المتزوج ....!!

**ملكة الاحاسيس** · 2011-07-08, 13:12

لما قريت باقي ردودج ماشاء الله عليج عاقله ومتزنة

وحرام تروحي تعيشي عيشه ضرر ! والله من قلبي اقولك راح تتعبي تعب نفسي شديد

انا الي هو وماسلمت من مضايقات الاخرين بحياتي. وجاني انوااع التعب فمابالج ! بتكونين
1- ضرة
2- مابتقدرين تشاركينه وتشاركين اهله ( لنه اهل وقرايب )
3 - بكرة تحملي تتمني قربه جنبك في اتعس لحظاتج!!

وتصدقين رجال يقولج انا مضبط الامور !
ياعزيزتي الحياة ماتنقاس بمسطرة!

لاااا الحياه فيها تجارب + اختبارات+ حساسيات+ زعل+عتاب+ ضحك + الخ

يعني هو يبغي راحته ومايبغي راحتج انتي ويرسم لمستقبله وصدقيني وهالكلام اخذته من شخص قريب قالي بالحرف :

الرجال مستعد يسوي اي شي عشان راحته ومايهمه زوجاته او اطفاله المهم اذا يخاف الله بيكون صاحي ضمير اما لا صدقييني بتتعبي تعب تعب

والله عندي بنت خالتي اقسم بالله حاولت تنتحر ! وهي ضرة وانصدمت لما عرفت زوجته الاولى مسكينه وطيوووبة وسكوتة وهو الظالم ! شفتي

**المغتربة** · 2011-07-08, 14:05

اهم شي ف الزواج الاشهار و زوجته لازم تعرف

و هذا اهم شي

**سكر محترق** · 2011-07-08, 14:25

انا مستغربة
كيف انتي تتكلمين معاه بجرأة في هذه المواضيع ؟؟
اذا كنتوا زملاء عمل و تلتقون يوميا ً ... ما اعتقد انكم بتتكلمون بهذه المواضيع امام الناس و زملاء العمل كلهم

يا ترى وين و كيف تحاورتوا ؟؟؟؟

انا اغار على صديقاتي اذا تصادقوا مع بنات غيري افضل مني في الشخصية و الحوار ، و اعتبر صديقاتهم سارقات سرقوا مني رفيقتي ....

و اعتقد ان الزوجة الاولى اكيد تغار على زوجها و تغار من الزوجة الثانية و تعتبرها سارقة

**Mall.08** · 2011-07-08, 14:33

الله يقدم اللي فيه الخير
واهم شي الاستخاره

ومثل ما قالت لج الوالده
اذا هو نصيبج والله كاتبه لج
بتاخذينه برغم الكل

**زورق*أمل** · 2011-07-08, 14:34

استخيري واستشيري واسألي عنه ،، وتوكلي على الله ... هذي نصيحتي ..

واهديج هذي المقالة اقرئيها

http://forum.uaewomen.net/showthread...9#post33397659

**بنت_بوظبي** · 2011-07-08, 14:36

بدون ما تستشيرين الحرمة الاولى ..صلي استخاره وشوفي الوضع .. لأن شي طبيعي الحرمة الاولى فيها غيره واحتمال كبير ترفض .... دامه اختار والشرع محلل له اربع .. توكلي على الله وصلي استخاره وشوفي وين الخير ..

وفي احتمال رفضج له بسبة ان الحرمة الاولى رفضت شي طبيعي بيدور غيرج .. لأن هالفكره ف باله من الاساس ..

اهم شي انج تتحملين الوضع .. لأن اكيد بيكون لج وقت ولها وقت ..مب تضايجين عقب ..

والله يوفقج يا رب

**cute uae** · 2011-07-08, 15:49

المشاركة الأصلية كتبت بواسطة بـقـايا حـلمـ

مـآ اقدر ابنـي سعـآدتـي ع تعـآست غيـري
وزوجتـه الآولى مستحيـل توآفق يعنـي بتكون مضـآيجـه
فـ ليش ابنـي سعادتـي ع تعاستهـآ .؟

والنقطـة الثانيـة :
ليـش يبـآ يزوج .؟
هـل يـآه قصـور من صوب حرمتــه .؟
هالسبب هـل قصـورهـآ كـآن مقنـع بالنسبـة لـج .؟

لكـن ،،

لـو يبـآ يتزوج لمجرد أنـه يتزوج .؟
هذي روحهـآ سالفـة
لنـه بنت عمـه وقال بزوج عليهـآ
بـآجر كيف بيكـون حالــج .؟

أنـا اسفـه يالغلآ يمكن كلآمي جـآرح
بس هالشي فقلبـي ومـآ اقدر اغيره

الله يوفقـج ويسـر لـج آمرج يـآرب

^^

**عطر 77** · 2011-07-08, 15:59

حسيت من لهجتج انج مب مواطنه ,, واتحملي ساعتها اللي بييج من زوجته

**ليتني في حلم** · 2011-07-08, 17:12

الله يوفقج

**عواش 18** · 2011-07-08, 17:28

خذي نصيبج ولا تفكرين زوجه ثانيه ولا شي ها دنيا اذا ما اخذج بياخذ وحده ثانيه
فاتوكلي واتزوجي

**فوعة الورد** · 2011-07-08, 18:03

المشاركة الأصلية كتبت بواسطة شب يلدا

بس بعد شوفي راي الحرمه الاولى .. لو اتكلمينها يكون احسن عسب عقب فتره ما تقول لج ان زوجها اللي قال و ان هي ما قالت وهي مب راضية و الناس تدرين اخربون و اسوون فتنه .. انا لو مكانج بكلمها جدام الزوج عشان اسمعها .. و بقولها انا بكون ربيعتج و صديقتج اكثر من اني اكون ضرتج ...بحاول اتقرب لها قبل لا اكون ضرتها عسب ما اتحط لي حواجز و اتكون عدوتي بعدين .. هاي وجهه نظري ..

نفس الكلام اللي كنت بقوله انا لما زوجي تزوج علي كنت اتمنا لو تعرفنا علي بعض قبل ان ياخذها
ويوم طلبت اني اشوفها او اكلمها هي رفضت وقالت ماريد وحرمتك تكلمني ولااكلمها مالها خص فيي انا هنية زعلت يعني انا الاولة وهي ماتبي تكلمني وكنت يوم اتصل حقه وهو عندها تقوم ترسل لي مسجات تسبني فيها وانا ماتصل الاعشان لعيال او اهله شي صايرعندهم صدقيني حتى اهله وخواته وحريم خوته كرهوها من تصرفاتها بس نصيحة مني اذا حبيتي ان تكسبين زوجك وهله كسبي زوجته اولا هذا من
تجربة شخصية

**حــــلاوه** · 2011-07-08, 20:57

لا اله الا الله

**بدوية والنعم** · 2011-07-08, 21:53

راي شخصي

اذا الرسوول عليييه السلام تعدد بالزيجااااات ..من نحن نقوول لأ لو هالشي بيسبب ضرر كان رفضه الاسلام شرات الخمر ..انا عندي عاادي اتزوج ع ريال معررررس ..بس بشرووط مثل ماتفضلن الخوات .. وتراني ما قصد المال انا اقصد اشيا ثاانية

اختلاف الرأي لا يفسد في الود قضية

تقبلوا مروري

دمتم بود

**فديت النونو** · 2011-07-09, 00:25

أختي الفاضلة أسألو عن الريال زين حتى لوكان يشتغل معاج مش معانته انج عرفتي عنه كل شي, و أدرسي الموضوع من جميع جوانبه و فكري ولا تتسرعين فتخاذ القرار , وحطي فبالج أنج راح تكونين الزوجه الثانية ,يعني الريال مب لج وحدج لازم تكون في غيره بينكم , و أستخيري لأنه أهم شي الإستخارة هي الي بتبين لج إذا هالزواج خير لج ولا لا
إن كان خير الله بيسر هالزواج و إن كان لا ربي يرزقج ع قد نيتج

وبشرينا بالأخبار

**بهلولة** · 2011-07-09, 12:46

انا بكلمج بالمنطق
يعني لو يتني بنتي بيوم من الايام وقالتلي ماما في واحد متزوج ومتقدملي ويباني على سنة الله ورسوله
اول شي بقوللها يا امي ليش ادخلين بعمرج بمشاكل ببداية الزواج
بحر المتزوج عميق
ومشاكله ما تخلص
وما تعرفين منو تكون زوجته واهلها
هل هي راعية مشاكل وممكن تحول حياتج الزوجية لجحيم
ولا تنسين ان عياله هم عيالج لازم تستقبليهم وتطبخيلهم وتتحملينهم
يعني انتي بتكونين ام من اول يوم عرس

لكن اذا بنتي كان حظها قليل بالخطاطيب
وكانت فعلا زوجتة موافقة ومقتنعة وما عندها اي مانع وهو انسان فعلا اخلاق ويروم يصرف عليها
فبستخير ورب العالمين يقدم اللي فيه الخير

وربي يوفقج حبوبة

الموضوع: المتزوج ....!!

أدوات الموضوع

عرض

المواضيع المتشابهه

للعازبات فقط (موضوع خاص) هل أنت مع زواج المتزوج من......؟؟!!!!

غيرة الإخت من أخوها المتزوج

البنات والريال المتزوج!!!!!!

ما يحلى فعيونهم غير المتزوج

ماذا يدور في رأس الرجل المتزوج ؟ّ!