مشكله +نصيحه

**zaafranah** · 2011-07-09, 12:32

هلا حبيباتي اسمحولي أنا دخلت من نك ربيعتي سوري والله
بخبركم شو صار لي
والله والله اني منصدمه يعني وايد أسمع عن هلاأشياء بس السمع مو مثل الحقيقيه
والله يابنات أنا أدعي من كل قلبي انه يلي يستويلي ما تشوفها أي بنت في حياتها صراحه أنا تعبت وايد
تدرون لا تقول حرام سامحيه والله ما أقدر والله ما أقدر
السالفه مرت أخوي وأخوي أنا من اليوم بسويلهم دليت في حياتي لأني ما أقدر أتحمل دموعي جفت والله جفت جفت منهم وايد المشكله أنا أني يلي خطبتها لخوي بس أرجع وأقول هذا النصيب والحمد الله على كل حال نصيحه يا خواتي والله لا تخطبون لخوانكم الا قبل لا تسألون عنها ألف مره
والله لو يرجع الزمن كنت غيرت أشيأء كثيره
لو أقول شو تسوي والله ما تصدقون فيها صفتين والعياذ بالله (الجذب والحسد والغيره )وأخوي لا الضالين آمين يصدقها بكل شي تدرون وصلت فيه المواصيل يضارب ويزاعق على أمه قسم بالله ما أجذب عليكم
والله لو ما كنا موجدين لشغلت أمي خدامه عندها بس ما أقول الا حسبي بالله ونعم الوكيل
ما نقدر نسوي أي شي شو أقول ولا شو أخلي الكلام كثير
الغيره عمت عيينها والله ما تستوي عندنا مناسبه الا فيها ضرابه لازم لازم ضرابه اذا حد طلع أحلى عنها مثلا اذا انت اليوم يعني لا زم اليوم تسوي لج مشكله المناسبه
بتستوي مرت أخوي +بنت أحلى عنها أو فستان حلو =ضرابه قويه
هذا شي من لا شي أصلا ودوم تحب تطلع كاشفه شعرها لخواني ووراييايل خواتي مع أنها كانت تتنقب صدقوني والله اني ما قلت كل شي يلي في قلبي والله هذا ولا شي
حبيباتي خواتي فديتكم والله أني وايد مضايجه وايد ما تتخيلون والله اني خلاص أني محيتهم من سجلي لأني بسني طفرت وكل شي له شي الله يخليكم لا تخطبون لخوانكم الا لمن تسألون عنها هاي نصيحه مني لكم أتمنى أني ما ثجلت عليكم وسامحوني زعجتكم في ضيجتي ما عندي حد أفضفض له
الله لا يحرمني منكم
سلامي لكم

المزيد من آخر المواضيع من نفس القسم:

**laila226** · 2011-07-09, 12:54

ربي يكون في عونكم

الله يهديها ويصلحها

**غروب المنصوري** · 2011-07-09, 13:01

لا حول ولا قوة الا بالله..

ماعرف شقولج والله..

الله يهديها ويهدي اخوج..

**"زوزو1"** · 2011-07-09, 13:17

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

**ام حناني** · 2011-07-09, 13:36

الله يعنيج خليهم يطلعون بيت بروحهم وتفتكون من شرها

**نبض الشارقة** · 2011-07-09, 13:37

للرفع

**bellegirl** · 2011-07-09, 13:40

لا حول ولا قوة إلا بالله

غاليتي

مب مشكلتنا ان الناس مب على خلق ودين

كل انسان يوم الحساب يتحاسب على أعماله ^_^ !

أهم شي الإنسان ينصح ويتعامل بالحسنى

ويدع الخلق للخالق

لإن رب العالمين يمهل ولا يهمل

ومستحيل انسان ظالم وحقود وكل هالاشياء ما يجازيه رب العالمين على قد عملـه ..

لكن انج تعصبين وتزعلين وتحرقين أعصابج

والي أكبرعن جي أختي استويتي انتي بعد حاقدة عليهم ما أنصحج صراحـة

لا تعاملين الحقود بالحقد ^^ !

لإنج انتي أخلاقج عالية وما تنزلين تحت عند الناس

تمدي لهم يد العون يطلعون عندج فوق

لا تغيرين من أخلاقج وطيبتـج لأجل حد

خلي دينج اساس حياتج

ومهما غلط الإنسان في حقج اعرفي ان هذا أجر محفوظ وابتسمي وقولي شكرا

ياحظ من ضره الناس وخذ له أجر ليوم الحساب

استهدي بالله ولا تقطعين رحمج

طبعا ما اقولج توسلي لهم أو ذلي نفسج

بل فقط الواجب والدعاء لهم في ظهر الغيب ^_^

عسى تكونين سبب في هدايتهم بعد رب العالمين

وربي يصلح أمر الجميع

**حبيته بجنون** · 2011-07-09, 14:33

الله يعينكم على هالناس المريضه

اكره هالنوعيه عافان الله

ماقول غير الله يعينكم ويصبركم عليها

لو كنت في مكان الوالده كنت بطردها من البيت هي وريلها

صحيح انه ولدها بس كل شي له حدوود واللي يتعدى حدوده

المفروض مايكون له مكان بينكم

**زهور الشوق..** · 2011-07-09, 15:12

السلام عليكم ورحمة الله وبركاته

هلا عزيزتي ..

لا حبوبة مهما سولوج إنتي إصبري إذا تبين
الآخرة هذي دنيا وما تسوى حبة خردل إصبري وعامليهم
بالتي هي أحسن ..+ إدعي لربج إنه يهدي أخوج ومرته للصلاح
وإن شاءالله بإذن الله راح تتعدل الامور ..
خليج قوية وإصبري عزيزتي وخليج دووووووم قنوعة بإن ربج
منصف وكا حد بياخذ حقه ..
أهم شي لا تسويلهم دليت من حياتج ..
لا تنسي إن رسولنا الكريم عليه أفضل الصلاة والسلام وصى بصلة الرحم ..
إعملي وإعملي لآخرتج لإن هي الحياة الحقيقية والدنيا ما تسوى جناح بعوضة تخيلي ..

يا عسى ربي تصفى النفوس بينكم ويرزقكم المحبة والمودة ..

ربي يوفقج حبيبتي ..

**الأحلام الملونة** · 2011-07-09, 15:34

أدعوا لها أن الله يصلح حالها

**بهلولة** · 2011-07-09, 16:22

الله يفرج همج ويسخرلكم اخوج ويهدي حرمته

**حزن قلبي** · 2011-07-09, 16:32

الله يعينكم بس لا تسكتون عنها اذا غلطت عليكم و خلكم كلكم على قلب واحد عشان تعرف غلطها ، اما اذا سكتوا عنها بتتمادى صدقوني

**zaafranah** · 2011-07-09, 18:55

فديتكم والله يارب ما أنحرم من نصايحكم
صراحه رفعتوا لي معنوياتي
والله حسيت للحظه ان الدنيا بعدها بخير
يارب ان شالله يسر أموركم ويوفقكم دنيا وآخره
ان شالله ياحبيباتي وخواتي في ميزان حسناتكم أشكركم الشكر الجزيل

**مجرد ام** · 2011-07-09, 19:00

لا اله الا الله ومحمد رسول الله

**حــــلاوه** · 2011-07-09, 19:03

لا اله الا الله

الموضوع: مشكله +نصيحه

أدوات الموضوع

عرض

مشكله +نصيحه

المزيد من آخر المواضيع من نفس القسم:

المواضيع المتشابهه

نصيحه نصيحه نصيحه لكي غــــآآليتي ...لاني احبكم في الله

مشكله بنت.. مشكله عجيبه غريبه اخوي متعلق فيني بدون ما يعرفني...52

مشكله بنت ..مشكله عويصه :( .خيانه... . زوجها ما يقدر يمارس حقوقه الشرعيه و السبب؟؟38

اعاني من مشكله حساسه ،،،،، ممكن حل او نصيحه بليييييييز

على فكرة ها مكان للمشاكل .. ! سواء كان ف القسم مليون مشكله او مشكله وحدة !!