خاطري....

**سمـ الروح ــا** · 2011-06-26, 20:02

شحالكم خواتي ؟؟؟عسااكن مرتاحات ؟؟

والله ما أعرف من وين أبدا بس بصراحة ما أحب أتكلم عن مشاكل أو علاقتي مع ريلي ...

بس الحين مجبرة ومحتااارة مب عارفة شو أسوي ؟؟؟

بصراحة كان خاطري أسافر هالصيف وأقول لريلي وجي ويقول لي مب الحين الصيف الياي ...

وأرضى وأشوف خواته مع رياييلهم وأهله كلهم سافروا إلا نحن ورضيت وقلت اصبري يا حرمة ...

والأسبوع الماضي كان عند ربعه وجان يقولوا له أنهم بيسافروا الأردن للقنص ...وعزم يسافر معاهم ..

طبعا يوم خبرني انصدمت والله وقلته أنا أقول له أنه بنسافر وجي ووترفض وجان يقول لي ما بوديج الأردن بوديج مكان ثاني شرات ماليزيا ولا باريس...طبعا رتبت له الشنطة وودعته بابتسامه عسب يرجع ويشتاق لبيته وحرمته وما عاتبته ولا شي ...بس من داخلي كنت متضايجة بالحيل ...

طبعا سافر وجي أونه للقنص والله العالم ما أدري إذا صج وإلا لأ...

المهم خلاصة الكلام طبعا كل يوم أكلمه بس ما نطول عن خمس دقايق ويوم أطرش له مسجات حب وشوق ما يرد بس يوم أسأله عن شي يرد علي بمسج ....

طبعا الحين هو بيرد بعد يوم وأنا مب عارفة كيف أستقبله ...

أنسى اللي راح واستقبله بفرح وابتسامة ...

ولا أزعل منه وما أكلمه ...؟؟؟؟

ما أعرف

أريد مشورتكم لي؟؟؟

ياليت تساعدوني

المزيد من آخر المواضيع من نفس القسم:

**سوارة** · 2011-06-26, 20:06

**حرفين** · 2011-06-26, 20:07

استقبلي بأبتسامه حلوة و باستقبال الحلو الزعل مايحل المشاكل يمكن لا شافج مبتسمه يحن عليج و يشوفج راضيه بكل شي و يسفرج و ترى السفر حبيبتي مب كل شي .. و السموحه آلله يوفقج حبيبتي

**يدوه صغيره** · 2011-06-26, 20:10

عسسوله استقبليه بفرح و سعاده و شوووووووق

وربي يوفقج و يهنييج يالغلا

^^

**يمنات** · 2011-06-26, 20:27

**laila226** · 2011-06-26, 20:37

استقبلية بكل شوووووق وحنية
لو تعزمية على مكان رومانسي بيكون احسن

موفقة اختي

**ترآنيم القصيد** · 2011-06-26, 20:43

مثل ماقالولج خواتي استقبليه بابتساامه وفيها شووق وسوي جوي رومنسي بينكم وعبري عن شوقج وارتيااحج حقه ولآتنسين الريال لما ادلعيينه يفرش لج الارض ذهب ههه
والله يرزقج ع قد نيتج ويفرج همج يارب =)

**رقيقة** · 2011-06-26, 20:46

الغالية

مثل ما تبين تستانسين هو بعد يبا يستانس
عطيه دوره وخليه يستانس وعقب بيي دورج ان شاء الله
وبعدين الشباب يوم بيسافرون مع بعض يلتهون في بعض وايكونون مشغولين بالذات اذا قنص
وفي نفس الوقت يكونون دوم مع بعض فما بيكون عنده وقت يتصل بج يسولف وفي نفس الوقت اتعرفين شبابنا ما ايحبون يكلمون الاهل جدام ربعهم
خليه يطلع ويستانس مب كله امجابل البيت خليه يغير جو وان شاء الله بيي دورج
خلج عادية ولا تزعلين لأن الشي مول ما ايزعل الصراحة
كلنا رياييلنا جي
عالاقل خليه يشتاق لج ويرجع فرحان ومستانس ومشتاق حسسيه بهالشي

**Ra3yt PrEsTiGE** · 2011-06-26, 21:18

الحين صيف ..مب وقت قنص !!

**ريلي حياتي** · 2011-06-26, 22:17

حبيبتي ترا الزعل ما بيفيدج
بالعكس بيكبر الموضوع
إستقبليه بإبتسامة وشوق
وسوي جوي رومانسي

الله يهنيكم ويسعدكم

***نيويورك*** · 2011-06-26, 22:20

استقبلي باريحية
لاتصيرين نكدية ويكر البيت وربي يوفقج

**غزيل الدار** · 2011-06-26, 22:47

يعني تسالين البنات شو تكون مشاعرج لريلج يوم يرد

استقبليه باحساسج

خلج طبيعيه بدون تمثيل ولا شيء

انا متاكده انج فرحانه وتبين تبينين له شوقج

ففرحي اختي. ولو في عتب عاتبيه خفيف ثاني يوم

**بهلولة** · 2011-06-26, 22:55

انتي رضيتي من البداية انه يسافره
كيف عيل الحين ناوية تزعلين

وعقب ما يرد ويرتاح افتحي موضوع انج تفضلين انكم تسافرون يميع مره ثانيه

**سمـ الروح ــا** · 2011-06-26, 23:12

هلا والله بخواتي الغاليات ....

مشكورات والله على ردوووودكم اللي عن جد فرحتني وأثلجثم صدري...
وتسلمن والله ...
أصلا رضيت ولا ما رضيت بيسافر ..<<<تعرفون الريااييل زين

والله برووحه مشتاقة عسب يرد ولا أبا أسوي مشاكل ولا شي بس حازه فخاطري...

بس يلا مثل ما قلتن ...بعاتبه ثاني يووم ههههه قصدي بتناقش وياه ...

وتسلمن والله ...

والله يوفقكم ويحفظكم من كل شر يااارب..

**فرحة عمر** · 2011-06-26, 23:51

الله يسعدج دنيا واخره
وانسي اختي
الدنيا جدامكم وخلي كل ثانية من حياتكم تمر بسعاده ..

الموضوع: خاطري....

أدوات الموضوع

عرض

خاطري....

المزيد من آخر المواضيع من نفس القسم:

المواضيع المتشابهه

خاطري في توم

خاطري في.......

في خاطري خاطري خاطري....ساعدونيييي

أبا((في خاطري))