المتزوج ....!!

**مالتيزرس** · 2011-07-14, 01:12

حبيبتي والله أريح لج أنج تاخذي عزوبي أحسن من نص ريال ما بترتاحين معاه قلبه بيتم معلق فحرمته الأولى وعياله الثانيين يعني كل مرة بيتصلون تعال يافلان شيل ولدك تراه تعبان ، وبيشبع منج سنة سنتين وبعدين بيروح للثانية ، أنا أعرف واااحد متزوج اثنين تم مع الثانية فترة وبعدين هجرها وراح للأولى ، ترضين لعيالج بالتشتت يوم يشوفو ابوهم ويوم لا

**مالتيزرس** · 2011-07-14, 01:15

المشاركة الأصلية كتبت بواسطة عيالي وبس

فديتج انا ما بقول لج حطي عمرج بموقف الاولى لانه هالشي الله شرعه بس بقول لج شي قاعدتي بالحياه الانسان ايعيش مره وحده يا انه ايعيش مرتاح او بلاها من عيشه لو انتي صغيره وفيه امل انه حد ثاني يتقدملج اقولج وبكل قوة لا تقلبين هب عشان الاولى ولا لانج بتهدين اسره كامله لا لانج انسانه لج حق اتعيشين كحرمه سعيده لج حق تسعدين بكل لحظه ما تحاتين فيها الحين زوجته بتتصل الحين بتيي الساعه الي ايخليني فيها ويروح للاولى باجر بيكون دور الاولى حبيبتي الزواج من حرمتين مسؤوليه كبيره وين عنها رياييل هالوقت ما احط بذمتيه ع ريلج لا هو نفسه بعده ما يرف شو يعني الزواج من حرمتين مشاركه بكل شي حتى لو سافرتي ويا ريلج هي الها حق اطالبه بهالشي انتي الحين تشتغلين ممكن بعد فتره تحملين وتبين تيلسين بالبيت بيتحمل مسؤوليه الصرف ع بيتين ادري انها امور سابقه لاوانها بس فكري بحكمه نحن لا نعيش بالحب الحب جزء من حياة زوجيه فيها مسؤوليات كبيره مستعده لو ريلج هب مقتدر تصرفين بالمستقبل ع عيالج مثلا من الالف للياء تراها صارت عندنا حتى ايجار البيت تدفعه الثانه يوم حضرته حن للاولى قيسي الامور حبيبتي بعقلج القلب ما بينفعج بتتعبين لو خليتيه الحين لانه شكلج متعلقه فيه بس ما عليه تعب ان شاء الله شهر ولا العمر كله اذا كانت الحياة بعدها جدامج فلا اتضيعينها عشان اي حد الحياة نعمه والانسان يستغل النعم الي الله عطاها له والله ايوفقج واذا محتاره واااايد استخيري

كلامج عين العقل 100%

**أم دانووه** · 2011-07-14, 01:26

كلنا نتكلم لكن النصيب يظل هو القرار الأخير

صدقيني ما بتحسين بعمرج إلا و انتي حامل منه و جايبة عيال هههههه

الله يكتب لج اللي فيه الخير معاه او مع غيره

**um sheikha** · 2011-07-14, 02:23

عزيزتي

السموحه منج في الكلام

انتي غلطتي يوم نزلتي موضوعج الصراحه
لانه في عضوات يحورن الموضوع من شي لشي
انتي تتحاورين مع فئات عمريه مختلفه
الحين انتي شو استفدتي من كل هالكلام غير التشتت والكلام الجارح

عزيزتي
اتخذي هالخطوتين ما في غيرهم
اولاً
اطلبي غلق الموضوع من مشرفات القسم

ثانياً
استشيري الخالق وليس المخلوق
استخيري لربك ومن ثم خذي موافقة والديكي
وتوكلي على الله

وبارك الله في عضوات كان حوارهن راقي
وباقي ردود الاخوات كان دال على سنهن وقل تجاربهن في الحياه.

**شغـٍٍٍٍٍٍـاير** · 2011-07-14, 10:58

المشاركة الأصلية كتبت بواسطة غالي عليه

شغائر

حبيبتي مافي عنصريه بس أنتي روحج قلتيها انها تبتعد عن الحرمه إلاولى وما تأخذ رأيها لأنها ما بتوافق

وتتوقعين انها بترتاح يوم بتأخذه يعني احنا أنفكر في مصلحتها بغض النظر عن الجنسيه

عيل كيف يقولها ان حرمته موافقه ومتفهمه الموضوع لو موافقه ليش الخوف بأن تكلمها

يعني تباها تتقبلها بعد ما ماتاخذ ريلها منها

من أولها يجذب عليها عيل باجر شو بيقوووول

وأغلب الريائل تحصلين حريمهم شالين البيت على روسهم وبعد ما يبين في عينهم

بــل بــل كلــتوني حشى !!
متى تكلمت انـــــــــــا عن العنصريهـ اختي @_@ .. !!!!
و بعــدين بــلاكن جي ( البعض ) بــسم الله و شو هل الكلام اونه كما تــدين تدان , و كيف تبنين حياتج على حساب غيرج و كيف ترضين تكوني سبب في تشتت عائله و الخ و الخ خيبه سوتوها نهايه العالــم حشــى !!!!!!!!
خيبه موب حرمه هاي قنبله نوويه استوت هاي هههههـ , شو هل الكلام التافه استغفرو ربكم بنـــات .. جنكم نسيتو

انه هذا كله بيــد رب العبــــاد و حتى لو هي ما رضت و الله كاتب لها انه يكون من نصيبها راح ياخذها غصبا عن اللي ما يرضى ...
تذكــرو كله بيد الله سبحانه و موب ايدكم انتو و لا تقعدون تقولون كلام يسم البــدن و تعقدون السالفه و هي ما تسوى .. انسانه تزوجت واحد مــتزوج !!! و خير يا طير شو استوى اختربت الدنيا مثلا لا هي اول وحده و لا اخر وحده لــو كانت الزوجه الاولى مقصره او لا ما يخصها فيها , و كل وحده دور على سعادتها قبل فوات الاوان و في نهايه كل شي كتبت رب العالمين !!
و ربــي يوفــٌق الجميــع .. و اسمحولي هذا راي و ما راح يتغير

**nanosa_82** · 2011-07-14, 11:03

اسألي عمرج هالاسأله :
1- هل فرحته بالعرس بتكون نفس فرحتج ؟؟؟؟ طبعا لا لانه مجرب
2 - هل لو حملتي بيكون متوله عالياهل شراتج؟؟؟؟ طبعا لا
3- لما تربين هل بيكون مثلج معاه؟؟؟ احب اخبرج ان الام الي هي الام مثلا انا مب متولهه عالياهل الثاني شرات الاولي

اختي كل شي في الدنيا لما يكون اول مره يكون له فرحته وبهجته
صدقيني

**Cute Girle** · 2011-07-14, 11:57

كلمي حرمتة ولو هيه موافقه خلاص وافقي
بس بالعقل يعني حطي نفسج مكان حرمتة وريلج يقولج انه بيتزوج شو بتسوين انا الصراحه بحس بنقص في نفسي او بحس انه انا فيني شي حتى لو وافقت عشان ارضي زوجي بس بيتم في خاطري حقد عليج

هذا رااي والاختلاف في الرأي لا يفسد في الود قضية

**وردة الجاردينيا** · 2011-07-16, 02:00

الاستخاره ثم الاستخاره ثم الاستخاره

**عواش 18** · 2011-07-19, 01:35

اارفعععععع

**عيناويهـ حلوه** · 2011-07-19, 02:01

الله يكتبلج الي فيه الخير لج الغاليه .....^^

**إمنوره بيتي** · 2011-07-19, 02:42

عفواً ,,,,

الزواج الأول مبناي على الرغبه في الإستقرار و الأسره و الابناء

الزواج الثاني مبناي على نزوه ورغبة رجل اعتقد الكل فاهم قصدي اذا اكتملت مواصفات الاولى فالرغبه في الثانيه مجرد نزوه ومثل مايقولون حاب يعيد شبابه !!

عذراً على التعبير ولكن هذا هو الواقع ,,,,,,,

حطي نفسك مكانها عشتي سنوات طويله جبتي له 5 ابناء ,, 5 مرات حمل و ولاده وتربيه اللي ماجرب ماراح يحس وآخر شي يجازيها بضره !! زوجه ثانيه عشان سي سيد يجدد شبابه ويعيد حياته ويدلع نفسه !!

والاولى كيف اتجدد حياتها واتعيد شبابها وسط مسؤولية الاولاد بدال مايريحها ويسافر معاها يغير جو يتحجج بالزواج التقليدي ,, بعد ماجابت له 5 اولاد تذكر انه كان زواج تقليدي !!!!!!

**الكـــــاذي** · 2011-07-19, 22:20

أنا مطلقة،،، وعندي أعيش عمري كله بدون زواج
ولا أتزوج رجل متزوج،،

لو حسبتها يمين ولا يسار

الحياة الزوجية وجدت للاستقرار وراحة البال

ويا دوب الوحده تلحق ع مشاكلها الخاصه مع زوجها وأهل زوجها وغير مسؤوليات الأطفال

فما بالج بشريكة أولى في حياته

وفي النهاية كل شخص له وجهة نظر وقناعات خاصة غير عن الثاني

وما اقدر أنصحج الا بالاستخاره،،

الله يوفقج للخير

**خواطر الانثى** · 2011-07-19, 23:59

الاستخاره ثم الاستخاره ثم الاستخاره ^_^
بعدها
اذا صار نصيب معاه <<عن أنس بن مالك رضي الله عنه ، عن النبي صلى الله عليه وسلم قال : لا يؤمن أحدكم حتى يحب لأخيه ما يحب لنفسه . رواه البخاري ومسلم .

اعرفي حقوقج من اول +وحرمته لها حقوق +عيالها = عشان تعيشين سعيده من دون مشاكل

حلو الوحده لم تكون له علاقه مع اي شخص كان << اربيعتي او اختي او امي او اي حد <<ما ارمس من وراه الا بالخير

مثلااا << اي شخص بيتزوج على وزوجته حتى لو تكون شرانيه <<من خلق وادب ودين ما يرمس عليها عند اي حد ثاني <<لأنه مب حلوه بحقها ولا بحق اهلها وعياله وانها وزوجته مهما استواى ام عياله ((اكيد هو بعد ما يرضى حد يتكلم عليه )) ف لازم تنبهينه اذا استوي نصيب حبيبتي^_^

حتى لو كانت هاي خصله في زوجي بحاول اغيرها فيه المستقبل <<<الله لا يقول ^^

اتمنى لج حياه سعيده وين ما تكونين

**حرم الزعابي** · 2011-07-20, 00:12

مـآ اقدر ابنـي سعـآدتـي ع تعـآست غيـري

والله ماتخيل ريلي يتزوج عليه ويكون ملك لغيري اااااااخ قلبي بيحترق وايد لو صاااار هالشي ...

وشكلج وياه في الشغل وعيبتيه حرااام اتقي الله في زوجته وعياله..

بس اذا من نصيبج بتاخذينه ...

**بنتـ DXB** · 2011-07-20, 00:44

راح اكتب لج الموضوع على شكل نقاط :

1- هل فعلاً هو صادق في كلامه عن حرمته ؟؟

2- هل تضمنين انج تعيشين مرتاحه بدون مشاكل خاصةً ان زوجته من اهله في الاساس وما اظن اهله يتقبلون هالموضوع !!!

3- هل يفكر بالزواج بشكل جدي او زواج مؤقت فتره وعقب مع السلامه ؟؟

4- تضمنين نفسج وتقدرين على ضبط غيرتج؟؟؟

5- هل هو فعلاً مدين ويكلمج في مكان العمل مواضيع خارجيه؟؟

6- هل ترضين تبنين سعادتج على تعاسة غيرج ؟؟؟

7- هل تضمنين انه يعدل بينكم ؟؟؟ ( ارد على الاخت إلي قالت ان رسول عدد ) وانا اقولها ان الرسول غير وما في حد من صفاته وما اظن رياييل هالزمن يعدلون

8- تتقدرين تتحملين يوم كامل اتمين بروحج ؟؟؟

9- ممكن توافقين لو قالج يبا يتزوج الثالثه ؟؟؟

وايد اسئله ممكن تطرحينها على نفسج فكري بمستقبلج اكثر من انه مجرد زواج وسفر وطلعات ووناسه

الزواج اكبر من جذي

وإلي تقول ان إذا انتي رفضتيه بيدور غيرج للزواج هالموضوع نحن ننصحج فيه ونبا لج الخير ما يخصنا فيه

صلي استخاره وما خاب من استخار

والسموحه

الموضوع: المتزوج ....!!

أدوات الموضوع

عرض

المواضيع المتشابهه

للعازبات فقط (موضوع خاص) هل أنت مع زواج المتزوج من......؟؟!!!!

غيرة الإخت من أخوها المتزوج

البنات والريال المتزوج!!!!!!

ما يحلى فعيونهم غير المتزوج

ماذا يدور في رأس الرجل المتزوج ؟ّ!