أحسن لحم {دخيلكم ساعدوني والله بصيح}

**{تعب قلبي}** · 2011-07-11, 23:25

بنات انا خلاص تعبت
ابيكم اتساعدوني
خلاص مليت وكرهت اللحم والسبب

ان زوجي يحب اللحم وخاصه اللحم المقلي ...
والمشكلة الي عندي اضبط كل الطبخات وطبخي حلو يصير ويا الدجاج والروبيان وغيره وغيره
الاااااااااااااااااااااااااااااا { اللحم }

ما اعرف اختار اللحم المناسب
ولا اعرف اشل الريحه الي فيه
واذا تنقيت لحم زين ونصحوني فيه يطلع بعد الطبخ طعم فيه مو حلوووووووووو

دخيييييييييلكم نصحوني شو اللحم الزين

انا نصحوني اشتري لحم هندي غنم وبعد الطعم تام مو حلوووووووو
وجربت لحم برازيييييييييييل طعمه لوعت جبد
وجربت لحم هندي بقري ويابس وما ينضى

فدخيلكم شو تطبخون ؟ اي لحم اي نوع ؟ ابيه ينضى بسرعه ومافيه ريحه
احسن من الجمعية والا المذبحه ؟

المزيد من آخر المواضيع من نفس القسم:

**{تعب قلبي}** · 2011-07-11, 23:29

؟؟؟؟؟؟؟؟؟؟؟؟؟؟؟؟؟؟؟؟

**آلـ غ ـنـــج** · 2011-07-11, 23:32

انا بعد ابا اعرف ^^

**khalejeya** · 2011-07-11, 23:33

ما عندي خلفية

زوجي يشتري من السوق

بس عادي انظفه من الريحة عن طريق البهارات الصحيحة لما اطبخها معاه

**ilqa6wa** · 2011-07-11, 23:34

انا مب وايد ويا اللحم
بس نصيحة لا تاخذين الا لحم التيس واذا صغير يكون احسن واحسن واذا
عندكم حد يربيهن في عزبة خاصة ومتابع صحة الهوش اللي عنده يكون احسن
لأني ما اثق باللي ينباع في السوق نص اللحم لذبايح مريضة والا فيها عوق

والغالب لحم الكبش هو اللي في ريحة بس بعد

اذا كان الكبش صغير اللحم قبل ما يتبلونه ينفرك بطحين عشان يخفف الريحة اللي فيه

ان شاءالله اكون افدتج لو بشي بسيط

**{تعب قلبي}** · 2011-07-11, 23:47

وييييييييييييييييييييييينكم يا خبيرات

**@مبدعه@** · 2011-07-11, 23:54

اللحم اختي يوم تغسلينه لازم تفركينه بالكركم وشوية بهارات وتخلينه 20 دقيقه فالمشخله وفها الوقت

قطعي البصل والثوم والخضروات وبعدين اغسلي اللحم وفوريه شوي 5 دقايق فالبهارات

وبعدين قليه مثل ما يحب ريلج وبالعافيه اختي

**العيون العسليه** · 2011-07-12, 00:12

السلام عليكم
هلا باختي نحن نشتري الدبيحه او لحم من المطبخ الشعبي تخبريهم يبيعون لحم وعاد اللحم مرتفع سعره نطلب منهم يقطعونه صغير ونحن بالبيت نفرقه يجي معاه الراس نسلقه ادا نبي مرق وكثري بهارات بس سلقيه قبل متسوي مجبوس او اي طبخه ومع السلق حطي بهارات
موفقه

**مرآآم** · 2011-07-12, 00:28

بصراحه ما شي احسن عن لحم البلاد هب المستورد اشتري من العزب نحن اروحنا عندنا وعند الطباخ يفي عنه الرغوه وما انصحج بلحم الكباش التيوس احسن

**{تعب قلبي}** · 2011-07-12, 00:37

لحم البلاد ؟ ومن العزب

ويييييييييييييييين منو يبيييييييييييييييع ؟

**رهف2010** · 2011-07-12, 00:54

احنا لنا عمر نشتري لحم ايراني من المقصب ذبيحه واهلي نفس الشي
ويقطعونه وسط وانجرده من الشحم ومن اطبخه اخليه بره قبل الطبخ بساعتين منقوع بماي
حتى ينزل دمه وبعدين افوره على النار واحط حبة هيل وورقة غار بس يفور وتطلع الزفره
اكيد عرفتيها اصفيه واغسله على السريع بالماي مجرد ماتروح الوغفه الي عليه وارده بالجدر
واحط ماي عليه فاير واخليه يطبخ والله والله والله مابيه ريحه ابد
حتى المفروم نفس الطريقه والدجاج بعد والله مافيهم ريحه ابد
هاي طريقة امي الله يحفظها ومعروف بعايلتنا اكلها ماعليه كلام والكل يشهد
جربي وماراح تندمين والله
سلام

**thariya** · 2011-07-12, 01:10

انا استخدم لحم خروف هندي صغير,,اما اذا كبير بيكون فيه ريحة,,
والصغير بدون ريحة ريحة,,,,وفوقه ينضى بسرعة,,,
وطريقة طبخه ترا البنات ماقصروا,,,,واللحم الأيراني بعد ممتاز بس غالي,,,هالأنواع للبرياني والصوالين والناشف والكباب
اما بقية انواع اللحوم ماتعيبني,,بس الأسترالي حق الكباب ممتااااااااااااااز& الشاورما
والبرازيلي ممكن للأستيك,,,ونادر ما استخدمه

**{تعب قلبي}** · 2011-07-12, 01:19

واي مذبحه زييييييييييييييييينه في دبي ؟

**إيمان العلي** · 2011-07-12, 02:10

أنا أخذ لحم هندي أو باكستاني ويكون مقطع صغار وجاهز بس أغسله زين ما زين وأحط عليه شو ملح وأخليه عليه
لين يطلع كل الدم وبعدين أرد أغسله مرة ثانية عن الملح وبعدين أحطة في الجدر وأفورة لين يطله الريم الوسخ
أشله ويوم أشوف الماي صار نظيف أحط عليه هال وجرفة وفلفل أسود ومسمار وإذا حبيتي قطعة صغيرة بصل قطعية
وحطيه وياه طبعاً البهارات إلي ذكرتهم حب مب مطحون ويوم أشوف اللحم نضى أشخله وأشل عنه البهارات وإذا حبيتي تقلينه بالزيت أو بهري بالكركم شوي وملح شوي وبهارات مشكلة بزار وشوي هال مطحون وجرفة مطحون
وحطيه في صينية الفرن وصبي عليه زيت زيتون أو زيت نباتي بأختيارج وخليه بالفرن وبيكون شكلة مثل المقلي
والمشوي حلو وإذا حبيتي تحطينه تحت العيش أحمسي بصل وثوم وكزبرة خضراء وكم حبة نعناع وأراق الكاري
وقلية زين وحطي بهارات كركم وإذا تحبين الحار شوي فلفل أحمر وأسود وبعدين حطي اللحم عليه علشان ياخذ ريحة
الخلط والبهارات وبعدين صبي العيش فوقة وأخر العيش حطي قطعة صغيرة زبدة وشوي زعفران وعليكم بالعافية

**دبي** · 2011-07-12, 07:49

الجزيري من جمعية الاتحاد

الموضوع: أحسن لحم {دخيلكم ساعدوني والله بصيح}

أدوات الموضوع

عرض

أحسن لحم {دخيلكم ساعدوني والله بصيح}

المزيد من آخر المواضيع من نفس القسم:

المواضيع المتشابهه

بنات ساعدوني بصيح والله :)

والله اني بصيح ساعدوني

والله احبه بجنون بصيح ... ساعدوني الله يخليكم

ساعدوني .. والله بصيح ...

دخيلكم ساعدوني...والله بصيح