ساعدوني خواتي

**يارب انصرني** · 2011-07-05, 21:45

السلام عليكم خواتي
المهم بدخل في الموظوع على طول من غير ماأطول عليكم
صار لي سنتين وانا اترجى زوجي عشان نغير الجو ونسافر مع بعض المهم رفض طلبي
والحين الاخ مسافر صار له اسبوع شايل حرمته ثانية والعيال وانا مخليني اتحسف ولا فكر يشيل موبيله ويسأل عني وعن عياله او حتى يطمن ويرسل مسج
ادري بتقولولي انا اتصل وأسأل عنه هو منعني اني اتصل فيه أوانه بيكون مشغووووووووووووول
وانا مافكر اتصل به تدرون ليش لآنه سافر وخلاني واااايد زعلانة حتى ماودعني ساعدوني شو الحل كيف اتصرف معاه شو تنصحوني والله حالي مايعلم به غير ربي العالمين لا أكل ولا شرب ولا نوم

المزيد من آخر المواضيع من نفس القسم:

**قلبي الجريح** · 2011-07-05, 21:49

الله يكووون فعوونج ..
الله ييسر أمورج ويفرج همج فديتج...

اللهم إني أستغفرڪ لكل ذنب خطوتُ إليه برجلي أو مددت إليه يدي أو تأملته ببصري أو أصغيت إليه بأذني أو نطق به لساني أو أتلفت فيه ما رزقتني ثم استرزقتڪ على عصياني فرزقتني ثم استعنت برزقڪ على عصيانڪ...

آللهمُ آغفر ليَ ۆلۆآلديَ ۆلجْمُيَعَ آلمُسّلمُيَن ۆآلمُسّلمُآت ۆآلمُؤمُنيَن ۆآلمُؤمُنآت آلأحيَآء مُنهمُ ۆآلأمُۆآت....

يَآلله آجْعَل ۆفآٺيَ فيَ صلآه بيَن سّجْده ۆٺسّبيَح ۆرڪَۆعَ ۆآجْعَل آخر ڪَلآمُيَ فيَ آلحيَآه لفظ قِۆل آلشهآده فيَ خشۆعَ...

**ام متعب7779** · 2011-07-05, 22:00

الله يكون في عونج الغالية وعليج بالاستغفار والصبر..
والدعاء له بالهداية والصلاح..
وربي يسخره لج يا رب

**سرى القلب** · 2011-07-05, 22:14

الله يعينج الغاليه
صدق قهر ريلج بارد الله يهديه ويسخره لج

**مريوم هيثم** · 2011-07-05, 22:17

الله يكون في عونج الغالية وعليج بالاستغفار والصبر.

**ريمان1** · 2011-07-05, 22:21

عامليه مثل ما يعاملج بالضبط لا تخافين منه كوني قوية الرجاااال يحب امرأته قويه الشخصيه والثانيه شكلها جيه قويه
واذا ما اعتدل خليه واهجريه برد لج صدقيني اذا هو بقلبه ذرة محبه في قلبه
لانج ام عيااااله بعد ولج حقوق
لا تسكتين عن حقج

**bellegirl** · 2011-07-05, 22:22

ربي يوفقج اختي

وأحس في وايد حلقات مفقودة من موضوعج ما نعرفها

انتي طرحتي مشكلـة من آخرها

ولازم نعرف بدايتها عسب نقدر نحلها

ياترى شو سبب تعامله وياج بهذي الطريقـة

والله يصلح حالكم ويسخركم لبعض

لا حول ولا قوة إلا بالله

**سوارة** · 2011-07-05, 22:24

مررت من هنا
لكم مودتي

**ام راشد8** · 2011-07-05, 22:28

الله يصبرج حبيبتي
لاتتصلين به واشغلي عمرج بالعباده خلال هاي الفتره ويوم ببرد اطلبي منه يسفرج

**أم دانووه** · 2011-07-05, 22:32

اختي ريلج ماخذ ثنتين المفروض يعدل ..!!

الله يهديه ويسخره لج و حرمته الثانية على الأقل تقوله دق على زوجتك تطمن عليها ..؟؟!!

الله يهدي الجميع اختي و لج رب رحيم لا تفكرين فيه وايد بتعبين عمرج إلا هو بشر بالنهاية ..!!

البني آدم خطاء و خليه بييه يوم و يحس فيج ..!!

اللي تقول إهجريه لا تهجرين ريلج دامج على ذمته مرده لج وين بيروح يعني ؟؟

إدعي له يرد لج بالسلامة و هو واهله و ماعليه إصبري ولين يرد يتفاهم معاج و يمكن مثلا يسفرج أنتي عقب ..!!

أحنا الحريم نكبر السالفة و اكيد له عذره هو بعد فلا تضايقن عمرج و انتي ممكن تتصلين او تطرشين رسالة.

و ما بيكون إلا كل الخير و المفروض يتصل لج يطمنج عنه لنج حبيبته بعد شرات زوجته الثانية ..!!

الله يخليكم له و يرزقكم الجنة جميعا و ما تدرين لعله إبتلاء وراءة خير يا الغالية ؟؟

**laila226** · 2011-07-05, 22:36

الغالية اذا ريلج رد من السفر لاتضايقي منة بالعكس استقبلية بكل حنيه وشوق

صح ان الشي يقهر بس مهما يكون هذا ريلج وابو عيالج
كوني انتي الاحسن ،
ربي يوفقج اختي

**امل نبيل** · 2011-07-05, 22:40

انا مع اخت ريمان 1
الله يصبرج حبيبتي و يهون عليج الصراحة من حقج والله

**الأحلام الملونة** · 2011-07-05, 22:43

سؤال أنت الزوجة الأولي ولا الثانية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبناء على الرد على هذا السؤال تختلف الأجابة --------------

**نية صافية** · 2011-07-05, 22:51

__________________________________

استغفر الله الظيم من كل ذنب عظيم
__________________________________

**نية صافية** · 2011-07-05, 22:55

الله يكون بعونج يا رب

بس اقــــــــــــــولج لا تستسلمين هذا ريلج و تمسكي فيه لآخر يوم بحياتج..
مدام هو اللحين مسافر فاكيد بيرجع ( صح و لا )
دام بيرجع انا اقولج استوي احسن منه صدقيني بيلين
يوم بيرجع استقبليه استقبال مميز و ناعم و حلو
لا تقولين هو ما يعبرني و لا يهتم فيني لكن انا اقولج بادري بالخير
بتحصدين زرعه و بتكون النتيجة حلوة باذن الله

بس حبوبة اتجنبي تعاملينه مثل ما يعاملج هو تذكري ان الله فوق و يحاسبنا على كل اعمالنا
فسوي انتي الخير بمعاملة ريلج لوجه الله..
و الشي اللي كون لوجه الله يتوووووووووووووووفق و يتيسر امووره

الله يوفقج و ينور عليج دروبج يا رب
و يحنن عليج قلب زوجج يا رب

،،،،،،،،،،،،،

همسة ( بنوتات يوم بتعطن حلول اتجنبن تعطونها حلول تفرق بينها و ما بين زوجها )
تذكرن ان الله فوووق و يشوووف كل شي

الموضوع: ساعدوني خواتي

أدوات الموضوع

عرض