الاكزيما

[فتاة راك]

تعرفون شو الحل سااااااااااااااااافروا فيهم بلالالاد باااااااردة اختي تسوي جذي بس ترد لهم عقب فتره بس يرتاحون شوي منها في البرد ماتظهر بس في الحر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بحر السعادة]

الغاليات أنا ولدي عمره 6 سنوات وبعده يعاني من المشكلة لاكن الحمدالله ما تيه دوم بس ا تي أكثر شي في الحر لفيت كل المستشفيات وما في فايدة لين ما حصلت الدكتورة نادية في أبوظبي شاطرة ما تستخدم الكرتزون وايد كل مرطبات وغسول في المسبح أثناء السباحة روعة الدوى الله يجزيها الخير والحمد الله ولدي مرتاح على هذا الدوا والدكتورة من أبوظبي عيادة عمار

[الدبة الحلوه]

الأطفال يوم تييهم الأكزيما تخوز بروحها عادةً .. لكن انا شو اقول الي عمري الحين23 سنة والأكزيما على خدودي !!

الي يشوفني يتحسبني حاطه بلاشر ويوم أقولهم هاي اكزيما يقولون ياحظج مخليه خدودج ورديه!!

انزين شو الفايده وويهي ياكلني طول الوقت ويوم احك يزيد الأحمرار ، حتى المكياج يوم احطه يطلع بايخ لأن مكان الخدود متقشر طول الوقت

استخدمت مرطبات ماشي فايده

شكلي بحط كورتيزن مثل ماقالت الاخت شيرين يزاها الله خير

[~ملكة بيتي~]

حبيبتي بنتي عمرها 10 سنوات وتعاني منها

ويطلع لها حولين العين وأحيانا الفم والشعر

يعني الله يسلمج ما مخليه فيها مكان

صراحة ما خليت دكتور إلا وديتها له بس للأسف كله علاجهم واحد الكريم المرطب والكورتيزون

الله يعينا ويعافيهم يا رب

[ام كايد]

الغاليات الله يشفي عيالكم انشاء الله بس الاكزيما ((الحزاز)) عباره عن حساسيه بالدم و وراثيه الله يسلمكم انا عندي اكزيما وثنتين من خواتي وولد اخوي فديته عنده اول ما انولد كانت فيه قويه بس الحين بعد متابعه واهتمام اهله فيه الحمدالله خفت بنسبة كبييييييييييره لازم الدكتور يشوف العيال مب اي ادويه تعطونها العيال وفي انواع من الصابون والشابوهات اللي تكون خاصه للاكزيما وابعدوا عن الادويه اللي من غير وصفة الطبيب مثل الكورتيزون اللي مخاطره اكثر من منافعه
انا كنت اتعالج عند دكتوره وراحت عني الاكزيما فتره لكنها ترجعلي مع الحر والبرد واذا اكلت اكل تهيج الحساسيه عندي بس الحمدالله استخدمت دوا وااااااايد نفعني بشكل كبير الحمدالله والين الحين استخدمه والحمدالله على كل حال
بالنسبه للعيال في دكتور في بوظبي الكل يشهد انه دكتور ممتاز اسمه احمد فكري واللي تبا رقم العياده انا حاضره

[بحيرة المحبة]

يابنات انصحكم بالدكتورة اليسار خوري في ابوظبي اذكر بنت اخوي كانت تعاني من نفس المشكلة اتذكر نصحتهم بتغير الموكيت وغيرت الحليب ومنعتها من بعض الاكلات مثل البيض وما اتذكر شو بعد الله يشفي عيالكم ويعافيهم وعيادتها اتذكر تحتهم صيدلية المنار

[وهج بوظبي]

الغاليات أنا ولدي عمره 6 سنوات وبعده يعاني من المشكلة لاكن الحمدالله ما تيه دوم بس ا تي أكثر شي في الحر لفيت كل المستشفيات وما في فايدة لين ما حصلت الدكتورة نادية في أبوظبي شاطرة ما تستخدم الكرتزون وايد كل مرطبات وغسول في المسبح أثناء السباحة روعة الدوى الله يجزيها الخير والحمد الله ولدي مرتاح على هذا الدوا والدكتورة من أبوظبي عيادة عمار

الله يعطيج الصحه والعافيه ان شاء الله بروح لها طيران ان شاء الله ...احس تعبت من هالكورتيزون اللي في هالكريمات ..مشكووووره الغاليه

[وهج بوظبي]

اشكر البنااات اللي تفاعلوا وياي وان شاء الله يارب نفيد بعض لانه الحين الله يحفظ اليهال وايد هالاكزيما طايحه في الناس طيحه ...وان شاء الله يارب ننفع بعض وبنااات اللي تعرف مكان زييين ومجررب تفيييدنا الله يخليكم ...!!
ومشكوووورات بنات كل اللي رد على الموضوع وان شاء الله يكون فيه الخير والعافيه للكل ..

[ذهب]

حبيبتي انا بنتي كانت عندها اكزيما توها طالعه عندا بس انا وديتها المستشفى الايراني والحمدلله

افتكيت منها..

[Miss World]

الله يعافي عيالكم إن شاء الله..
انا من صغري عندي اكزيما و كله بالكريمات (استويت مختبر كورتيزون)
الحمدلله بعد ما كبرت راح كل شي بس تيني حالات بسيطه من الحساسيه في الصيف
اول شي اعرفي نوع الأكزيما اللي يعاني منها الطفل... في 10 انواع, بس 4 منهم اللي منتشرات بكثره.. و هالشي يسوونه بفحوصات للدم..

و الأكزيما مسبباتها (او مثيراتها في هذي الحاله) وايد..
- الوراثه
- العادات الغذائيه
- المحيط
- الحساسيه
- حساسيه من انواع من الأدويه
- مواد كميائيه يتعرض لها الشخص في البيت او المدرسه او مكان العمل

اول شي, لا تسبحون عيالكم بصابون عادي.. اي صابون ينشف ممكن يثير الحساسيه, فما بالج بالأكزيما؟ لازم الصابون يكون مرطب او فيه نسبه عاليه من الزيوت (يفضل انه يكون غير عطري).. يفضل مرتين او على جونا اللطيف, 3 مرات.. و اهم شي, الأدويه بأي طريقة خلي الدكتور او الدكتوره يوصفون شي بدون كورتيزون و يفضل يكون مرهم, مب كريم لأنه المرهم يطول في انه الجسم يتشربه, فيخلي الجلد رطب و بهاي الطريقه يخف التشقق و الحكه (من تجربه)

و شي ممكن تجربونه اذا حابين, السودوكريم sudocream.. مافيه كورتيزون و واااايد يخفف حالات الأكزيما, بس الدكاتره ما يقولون للواحد عنه إلا لجفاف البشره او تشققات الحفاظات .. بس عن نفسي احطه دووووم و ودرت ادوية الكورتيزون ... و مرات الأدوية اللي يكتبونها الدكاتره هي ممكن تزيد ..


السموحه على الإطاله

[طي السنيين]

بنتي عالجت الأكزيما بالزيت الزيتون وكل يوم أوديها البحر أغسلها فيه وبعده زيت زيتون بالبيت
وبس الحمدلله وقبل النوم أحطلها زيت زيتون يعني لو تقدرون الزيت الزيتون ما يخوز عنهم

زيت زيتون أصلي مب من الدكاكين

[وهج بوظبي]

الله يحفظكم بناااات وايد استفدت منكم وحابه استفيد الصراحه ما شاء الله كل يوم استفيد اكثر من اليوم اللي قبله الحمدلله ....وايد قاعده استفيد من التجارب ومن الخبرات مالتكم والله ان شاء الله يكتب فيه الخير للكل ان شاء الله

[3sooolah]

الغاليه بنتي نفس الشي فيها اكزيما ونصحتني أختي بماي البحر يعني انسير البحر واسبحها وتقول خلال ايام بيختفي المرض( بس المشكله عمرها 4 شهور)
وأختي الثانيه تقول ولدها يوم صغير كان فيه وهم يالسين ع الغدا فرك جسمه بالليمونه لأنه كان يحكه وع طول ثاني يوم اختفى المرض بس ع فكره الليمون يحرق

[نعناعة منعنشة]

انا بنتي تعاني من نفس المشكلة بس الاكزيما في رجلها و خذيتها عند الدكتور علي سنقل و عطاها ادوية فيها كرتيزون خفيف وقالي دايما حطيلها كريم مرطب و غسول مرطب خالي من الصابون من ماركة QV fsce و الغسول وايد حلو بصراحة ناعم حتى انا استخدمه للوجه و الجسم .

اما الاسباب فقالي الاكل عادي خلها تاكل اي شي لانه الاكل ماله خص بالاكزيما مثل ما كثير من الناس تقول

و قالي انه الاكزيما تزيد في الشتاء لانه الجسم يكون جاف فقالي حاول انج ما تعرضينها كثير للماء

و ابتعد عن الحيوانات المنزلية و ما اخليها تلعب في الحديقة كثير لانه الحشييش و النباتات ممكن تسبب الاكزيما و اخر شي قالي ابعدها عن الاماكن الي فيها تدخين او دخان مثل الدخون مثلا

[نعناعة منعنشة]

انا بنتي تعاني من نفس المشكلة بس الاكزيما في رجلها و خذيتها عند الدكتور علي سنقل و عطاها ادوية فيها كرتيزون خفيف وقالي دايما حطيلها كريم مرطب و غسول مرطب خالي من الصابون من ماركة QV fsce و الغسول وايد حلو بصراحة ناعم حتى انا استخدمه للوجه و الجسم .

اما الاسباب فقالي الاكل عادي خلها تاكل اي شي لانه الاكل ماله خص بالاكزيما مثل ما كثير من الناس تقول

و قالي انه الاكزيما تزيد في الشتاء لانه الجسم يكون جاف فقالي حاول انج ما تعرضينها كثير للماء

و ابتعد عن الحيوانات المنزلية و ما اخليها تلعب في الحديقة كثير لانه الحشييش و النباتات ممكن تسبب الاكزيما و اخر شي قالي ابعدها عن الاماكن الي فيها تدخين او دخان مثل الدخون مثلا