المتزوج ....!!

[عقد الماس]

شوفي اختي انا ما باثر عليج ولكن بعطيج وجهة نظري

اول شي يعتمد عليج انتي
هل فاتج قطار الزواج؟
هل انتي في سن تقلصت عندج فرص الزواج ؟
هل تشكين من عاهه او شي لا سمح الله وتشوفين ان الريال المتزوج بيقدرج اكثر من الشاب؟
هل انتي امراه تريدين الستر فقط بغض النظر عن حقوقج وغيرتج؟
اذا كان جوابج نعم فاقولج توكلي على الله وتزوجي منه
اما اذا كان لا
فنصيحه من اخت لاختها ارفضي هذا الزواج اللي ما بتحصلين من وراه الا نص ريال ,, وعلى فكره اغلب الرياييل المتزوجين يتحججون انه زواجهم تقليدي وانهم مش مرتاحيين بس هم يسعون اللي راحتهم , ما فكرتي في نفسج انا وين بتكون راحتي؟
اختي انا متزوجه والحمدلله واغار على زوجي والغيره موجوده في الحريم , فهل بيكون عادي عندج يوم لج ويوم لها؟ او لما تولدين اول بيبي وتكون فرحتج غير عن فرحته لان هو اولردي عنده عيال , ويمكن ما تقدرين حتى تداخلين مع عايلته ولا تحضرين مناسباتهم وانا شفت وايد حريم وافقن وندمن على الحياه لان كل اللي قبل انقال لهن كان وعود في وعود لا اكثر,,وهذا اذا ما زعلت زوجته وخيرته ما بينج وبينها ,, والاكيد انه بيختارها هي الاولى وام عياله ,,
فكري اختي قبل لا تخطين هالخطوه والراي في الاول والاخير راجع لج