المتزوج ....!!

**العين حبي** · 2011-07-20, 01:06

حطي نفسج مكانهااااا انتي لو متزوجه وعندج عيال منه بتوافقين ريلج يتزوج عليج مافي حرمه توافق ريلها يتزوج عليها

**عطر رومانس** · 2011-07-20, 01:24

شو تبين في المتزوج ؟؟؟؟؟ انتي موقد الغيرة ولا قد المشاكل .... وشكل الريال يبغي يجدد شبابه ..وصدقيني ماراح يعمر وياج .. ومرده لزوجته بنت عمه من لحمه ودمة و أم عياله واول فرحته وانت الغريبة من يشبع بقول لج مع السلامة .. وانت مثل ما وصفتي نفسج حلوة والكل يتمناج .. تزوجي واحد مثلج اعزب وصدقيني بترتاحين ....

**أول العنقود** · 2011-07-20, 01:28

عزيزتي كيف ملتزم وكيف رضيتي تيلسين وياه فخلوه!!!!
وكيف تتعرفين عليه قبل الزواج! تتوقعين بيطلع لج بشخصيته الحقيقيه!!! للأسف هذي كلها افكااااار غربيه قح
وشو فيه الزواج التقليدي ???? اهم شي انه بدايته بالحلال مش بلقاائات وهالاشيا الثانيه!!!

شوفي كم مشكله انعرضت فهالقسم وكانت بدايه القصه تعارف لقائات مكالمات زواج مشاكل وللاسف الطلاق!!!!!

**مربط الجن** · 2011-07-20, 02:19

اولا خليج حذرة من الكلام المعسول يمدحج وانتي وانتي ولعلمج كل ريال يبا يتزوج الثانيه يقول انه مب مرتاح ويا الاولى ووايدات انطلمن عقب الزواج من المتزوج وتبين لهن العكس ومنهن اختي

كيف ملتزم وتقعدين معاه وتشوفينه ؟؟؟؟؟؟؟ حبيتيي دينا حرم هالشي

**أحلام علي** · 2011-07-20, 02:40

La 6b3an

Iam sorr

I think u r not local from UAE

So a lot of people will se you like a thif who take a man from his wife

I may not be right but this is my look

y

**Dlaal** · 2011-07-20, 03:02

ختيه ترى الزوجة الاولى لو مش راضية تقدر تحول حياتج لجحيم ف هل انتي مستعده لهالمشاكل؟
هذي اول نقطة
ثاني نقطه لازم تعرفين انه ف حياة زوجج اشخاص غير بيشاركونج فيه وبياخذونه عنج نص الوقت اذا مش معظمه الللي هم زوجته الاولي وعياله منها
ثالث شي هل ف نظرج هالريال بيكوون عادل مع الزوجتيين ؟ لازم تدرسييين شخصيته زين قبل مايطيح الفاس بالراس
رابع شي واااااااايد من المتزوجيين بالثانيه بعد فتره يحنووون للزوجة الاولى وهنييه تبداا المشاكل والغيرة و .. الخ

لازم تحسبييين حساب وايد امور ف هالزواج وضروووري تكلمين الزوجه الاولى لانه هذا بيسهل عليج وايد امور للموافقة او الرفض

واهم شي صلاااااة الاستخاره

**الفرعونية** · 2011-07-20, 09:14

المشاركة الأصلية كتبت بواسطة شغـٍٍٍٍٍٍـاير

بــل بــل كلــتوني حشى !!
متى تكلمت انـــــــــــا عن العنصريهـ اختي @_@ .. !!!!
و بعــدين بــلاكن جي ( البعض ) بــسم الله و شو هل الكلام اونه كما تــدين تدان , و كيف تبنين حياتج على حساب غيرج و كيف ترضين تكوني سبب في تشتت عائله و الخ و الخ خيبه سوتوها نهايه العالــم حشــى !!!!!!!!
خيبه موب حرمه هاي قنبله نوويه استوت هاي هههههـ , شو هل الكلام التافه استغفرو ربكم بنـــات .. جنكم نسيتو

انه هذا كله بيــد رب العبــــاد و حتى لو هي ما رضت و الله كاتب لها انه يكون من نصيبها راح ياخذها غصبا عن اللي ما يرضى ...
تذكــرو كله بيد الله سبحانه و موب ايدكم انتو و لا تقعدون تقولون كلام يسم البــدن و تعقدون السالفه و هي ما تسوى .. انسانه تزوجت واحد مــتزوج !!! و خير يا طير شو استوى اختربت الدنيا مثلا لا هي اول وحده و لا اخر وحده لــو كانت الزوجه الاولى مقصره او لا ما يخصها فيها , و كل وحده دور على سعادتها قبل فوات الاوان و في نهايه كل شي كتبت رب العالمين !!
و ربــي يوفــٌق الجميــع .. و اسمحولي هذا راي و ما راح يتغير

شكرا حبيبتي هههههه
وعلى العموم يمكن بعض الردود من شدة غيرتهن على عيال بلادهن او من شدة خوفهن علي فهم كثير متضايقات وانا اعذرهن والله

وشكرا مرة اخرى اختي على دفاعك وصراحة كلامك كثير اسعدني وفعلا انا ما بكون شريرة ولا قنبلة بنفجر بوجه زوجته وصحيح انا كل اللي يهمني شخص يحبني ويحافظ علي ممكن اتزوج واحد اعزب لكن بيرميني عقب او بيضربني او او فشو الفايدة ؟؟ انا صراحة يوم يتقدملي احد بشوف قلب واخلاق الشخص ودينه وهذا اكثر واحد تقدملي صاحب دين ومحترم واخلاق للي يسالوني كانو عن شو السبب بتمسكك بهذا بالذات ؟

المشاركة الأصلية كتبت بواسطة nanosa_82

اسألي عمرج هالاسأله :
1- هل فرحته بالعرس بتكون نفس فرحتج ؟؟؟؟ طبعا لا لانه مجرب
2 - هل لو حملتي بيكون متوله عالياهل شراتج؟؟؟؟ طبعا لا
3- لما تربين هل بيكون مثلج معاه؟؟؟ احب اخبرج ان الام الي هي الام مثلا انا مب متولهه عالياهل الثاني شرات الاولي

اختي كل شي في الدنيا لما يكون اول مره يكون له فرحته وبهجته
صدقيني

صح اسألتك صراحة نفس اللي يدور ببالي وخبرته هالكلام ، للاسف طفلي الاول ما \بيفرح فيه بتكون فرحته عادية لانه ولده ، ويوم يزقرونه بيقولون له يا ابوراشد >>> ابنه من حرمته الاولى مش ابني! وهكذا كل الاشياء تقاس

صدقوني انا افكر كثير لا تخافو

المشاركة الأصلية كتبت بواسطة إمنوره بيتي

عفواً ,,,,

الزواج الأول مبناي على الرغبه في الإستقرار و الأسره و الابناء

الزواج الثاني مبناي على نزوه ورغبة رجل اعتقد الكل فاهم قصدي اذا اكتملت مواصفات الاولى فالرغبه في الثانيه مجرد نزوه ومثل مايقولون حاب يعيد شبابه !!

عذراً على التعبير ولكن هذا هو الواقع ,,,,,,,

حطي نفسك مكانها عشتي سنوات طويله جبتي له 5 ابناء ,, 5 مرات حمل و ولاده وتربيه اللي ماجرب ماراح يحس وآخر شي يجازيها بضره !! زوجه ثانيه عشان سي سيد يجدد شبابه ويعيد حياته ويدلع نفسه !!

والاولى كيف اتجدد حياتها واتعيد شبابها وسط مسؤولية الاولاد بدال مايريحها ويسافر معاها يغير جو يتحجج بالزواج التقليدي ,, بعد ماجابت له 5 اولاد تذكر انه كان زواج تقليدي !!!!!!

لا بالعكس حبيبتي كلامك صح، الزواج الثاني بيكون نزوه، لكن الاول ديما استقرار، الثانية ديما تستخدم للوقت الحلو واعادة اللي مات!!!

شكرا على كلامك ونصايحك وماشاءالله عليكن كلكن والله فاهمات ومثقفات عشان كدة انا حبيت اناقشكن والله وما ندمانة ولا خاب ظني فيكن جد

**الفرعونية** · 2011-07-20, 09:18

المشاركة الأصلية كتبت بواسطة um sheikha

عزيزتي

السموحه منج في الكلام

انتي غلطتي يوم نزلتي موضوعج الصراحه
لانه في عضوات يحورن الموضوع من شي لشي
انتي تتحاورين مع فئات عمريه مختلفه
الحين انتي شو استفدتي من كل هالكلام غير التشتت والكلام الجارح

عزيزتي
اتخذي هالخطوتين ما في غيرهم
اولاً
اطلبي غلق الموضوع من مشرفات القسم

ثانياً
استشيري الخالق وليس المخلوق
استخيري لربك ومن ثم خذي موافقة والديكي
وتوكلي على الله

وبارك الله في عضوات كان حوارهن راقي
وباقي ردود الاخوات كان دال على سنهن وقل تجاربهن في الحياه.

انا مش زعلانة من بعض الردود العنفوانية ..!
وما خاب من استشار حتى الرسول كان يستشير اصحابه والصحابه
وانا والله مش ندمانة اني استشرتكن بالعكس اخذ نصايح حلوة يمكن كنت غافلة عنها وتفتحلي مخي
وماشاءالله كلكن واعيات ومثقفات وانا اهني المنتدى على وجود الجميع

**الوفيه** · 2011-07-21, 08:36

حلاة الثوب رقعته منه وفيه

الغاليه كيف تقولين الزوجه امرها لله؟؟

فديتج اذا انتي كنت الزوجة الاولى وتحبين ريلج مستحيل ترضين تشوفينه ويا غيرج

انتي حرمه ومشاعر الحرمه دايما غير عن مشاعر الريال

ف فكري هالمره على اساس ان لو انتي كنتي ف مكانها ولا تنسين انها ام عياله ،،

اذا في مشاكل او عدم تفاهم بينه وبين حرمته هذا شي ثاني

عالعموم اذا الله كاتب انه يكون من نصيبج بيكون من نصيبج غصبن عن الكل ,, واذا لا ف الله يعوضج باللي يسعدج

**شيخة الشارجة** · 2011-07-21, 11:11

يا اختي من ردودج يبين انج تعلقتي فيه ومب قادرة ترفضينه
و من رده عليج يبين انه يحب حرمته و بروحه قال لج ابي احي فيها اشيا ماتت

معادلة واضحة و صريحة انج اداة للاعادة الحب اللي كان من بينهم
و لا تصدقين انه ماحبها للحين
يعني مستحيل واحد متزوج وحدة من سنين و بينهم خمس عيال و للحين ما يحبها
هو بس يبا يتزوج سواء انتي او غيرج
ف ليش تضيعين حياتج معاه دام بعدج صغيرة و الخطاب يتقدمون لج !!!

القرار ف ايدج و انتي احسبيها صح بدون عواطف

**الوفيه** · 2011-07-21, 11:53

المشاركة الأصلية كتبت بواسطة شيخة الشارجة

يا اختي من ردودج يبين انج تعلقتي فيه ومب قادرة ترفضينه
و من رده عليج يبين انه يحب حرمته و بروحه قال لج ابي احي فيها اشيا ماتت

معادلة واضحة و صريحة انج اداة للاعادة الحب اللي كان من بينهم
و لا تصدقين انه ماحبها للحين
يعني مستحيل واحد متزوج وحدة من سنين و بينهم خمس عيال و للحين ما يحبها
هو بس يبا يتزوج سواء انتي او غيرج
ف ليش تضيعين حياتج معاه دام بعدج صغيرة و الخطاب يتقدمون لج !!!

القرار ف ايدج و انتي احسبيها صح بدون عواطف

صح ما شاء الله عنده 5 الله يحفظهم مستحيل ما يحبها!!

**LADY LOVE** · 2011-07-21, 12:05

استخيري والي فيه الخير الله بيقدمه

**بس عاد** · 2011-07-22, 01:31

يا اختي .. أنا مطلقه .. وصدقيني لا يمكن أني أقبل بانسان متزوج ..

أولا .. لأني ما ارضى اني احرق قلب أم عياله ..
وثانيا .. لأني وصلت لقناعه يمكن مش الكل بيوافقني عليها..

مب دايما الزواج راحه .. و لا دايما العيال نعمه .. ولا شرط أن الفلوس تعز الانسان ..

فكري في راحتج..فكري في استقرارج النفسي ...ليش تشوفين النار بعيونج ..وتعقين عمرج فيها؟؟

والله .. ما في شي يسوى في هالدنيا راحة بالج..وإنج تحطين راسج آخر النهار وترقدين وانتي عارفه انج مب ظالمه حد .. ولا غلطانه في حد .. ولا في ناس يتمنون لج الشر أو يحاولون ينتقمون منج ويأذونج حتى لو انتي مسالمه وياهم ...

إذا كنتي معزمه على الزواج .. لا تسألين أي حد .. أسألي حريم جربوا انهم يكونون (الزوجة الثانيه) ..
مثل ما يقولون .. اسأل مجرب .. أنا متأكده أن نظرتج للموضوع بتختلف..

وأهم شي.. استخيري .. في الاستخاره تيسير للأمور .. والله يعطيج على قد نيتج ان شاءالله..

**فرحات** · 2011-07-23, 03:43

الي اعرفه
الي في الشرطه والجيش ممنوع يتزوجون وافدات
الي في الجيش اكيد ممنوع من كم سنه طالع القرار
الي في الشرطه مو متأكده

**قطع العنوق** · 2011-07-23, 10:16

المشاركة الأصلية كتبت بواسطة الفرعونية

امين يارب العالمين .. شكرا والله على الدعوة الحلوة

شكرا على مداخلتك ، وانا عشان كدة دخلت وسجلت وطرحت هالموضوع لاني حسيت بهالمنتدى سيدات قمة في الثقافة والاتزان ولهن تجارب واكيد بيتناقشوا معي وبستفاد منهن

انا شوية تحصليني راضية وشوية لأ .. يوم اتصلت عليه وانا جالسة وقال هذا موعدها؟ حسيت بضيقة وغيرة قووووية! مب لانها كلمته لالا ، لانها مهتمة فيه؟؟ ووضع لها وقت تتصل عليه ديما، يعني شو لزمتي انا بما انها حريصة على الاتصال عليه بنفس الموعد؟

والكل قالي استخيري ،

والله العظيم اللي شفته ولمسته من كلامه ومن اتصال حرمته عليه ، انها اولا عرفة ربها وهو بنفسه قال بعمرها ما قصرت وياه ولا في البيت ولا حتى بعيالها وماشاءالله بامتحانات هالسنة كلهم بالتسعينات جايبين! وبعمرها ما زعلته ولا رفعت صوتها ولا كسرتله كلمة !!

وهذا الشيء اللي خلاني كل يوم اغير رأيي حتى هو بنفسه قال انتي كل شوية برأي ! مرة اوك ومرة لأ؟ يعني انا خبرته لو فيه مشكلة بينكم او لا سمح الله ما تجيب عيال،او جابت طفل او اثنين وانت تريد اكثر فهذا سبب، لكن هو بنفسه يعترف ويقول ما في سبب ما بكدب عليكي؟ لكن انا لاني دخلت خاطره ويقول بيجدد شبابه وبيقول عشان الزوجة الثانية تحرك الاولى في اشيا ماتت عندها !!

انا صراحة هالجملتين استوقفوني وتضايقت ما احب اخد رجل يخليني اداه لمغايضة اخرى حتى لو زوجته؟ ولا عشان وقت متعة او غيره .. لازم اخد شخص يحبني لشخصيتي ..

،

حبوبه اول شيء لانج مب معرسه فما بتحسين بحرمته لين امية سنه

بس بسالج سؤال

ترضين ابوج يتزوج على امج واييب لج مرت ابو؟؟

حزتها شو بيكون موقف امج ؟؟ فهدا قيسيه على موقف حرمته

وشو موقفج انتي وخواتج واخوانج ؟؟؟؟ وهالشيء قيسيه عالعيال للعلم انتي عوده وناظجه

بس عياله صغار عادي اتسببين لواحد فيهم بعقده نفسيه ولاتقولين ابالغ لان في وايد يهال بابتعاد ابهاتهم عنهم يتهم عقد نفسيه وروحي بنفسج المستشفيات واتطلعي عالحالات هاي

احين خلنا ندخل الموضوع

من رمستج فهمت ان حرمته بنت عمه صح ؟؟ وهذا يعني انه عايلتهم فيها عنصريه 100/100 لان حتا الاخ مب ماخذ من برع جبيلته بنت عمه دايركت

وهذا معناته ان العايله كلها في صف الأولى شو ماستوى بينصفونها هي وانتي الغريبه الي مومن ثوبهم ولا تنتمين لجبيلتهم ولايمشي في عروجج دمهم

وفي حال اي مناسبه بيقولون له لاتيبها تكفينا بنت عمنا والابو بيقوله بنت اخوي ابيها والثانيه خذتها بكيفك خلها عندك مانبيها تحضر لاعزايمنا ولا حفلاتنا يعني لاتفكرين حتا انه منو اتكون الاولى ومنو يدام ومنو ورى لانج لازم اتحطين في بالج انج ماتقارنين عمرج فيها يعني او حتى تفكرين بمجرد التفكير انج اتقارنين عمرج فيها هالشيء واقع لمسته وعشته في عايلتنا كم واحد من شبابنا خذومن برع العايله والنتيجه جي قلت يمكن لان عايلتنا مشدده بس عقب لامسته في عوايل صديقاتي وصيقات امي وهذا هو الواقع في الامارات كلها يعني الاوليه للاولى وانتي بس بتكونين زوجه ماتقدر اتشارك ريلها في عزايم اهله واعراسهم وحفلاتهم

واذا قلتي بروحلهم وبختلط اغير نظرتهم او رحتي اتزورين امه وابوه بس عاد اتحملي الرمسه الي بتنعق عليج من كل جهه وصوب ولاتتوقعين حد منهم يكون وياج حتى لو عمج وعمتج

واحين بقولج شي الغاليه انتي كلامج متناقظ 100/100 لانج قلتي بعتبرها شرات اختي او صديقتي وماشيء وحده اتغار من صديقتها او اختها وثاني الشيء الله ليش حرم الجمع بين الخوات والدليل على انج مابتعتبرينها اخت ولا صديقه وها كلام انتي قاصه على عمرج فيه ؟؟؟؟؟؟؟

لانج قلتي من اتصالها حسيتي بغيره هذا والريال بعد لا رمس ابوج ولاحيرج حتا والسالفه بينج وبينه شرات ماتقولين وانتي غرتي وين يوم بيخطبج وبيعرس بتولع الدنيا بينكم ها كلام ينقال بس وقت الفعل كل شيء يتغير في هالشيء روحج ناقظتي عمرج مايحتاي نحن نفسرلج

والنقطه الي عقبها والاهم

قلتي بيتزوجج عسب يجدد شبابه ؟؟؟؟؟

اوكي بقولج شي عيل حطي في بالج انتي مابتمين جي بيستوي حالج حال الاولى يعني بتكبيرين عمرج مابيوقف لو اتعدلتي وسويتي وبتيبين عيال وبتنشغلين وياهم شوي فبييج وبيقول ابي اجدد شبابي مع وحده ثالثه بتقولين مستحيل بقولج لا مب مستحيل الي هانت عليه بنت عمه وعقال راسه والي ربت وياه من صعره وعاش وياها اغلب ايامه وعاش الحلوه والمره وكبرو ويا بعض وعرسو ويابو عيال فانتي يالغريبه بسهوله بتهونين عليه

وعادي في اي مقارنه بينج وبينها او اهله خيروه بينكم حتى لو كنتي في اول ايام زواجج بكل سهوله بيقولج باي باي وانا ماروم اودر بنت عمي وام عيالي وانتي ماتصيريله فعادي الموضوع عنده

قلتي قال بيحيي الي مات في حرمته؟؟؟؟؟

بقولج واذا عاش الجانب الميت في حرمته عادي يطلقج لانه ردتله ((بنت عمه)) احط لج اياها في قوسين عسب انبهج وام عياله وانتي بيودرج او اييج في يوم ويتزوج عليج عسب يحيي الي مات فيج وفي حرمته الاولى

بس شيء واحد بقولج اياه حطي في بالج انتي في اي وقت بيستغنى عنج وبتبقى الاولى ((بنت عمه))

ادري كلامي لين احين مافيه شيء عيبج ولاتقولين لا لاني من ردودج استشفيت شيء ثاني انتي تبين تتزوجين هالريال ونحن شو مانقول يالسه اتظهرين مبررات تقنعين نفسج فيها وياريتها مقنعه

من هالمبررات ان الي يوج قبل كله يسافرون وحال وهذا ملتزم ومايسافر ؟؟؟

بقولج ان الي يشتغل في الشرطه وبهالمنصب يعطونه دورات برع او يسافر عن طريق الدوام ومثلا بقولج عن اقل شيء يسفرونهم اوربا اسبوع وتكون الدوره او اجتماعهم يومين وكل يوم مايتعدى الساعه او الساعتين وباجي الاسبوع طبعا هو مستانس في سفرته مع الضباط الي وياه وشيء غير هذا الشرطه يعطون الضباط تذاكر يسافرون فيها هم وعايلتهم وهالشيء اعرفه لان ابويه الله يحفظه واخوي وخالي وعمي كلهم ضباط ويحصلون هالتذاكر ومستحيل يودرهم ومايسافر بتقولين هوقالي انه مايسافر بقولج شو يظمنج انه صاج جفتي سجل سفره في الهجره وين رايح وين راد عسب تتاكدين .

وشيء اهم من ها اتقوليلي متدين بقولج على عيني وراسي بس المتدين علطول ايي يدق باب بيتكم ويرمس ابوج مايسمح لنفسه انه يرمسج وخصوصا الشاب الاماراتي في باله انه الي ياخذها ويخطبها قبل لايرمس ابوها علاقه عابره ونزوه وتنتهي بالطلاق بتقوليلي وجهة نظرج انج تعرفين الريال عدل ومايكون زواجج تقليدي بقولج ان هالشيء مب في مجتمع الامارات لان مب من عاداتهم وتقاليدهم فبيكون هو معتبرج ولا شيء لان بعده يالس يناقشج لان عندنا الي يبا الوحده يعرف ابوها وين ويروحله ويحصل الرد منه

وبقولج شيء الغاليه قبل لاتاخذين قرار روحي التوجيه الاسري وشوفي حلاة الطلاق اغلبها الريال اتطكون الاولى من اهله او ماخذنها عن طريق الاهل يروح ياخذ الثانيه وافده او حتى من الدوله مثلا عقب ماياخذها سنه سنتسن ثلاث ست سنين وعادي اييب منها كم ياهل وعقب يطلقها يقولها والله هذيج بنت عمي ولا بت خالي ومايستوي اودرها بس انتي ماتيلي شيء ونفقتج بتوصلج وعادي يشل العيال عنج بعد وشاب راسي في التوجيه من هالمشاكل وهذا لان كان عندي بحث وجفت حالات الطلاق في التوجيه والابناء الي يتعالجون من صدمات نفسيه وعقد بسبة زواج الاب فلو تبين روحي اتطلعي على هالحالات

وبقولج الغاليه مب مشكله انتي خذي الريال بس باجر شو ذنب عيال الحرمه الاولى او عيالج الي اهل ابوهم مابيتقبلونهم لانهم يعتبرون احفادهم الي يتباهون فيهم امهم تكون بنت العم وانتي ماتظمنين هل هالريال بيتم لج ولا ولاقدر الله ولاسمح الله صار فيه شيء اهله مو متقبلينج شو ذنب العيال الي بتيبينهم بتقوليلي راضين بقولج لا ويقص عليج لان محد يرضى بالضره لبنته وبنت العم يعتبرونها بنتهم وانتي الي دخلتي وخربتي حياة بنتهم .

وتراني اعرف قصة واحد ويصير يارنا كان متزوج وحده اهله مختارينها له عقب كمن سنه اتزوج وراح شهر العسل ورد وقالتله حرمته ماتحمل صج اني كنت راضيه بس احين ماتحمل او انا او حرمتك راح وطلق الثانيه الي ماكلملت شهر وياه ورد للاولى ولا اهله سوو حفله بعد لان طلقها وهو ياب للاولى رنج سبورت بدريول رضوه حقها تراها الحرمه كانت راضيه بس عقب جفتي شو صار هذا ولاولى مب بنت عمه بس اهله مختارينها حقه من معارفهم بس على قولتهم العوايل من طبقه وحده ومعارف

انزين اتريي يمكن الله كاتبلج نصيب ويا واحد احسن وماعنده حرمه

ابي اعرف شو تستفيدون يوم تاخذون ابو من عياله الي متعودين انه كل يوم يرقد في بيتهم وياكل وياهم ويحسون كل ليله بالامان انه موجود مب يوم يرقدون ابامان ويوم بخوف انه مب موجود وحد يعفد في البيت والله حاله مستحاله

بس بقولج شي اذا مب هامتنج الحرمه خافي ربج في الخمسه الي وراه وانتي لاحقه بيييج نصيبج

وشوفي تراني انا مب معرسه بس اقولج لو صك عمري 100 سنه مستحيل اخذ واحد معرس لو على قص رقبتي ماخذ واحد عنده حرمه حتى لو عنده سبب قوي للزواج مثلا ماتيب عيال ولو حرمته اتي تخطبله مابرضى

اكون الاولى ولي الاوليه في حياته ولا اكون الثانيه واخرب بيت عامر باهله واستقراره

وماعندي الا دعوه حلوه اختم فيها ردي انشالله كل وحده ترضى تتزوج واحد معرس يستوي فيها نفس الشيء عسب تذوق نفس الشعور الي ذاقته الاولى اذا بتقولولي ليش هالدعوه بقولكم عادي تراكم اتقولون مافيها شيء و حتى لو كنت انا او كانت وحده من خواتي رضينا على غيرنا خله يستويبنا نفس الشيء
وربي يوفقج الغاليه ويزقج بريل صالح اتكونين انتي ام عياله و الاولى والاخيره في حياته مب الثانيه

وفي داعة الرحمن

الموضوع: المتزوج ....!!

أدوات الموضوع

عرض

المواضيع المتشابهه

للعازبات فقط (موضوع خاص) هل أنت مع زواج المتزوج من......؟؟!!!!

غيرة الإخت من أخوها المتزوج

البنات والريال المتزوج!!!!!!

ما يحلى فعيونهم غير المتزوج

ماذا يدور في رأس الرجل المتزوج ؟ّ!