ولدي يضيع وايد

**زلال2008** · 2011-07-03, 14:57

السلام عليكم
عندي مشكله ويا ولدي عمره اربع سنين
واايد اخاف عليه لانه لله يهديه يارب من يشوف الباب
مفتوح على ظول الشرده فالفريج ونيلس ندور ...
اخر مره ضايع مول من المولات والحمدلله اني لقيته شو احل عطوني تجاربكم لو سمحتوا

همســـــــــــــــه :- انا مااحبس ولدي والحمدلله مرفهين عنهم ونطلعهم وامورنا طيبه بس عشان محد يقولي السبب الحبسه ^^

المزيد من آخر المواضيع من نفس القسم:

**أم عمهي** · 2011-07-03, 15:08

امممم جربي خوفيه انه لو راح بعيد عنكم بيطلع له شي او باكستاني بيشله..
الله يهديه ويسخره لج..

**زلال2008** · 2011-07-03, 15:12

المشاركة الأصلية كتبت بواسطة أم عمهي

امممم جربي خوفيه انه لو راح بعيد عنكم بيطلع له شي او باكستاني بيشله..
الله يهديه ويسخره لج..

مشكوره على الرد الطيب
بس لو لاني يأست من كل الحلول مالجات للمنتدي
ماخليت لاباكستاني ولا بتغالي ولا اي حيوان مفترس عادي عنده ربي يحفظه
واايد اخاف عليه لدرجه اني ارقده عندي فالغرفه

**الكيميائيه** · 2011-07-03, 15:21

يوم كنا صغار ورحنا العمره

كانو يربطونا بشي عسب الياهل ما يروح أي مكان يوم الأم تصلي

يكون الطرف في أيد الأم

الصراحه ما اذكر وايد كيف كان شكله خخخ

يمكن حد من العضوات تذكر

**زلال2008** · 2011-07-03, 15:25

المشاركة الأصلية كتبت بواسطة الكيميائيه

يوم كنا صغار ورحنا العمره

كانو يربطونا بشي عسب الياهل ما يروح أي مكان يوم الأم تصلي

يكون الطرف في أيد الأم

الصراحه ما اذكر وايد كيف كان شكله خخخ

يمكن حد من العضوات تذكر

والله فكره الحزام وارده بدوره فمذركير اشوف الاجانب دوم رابطين عيالهم ,,, مشكوره ختيه على الرد

**بنــuaeــت** · 2011-07-03, 15:27

اسألي رب العالمين أن يهدي سر ولدج .. ويحفظه لج

**الدانــة** · 2011-07-03, 17:36

الحزام اللي ينربط بـ الايد موجود فمذركير..
بس ها بيفيدج لو طالعة مول .. لكن وانتي فالبيت مستحيل طول الوقت بتربطينه فيج..
بنتي جربت استخدمه لها وهي سنة ونص وقت الطلعة كانت تصيح ما تباه..
راقبوه فترة وتأكدوا ان البيبان الخارجية مصكرة وما يروم يبطلها وعقب بينسى هالسالفة..
هو يدري ما تبونه يطلع والطفل يحب يعاند..

**بابايا** · 2011-07-03, 18:20

تدرين مره شفت بصيدليه بس ما احيد اي صيدليه يبيعوةت فيها جهاز صغيرون على شكل دبدوب يقبت في جوتي الياهل
ويكون وياج قطعه ثانيه يوم يشرد اتهوسين على الزو فيطلع صوت رنه عاليه ترومين تسمعيها من مكان بعيد فتقدري تعرفين مكان بسرعه

**وردة ظبيانية** · 2011-07-03, 23:45

المشاركة الأصلية كتبت بواسطة بابايا

تدرين مره شفت بصيدليه بس ما احيد اي صيدليه يبيعوةت فيها جهاز صغيرون على شكل دبدوب يقبت في جوتي الياهل
ويكون وياج قطعه ثانيه يوم يشرد اتهوسين على الزو فيطلع صوت رنه عاليه ترومين تسمعيها من مكان بعيد فتقدري تعرفين مكان بسرعه

السلام عليكم خواتي،،،،،،

والله فكرة حلوة إن شاء الله احصل عليه.. لأن ولدي وقت انادي عليه يصخ ومايتكلم واقعد ادوره دواره في البيت وقلبي طاير عليه..

الله يعينج اختي،، بس انتي لاتحسسينه ان شردته مهمه،، تجاهليه ...

واذا طلع ودورتوه ولقيتوه لاتكلمونه ولا تبينون له انكم منفعلين او خايفين عليه،،

بالعكس خذيه سحبيه من يده بدون ماتطالعين في ويهه ولا تكلمينه،،، واصري على هذي الطريقة مهما عنّد معاج مع التكرار هو بيمل وماراح يحس بالإثارة وقت يشرد عنكم،،

وحتى اذا طلعتوا المولات،، قولي له اذا تريد تروح مكان ((خبرني الاول وبعدين روح)) ولا تقولين له اي كلام زيادة،،

واذا راح عنج راقبيه من بعيد بدون ماتزعجينه،، ولا تمنعينه يروح اي مكان يريده خليه يسوي اللي يريده

واذا راح عنج بدون مايخبرج روحي وراه وخذيه من يده بدون ماتطالعين في ويهه ولاتكلمينه ورديه المكان اللي كنتم فيه،،

واذا حاول يسوي مشاكل يعلي صوته او يضرب خذيه على طول السيارة وردي البيت وقولي له ردينا البيت لانك سويت مشاكل،، اريدك تكون ريال معانا واذا بتروح عني بعيد تخبرني الاول..

اصري على هذي المواقف وانتي بعد ادعي له في صلاتج والله يهديه

**اهل الامارات** · 2011-07-04, 00:53

اختي هاتيله من الاتصالات هذي اللي بيراقبوا بيها الاطفال بتكون شبه المبايل اللعبة اللي بيتباع وهي طبعا من الاتصالات اتصلي عليهم خبريهم انه بدك جهاز اللي بيراقبوا فيه الطفل عن بعد وخليه بجيبه وين ما رحتو وسكريله جيبه عشان ما يطلعه ويرميه انش اء الله حتى تخيطيهله داخل جيبته وطبعا بتقدري تعرفي وين مكانه عن طريق مبايلك واذا ما نفعك وكنت مقتدرة اشتريله جهاز التحكم كمان هذا بيتباع في محلات الالكترونيات عبارة عن ساعة ايد بتعمل صوت اذا بعد عنك وبهالطريقتين على الاقل تعرفي وين مكانه لو راح غير هالشي ما ينفع لا حزام ولا مراقبة والله انا بنتي 24 ساعة قدام عيني ولما تحب تختفي كانها تغمضلي عيوني ففكرت فيه بس حاليا قاعده بالبيت ولما اخرج بتقعد في السيارة ولما بروح المول اول شي اسحب الترولي احطها فيه تصيح لما تشبع بس تتم فيه اكمل شرا اغراض واطلع من الترولي للسيارة على طول للبيت ما في احنا فزمن الله يستر يسرقون عيال ويعملو فيهم العجب الله يستر على عيالنا ولا يورينا فيهم سوء يا رب حاولي اختي مع هالحالتين افضل واذا ما لقيتي ما لك غير مراقبة لصيقة والحذر اختي الحذر خلي عيونك مفتحه 10 على 10 الله يحفظه ويخليه يا رب

**اهل الامارات** · 2011-07-04, 00:56

اخت بابايا دخيلك اذكر هالجهاز اللي قلتي عليه باي صيدلية شو اسمه على الاقل كيف شكله وباي امارة اي شي تذكرينه خبرينا الله يخليك محروقين مع العيال ما لهم غير سلسلة طولها كيلومتر عشان يرتاحو الله المستعان

**بابايا** · 2011-07-04, 01:25

اهل الامارات
لو اذكر بقلج بس اذا تعرفين حد مسافر الاردن وصيه ايبلج لاني سرت قبل شهرين تقريبا وحصلته موجود عندهم في الصيدليات العوده سهره تقريبا لازيد عن 200 درهم

الجهاز شكله دبدوب حجه تقريبا بحجم مكعب جبنه كيري اتثبتينه بالحذاء وفي منه الوان
انا كنت بيب منه وعقب بطلت لان ادري بولدي مستحيل يخليه لازم يشله لان شكلت لعبه

**بابايا** · 2011-07-04, 01:30

الحزام الي يرمسن عنه شفتخ في البيبي شوب بس ما عيبتني الصراحه لاني اجوفها تناسب هالطريقه الحيوانات ومب حلوه باجر الياهل يوم يكب ر ويعرف اتج كنتي تربطيته ىفي خبل اكيد بيزعل بشل بقلبه

**زلال2008** · 2011-07-04, 10:35

مشكورين على ردووكم الطيبه ...
الحين عندي حلين يا الحزام >> طبعا مستحيل يخليه الله يحفظه
والجهاز اللي قالت عنه بابايا بتصل بالصيدليات بسال عنه او بدوره اون لاين
والساعه من وين احصلها حلولكم حلوه وعمليه بس مااعرف الاماكن اللي تباع فيها ها السوالف ياليت اللي يعرف يفيدنا

**um soso** · 2011-07-04, 15:27

ما شاء الله عليه هو مش صغير اربع سنوات
انا بس مرة وحدة ولد طلع من البيت وراح المطبخ الخرجي بس كان عمره سنتين الا ومن هاك اليوم صراحة ما يطلع وواحد بعد كان عمره سنتين طلع برع البيت ولقيناه وراء الزباله اعزكم الله ومن بعدها اخاف وايد ما اخليهم يطلعون لا الحياه صعبه احين تدرين شو يستوي وبعد اذا كنتي مسافره اذا ضاع سلمي ع حميد على قولتهم.
مره يوم كنا في تايلند كانت بنتي 3 سنوات قالي التايلندي يوديها من ايديها ولا بيسرقونها ومن يومها مثل المينونه يوم اطلع.
خوفيه مثل ما قالت بعض الاخوات يخاف ولا ما تحصلين بعيد الشر
الله يحفظ عيالنا كلنـــــــــــــــــــــــــــــــــــــــــــــــ ـــــــــــــــــــــــــــــــا

الموضوع: ولدي يضيع وايد

أدوات الموضوع

عرض

ولدي يضيع وايد

المزيد من آخر المواضيع من نفس القسم:

المواضيع المتشابهه

ولدي وايد يحب يشرب..

ولدي متعبني وايد

أخاف ولدي يضيع مني ساعدوني

ولدي وايد يكح