انا وساحره طليقى

[حب ربها شاغل قل]

السلام عليكم ورحمه الله وبركاته
حبيت اقولكم قصتى
انا تزوجت 20-3-2009،ومن شخص مطلق مرتين وامه شافتنى فى الشغل وعجبتها وانا بنت ماسبق لى الزواج،فتره الخطوبه كانت باررده مافيها مشاعر ولاشى،قبل العرس باسبوع كلمته وقلتله اذا ماتبينى طلقنى من الحين لانى حسيته مب معاى خير شر ورفض،المهم اول ليله العرس حسيته توهق فينى ،العرس كان فى بيتنا الحوش كبير وسويت العرس فيه،الصراحه سالفه القاعه ومخاسير مالها اول او اخر مب داخله بالى،والحمدلله انا ملتزمه،ليله العرس رحنا بيت ريلى وهلى كانو حاطين لى عشى قام شل العشى وعلى طول الزباله يقولى الاكل بعد ساعتين ماينفع الانسان ياكله وسكت،رحنا الغرفه وبدلت ثيابى ،وتوضيت وقلت له صل ركعتين وعقب حطيت يده على راسي وخليته يقول وراى دعاء الزواج،والله ماقرب منى ولاحتى بوسه خير شر،حتى نام معاى بثوبه مابدل،وانا طبعى خجوله اكثر من الخجل نفسه،واستحى اقوله قرب منى،رابع يوم العرس قالى امسدى ظهري،(مساج)وسويتله وانا اسويله قالى مالت على هلج ،قلتله شوف هلى عندى بدنيا كلها ولويذبحونى ويحطونى فى اكياس زباله هم هلى ماابدلهم بحد ثانى،قالى اضحك ومشيت الموضوع،اول ليله دخل علي فيها بتاريخ 23-04-2009،طول هلفترهمث الخوان نرجع من الدوام نتغدى ونرقد،ويطلع العصر مايرجع الا اخر الليل يتسبح ويعطنى ظهره وينام وحاولت اقرب منه بس يقولى تعبان،الله كتب وحملت من اول ليله،الله يعلم ماخليت شى ماسويته من عطورودخون ونظافه شخصيه،كان عادى عنده حملى ماحسيته فرحان احسه يمثل على،كل مره يقولى امسدى ظهرى امسد ظهره بزيت مقرى عليه والله العظيم انه ماجانى غير11مره بس،وحتى يوم يجينى تعبان وحزات اقواه خلاص ماابى،البوسه حرام على واذا باس نفس بوسه اليهال،الصراحه صرت استحى من نفسى،وانا تعبت مع حملى لانه جانى سكرى الحمل،وبعد شهرين من حملى الصبح كنت منسدحه على السريرلان كان عندى اجازه مرضيه جا وقعد على بطنى،حسيته خبيث وقلتله حرام عليك الى فى بطنى يمكن يكون احسن واحد فى اعياللك(هو عنده 3بنات و ولد من زواجات سابقه)وضحك وقام،المهم شهر 7 جيت عند امى لانى كنت ارجع وااااايد،وماكان عندى دريول دريولى مسافر،وبيتنا لاصق فى شغلى،فكنت اروح وارجع مشى،كان يقولى الوقت الى بقعد انطرج فيه لين ماتطلعين من الشغل برحو اخلص كم شغله،(هو يبنى بيته ومسوى نفسه مقاول ويروح يخلص اشغال الناس للبنيان)وانا على ويهى،ورجعت البيت عنده اول رمضان وثانى اسبوع سافر مصر يقول يشوف بلاط لبيته ،مر رمضان وانا تعبانه حتى ماقدرت اصوم الا يومين،من التعب،الظهر يرجع من الدوام ويبدل ثيابى عند السرير وهو عسكرى،والله انه مايحط مزيل للعرقأانا امووت من الريحه،اول مايجي ينسدح على السريرانا اروح الحمام ارجع،مع انى ماخده لى مزيلات من شوبارد،بس خبيث الله ياخد حقى منه،وكله يقول انتى غبيه،وكنت اطبخ ويقولى لاتعبين نفسج،وعقب ماصرت اطبخ،فطوره شوربه وفيمتو،لا صلاه ولاديانه،وانا الحمدلله ملتزمه،تدرون كان يقوم من النوم يروح غرفه المكتب بدون ثياب ربنا كما خلقتنا،وانا اخذ فوطه واستره وكان يتضايق مايحبنى اقرب منه خير شر،وعقب صار يعصب علي اول ماادخل يطلع ويقولى لاتعورين راسي،وانا على ويهى اعذره اقول تعبان من البيت،خذ سيارتى استخدمها 5شهور والتامين منتهى قلتله سو التامين كل يوم بكره،عطيته فلوس وبطاقه البنك،وكله ياجل لين مارجعها وسويته ودفعت مخالفه تاخير 5شهور،المهم ربيت فى22-01-2010،وطبعا ماكان موجو فى مصر،وتعسرت ولادتى قعدت فى الولاده 7ساعات ونص،لان البيبى كان وزنه 4كيلو ونايم،و ولدونى قيصرى،والحمدلله ربى رزقنى بولد احلى اخوانه،وثانى يوم رجع من مصر وجانى المستشفى وباسنى على راسى،وباس الياهل حتى ماشله فى حضنه،وجانى ثالث يوم وعقب ماشفته الاشهر3،حتى ثاث يوم قرروا الدكاتره يخلون الياهل فى العنايه لان دم السره ماتخثرأواتصلت له اصيح وهو يضحك يقولى عادي،وقعد الياهل اسبوع عندهم ولا مر عليه ولاسئل عنه خير شر،واناتعبت من كثر مااتصل ولا يرد خيرشر،وكنت اروح ارضعه فى اليوم 3 مرات،وعقب طلع،وجانى بيت هلى شهر3 (واحنا مثل الخوان مابينا اى شى) واشوفه زعلان اقوله اشفيك يقولى اليوم ملجه بنتى الكبيره عمرها18 على واحد انا مب موافق عليه،قلت كلم البنت يقولى البنت تبيه،وقايله لابوها اذا مازوجتنى هريال يمكن انحرف معاه وعادى خوالى بيملجون بى،المهم عقب ماخلصت الاربعين،طاحتى امى ثالث يوم ونكسر عندها عظم الفخذ اليمين وواطريت اقعد عندها فى المستشفى،واكنت اطلع من الدوام واروح عندها لين العصر او لحد ماترجع اختى من الدوام،وكنت اتصله ابى اقوله بنرجع البيت انا والبيبى وماكان يرد،وانا كنت جايبه خدامه جديده على حسابى لان خدامته تبى تروح خلاص،ومره فى عيد ميلاده29-03سويتله مفاجئه تعدلت وشريت هديه ورحنا البين انا والبيبى وانصدم يوم رجع وشافنا،باس البيبى وهو نايم حتى ماقال شكرا على الهديه،وراح الغرفه الثانيه ينام ورحت وراه الا يقولى عندى نص ساعه انام فيها خلينى طلعت وخليته وعقب ماقمت رجعت بيت هلي،وطول هلفتره لايتصل ولا يرد خير شر،ولدى عنده 3فتحات فى قلبه وهو ولايدرى عنه،(زوجى مجهول الابوين يعنى لقيط وانا مثله)المهم اكلم امه تقول اتله مايرد وخالى يتصل مايرد تعبنا معاه،قلت بصبر ،كلمنى فى شهر 6قالى ابى 3000ريال وبردهم عقب يومين3500،قلتله هذا اسمه ربا وانا زوجتك عيب تقولى جذيه،وخذ الفلوس،وعقب يومين رجعها نفس ماخذاها،قى اخر شهر 6حلمت فيه حلم يخوف كلمته الايقولى متهاوش مع ناس عشان رفيجى ويبونى مركز العاصمه ،كان ليله خميس،الجمعه الصبح كلمته الايقولى رجعت متاخر وماحبيت ازعجج،ترى طلعت خطوبته فى ذاك اليومأوسافر شهر 7 كامل مصر،والله حرقت جواله مره مصكر ومره مايرد وامه بعد،اخر اسبوع من 7ناس من منقطه ثانيه متصلين لامه يتشرهون عليها ليش ماعزمتينا على خطوبه ولدج،الام تقول ولدى متزوج من سنه وعندى بيبى عمره 7شهور،يقولون لها لا ولدج خطب وحده من عايله معروفه (عمرها 24 وهو عمره42) ومسويين حفله خطوبه وابو البنت مايبيه وكل اهلها والابو سافر الاردن مايبى المعرس،والبنت قوويه ومحد يقدر عليها،المهم كلمتنى امه وتقواى السالفه ورحت لها وانهرت وقعدت اصيح ورحنا له البيت الا تقول الخدامه بابا يرجع من السفر الساعه4 الفجر،ودخلت عليه الغرفه،وهو نايم وقلتله قوم كلمنى،ماتبنى طلقنى ليش تسوى فينى جذيه ماسويت فيك شى،وموديها مصر الا يقولى بوديها اوروبا بكره،ودخلت امه والله تكسر الخاطر تقوله حرام عليك سود ويهى جدام الناس ليش تسوى جديه وامه كبيره فى السن عمرها60وزياده وجاتها الجلطه مرتين وقعد يطالعها وهى تصيح والله بقت اطيح على الدرى وهى نازله،ورجعت بيتنا قلتله طلقنى،على طول طرش مسج(حاولت احافظ على بيتج بس انتى هدمتيه بيدج وانتى طالق)
اسمحولى بكره بكمل الباقى

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[@مبدعه@]

لا حول ولا قوة الا بالله

[ام راشد87]

الله يفرج همك
بانتظار البقيه ان شاء الله

[فدى UAE]

بصراحة الله يعينج شو هالعيشة افتكي منه احسن

الله يخليلج ولدج و يفرحج فيه

[bellegirl]

لا حول ولا قوة إلا بالله

في انتظار باقي الموضوع لإعطاء الرد الشافي ان شاء الله إذا قدرنا الله

[استندرا]

لا اله الا الله ~
شقا متحمله انتي !!
الله يعينج ياختـي’’

[الحمادية 89]

الله يريحج و يسعدج يارب

[بنت سلطون]

لا حول ولا قوة الا بالله العلي العظيييييييييييييييييييييييم ><
ياربيييييييييييييي
ربي يصبرررررررج

[جواهر الصحراء]

يااااااااااااربييييه الله يعيينج
ونتريا التكملة............

[حلوة الدار]

ربى يفرج همج حبيبتى ويصبرج على ما ابتلاج به ,, ننتظر التكملة .

[cat-ad]

الله يعينج

وايسرلج اللي فيه الخير

ونتريا التكمله

[قوافي]

لا حول ولا قوة إلا بالله

[ميميه88]

بزواله هو وهيه روحي وفتكي منه

[عيون الايهم]

الله يفرج همج و يصبرج على ما بلاج

[hope09]

الله يكون في عونج ختيه