وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

**al-jo0oharh** · 2011-07-18, 10:07

مساكم وصبحكم بالخيررر اخواااتي الغاليات .
رمضان على الا بواب
مبرووووك عليكم الشهر
قولو امين
الله يبارك لنا ماتبقى بشعبان ويبلغنا رمضان باتم الصحه والعافيه
.
.

ندخل بالمووضوع

كيف راح يكون جدولك برمضان ؟؟

هل رمضان هذا العام زي العام اللي قبل .؟؟
ولا فيه جديد ؟؟

شاركينا جدولك الرمضاني ....؟ من طاعه من سهر من تنظيم من طبخ ونفخ من طلعات
من تنظيف من زيارات من سحور ..الخ

شاركيناتجربتك
و افكارك وجدولك الرمضاني
لسنه 1432
وخلونا نفيد بعض
ونكسبك الا جر والفائده

لاتبخلو علينا بردود والفائده

الموضوع منقول طبعا

عيبتني فكرته

يلا بنات وحريمات نبا رمضان هالسنه غير علينا كلنا نبا نغتنمه بالطاعات وننظم وقتنا فيه

يلا كل وحده تسوي لها جدول وتخبرنا به ونفيد بعضنا

لي رجعه لكم بجدولي باذن الله ^^

ومبارك عليكم الشهر

المزيد من آخر المواضيع من نفس القسم:

**جواهر2002** · 2011-07-18, 10:27

طبعا اول شي بيكون قراءة القران وبعدين على المطبخ وترتيب الفطور وبعد التراويح بعض الاعمال الخيرية وزيارة الاقارب

**أم .تيا** · 2011-07-18, 10:39

مشكورة اختي عالموضوع والله ان من يومين افكر كيف بنظم وقتي خصوصآ اني موظفة ورمضان السنة هو اول رمضان وانا عندي بيبي

ياريت يكون رمضان السنة مثل رمضان الي فات

كنت حامل وصايمة بس كنت احاول ما اتعب نفسي بالطبخ والحمدلله قضيته بالعبادة والقرآن والأذكار وقيام الليل

الله يقدرني واعطي اكبر وقت للعبادة إنشاء الله
نص رمضان دوام والنص الثاني بسافر لعند الأهل بسوريا بأذن الله إذا تحسنت الأوضاع عندهم
والحمد لله عند الوالدة نصلي التراويح والتهجد ونقوم الليل جماعة عندنا في البيت

الله يتقبل من كل المسلمين والمسلمات صالح الأعمال يارب العالمين ودعولي لبنتي بالشفاء

**@مبدعه@** · 2011-07-18, 10:43

تسلمين عالطرح الرائع

**عواشهـ** · 2011-07-18, 10:47

انا متابعه لتتطبيق ...

**al-jo0oharh** · 2011-07-18, 11:03

يا دوري اخبركن بجدول جوجو لرمضان هالسنه باذن الله تعالى

1-ختم القران مرتين السبب الاول لاني كل مره اقول بختمه اكثر عن مره ولا اسوي شي عسب جي في رمضان هذا ابغي فعل مب كلام وبختمه مرتين باذن الله بقسم الختمه الاولى لين نص رمضان ومن نص رمضان ببدي الختمه الثانيه باذن الله

2- بساعد الاهل بالفطور بخلي وقت من بعد صلاة العصر بدخل المطبخ

3- بتصدق يوميا بمال ولا مساعده ولا ابتسامه ولا نشر اي موضوع يفيد الناس واخذ عليه حسنات اي فكره بسيطه تعتبر صدقه راح اسويها باذن الله

4- التقرب من الله اكثر من حيث الاذكار الصلاه السنن والنوافل وقيام الليل

5- ان شاء الله بسهر بعد صلاة الفجر لين ما تشرق الشمس تعتبر لي عمره وحجه في رمضان ان شاء الله

6- قيام الليل في الثلث الاخير من الليل للدعاء والاستغفار

7- الاستغفار باليوم 1000 مره

8- قرائة سورة البقره او سماعها للبركه

9- صلات التراويح في المسجد او البيت

10 - الالحاح بالدعاء في كل وقت ووقت الفطور وبين الاذان والاقامه وبقيام الليل وفي وقت الصوم

11- اافطار صائم لوجه الله

هذا جدولي باذن الله في رمضان والله يثبتني عليه ويتقبل مني ويرضا عليه وييسر لي اموري باذن الله

يلا بنات

قولن جداولكن ولا تنسن الاجر اللي راح تحصدن عليه يوم كم وحده تستفاد من جداولكن ^^

**عروس العيم** · 2011-07-18, 11:03

جوووجووو حبيبي يسلمو ع الموضوع
ومبارك علينا وعليكم الشهر الفضيل مقدما
والله يبلغنا هالشهر بالصحة والعافية والله يتقبل منا صالح اعمالنا يارب

بالنسبة لي انا راح اعطيج التقرير المفصل

طبعا كالعادة الصبح ف الدوام
ارد البيت اصلي العصر وادخل المطبخ اساعد ماماتي ف المطبخ طبعا انا اتفنن باطباقي
كردون بلو - معكرونة بشاميل ....... الخ الخ
بس حاليا جهزت بعض الاشياء والخفايف اللي حطيتها ف الفريزر مثل
( ورق عنب - سمبوسة جبن - سمبوسة بطاط - سبرنغ رول دياي - سبرنغ رول بيتزا - رولات الدياي بالتوست والبقسماط )

طبعا بعد الفطور برتاح شوي وعقبها بتوكل ع الله مع ماماتي وبنسير المسيد لصلاة العشاء والتراويح وعقبها ارد البيت وبنشوف يا الاهل والمعارف يزرونا او احنا نزروهم هذا ف اول ايام رمضان
اما يوم الخميس ف هذا اليوم حق بيت يدوتي وبعدين بنشوف باجي الايام متى بننزل للسوق نتشرا للعيد ونجهز حق القرقيعان
والعشرة الاواخر نحاول نكون مخلصين اشغالنا عشان نتفرغ حق صلاة القيام

هيه صح قبل ما انسى طبعا طول اليوم طبعا راح يكون في وقت اني اقرا القران ووقت للتسبيح والاستغفار طول الوقت اللي اكون فيه ف المطبخ او وانا اسوق وفي اشياء ثانية يعني حلو ان تكون بيني وبين ربي ماحب اذكرها واعتقد انتي فاهمة شو اقصد ^_^
والله يتقبل منها ان شاء الله

وان شاء الله ما اكون نسيت شي
سوري ع الاطالة

**uae13122** · 2011-07-18, 11:05

**al-jo0oharh** · 2011-07-18, 11:16

المشاركة الأصلية كتبت بواسطة عروس العيم

جوووجووو حبيبي يسلمو ع الموضوع
ومبارك علينا وعليكم الشهر الفضيل مقدما
والله يبلغنا هالشهر بالصحة والعافية والله يتقبل منا صالح اعمالنا يارب

بالنسبة لي انا راح اعطيج التقرير المفصل

طبعا كالعادة الصبح ف الدوام
ارد البيت اصلي العصر وادخل المطبخ اساعد ماماتي ف المطبخ طبعا انا اتفنن باطباقي
كردون بلو - معكرونة بشاميل ....... الخ الخ
بس حاليا جهزت بعض الاشياء والخفايف اللي حطيتها ف الفريزر مثل
( ورق عنب - سمبوسة جبن - سمبوسة بطاط - سبرنغ رول دياي - سبرنغ رول بيتزا - رولات الدياي بالتوست والبقسماط )

طبعا بعد الفطور برتاح شوي وعقبها بتوكل ع الله مع ماماتي وبنسير المسيد لصلاة العشاء والتراويح وعقبها ارد البيت وبنشوف يا الاهل والمعارف يزرونا او احنا نزروهم هذا ف اول ايام رمضان
اما يوم الخميس ف هذا اليوم حق بيت يدوتي وبعدين بنشوف باجي الايام متى بننزل للسوق نتشرا للعيد ونجهز حق القرقيعان
والعشرة الاواخر نحاول نكون مخلصين اشغالنا عشان نتفرغ حق صلاة القيام

هيه صح قبل ما انسى طبعا طول اليوم طبعا راح يكون في وقت اني اقرا القران ووقت للتسبيح والاستغفار طول الوقت اللي اكون فيه ف المطبخ او وانا اسوق وفي اشياء ثانية يعني حلو ان تكون بيني وبين ربي ماحب اذكرها واعتقد انتي فاهمة شو اقصد ^_^
والله يتقبل منها ان شاء الله

وان شاء الله ما اكون نسيت شي
سوري ع الاطالة

الله يثبتج عروووستي والله يحقق لج اللي تبينه ويرضا عنج ان شاء الله ^^

ام تيا الله يشافي لج بنتج يارب وتقر عيونج بها وهي سالمه يارب

**روح الشامسي1** · 2011-07-18, 11:29

انا رمضان راح يكون عندي غير الولادة راح تكون اول رمضان يمكن اصوم كم يوم ويمكن لا
الله يسهل علي ان شاء الله
بس الي اقدر اسويه اسمع قرآن واستغفر واتصدق واجهز الفطور حق ريلي

**ام نانو** · 2011-07-18, 11:52

موضوع اكثر من راااائع

يعطيج العافيه

**الله يحفظهم** · 2011-07-18, 13:13

الله يبلغنااااااا رمضان بصحه وعافيه
الحمد لله الله مثبتني في كل رمضان اختم ثلاث او اربع ختمات ..كل يوم اقرا خمس اجزاء..ان شاء الله اختم القران اكثر
ثاني شي ..ناويه باذن الله اني اسير انا وعيالي كلهم مع بو عيال على صلاة التراويح والله يثبتنااا على طاعته
ثالث شي ..اني معوده عيالي مقاطعة المسلسلات والافلام وغيره ..ومتابعة قناة المجد والعفاسي ..وهذي عاده مربيه عيالي عليها ..حتي في الايام العاديه ما خليهم على متابعة التلفزيون وحريصة على هالشي
رابع شي ...الحمدلله في كل سنه ابعث للاهل والاصدقاء رسائل على الحث واهمية الصدقه في هذا الشهر الكريم واخراج الزكاة وتوصيلها للفقراء ومحتاجين اينما تواجدوا
رابع شي ..كثرة الاستغفار والصلاة على النبي الكريم
خامس شي ..عدم الاكثيار من الاطعمه على الفطور ..لاني في كل رمضان انوع من الاطعمه والحلويات وتزيد ومحد يهبشها ..وغيرنااااااا ممحصلين اللقمه ياكلونها
سادس شي ..ما سير السناتر والاسواق ..والحمدلله خلصت اغراضي واغراض الاعيال ..واذا اضطريت اسير الصبح عن الزحمه والمناكر في الرمضان
سابع شي ..امسك اعصابي عن العصبيه مهما ستوى ..واستغفر الله بنية البعد عن الضيق

**ام سعووود^_^** · 2011-07-18, 13:34

ماشاءالله عليييكم الله يعوووده عليكم ان شاءالله كل سنه وكل حوول
وان شاءالله ماااتضعف همتكم في رمضان

انا ماااسويت جدول
بس اهم شي في رمضان اني ناويه اختم القران اكثر عن مره

والمطبخ الظهر ادخله مع اللاب توب اشغل محاضرات او اسمع قران انصحكم تسمعون (سلمان العتيبي )صوته رووعه الله يحفظه

والتراويح من عرست ويبت عيال مااقمت اسير المسيد بس اصليها في البيت واللحين الحمدالله عيالي كبرو شوي بحاول اسير المسيد

وعن الصدقه انصحكم تحطون حصاله انا اخذه من كارفور عند اللي يجمعون الصدقات اجمع فيها الصدقات وعقب اوديها لهم واخذ ثانيه

وانتريا جداااول البنات ناخذ افكاار منهم

**جمر بارد** · 2011-07-18, 13:35

انا الحمدالله

قررت اصوم

خخ

**أم حصه** · 2011-07-18, 13:37

موضوعج جدا مميز وان شاء الله الكل يستفيد منه ..

برتب جدولي وبخبركن ان شاء الله ..

الموضوع: وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

أدوات الموضوع

عرض

وش قررتي تسوي بـــرمضان ....((الي ترفع الموضوع الله يفرج همومها ويرفع قدرها ))

المزيد من آخر المواضيع من نفس القسم:

المواضيع المتشابهه

منو تعالجت من عرق النسا اللي ترد علي ربي يفرج كل همومها ويحقق امانيها

متى قررتي تسوي رجيم وشوسبب

اللي اتحب الله يفرج عليها همومها تدخل

اقري هذا الموضوع عسى الله يفرج همج

بنات ابو ظبي / الله يجزاها الجنه الي ترد علي او ترفع الموضوع