الاكزيما

**وهج بوظبي** · 2007-07-24, 16:14

بنااااااات الله يخليكم بنتي عندها اكزيما وايد قويه وزاااايد عليها وتحت عيونها وفوق عيونها ..
المشكله بنات انا مو عارفه من شو اتييها ..في الصيف وفي الشتا
وااايد احطلها كريمات كورتيزون وهذي الكريمات مب زينه استعملها وااايد...بس شو اسوي هي الوحيده اللي تخفف واي دكتور اوديها يوصفلي كريم في كورتيزون
ممكن بنات تساعدوني

المزيد من آخر المواضيع من نفس القسم:

**جرناس** · 2007-07-24, 18:49

الله يعينج مثل معناتي ويا عيالي ،الله يعفو عنهم ان شاء الله.

إذا حصلتي حل طرشي لي ع الخاص

جزاج الله الف خير

**وهج بوظبي** · 2007-07-25, 02:55

ان شاء الله اختي جرناس ..بس ان شاء الله البنااات يكوون عندهم فكره عن الاكزيما
اتريا بنات لا تبخلون علي الله يخليكم

**Just 4 u** · 2007-07-25, 03:13

هلا الغاليه الله يعافيها إن شاء الله
والله الغاليه نفس المأساه عندي ولدي مكمل خمس سنوااات وفيه الاكزيما الله يعافيه ..
بس ماأدري أختيه إنتي تعرفين الأسباااااب .. الصراااااحة من خبرتي ومن الدكاترة بعد ... لميت كم معلومه إن شاء الله يفيدووونج .. مثلا أنا ولدي تزيد عنده في وقت الحر .. وهي تطلع على شكل قرحه في راسه وأداااويها بالكريمات .. والسنه من زووووود الحر قامت تظهر في ويهه وحواليين عيونه حبيبي .. وقبل بعد كانت تظهر في مفصل يدينه ..
شوفي أختيه الأسباب وااااااايد .. يقولي الدكتور يمكن عنده حساسيه من البيض أو السمك.... قلتله هو ما يحبه .. أنا لاحظت تظهر في الصيف .. وإذا لعب برع في الجو اللي مو نظيف وتعرفين الصغاريه يحبون يلعبون بكل شي النظيف وغير النظيف !!!!

السموحه طولت عليج .. بس اللي مصبرني يقووول لما يكبر بتخف عنه .. الله المستعاااان وحده

**وهج بوظبي** · 2007-07-25, 03:25

ان شاء الله اختي يخف عن عيالنا هالحساسيه ...
هو صدقج تزيييييد في الحر والجو المغبر ....بس انا بنتي في الحر وفي الشتا فديتها هالسنه ابدا ماراح عنها الا بالكريمات وترد اول ما اقطع عنها ...وانا ما احب احط لها هالكريمات وحول عيونها واااااايد زااايد الله يحفظها
هو ان شاء الله يروح عنهم عيالنا لين يكبرون بس وحليلهم وااايد يعانون اريد حل ماقت على الاقل بس من غير كورتيزون ....بنات منو سمع عن كريم زين الاتات مال الاكزيمه للصغاريه ....؟؟ ...او منو استعمله ...؟؟

الله يحفظ اليهال من الحساسيه هذي

**شيرين900** · 2007-07-25, 23:59

حبيبتي الف سلامة والف بعد الشر عن اولادنا جميعا
حبيباتي حولوا تعرفوا ايه اللي بيزودها ونصحتي ليكم ودا عن خبرة وتجربة شخصية
اولا استخدمي كريم الكوتيزون بس مرة واحدة باليوم بس قبل النوم مثلا بس ديروا بالكم ان اهم حاجة ان تستخدمي كريم مرطب جيد جدا لان الكورتيزون وبيسبب جفاف والاكزيما بتسبب جفاف والجفاف بيزود الاكزيما كتير بيخليها مش تخف بسرعة عليكم بكريم مرطب قوي مع اجتناب استخدام الصابون العادي بالمرة بالمرة واستخدموا الصابون اللي بيرطب بعد زي صابون اسمه كولد كريم سوب دا من افين دا عبارة عن صبون سايل بس بيرطب جدا صدقوني الترطيب بيحل 60% من المشكلة
ويارب اكون ساعدتكم تحياتي

**وهج بوظبي** · 2007-07-27, 04:24

مشكوووووره الغاليه شيرين على ردج ...؟
بس ممكن اعرف انتي من وين تعرفين هالاشياء عن الاكزيما ...ومشكوووره

**شيرين900** · 2007-07-27, 10:19

حبيبتي انا اعرف عن الاكزيما لسببين الاول اني صيدلانيه والثاني عانيت منها 3 سنوات والحين يمكن بترد عليا بس في السنه مرة الحمد الله وربنا يشفيلك بنتك يارب

**أم خلفان** · 2007-07-27, 13:33

السلام عليج إختي،، عندي نفس المعاناه،، بس من فتره كنت ماخذه من بنت في المنتدى صابونه طبيه وفيها مادة الكبريت وهي ضد البكتيريا والفطريات،، شفتها نفعتني واايد والحمدلله..وإنشاءالله بنتج تستفيد...
صابونة الدكتور كاف مانز
من عند راعية_دبي

وهذا اللنك مالها http://www.uaewomen.net/showthread.php?t=93212

**Om_ Sa3eed** · 2007-07-27, 15:58

هلا الغلا..
الله يعينا من هاي الاكزيما ..والله يعافينا..
الصراحه حتى انا ما حصلت حل لبنتي(3سنوات) ..كل حد يقولي شي ..وما اعرف شو اسوي ...
تخف عنها يومين وترد عقب ..والمشكله انها بس متركزه في بوزها(فمها) وحولينه.. يعني بوزها دايما محمرومسود ومتشقق لدرجه انها مرات ما تقدر تاكل..وعالجتها عند عدة دكاتره وتصح ويرجع مره ثانيه ..بس الحين استخدم كريم بالليل بدون كورتيزون..لاني الصراحه تعبت من المراهم اللي فيها كورتيزون...واستخدم على طول اليوم كريم مرطب (لايبوبيز),..
....الحمدلله الحين احسن...
بس احس ان بوزها دايما فيه اكزيما ما يصفى.. ...
..ان شاء الله تروح عنها وتفتك منها..
الله يشفي الجميع من هالاكزيما..

**وهج بوظبي** · 2007-07-28, 01:50

المشاركة الأصلية كتبت بواسطة أم خلفان

السلام عليج إختي،، عندي نفس المعاناه،، بس من فتره كنت ماخذه من بنت في المنتدى صابونه طبيه وفيها مادة الكبريت وهي ضد البكتيريا والفطريات،، شفتها نفعتني واايد والحمدلله..وإنشاءالله بنتج تستفيد...
صابونة الدكتور كاف مانز
من عند راعية_دبي

وهذا اللنك مالها http://www.uaewomen.net/showthread.php?t=93212

المشاركة الأصلية كتبت بواسطة Om_ Sa3eed

هلا الغلا..
الله يعينا من هاي الاكزيما ..والله يعافينا..
الصراحه حتى انا ما حصلت حل لبنتي(3سنوات) ..كل حد يقولي شي ..وما اعرف شو اسوي ...
تخف عنها يومين وترد عقب ..والمشكله انها بس متركزه في بوزها(فمها) وحولينه.. يعني بوزها دايما محمرومسود ومتشقق لدرجه انها مرات ما تقدر تاكل..وعالجتها عند عدة دكاتره وتصح ويرجع مره ثانيه ..بس الحين استخدم كريم بالليل بدون كورتيزون..لاني الصراحه تعبت من المراهم اللي فيها كورتيزون...واستخدم على طول اليوم كريم مرطب (لايبوبيز),..
....الحمدلله الحين احسن...
بس احس ان بوزها دايما فيه اكزيما ما يصفى.. ...
..ان شاء الله تروح عنها وتفتك منها..
الله يشفي الجميع من هالاكزيما..

[QUOTE=شيرين900;2052991]حبيبتي انا اعرف عن الاكزيما لسببين الاول اني صيدلانيه والثاني عانيت منها 3 سنوات والحين يمكن بترد عليا بس في السنه مرة الحمد الله وربنا يشفيلك بنتك يارب

مشكورات حبايبي والله ان شاء الله بجرب اول شي كريم المرطب والصابون اللي وصفت لي اياه الاخت شيرين ....الله يعطيها العافيه ...!!

وان شاء الله احصل فايدا ان شاء الله
وبمشي على نصائح الاخت ام خلفان وام سعيد ...
مشكووورات الغاليات والله ما قصرتو ..
وحبايبي اللي تعرف اشياء اكثر عن الاكزيما تنفعنا حبايبي ..ّّ
مشكوووره

**ام خليفه 6** · 2007-07-28, 15:59

هلا الغاليه
انا ولدي نفس المشكله والاكزيما متركزة له في ريوله الله يشفافيهم انشاء الله لدرجة ولدي في يوم من زود الحكه بالليل قالي ماما قطعي ريلي تعبت اتخليي طفل عمرها خمس سنوات يقولج هالكلام
بعد هالكلمه سفرته تايلاند قالو لي المستشفى الملكي علاجهم زين اتخيلي يوم رحت اهناك شو صار من اول يومين الاكزيما خفت عنه قبل العلاج يمكن السبب بالجو

**وهج بوظبي** · 2007-07-29, 00:54

هلا الغاليه ام خليفه
الله يعافي عيالنا كلهم ان شاء الله
هيييييه اختي الجو يغير بس نحن ما نقدر نغير جونا بعد بس شو العلاج اللي عطووه ولدج هناك ..؟؟
مشكووره الغلايه

**جروحي تفداج** · 2007-07-29, 01:14

الله يعينكم بنت اختي عمرها 19 سنه فيها اكزيما من يوم صغيره للحين ماتروح عنها وبالصيف اتزيد واحيانا بالشتا بعد يحليلها والله الله يشافي كل اعيال المسلمين من الامراض

**ام سلطان الدرعي** · 2007-07-30, 02:29

هلا اختي
المعاناه هي هي
انا عندي بنتين وفيهن اكزيما بس البنت العوده خاز منه من دون اي علاج لانة ما نفعها اي شي وخليت السالفة على الله ونعم بالله
والحمدلله خاز بس بعدين اكتشفت من شو اييها (( لبن البوش)) وقطعتها منه والحمدلله
بس الثانية الله يعينها ويشفيها مشوه وييها وهي صغيرة يعني منتشر في ويها ورقبتها
وعلى الله ان شاء الله
بس نصحوني وايدين بالسدر يعني ما استخدم الصابون استخدم السدر بس الصراحه ما سبحتها للحين وان شاء الله بجرب

الموضوع: الاكزيما

أدوات الموضوع

عرض