علاج انسداد الانابيب?

[غـنـاتےَ K]

السلام عليكم ورحمه الله وبركاته




خواتي انا متزوجة من سنة ونص ..واول مرة حملت خارج الرحم وطلع عندي الانبوب اليمين منسد والانبوب اليسار مفتوح ,,


حملت مرة ثانية بعلاج (تلقيح صناعي) .. وحمل خارجي بعد وقالو انه عندي الانبوب اليسار منسد .. احين ما عرفت شو لي منسد احترت وياهم هالدكاترة ..



المهم


انا اعرف كذا علاج لانسداد الانابيب أبغي كل وحدة تعالجت او تعرف حد تعالج عن انسداد الانابيب وشو هو العلاج وفوين ....؟؟



ويزاكن الله خير ...

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريلي حياتي]

للرفع

[شوكليت توي]

سوي حجامه أختي

واشربي عشبه المدينه

[يمنات]

[zh0or]

حبيبتي انا كانت عندي القناتين منسدات... وسويت عمليه منظار والحمدلله حملت .... انا سويتها بالهند بس تقدرين تسوينها بالبلاد

[باربي الإمارات]

انا ماسويت منظار مجرد اشعة صبغة اتاكد وين الانسداد والصبغه فتحته..لكن غيره ماعرف والله يرزقج

[وردة ظبيانية]

السلام عليكم خواتي،،،،

اختي على اي اساس قالوا لج الانبوب منسد؟؟؟

سويتي فحص اشعة بالصبغة؟؟؟؟ الفحص بروحه يفتح الانسداد،، وهذا الكلام قالته لي دكتورة الاشعة ودكتورتي النسائية،، تقول وايد عندها مراجعات مايحملن بس تبعثهم لفحص الاشعة بالصبغة يحملن في نفس الشهر..

فحص الاشعة بالصبغة لازم يكون 9 او 10 يوم دورة

يعني اول ماتيج الدورة اتصلي خذي موعد في الاشعة يصادف تاسع يوم (بس لازم تكونين مرسلة عن طريق دكتورة،، تعطيج ورقة تاخذينها معاج حق تحديد الموعد)

وحتى التلقيح الصناعي مو شرط يضبط من اول شهر!! عادي كرري المحاولة 3 دورات متتالية واذا ماحملتي
الصراحة انصحج تغيريين الدكتورة لاتضعيين وقتج مع وحدة ماتقدر تفيدج،، ممكن اسباب ثانية تمنعج من الحمل،، لو دكتورة شاطرة كان سوت لج كل الفحوصات (تحاليل دم ثاني يوم دورة وتحليل سكري وتحليل عن الاجسام المضادة في الدم،، سونار خامس يوم دورة،، فحص المهبل عن الالتهابات،، 9 او عاشر يوم دورة فحص اشعة بالصبغة بعد 21 يوم فحص ثاني للدم،، تحليل شامل لمني الزوج ) كل هذي الفحوصات في شهر واحد،، والشهر اللي بعده تبتدي علاج

[الواقعيه]

الله يرزقج الذرية الصالحة عاجلا غير اجل

[h2h]

حبوبه ليش ما تسوين صبغة الاشعه

لان لو الانسداد بسيط راح يفتح الانبوب نفس الوقت

وغير جي العلاج بيكون مع الدكتوره

انا سويته عشان اطمن والحمدلله ما كان فيه شي

سيري احسن

[احتاجك..]

ربي يرزقج الذرية الصالحة

[غـنـاتےَ K]

السلام عليكم خواتي،،،،

اختي على اي اساس قالوا لج الانبوب منسد؟؟؟

سويتي فحص اشعة بالصبغة؟؟؟؟ الفحص بروحه يفتح الانسداد،، وهذا الكلام قالته لي دكتورة الاشعة ودكتورتي النسائية،، تقول وايد عندها مراجعات مايحملن بس تبعثهم لفحص الاشعة بالصبغة يحملن في نفس الشهر..

فحص الاشعة بالصبغة لازم يكون 9 او 10 يوم دورة

يعني اول ماتيج الدورة اتصلي خذي موعد في الاشعة يصادف تاسع يوم (بس لازم تكونين مرسلة عن طريق دكتورة،، تعطيج ورقة تاخذينها معاج حق تحديد الموعد)

وحتى التلقيح الصناعي مو شرط يضبط من اول شهر!! عادي كرري المحاولة 3 دورات متتالية واذا ماحملتي
الصراحة انصحج تغيريين الدكتورة لاتضعيين وقتج مع وحدة ماتقدر تفيدج،، ممكن اسباب ثانية تمنعج من الحمل،، لو دكتورة شاطرة كان سوت لج كل الفحوصات (تحاليل دم ثاني يوم دورة وتحليل سكري وتحليل عن الاجسام المضادة في الدم،، سونار خامس يوم دورة،، فحص المهبل عن الالتهابات،، 9 او عاشر يوم دورة فحص اشعة بالصبغة بعد 21 يوم فحص ثاني للدم،، تحليل شامل لمني الزوج ) كل هذي الفحوصات في شهر واحد،، والشهر اللي بعده تبتدي علاج

أختي وردة ظبيانية

شكرا ع ردج


النحاليل كلها سوتها لي

والاشعة الصبغية سويتها وبين انه اليسار منسد ..,,


بغير الدكتورة ان شا ء الله لان حسيتها مب مهتمة حتى يوم اروح اراجع ما اشوفها الا النيرس تقولي سوي جي وسوي جي ..

[ranosh1]

والله انا مانصحوني بالعملية قال الها اخطار اذا الدكتورة موشاطرة قالتلي الدكتورة اشرب قرفة ع طول وفي منون نصحوني بالتوم وانا متكلة ع الله الله يرزقني ويرزقكم اجمعين بالذرية الصالحة يارب