دلال رسم للعيد Dallah.Design

**dallah.design** · 2011-07-03, 02:16

بسم الله الرحمن الرحيم

صباح الخير / مساء الخير

نبذه عني,,
الإسم التجاري: Dallah . Design
نوع تجارتي : دلال وأطقم دلال كامل (رسم)

سياستي وبعض الملاحظات :
رجاءا بنات إقرن الملاحظات
1- نوعية الدلال إللي أرسم عليها ألمانية وهي ماركة معروفه للكل ROTPUNKT
2- الدلال بتستلمنها مغلف ببلاستيك الحمايه
3- ما حب حد إيقيدني برأيه ولهالسبب ولأسباب ثانيه الأطقم والدلال بتكون جاهزه ما أسوي عالطلب ورجاءا بدون إحراج لاحد إيراسلني بخصوص هالشي ..
4- قبل ما أرسم عالدلال أجربهن أصب فيهن ماي حار عشان أعرف إذا كانن إيبردن وألا لا
5- ما أستلم أي طلبية مستعجله حسب جدول التوصيل عند شركة الشحن راح تستلمن الطلبية . المندوب إيمر مره وحده في الإسبوع ياخذ الطلبيات رجاءا إللي مستعجلة لاتطلب لأني ذاكرة هالشي
6- التوصيل عندي سلم وستلم
7- دفع قيمة التوصيل رصيد وبعدين أرجعه عند إستلام الطلبيه وفي حال ما ستلمتي الطلبية بيروح عليج الرصيد
8- التوصيل بيكون بس لداخل الإمارات
9- شغلي نادر وأضمنلكن إنه إيعيش معاكن فترة طويله إذا حافظتن عليه
10- إلي يعجبها أي طقم تسوي كلك يمين وتنسخلي رابط الصوره عشان أعرف أي طقم تريد
11- إللي بتراسلني أول شي بيكون إلها الأولويه
12- الرسايل الخاصه بس لإستلام الطلبية أي رساله ما يكون فيها الإسم والعنوان ورقم التليفون ورابط الصورة إسمحلي بحذفها
13- رجاءا إذا حطيتن رقم تليفون إيكون( لحرمه )لأن مرات أنجبر إني أتواصل معاكن من خلال التليفون..
14- الطلب بس للجادات ..(وماراح أسامح أي وحده ماتكون جاده )

وأتمنى تتقبلن ملاحظاتي برحابة صدر ..

للطلب
إرسال رسالة عالخاص
الإسم :
الإمارة :
المنطقة والعنوان :
رقم الهاتف :

التوصيل 30 درهم مع شركة توصيل و المنطقة الغربية 50 درهم ممكن إيزيد حسب الوزن

دلال رسم

بعض الأطقم إللي جاهزه للبيع وموجوده عندي والأسعار موضحه عالصور

ميداليات الدلال متوفر اللون الذهبي والفضي
الميداليات بلاستيك قاسي والسلسله معدن
أقل طلب للميداليات طقمين
الميداليات ينباعن بالطقم والطقم يتكون من ( قهوة + شاي ) سعر الطقم 45 درهم

تم بحمد الله

أي رسالة فيها إستفسار عن نوع الألوان المستخدمة في الرسم بحذفها بدون ما أرد عليها ..

أنا أطرش الطلبيات بدون تحويل رصيد تأكيد للطلبية وفيه بعض البنات مايقدرن هالشي إللي تطلب وما ترد عالمندوب أو إتقول ماعندي فلوس لو سمحتي لا ضيعن وقتي يعني بالعقل إذا إنتي ما عندج فلوس ماله داعي تطلبين إذا ما كنتي متأكده إنج تقدرين تستلمين الطلبيه ..