قصص الجن حيث الإثارة و التشويق ...part 10 ^_^

**سكره الامارات** · 2011-07-02, 02:09

لازم تحطون روابط البارتات السابقه ..

**$فراولة حلوة$** · 2011-07-02, 02:12

ها ملطوووش هدية البارت 10

القصة واقعية استوت فيني قبل 15 سنه تقريباااا . في بيت ابوي الله يحفظه ويخليه . كنت ساير الحمام
(الله يعزكم ) اتسبح كان الوقت بليل يعني بعد العشاء المهم دخلت الحمام بدون مااتعوذت من الشيطان , واثناء السباحة
طبعاااا كنت واقف وماي ينصب عليه ,كنت مغمض عيني لاني كنت صاب على شعري شامبوه وخفت انه يدش في
عيني .وفجأء حسيت ان واحد لمس كتفي انا بصراحة

خفت ويبست في مكاني وتميت مغمض لين ماخلصت السباحة .من
هذااك اليوم والى يومي هذا .اسبح مااغمض عيني بالمرة حتى لو دش فلفل حار . الخلاصة:: لاتنسى قبل مااتدخل

الخلاء (الحمام) اتقول الدعاء اللهم اعوذ من الخبث والخبائث

**$فراولة حلوة$** · 2011-07-02, 02:19

ملطووش

موقف لاأنساه في حياتي من زمان
كنت عند بيت أهلي وأنا بالنفاس وتوني والد بولدي لي أسبوعين تقريبا
المهم رحت المطبخ بالليل على الساعه 12 تقريبا أغسل رضاعه ولدي
وتعرفون المغسله دائما تكون فوقها الشباك وأنا أغسل الرضاعه
وأشوف واحد بالحوش قدام الشباك يطالعني وشعره كشه(أفرو) ويضحك
وتعرفون الحوش لمبته مسكره وكان ظلام ؟؟؟
وأنا تسمرت في مكاني ومت من الخوووووووووف وصرخت صرخه مدويه في البيت
وهو يضحك ويقولي أنا...........
طلع أخوي في الحوش رايح يجيب غترته من الحبل..!!!؟؟
المهم صحيت كل من في البيت وأفزعتهم بصراخي وهو يقولي أنا كنت أضحك لك علشان ماتخافين!!!!!
وقعدت أنتفض من الخوف وأمي وأبوي يسمون علي يقرون علي المعوذات...

**$فراولة حلوة$** · 2011-07-02, 02:37

مزرعة الرعب

قصة مرعبة حصلت لعائلة

دخل الأب وكانوا عياله في انتظاره واللهفة في عيونهم

الكل ساكت وينتظر الأب يتكلم

قطعت ..سحر..حاجز الصمت وقالت لأبوها..ها يابابا...بشر إيش صار؟؟

قال الأب : جبناها

هني الكل قفز من مكانه وهوفرحان

حتى_ وليد _الصغير اللي عمره مايتعدا الخمس سنوات كان فرحان ويسأل أمه ياماما

معقول خلاص صار عندنا مزرعة

قالت له أمه نعم يا حبيبي وقريب راح تشوفها وتلعب فيها حتى تشبع

قام خالد الأخ الأكبر وباس راس أوه وشكره على أجمل هدية جابها لهم

المهم بعدها بيومين جات عطلت نهاية الاسبوع واصر العيال على ابوهم انهم يروحون للمزرعه

الاب حاول يثنيهم لانها لسه محتاجه لشوية ترتيب وتغيير للأثاث خصوصا انه شاريها من جماعة

أصلا كانوا هاجرينها من كم سنه

لكن مع إصرار اولاده الثلاثة ( خالد و وليد و سحر ) قال خلونا نشاور امكم ولما شاورها

قالت لأبو خالد اذا عشان لعيال نروح وبالمره نرتب اللي نقدر عليه ونشوف وش ناقص وش محتاج

تصليح وناخذ فكره عن المنطقه اللي حول المزرعه .

قال ابو خالد توكلنا على الله

في اليوم الثاني وفي الصباح الباكر انطلقت الاسره متجه نحو المزرعه الجديده ولما وصلولها

استغربوا من كبر المزرعه

كانت واسعه ومليانه اشجار ولها سور بأرتفاع مترين من الاسمنت فوقيه شبك حديدي بأرتفاع متر

#*#*#*#*#*

نزل خالد من السياره عشان يفتح الباب وهو نازل سمع صوت حد يتكلم ويضحك ولما التفت وراه

شاف رجل مع زوجته و ولدهم الصغير فارشين تحت سور مزرعه مقابله لمزرعتهم وكان باين عليهم

من لبسهم انهم قروين

ولاحظ انه الرجال يلوح له بأيده ويسلم عليه رد عليه خالد التحيه مما لفت انتباه باقي اهله فنظروا

ناحية العائلة القرويه لقوهم يحيوهم وردوا كلهم التحيه بأشاره من ايدهم

المهم دخلو المزرعه وبدو يتفقدونها وقامت ام خالد تجهز وتنظف مكان في الشاليه القديم عشان

جلسة الاسره

وبعد ما نزلوا الاغراض ورتبوا المكان واستقروا قررو انهم بعد الغدا ينقسمون قسمين قسم خالد

و ابوه ينظفون حوض السباحه

وقسم سحر وامها و وليد ينظفون المنطقه اللي حول الشاليه من الحشائش والشجيرات

وماخلصوا شغل إلا والليل بدء يخيم وطبعا هم مقررين يباتون في المزرعه

ولما ارخى الظلام سدوله<<<شكل الكلمة هذي خاشه عرض ..

جلس خالد مع ابوه جنب الحوض يتسامرون وسحر وامها قاعدين يقلبون في اغراض حصلوها

في صندوق قديم في احد غرف الشاليه أما وليد فراح في سابع نومه من التعب

لحد الآن كل شي تمام ومافيه شي مريب

لكن اللي صار بعد كذا كله كان مثل لمح البصر وماهي إلا دقايق معدوده قلبت حال العائله كلها

نرجع للقصه

بعد جلسة سوالف طويله ابو خالد راحت عليه نومه أما خالد فقرر انه يتمشى شوي بالمزرعه ويتبع
سورها عشان يشوف وين نهايته

وداخل الشاليه قامت سحر ودخلت الحمام والام راحت ترجع الصندوق الي لقوه لمكانه بينما صار
وليد لوحده في صالة الشاليه

يعني الكل تفرق وكانه في حد يراقبهم وهم يتفرقون

و حصل لكل فرد من العائله موقف كاد يطير عقله

في داخل الحمام كانت سحر تغسل وجهها وسمعت صوت مثل صوت الريح تدوي بسرعة مع
أن الجو قبل شوي كان تمام
وبعدها سمعت صوت مثل رفرفت الاجنحه بس كان الصوت يدل على انها اجنحه كثير فا قتربت
من نافذة الحمام

اللي كانت تطل على الجزء الخلفي للمزرعه عشان تشوف وش صاير لكن وهي تتقرب سمعت
أصوات ماعرفتها كأنها مزيج بين اصوات الحيوانات او البشر

جمعت ماعندها من قوه وراحت صوب النافذه وشافت

وياهووووول اللي شافته

شافت منظر خلا الدم في عروقها ينشف

وتسمرت مكانها من هول المنظر

شافت ناس اشكالهم غريبه واجسامهم ضخمه كانو يتساقطون من السما بأعداد كبيره ويحاولون
يمرون من باب
المزرعه الخلفي بس مو قادرين من كبر حجمهم..
من هول هالمشهد سقطت سحر مغمي عليها

وفي نفس الوقت كان خالد بأطراف المزرعه وشاف الباب الخلفي للمزرعه وخذته رجله ناحيته
عشان يشوف وش خلف مزرعتهم

ولما طلع من الباب شاف الارض مبسوطه وشاف اثار غريبه واضحة من عند باب المزرعه
ورايحه بأتجاه تله قريبه منهم

قال في نفسه هذي اكيد آثار حيوانات خلي اتبعها وشوف وين توصلني

تبعها لين فوق التله والغريب ان الاثار انقطت فوق التله وكأنه اصحاب الاثار اختفوا فجأه
أو طاروووووو !!

المهم قرر خالد يرجع لداخل المزرعه وهو في طريق العوده سمع صوت وراه

لما التفت شاهد قطه سودا صغيره تلحقه تعوذ من الشيطان ولوّح للقطه برجله عشان يخوفها
فهربت القطه واختفت في الظلام

وكمل خالد طريقه بس بعد لحظات سمع صوت وراه ولما التفت شاف كلب اسود يمشي خلفه
شال حجر عشان يخوف فيه الكلب وخاف الكلب وهرب

قام خالد يوسع خطوته شوي عشان يوصل للمزرعه بسرعه بس مادري ليش صار الطريق
للمزرعه بعيد
شوي وإلا يسمع صوت صوت نهيق يكاد يكون مثل الزئير ولما التفت لوراه شاف حمار جاي
يركض ناحيته بكل قوه ( أكرمكم الله )
هنا اطلق خالد ساقه للريح وبدء يعدو ويعدو والحمار يعدو من خلفه لكن الحمد لله قدر يوصل لباب
المزرعه اول مادخل وحاول يسكر الباب وراه ماشاف لحمار

بس المفاجأه انه بدل الحمار شاف رجل كبير في السن وجهه طويل وشكله مخيف وجسمه ضئيل

حاول الشايب يدخل بس خالد كان قفل الباب قال الشايب لخالد(فلت مني هذي المره)وتراجع
الشايب للوراء واختفى في الظلام هني قام خالد يركض راجع صوب الشاليه

وفي نفس الوقت صحا الاب على صوت غريب يصدر من جره كبيره جنب مطبخ التنور

وكانت الجره مغطايه بلوح خشبي راح ابو خالد يشوف وش السالفه

ولما كشف الغطا شاهد امرأة عجوز جالسة داخل الجره ومغموره بالماء..هنا ما تمالك نفسه
وقام وقلب الجره
بس الغريب بدل ماتطلع العجوزر من الجره شاف عدد كبير من الافاعي تطلع من الجره

هنا وصل خالد شاهد ابوه وقبل لا يقص على ابوه اللي صار قاله ابوه خالد روح صحي امك
وخوانك نحن لازم نمشي الحين
هز خالد راسه بالموافقه وراح ناحية الشاليه
وفي وقت سابق كانت الام في غرفه من غرف الشاليه تحاول تدف الصندوق تحت السرير القديم
اللي لقوه تحته اول مره
هنا سمعت صوت طرق على باب الغرفه الام فكرت انها سحر بنتها فقالت(ادخلي يما تعالي )

لكن سمعت صوت مو صوت بنتها صوت نسائي يقول لها انا ماني بنتك سحر انا وحده ابغي شغله

من الصندوق اللي عندك عطيني الشغله اللي ابيها وماراح أوؤذيك لكن ارجوكي لاتقولين أي كلمه

قصدها ..لا تسمين بالرحمن

لكن ام خالد من هول المفاجأه قامت تسمي وتستعيذ من الشيطان هنا قامت الحرمه اللي ورا الباب
تصارخ
وتهز الباب وتقول لأم خالد افتحي انا ابغي الصندوق

وام خالد تقرأ قرآن وتسمي وتستعيذ

والمرأه تهز الباب وتقول لأم خالد عطيني الصندوق مالكم شغل فيه هذا فيه ملابس عيالي

وزاد الهز على الباب حتى انفتح هنا بغا قلب ام خالد يوقف وفجاه شافت ظل يقترب من الباب
شوي
حتى دخل عليها هنا تكورت ام خالد على نفسها من الخوف وقعدت تسمي شوي ولا تسمع صوت
ولدها خالد يقول لها يما بسم الله عليك لا تخافي انا ولدك
هنا قفزت الام من مكانها وراحت تجري تطمئن على وليد وسحر

شافت وليد صاحي من النوم ولاف البطانيه على نفسه ويقول لهم شفيكم

شوي ولا تطلع سحر من الحمام و وجها شاحب قام خالد ومسك سحر من ايدها وشالت ام خالد
ولدها وليد وطلعوا
برا الشاليه وهناك كان ابو خالد مشغل السياره وقربها منهم وركب الكل في السيارة
ونطلق ابو خالد متجه
صوب البوابه وهم في الطريق مايشوفلكم غير ناس طواااااااااااااااااال يمشون بين شجر المزرعه
حد رايح وحد راجع

هنا قرر ابو خالد انه مايوقف عشان يفتح باب المزرعه بل قرر انه يدعم الباب بالسيارة
عشان يطلعون

المهم حطم ابو خالد باب المزرعه بسيارته وطلع وهم في طريقهم للشارع الاسفلت وإلا يشوفولكم
العائله اللي كانت قاعده
قاعدين مكانهم ويلوحون لهم بأيدهم هنا بغا ابو خالد يوقف عشان يحذرهم من اللي شافوه

بس لما دقق النظر فيهم شاف نص اجسادهم مدفونه في الرمل ومو طالع من جسمهم إلا من البطن و فوق

هنا ضغط على دواست البانزين بكل قوه وانطلقوا على شارع الاسفلت راجعين لبيتهم

وفي الطريق الكل ساكت ولا حد يتكلم

لحد ماوصلوا للبيت

هنا نزل وليد من السياره وكان لسه لاف البطانيه على نفسه وراح يجري ناحية حديقة البيت
وفتح البطانيه

وطلعت قطه سودا صغيره ونزلها في الزرع بس امه نادته وقالت له تعال وش تسوي عندك
التفت ناحية امه ورد والتفت
ناحية القطه وقال لها لا تطلعين صوت لانه محد يعرف اني جايبك معاي واشوفك بكرا

ودخلت العائله للبيت وقفلو الباب واول شي قالته ام خالد لأبو خالد انها ماعاد تبي هذي المزرعه
وقالت له يعرضها
للبيع تنهد ابو خالد وقال الحمدلله انها جات على كذا

وراحو ينامو بس مادرو انهم جابو معاهم شي من بقايا المزرعه للبيت

مياااااااااااااااااااااااااااااااااااااااااااااااا ااااو

**مرآآيم** · 2011-07-02, 03:46

يآ ربي عليكم
وأخيرآ بطلتوآ جزء يديد
يعيبني هالحمآس الحلوووو اللي فيكم ^^

( مطلبي الجنة ) >> أنآ طرحت قصصي وخلصت هههههه وان شآءالله لو عندي أي شي نيو بسدحهآ لكم بالموضوع

( فرآولة حلوة ) >> انتي مآفي منج اثنين خخخخ والله جد وخآصه القصة الأخيرة صدق صدق اتزيغ ، أمييه عآد مآ لقى اللي اييب ويآه القطوة السودة

على فكرة مآ تلفتني قصص السحرة الله يكآفينآ ويكآفيكم شرهم كثر قصص الين واللي يظهرون فجأة
نتريآ القصص بنآت
يلآ نبآ خلآل يومين هالموضوع يتسكر
وأنآ مآ رآح أقصر لو قريت قصة من موآقع أو سمعت قصة بحطهآ

UP
UP

تسلمين نور العيون على الموضوع اليديد
وبنت مذكوور >> ولكم بآك ، جني قريت لج كم من قصة بالأجزآء اللي طآفت ، استمري ويآنآ ^.*

**Luna Piena** · 2011-07-02, 09:25

مسرع مافتحتوا جزء يديد !! ^^ .. بعدني ماقريت الجزء التاسع لأني يالسة أقرا الجزء السابع وكنت قارية قبل الجزء الثامن .. يالله بشد الهمة وبخلص الجزء السابع خخخخ

**روضة الأمارات** · 2011-07-02, 13:30

مبرووووووووووووووك وعقبال القصص تنهل والقلوب تزيغ هع هع
وليش الموضوع في الصفحة الثانية
فووووووووووق

**ملسوونه العين** · 2011-07-02, 13:46

فوووووووووووووووق

**يحـــــ ام يى** · 2011-07-02, 14:00

بنات الي تعرف قصة الجني مع الشيخ بن باز تنقلها ما حصلتها الا صوت ما شيء مكتوب

**ام عيون.** · 2011-07-02, 14:36

برررررربً عقب بيبلكم قثه روووعه

**كلي عنجهيه** · 2011-07-02, 14:57

الغلا هذي القصه كتبنها البنات ف البارت 9

**ام عيون.** · 2011-07-02, 15:06

والله عيل بمسحها

**كلي عنجهيه** · 2011-07-02, 15:17

لا خلاص عادي الغلا ^^

**omabood** · 2011-07-02, 15:37

المشاركة الأصلية كتبت بواسطة $فراولة حلوة$

ها ملطوووش هدية البارت 10

القصة واقعية استوت فيني قبل 15 سنه تقريباااا . في بيت ابوي الله يحفظه ويخليه . كنت ساير الحمام
(الله يعزكم ) اتسبح كان الوقت بليل يعني بعد العشاء المهم دخلت الحمام بدون مااتعوذت من الشيطان , واثناء السباحة
طبعاااا كنت واقف وماي ينصب عليه ,كنت مغمض عيني لاني كنت صاب على شعري شامبوه وخفت انه يدش في
عيني .وفجأء حسيت ان واحد لمس كتفي انا بصراحة

خفت ويبست في مكاني وتميت مغمض لين ماخلصت السباحة .من
هذااك اليوم والى يومي هذا .اسبح مااغمض عيني بالمرة حتى لو دش فلفل حار . الخلاصة:: لاتنسى قبل مااتدخل

الخلاء (الحمام) اتقول الدعاء اللهم اعوذ من الخبث والخبائث

تحذير : شكله من الكلام رجال من لهجة الكتابه صدقوني ويرجى أخذ اللازم

**كلي عنجهيه** · 2011-07-02, 15:42

المشاركة الأصلية كتبت بواسطة omabood

تحذير : شكله من الكلام رجال من لهجة الكتابه صدقوني ويرجى أخذ اللازم

مايخصها هي تاخذ من منتديات ثانيه وتحط

الموضوع: قصص الجن حيث الإثارة و التشويق ...part 10 ^_^

أدوات الموضوع

عرض

المواضيع المتشابهه

قصص الجن حيث الاثاره والتشويق.... part 11

قصص الجن حيث الإثارة و التشويق ...part 9 ^_^

قصص الجن حيث الإثارة و التشويق ...part 8

قصص الجن حيث الإثارة و التشويق ...part 6

قصص الجن حيث الإثارة و التشويق ...part 5