مخنوقة

**لصة شوكولا** · 2011-07-06, 14:17

السلام عليكم ورحمة الله وبركاته

بحاول اختصر كل اللي حاسة فيه لاني ما اقدر اتكلم واايد وضاايقة

ياليت اللي مارة بالموقف تفيدني

انا مخطوبة وملجت و بعد الملجة تعرفت على ريلي وحسيت ان طريقة تفكيره غير عني بواايد واشياء واايد احاول اتاقلم وياهاها لكن مش من خاطري ، باقي اياام على الحفلة ولا كأنها حفلتي مش مستوعبه ولا متقبله الموضوع ، الكل يحسني مستانسة لكن من داخلي غصه مش قادرة اقول لحد ، اقول لنفسي يمكن شي عادي وبتتقبلين بعدين لكن ارد افكر بعد الخطوبة راح يشوفني مكشوفة حتى لو بس ايديني لكن .. مدري ملخبطة وفكرة طلاق ما ابي تمر من صوبي ومن جهة ثانية مضاايقة كيف بعيش وبكمل حياتي ولا اللي احس فيه عاادي وبيتغير مع الوقت .

اللي كانت مثلي وتغير عليهاا شي وقدرت تتقبل تنصحني .

المزيد من آخر المواضيع من نفس القسم:

**ابتسامتي غير** · 2011-07-06, 14:27

اختي موب لازم يكون تفكيره مثلج عشان تتفقون مرات الضد يكون حلو والمغناطيس ما ينجذب الا لضده

عطيه فرصه وحاولي تغيري في الاشيا الي ما تقدري تتحمليها لكن اذا فروقات تقدرين تعيشين معاها هذا شي طبيعي وفي كل بيت

ما بتحصلين واحد مفصل على مزاجج كل واحد له تربيته وطباعه وسلوكه

انتي بفتره حرجه وحساسه وتقدرين تقولين فاصله في حياتج واكيد عليج ضغط فهالشي ياثر بالنفسيه

موفقه

**bellegirl** · 2011-07-06, 15:05

لا حول ولا قوة إلا بالله

غاليتي

انسان عن إنسان يختلف

وطبق الأصل مب معناته تفاهم ^^ !

ولا الإختلاف معناته تضارب ..

الزوجين يكملون بعض مب ضروري يمثلون بعض

انتي أختي اقعدي مع نفسج واستخيري بالبداية وفكري

هل شخصية هذا الإنسان انتي تستحبينها ومستعدة تكملين حياتج وياه

هل الإختلافات الي بينكم صحية وما بتضرج إذا مافادتج ^^!

وإذا هو انسان يخاف ربه وعلى خلق ودين فأكيد بيحترمج ويقدرج

وبتعيشين سعيدة معاه ان شاء الله

ربي يقدم لج الي فيه الخير

وكثري من الإستخارة والإستغفار

**علا جميل فوزي** · 2011-07-06, 15:12

اختي لصة شوكولا انشالله بتغير احساسك اذا كان ريلك انسان متفهم تقربي منه وحاولي تفهميه وحاولي تركزي ع الصفات الايجابيه بشخصيته وصدقيني فكري دائما بايجابيه حتى حياتك تكون ناجحة وبشكل عام اغلب الازواج دائما بكونوا مختلفين عن بعض لكن مع الوقت بتتأقلمي وبتقدري تتواصلي معه توكلي ع الله وانشاءالله ماتشوفي الا كل خير

**الأحلام الملونة** · 2011-07-06, 15:17

استخيري أكثر من مرة وعطي نفسك فرصة أكثر بس ما أنصح الزواج وما فى بينهم شي لزم يكون هناك

أنجزاب وكيمياء وروح بغير ذلك لا أعتبرة زواج هاذا رآي الشخصي وكل أنسان وختيارة

**عواشهـ** · 2011-07-06, 15:19

اختي اي وحده اي وحده بتواجه الي انتي فيه انسان يديد فحياتج عااادي لازم بتواجهين جي صعوبات.. مع الاياام بتحبينه و بتزول كل هالفروووق و صدقيني كلام يهال يوم يقولج تفكيره غير عن تفكيرج و يلسيون ما يصلح و من هالكلام كله عالفاضي..اتوكلي على الله و كوني امينه على ريلج و اشوي اشوي بتتعويدن علييه...

**زهور الشوق..** · 2011-07-06, 15:26

المشاركة الأصلية كتبت بواسطة ابتسامتي غير

اختي موب لازم يكون تفكيره مثلج عشان تتفقون مرات الضد يكون حلو والمغناطيس ما ينجذب الا لضده

عطيه فرصه وحاولي تغيري في الاشيا الي ما تقدري تتحمليها لكن اذا فروقات تقدرين تعيشين معاها هذا شي طبيعي وفي كل بيت

ما بتحصلين واحد مفصل على مزاجج كل واحد له تربيته وطباعه وسلوكه

انتي بفتره حرجه وحساسه وتقدرين تقولين فاصله في حياتج واكيد عليج ضغط فهالشي ياثر بالنفسيه

موفقه

فعلا صحيح كلام الأخت ..وبعد شي ثاني عزيزتي مافي حد فهالدنيا كامل ..الكمال لله فقط
ولاتتسرعين ..بالتوووووفيق عزيزتي ..

**قلبي الجريح** · 2011-07-06, 17:30

المشاركة الأصلية كتبت بواسطة bellegirl

لا حول ولا قوة إلا بالله

غاليتي

انسان عن إنسان يختلف

وطبق الأصل مب معناته تفاهم ^^ !

ولا الإختلاف معناته تضارب ..

الزوجين يكملون بعض مب ضروري يمثلون بعض

انتي أختي اقعدي مع نفسج واستخيري بالبداية وفكري

هل شخصية هذا الإنسان انتي تستحبينها ومستعدة تكملين حياتج وياه

هل الإختلافات الي بينكم صحية وما بتضرج إذا مافادتج ^^!

وإذا هو انسان يخاف ربه وعلى خلق ودين فأكيد بيحترمج ويقدرج

وبتعيشين سعيدة معاه ان شاء الله

ربي يقدم لج الي فيه الخير

وكثري من الإستخارة والإستغفار

لآ حول ولآ قوة إلآ باالله ...
الله ييسر أمورج ويفرج همج..

اللهم إني أستغفرڪ لكل ذنب خطوتُ إليه برجلي أو مددت إليه يدي أو تأملته ببصري أو أصغيت إليه بأذني أو نطق به لساني أو أتلفت فيه ما رزقتني ثم استرزقتڪ على عصياني فرزقتني ثم استعنت برزقڪ على عصيانڪ...

آللهمُ آغفر ليَ ۆلۆآلديَ ۆلجْمُيَعَ آلمُسّلمُيَن ۆآلمُسّلمُآت ۆآلمُؤمُنيَن ۆآلمُؤمُنآت آلأحيَآء مُنهمُ ۆآلأمُۆآت....

يَآلله آجْعَل ۆفآٺيَ فيَ صلآه بيَن سّجْده ۆٺسّبيَح ۆرڪَۆعَ ۆآجْعَل آخر ڪَلآمُيَ فيَ آلحيَآه لفظ قِۆل آلشهآده فيَ خشۆعَ...

**ام حور** · 2011-07-06, 18:21

شوفي بقولج كلام عن تجربة

انا مريت بهالتجربة واحترت وخفت انفصل لاني ما كنت مقتنعه فيه والنتيجة بعد الزواج تطلقت منه بطلب مني

ركزي على شي واحد انتي تبينه مقتنعه فيه يعني حاسه انج معجبه فيه وفرحانه والشي الثاني ركزي عليه هو اخلاقة وشو تحسينه طيب حبوب ولا ممل

وبالتوفيق

**UAEU Girl** · 2011-07-06, 19:36

ان شاء الله بتتعودين عليه بعد العرس

**بهلولة** · 2011-07-06, 19:52

الله يفرج همج ويريح قلبج

انتي ما استخرتي؟؟؟

**دلوعة رشودي** · 2011-07-06, 21:42

ربي يسهل امووورج يااارب
ويفرح قلبج
ما اقولج غير انج تستخيرين ثم تستخيرين احسن لج حبوبه
وربج يجدم اللي فيه كل خير

دعواتكم بنات عسى ربي يفرج همي ويبدل حزني سعادة ويرزقني واياكم بالزوج الصالح التقي النقي مخموم القلب عاجلا غير آجل

برحمتك ياحي ياقيوم استغيث

استغفر الله الذي لا اله الا هو الحي القيوم واتوب اليه

**بنوته$** · 2011-07-21, 00:50

الله يوفقج^^

**نعمة النسيان** · 2011-07-21, 01:09

عزيزتي اعتبريني اخت قبل كل شي اقوله ......
أنا عشت اللي قلتيه وفعلا خمسة عشر يوم وطلبت الطلاق ماتحملت بس انتي مابينتي وين المشكله مثل ماقالوا الخوات في مشاكل تهون وفي مشاكل للاسف مانتحملها الانسان قبل كل شي قلب وروح كم بيتحمل مشاكل وانتي بداية الطريج لقيتي عمرج بتقدرين تتأقلمين مع هالانسان توكلي على الله واستخيري ورب العالمين بيكتب لج اللي فيه الخير...

**عيناويهـ حلوه** · 2011-07-21, 01:53

فديتج استخري مره ومرتين وثلاث وشوفي نفسيتج ..~
وان شاء الله اذا كان خير لج الله يوفقج معه ياارب ..~

الموضوع: مخنوقة

أدوات الموضوع

عرض

مخنوقة

المزيد من آخر المواضيع من نفس القسم:

المواضيع المتشابهه

احس عمري مخنوقة ...؟؟

حاسة اني مخنوقة

انا مخنوقة

بنات.. أنا حاسة إني مخنوقة..