يشتكي من زوجته !

**@شوق@** · 2011-06-23, 01:25

مرحبا

مقال عيبني ونقلته لكم

إذا تشتكي من لبس زوجتك وانه كل يوم ( قميص ) من ابو عشرة وما تلبس لك زين فشوف نفسك ولبسك بالبيت أول ، هل هو ( سروال و فنيلة بيضاء داخلية ) و الا كل يوم طقم..

إذا بتشتكي من انعدام الرومانسية عند زوجتك في التعامل والكلام الحلو فطالع نفسك ومقياس الرومانسية منك بالنسبة لها وكم تعطي نفسك من عشرة

إذا تقول زوجتي ما تسوي لي ليالي رومانسية وحركات مثل باقي الحريم فتذكر كم مرة سويت لها أنت من ليلة رومانسية..؟ وهل حصل ذلك منك..؟

إذا تقول عيالي مو ناجحين دراسياً و أمهم مهملتهم ، فهل جلست معهم تحفظهم سورة من القرآن وإلا جدول الضرب بيوم من الأيام..؟ ولمدة كم..؟ قارنها مع أمهم..!

إذا تقول من حقي أعيش عزوبي لو يوم واحد بالأسبوع ، فهل أنت تعيش زوجتك مثل هذا اليوم وتعفيها من المهام المنزلية كما أعفيت نفسك..؟

إذا تقول البيت دايم حوسة و مو مرتب ففكر أول هل مديت يد المساعدة لزوجتك وساعدتها بالتنظيف..؟

إذا تقول مرات أجي من الدوام ولا ألاقي الأكل جاهز وتتناسى انها من الصبح تكرف تضف البيت وترتب العيال وتغسل ملابسك وطبيعي تنسى..بالله عليك كم مرة صلحت الغداء من تلقاء نفسك..؟ أو على الأقل جبته من مطعم بدون طلبها..؟

إذا تقول أنا معفي من أمور البيت والغداء و هالخرابيط ، ومشغول بالدوام والوظيفة ، مو انت مقتنع ان وظيفتها ربة بيت..؟ وزي ما تمن عليها الوظيفة هي تمن عليك العمل بالمنزل..؟انت وظيفة ودوام فقط وتاخذ عليه راتب ، هي تنظيف وطبخ ونفخ وعيال وتربية ووو ولا تاخذ راتب..هل يحق لك تتشكى..؟

إذا تقول هي مسرفة وتصرف بدون حساب .. ففكر لحظة هل يتساوى مصروفها مع مصروفك..؟

إذا تقول ساعات أطلبها للفراش وما ترضى تقول تعبانة.. فهل لو كنت أنت تعبان وطلبت منك راح توافق..؟

إذا تشتكي تقول ما تحط مكياج ولا تتجمل ، فهل شعرك محدد طوال الوقت ولحيتك..؟

إذا تقول ما تهتم بنظافتها الشخصية وريحها ريح طبخ.. فكم مرة تتروش أنت باليوم وكم كريم وعطر ترش..؟ و مو كنت تتشكى من غداك تقول مو جاهز بوقته..؟ الحين تتجمل لك و الا تطبخ ..!

إذا تقول أبي وحدة في جمال لميس .. فهل أنت في جمال مهند..؟

إذا تقول بأعدد لأنها ما تسكت وقت ما أكون معصب وترد علي.. فهل راح توافق لو قالت لك اسكت لما أكون معصبة وتحمل صراخي عليك و هواشي..؟

إذا تشتكي من الجفاف العاطفي من جهتها .. فكم مرة سهرت وتركتها بالبيت و انت متكي بالاستراحة ومع الشباب..؟

إذا تقول ساعات أكون تعبان وما تراعي ظروفي ،، فهل أنت تراعي ظروفها وقت الدورة والنفاس..؟

إذا تقول أبي وحدة لونها متوحد مع جسمها ، فهل طالعت جسمك في المراية ..؟

على فكرة أنا ما ابرر للنساء إهمالها لزوجها أو أتعذر لها.. أنا اللي أقصده ليش الكيل بمكيالين.. ليش بعض الرجال اول ما يطق عود حصاة قال أباعرس...!

أرجو ان الموضوع يغير مفاهيم كثير عند البعض..أو بعض المفاهيم عند الكثير..

إذا والله إنت قايم بكل الأمور وهي مو قايمة بشي ساعتها أشد على يدك وأقول على بركة الله اعرس..

والله من وراء القصد..

المزيد من آخر المواضيع من نفس القسم:

**آم رشؤؤدي ، ،** · 2011-06-23, 01:36

هي والله صدقتي بعض الرياييل ما يحسون بحريمهم..
و الله المستعان..

**طيف الغربة** · 2011-06-23, 01:39

الله المستعان

مشكورة اختي

**marwa2005** · 2011-06-23, 01:55

جبتيها صح يالغلا

**saro0onh** · 2011-06-23, 01:59

صدقتي قسسسم بالله ..

وكل وحده حلووو لو اطرشه حق ريلها عسب يحس ويصحصح ..

^^

يزاج الله خير ..والله يهديهم

**Maria_Louisa** · 2011-06-23, 02:02

ههههه
قطعوهم الرياييل

**bellegirl** · 2011-06-23, 02:09

لا حول ولا قوة إلا بالله

بارك الله فيج أختي

**اي فون** · 2011-06-23, 02:23

عيبني الكلام وايد
جان زين يحسون الرياييل ويهتمون
مشكوره خيتو

**Little Steps** · 2011-06-23, 04:35

اقوى شي
^_^

**عذايب22** · 2011-06-23, 08:16

سبحان الله وبحمده سبحان الله العظيم

**۞ ملاك ۞** · 2011-06-23, 09:18

الله كريييييييم

**ام_ابراهيم** · 2011-06-23, 09:38

ههههههههه

حلوة

**عطر حريمي** · 2011-06-23, 09:54

اجمل موضوع بارك الله فيك

**راعية مواجيب** · 2011-06-23, 09:55

الله المستعان
صدقج والله الريال يطلب كل شي من الحرمة والا هو لا

**جواهر الصحراء** · 2011-06-23, 10:35

ها الموضوع زييين حق الريياييل يقرونه علشان فعلا ما يفكرون بالزوجة الثانية
الموضووووع واااااااااااااااااايد حلووو الصراحه

الموضوع: يشتكي من زوجته !

أدوات الموضوع

عرض

يشتكي من زوجته !

المزيد من آخر المواضيع من نفس القسم:

المواضيع المتشابهه

يشتكي

إلى كل من يشتكي من سو ء حاله..!

منو يشتكي من قسوه القلب يتفضل

ليش الكل يشتكي من البشره