله يعوووده عليكم ان شاءالله كل سنه وكل حوول
وان شاءالله ماااتضعف همتكم في رمضان

انا ماااسويت جدول
بس اهم شي في رمضان اني ناويه اختم القران اكثر عن مره

والمطبخ الظهر ادخله مع اللاب توب اشغل محاضرات او اسمع قران انصحكم تسمعون (سلمان العتيبي )صوته رووعه الله يحفظه

والتراويح من عرست ويبت عيال مااقمت اسير المسيد بس اصليها في البيت واللحين الحمدالله عيالي كبرو شوي بحاول اسير المسيد

وعن الصدقه انصحكم تحطون حصاله انا اخذه من كارفور عند اللي يجمعون الصدقات اجمع فيها الصدقات وعقب اوديها لهم واخذ ثانيه

وانتريا جداااول البنات ناخذ افكاار منهم

انا جذه كنت اسوي بسالفه الصدقه برمضان اللي طاف

وان شاء الله تستافادين من جداول الخوات

المشاركة الأصلية كتبت بواسطة أم حصه

موضوعج جدا مميز وان شاء الله الكل يستفيد منه ..

برتب جدولي وبخبركن ان شاء الله ..

بنتظارج حبيبتي ^^

وواللي حابه تستخف دمها عالموضوع اقولها مكانج غلط ربي يسلمج في قسم ترفيهي حق النكت ^^

**رعشــ هدب ــة** · 2011-07-18, 13:59

مشكووورة وايد على هالموضوع الحلو
أنا حوستي حوووووووووسة ههههههههههههه أنش الساعة 10 الصبح أريق عيالي عددهم 3 وسنهم صغير ومتقارب وعقب أسبحهم وأصلي الظهر وأنزل المطبخ والحمدلله الله بلاني بخدامة ماتعرف شي مييييييييح مع أنها مشتغلة فالسعودية 15 سنة طبخ شفتوا عاد وتخيلوا أتم من صلاة الظهر لين قبل المغرب بشوي فالمطبخ مع أنه عايلتي صغيرة بس ما أحب أتكل على البشاكير فالفطور وبس يوم واحد أتكلت عليهن أذن والفطور بعده مب زاااهب وعقب مانفطر ونصلي نيلس ويا لعيال لين صلاة التراويح والرياييل يسيرون المسيد وأنا وبنتي نصلي فالبيت لأني ما أقدر أودر عيالي بروحهم وعقب صلاة التراويح نزور الأهل أو نقضي أغراض العيد من السوق ومتعودة أختم القرآن مرة وحدة فرمضان وبعد ما أرقد عيالي أصلي وأقرا قرآن وأتم لين الفير ما أنام لانه هالوقت يكون بالي مرتاح وعيالي رقود وأفضى حق عمري وطبعا طول ما أنا أكون فالمطبخ أستغفر وأسبح
الله يحفظهم ماشاء الله عليج تربيتج صالحة أنا جيه كنت معودة عيالي حتى الأثنين والخميس يصومونه بس من كبروا كل شي تغير والله يهديهم

**الورد الأحمر** · 2011-07-18, 13:59

اول شي ب اسجل حضوري عندكم
وبعدها بكتب ع ورقة شو ناوية اسوي ب هالشهر الكريم
تسلمين ع الموضوع

**وردة الجاردينيا** · 2011-07-18, 14:05

بعدنيه ما سويت جدول

بس اكيد بيكون فيه ختم القران ان شاء الله اكثر من مره و الاستغفار و الاذكار و الدعاء و صلاة التراويح و قيام الليل و زيارة الاحباب

طبعا ككل مره ما احب اشوف التلفزيون فرمضان

**كلى دلال** · 2011-07-18, 15:53

السلام عليكم ورحمة الله وبركاته

بعدني ما سويت جدول بس محطيه فى بالى افكار

**عروس العيم** · 2011-07-18, 16:24

جوووجو اللهم امييني فديتج ويثبت كلنا ان شاء الله ويعينا ع طاعته
وربي يتقبل منا ومن المسلمين يميع يارب صالح الاعمال

**غرنوق رعبوبة** · 2011-07-18, 16:31

الله ايبلغنا رمضان ان شاء ناوية اقوم الليل واختم القرآن الكريم اكثر من ختمة .

**بنوتـــهـ** · 2011-07-18, 16:33

انا ف رمضان من 3 او 4 سنين نظام واحد

افكر اختم 3 مرات . .
اصلي تراويح يوميا ان شاء الله . .

اساعد ف المطبخ باللي اقدر عليه . .
التلفزيون عقب الفطور شويه لو مسلسل محلي او كوميدي وبس . .

ام لستة المسلسلات الطويله العريضه خليها حقهم ^.^

**حــــلاوه** · 2011-07-18, 16:49

لا اله الا الله

**فطـــاميـــ** · 2011-07-18, 16:59

ان شااااااء الله ان شااااااء الله .. ان شااااااء اللله
بفرررغ وقتي لعبااده الله ... بـ قرآءه القرآن ... لآني بعدي صغيره وما عندي مسؤؤولياات خخخ ... يعني لا مطبخ ولا عياال خخ
وانا قريت مواضيع كيف اختم القرآن ف ثلآث أيام ...... قبل وقت السحور أقرآ جزء ونص و ما بين الأذان والأقامه أقرآ نص جزء ...بكون قريت جزئين الفجر و هكذآآ بقيه اليوم .....
عند كل صلآه جزئيين .... بختم القرآن بأذن الله

**فــــــرووحـه** · 2011-07-18, 17:04

موضوع رائع ..
موفقه الغاليه ^^
ببداء ارتب جدولي ان شاءالله..
وكل عاام وانتوا بخير جميعااا

**فطـــاميـــ** · 2011-07-18, 17:06

تسلمين والله عالموضوووع ^.*

**"زوزو1"** · 2011-07-18, 17:18

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**quoot** · 2011-07-18, 17:29

للرفع

**بنت البلوشي20** · 2011-07-18, 18:41

ان شاء الله بسسسوي لي جدول
وانا نويت اختمه اكثر من مرتين ان شاء الله

الموضوع: وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

أدوات الموضوع

عرض

المواضيع المتشابهه

منو تعالجت من عرق النسا اللي ترد علي ربي يفرج كل همومها ويحقق امانيها

متى قررتي تسوي رجيم وشوسبب

اللي اتحب الله يفرج عليها همومها تدخل

اقري هذا الموضوع عسى الله يفرج همج

بنات ابو ظبي / الله يجزاها الجنه الي ترد علي او ترفع الموضوع