اللانجري القديم

**شماسية صيف** · 2011-07-17, 15:02

السلام عليكن حبيباتي

مادري وين انزل الموضوع بس يمكن هو يكون من ضمن الحلول المنزليه

خواتي

موضوعي يتعلق بالانجري مع الاندروير ماله القديم هن مش ملبوسات غير مره ومرتين بالكثير بس لاني دوم اخذ لانجري وغير الهدايا وغير لانجري العرس صارن هم ما اعرف كيف اتخلص منهن

ما اعرف كيف اتصرف فيهن ومنوه اعطيهن ..
وحده قالتلي انها تقص الاندروير القديم قطع صغيره وترميهن في الزباله كرمتوا
وتقلط قمصان النوم

وخبرتها اني اريد اتخلص من اللانجري القديم قالتلي ابا اشوفهن
وانا ما ارتحت للموضوع لاني ما احب حد يشوف اشيائي الخاصه وخص اللانجري

خواتي دخيلكن

شورن عليه شو تسون بالانجري والاندروير ماله القديم عندكن

فيدني والله اني استحي اتخبر عن هالموضوع

ومعظمكن معرسات مثلي

اتمنى من الي تدخل ترفع الموضوع ولو بدعوه طيبه .

المزيد من آخر المواضيع من نفس القسم:

**فديت الغاليين** · 2011-07-17, 15:16

أفره في الزبالة بس مب مرة وحدة ,,, كل مرة أفر شوية ( قطعة ) واربطيه داخل كيس

وممكن تقطعيهن عشان لوشافته الخدامة ما تقدر تستفيد منه

**شماسية صيف** · 2011-07-18, 04:09

المشاركة الأصلية كتبت بواسطة فديت الغاليين

أفره في الزبالة بس مب مرة وحدة ,,, كل مرة أفر شوية ( قطعة ) واربطيه داخل كيس

وممكن تقطعيهن عشان لوشافته الخدامة ما تقدر تستفيد منه

هلا اختي فديت الغاليين مشكوووووووره فديتج على ردج

**شماسية صيف** · 2011-07-18, 04:12

وينكن حبيباتي انا شاده الظهر فيكن ولا حد دخل ... ما بغيتها منكن

**غير النآس** · 2011-07-18, 04:13

كله غسليه وحطيه بكيس وتبرعي فيه أحسن ?? يروح الزباله

**dxbaii** · 2011-07-18, 04:18

للرفع

**شماسية صيف** · 2011-07-18, 04:29

المشاركة الأصلية كتبت بواسطة غير النآس

كله غسليه وحطيه بكيس وتبرعي فيه أحسن ?? يروح الزباله

انا جربت مره اتصل قالولي الناس محتاجه لبس مش محتاجه الي بتتبرعين فيه وهذا الكلام من سنتين من بعدها استحيت اتكلم مع حد علشان جذيه نزلت الموضوع ..مشكوره فديتج *

**Reemany** · 2011-07-18, 04:31

أقطعهن قطع قطع..وأفرهن في الزبالة..

**رولا Rola** · 2011-07-18, 13:23

حبيبتي اغسليهم بالغساله و بس ينشفوا حطيهم بكيس و ارميهم بمستوعبات الملابس المهمله اللي موجوده بكل مكان هلا و تابعه لجمعيات خيريه او اتصلي بجمعيات نسويه و ابعتيهم الهم ممكن يتبرعوا فيها
خصوصا حبيبتي انه هالملابس اسعارها مرتفعه و ما بتلبيسيها كتير فاحسن ما ترميها

**هدى_** · 2011-07-18, 17:30

اتبرعي فيهم ليش اتعكينهم يداااد ملبوسين مرة او 2 واللانجري مب رخيص
حطي موضوع في المنتدى واللي محتاجتنهم بتاخذهم واذا انتي معروفة في المنتدى ادخلي باسم يديد

**Mall.08** · 2011-07-18, 17:35

الحمد لله رب العالمين

**شماسية صيف** · 2011-07-18, 19:12

اختي هدى
فكرتج زينه حبوبه
انا اول مره اشارك في المنتدى

والحمدلله يت راعية النصيب

**hind25** · 2011-07-18, 20:37

انا من راى اذا هم يداد او موب ملبوسات واايد تبرعى فيهم افضل من انج تعقينهم اكيد شى بنات بيعرسن ومحتايتنهن حطى بقسم المساعدات الانسانيه بالمنتدى ان عندج هالاشياء واللى تباهن بتتواصل معاج وبتاخذين اجر

**ميرال** · 2011-07-21, 08:50

انا اقصهم قطع صغيره واكبهم في الزباله

كنت عروس واشيا كتير ما لبستها اعطيتهم لبنات بدهم يتزوجو كانت بنت الجيران حالتهم مو كل هاد

رتبتهم في بوكي وخبرتها هديه مني ومشاركه وكنت مشتريه كمان عطور الها ما خبرتها انهم الي لانهم جداد ومو ملبوسين

**تاجرة السعاده** · 2011-07-22, 11:15

أنا بعد ما اعرف شو أسوي فيه..

مره لميت كل بجايمي اللي ما ابغيهن وقلت حق البشكارة عقيهم بالزباله اللي برع..

تعرفون شو سوت؟؟

ودتهم غرفتها وكل البشاكير تنقو اللي يبغونه..

وكل يوم ألقاه معلق عالحبل!!!!! يعني يتلبسنه..

الموضوع: اللانجري القديم

أدوات الموضوع

عرض

اللانجري القديم

المزيد من آخر المواضيع من نفس القسم:

المواضيع المتشابهه

♥ اقوى تنزيلات اللانجري ♥♥ اقوى تنزيلات اللانجري♥♥ وكوني الاجمل ف عين حبيبج ♥♥

♥♥ اقوى التنزيلات اللانجري ♥♥ اقوى التنزيلات اللانجري♥♥ وكوني الاجمل ف عين حبيبج ♥♥

♥♥ اقوى التنزيلات اللانجري ♥♥ اقوى التنزيلات اللانجري♥♥ وكوني الاجمل ف عين حبيبج ♥♥

صور اللانجري