لاعت جبدي..

**عطرك انفاسي** · 2011-06-30, 21:03

السلام عليكم..
شحالكن بنات..
طلبت فزعتكم.. انتو طبعا تعرفون سالفتيه انا محطتنها قبل بموضوع .. المهم ان السالفه مالها حل الا الطلاق..
ادري انه هالشي صعب بس هو الحل الوحيد..
صعب انج تامنين على نفسج ويا ريال نفس جي ,..
حرام ستري وغطاي فهالدنيا ريال زاني وسكير وما يخاف الله..,
المهم بنات هو رافع علي قضيتين فمحاكم بوظبي وحده طالبني فبيت الطاعه والثانيه ما ادري شو ..؟
طبعا هو رافع عليا هالقضايا لانه مايباني ويبا يطلقني بس اونه يباني اتنازل عن حقي .., ويوم قلت بتنازل .. تعرفون شوقال لا اونه ابا اذلها..؟ طالت وشمخت..
انا الحين خذاني اخويه عسب اني ارفع عليه قضيه بس انا ما عندي خلفيه وما اعرف شي.. عسب جي طالبتنكم الي عندها اي خلفيه دخيلكم ساعدوني .. ضاقت فيني الدنيا.. ولا عت جبدي..
احس ان كل يوم يخطف علي وانا على ذمه هالريال خسارة لي كل يوم يمر كانه اسبوع .., ما ادري شو اسوي..
دعواتكم لي..
عسى ربي يعوظني عن كل شي فقدته ويجعله تكفير لذنوبي..
ربي يحفظكم .. فداعه الرحمن..

المزيد من آخر المواضيع من نفس القسم:

**فرحة عمر** · 2011-06-30, 21:21

الله يعينج اختي

..

**عطر 77** · 2011-06-30, 21:21

لا حول ولا قوة الا بالله
الله يعينج أختي على ما ابتلاج .. ما انصحج تدخلين المحاكم , ولو دخلتي ما بتطلعين منها بالساهل ,,
عليج بقراءة سورة البقرة في جوف الليل , وشوفي كيف الله بيدبر امورج وبتفرج عليج

**رضآٳڪ يٳ ربٳه** · 2011-06-30, 21:41

لاحول ولا قوة إلا بالله

هذا ما يخاف الله

ربي ينصرج عليه ويفرج همج اختي

**ترانيم المحبه** · 2011-06-30, 22:13

حبيبتي انتي

زين يوم انج ابتعدتي عنه .. الريال اذا كان عاصي عافه القلب

ولا تحاتين المحكمه بتكون وياج ان شاء الله

وياعسى ربي يوفقج ويسعدج

**أم غزلان** · 2011-06-30, 22:18

الله يعينج انتي وكليلج محامي يساعدج

**طيف الغربة** · 2011-06-30, 22:19

لاحول ولا قوة الا بالله

اسأل الله ان يخارجك مخرجاً جميلاً ويكتب لك كل ماهو خير

**الأحلام الملونة** · 2011-06-30, 22:34

الله يفرج همك ويقضي حوائجك ويسهل عليك الأمر

**ღcute girlღ** · 2011-06-30, 22:44

**رؤوس الجبال** · 2011-07-01, 00:06

فديتج ان شاءالله المحكمة بتكون وياج والله سبحانه وتعالى بكون معاج اولا واخيرا ورددي هالدعاء فديتج ((لا إلاه ربي سبحانك إني كنت من الظالمين وأنت محسن الظن يا أرحم الراحمين )) يا زينه عند الشدة الله يكون بعونج حبيبتي

**دلوعة رشودي** · 2011-07-01, 00:14

لاحول ولا قوة إلا بالله

هذا ما يخاف الله

ربي ينصرج عليه ويفرج همج اختي

دعواتكم بنات عسى ربي يفرج همي ويبدل حزني سعادة ويرزقني بالزوج الصالح التقي النقي مخموم القلب عاجلا غير آجل

برحمتك ياحي ياقيوم استغيث

**cute uae** · 2011-07-01, 00:17

المشاركة الأصلية كتبت بواسطة عطر 77

لا حول ولا قوة الا بالله
الله يعينج أختي على ما ابتلاج .. ما انصحج تدخلين المحاكم , ولو دخلتي ما بتطلعين منها بالساهل ,,
عليج بقراءة سورة البقرة في جوف الليل , وشوفي كيف الله بيدبر امورج وبتفرج عليج

**classic ladyy** · 2011-07-01, 02:10

اسمحيلي الغآليـه ،

زوجج كآن جداً مغفل لمآ رفع عليج قضيتينْ ،

لان الحق كلـه ويـآج ، و الـ حكم بيكون لج انتي 100% . .

كل الي سوآه ، بيكون ضدهْ ،

هو رفع عليج القضيـه و عطآج المجآل انج اتطلعينْ فضآيحـه . .

أنآ طآلبة قآنون و أقدر أفيدجْ من النآحيه القآنونيـه ،

،

عندجْ قضيتينْ تقدرينْ ترفعيهم عليه حآلياً . .

1) قضيـة طلآق الضرر . .

لأنـه ضآرنجْ نفسياً ، يشك فيج و في أخلآقجْ و انتي مب حآسه بالأمآن ويــآه . .

في بدآية الدعوه ، بيحآولون يصلحون من بينكمْ ،

اذآ مآ تم الصلح ، بيحولونج للمحكمـه عشآن تبدآ القضيـه . .

طبعاً اهنيـه ، لآزم يكونون شي شهود [ ريآليـن أو ريـآل و حرمتين] يشهدون انج متضرره نفسياً بسبتـه . .

في هالحآلـه ، المآده 120 اتنص على . .

* اذآ شآف القآضي انـه الإسآءه كلهآ كآنت من صوب الزوجْ ، و انتي الي طآلبـه التفريق ، بيطلقجْ طلقـه وحده بآئنـه بينونـه صغرى ، دون المسآس بأي حقوقج الي اترتبت ع الزوآج أو على هالطلآق . .

* اذآ شآف القآضي انه الإسآءه كآنت منجْ ، بيدفعونجْ عوضْ لـ زوججْ ، [ و هذآ شي مستبعد لأنـه لحد ألحينْ مآ عنده شي ضدج ]

* اذآ كآنت الإسآءه مشتركه بينج و بينه ، القآضي يطلقكمْ ، بدون عوضْ أو مع عوض يتنآسب مع الإسآءه

* اذآ القآضي احتآر ، و مآ قدر يعرف منو المسيء ، الحكم على القضيـه يكون على حسب الي رآفع الدعوه . .

يعني اذآ كآن الزوج الي رآفع الـ دعوه ، بترفض الدعوه ، و مآ بيتم الطلآق ،

اذآ انتي الي رآفعه هالقضيـه ، أو اثنينكم يفرقون بينكم ، بدون أي عوضْ . . يعني تسقط حقوقجْ في هالحآله . .

،

ثآني قضيـه ، تقدرينْ ترفعين عليه [ قضية الطلآق بعدم الانفآق ]

و اهنيـه لأنه مثل مآ قلتيْ ، ردج بيت أهلج و مآ يصرف عليجْ ،

طريقة هالقضيـه بتكونْ ، انـه لآزم زوجج في هالحآله يثبت انـه مب قآدر يصرف عليجْ ،

اذآ مآ قدر يثبت انـه مب قآدر ، يطلقج القآضي على طول ،

و اذآ زوجج مآ قآل شي بسالفة الصرف ، يعني مآ عطآه أي عذر ،

القآضي بيعطيـه مدة لآ تزيدْ عن شهرْ ،

اذآ تم على موقفه و مآ صرف عليجْ يطلقجْ منـه ،

بس طول فترة العده ، و قآل وده يرجعجْ ، لآزم يثبت أول انـه قآدر يصرف عليج و لآ رجعتج له بتكون غير صحيحه . .

.

هذيـن هم أكثر قضيتين تقدرينْ ترفعينهم ضده ،

و الأمور بتكون ويـآج 100% بإذن اللـه

،

أهم شي ، وكلي محآمي شآطرْ ،

و استشيريـه أي قضيـه أحسـن لج ،

و الله يفكجْ منـه ،

**مكلارين** · 2011-07-01, 02:29

الله يسهل عليج كل هم وما عندي خلفيه عن المحاكم والله بنصرج

**امل نبيل** · 2011-07-01, 04:07

" لا طاعة لمخلوق في معصية الخالق "
الله يعوضج الي احسن منه وان شالله الله ينصرج ع الي ظلمج
دعاء المظلوم مستجاب.....الله يكون ف عونج و يصبرج يا الغالية

الموضوع: لاعت جبدي..

أدوات الموضوع

عرض

لاعت جبدي..

المزيد من آخر المواضيع من نفس القسم:

المواضيع المتشابهه

اف لاعت جبدي

لاعت جبدي منهن!!!!!

لاعت جبدي من هالأشكال

{ لاعت جبدي + صور }..~

والله إنه لاعت جبدي أول ما شفت الصورة ...مهم جدأ