أرجوا المساعده

**إيمان ال** · 2011-06-22, 20:31

السلام عليكم ورحمة الله وبركاته

خواتي هاذي اول مره اكتب في المنتدى وأتمنى من البنات يساعدوني

خواتي أنا مجمعه مبلغ معين في حسابي الخاص وطبعا زوجي يعرف ان عندي

من تزوجنا جاني بعد فتره وقالي سلفيني وبردهم وترييييت عليه شهور وبعدها ردهم وجاني مره ثانيه

ونفس الحكايه سلفيني محتاج وبردهم وتعود ع هالشيء لين اليوم ونحن صار لنا من تزوجنا تقريبا 3

سنوات وأنا خلاص تعبت من هالموضوع ,,, هو الحمد لله عنده بس احيانا آخر الشهر او نصه يحتاج

وانا عودته اني اعطيه ,,,, وهاذي اكبر غلطه ,,, ويوم يردهم ما يردهم كلهم واحيانا ينقص من

مصروفي لان يعرف انه عندي ’’’’

بنااااااات أنا أبغيه يردهم لي وأبغي أفهمه اني خلاص صرفتهم ,,,,, بمعنى ما برد أسلفه خلاص تعبت

ساعات أحتاج فلوسي ,,,, وهاذي فلوسي أنا ميودتنها ,,, شي منها مال المهر وشي منها كنت داخله

جمعيه,,,,,, خلاااااااااص تعبت كثر ما أقوله إختي محتايه وفلانه محتايه يبوني أسلفهم .....

بلييييييييييييييييييييييز أبااا حل بس بدون ما أقوله سلفت أهلي ,,,,, دخيل الله بنات دورولي حل ما أبغي

أعوده أكثر عن جيه ,,,,, هو الحمدلله عنده بس يحب يصرف فلوسه ع أشياء مالها داعي

اسمحولي طولت عليكم ,,,, انتظر ردكم

المزيد من آخر المواضيع من نفس القسم:

**ترانيم المحبه** · 2011-06-22, 20:40

عادي قوليله اياها بصراااحة

انت لازم تتعود تمسك فلوسك وتصرفهم ع قدك

لان مب دوم انا بيكون عندي

وانا عندي اشيا ابا اسويها بالفلوس بعد

بس صدق لاتعودينه انج تسلفينه

**إيمان ال** · 2011-06-22, 20:47

تسلمين الغاليه عالمرور

بس أنا أحس بإحراج يوم أقوله ردهن ,,,, كذا مره
قلت له ردهن هالشهر قالي تريي لين نص الشهر
وبعدين رد قالي ع أول الشهر

وتعبت من كثر ما أقوله يود إفلوسك ,,, حتى اقترحت
عليه يحول لي مبلغ كل شهر وبيودهن له تعبت والله تعبت

اتريا منكم الحل يالغاليات

**❥~S** · 2011-06-22, 20:52

والله ياختيه أنا لو منج بقوله تباني اسويلك مصروف بدال ماتسلف !!
انتي صح غلطتي من قلتيله انه عندج فلوسَ ،
بس انا لو مكانج ،
بسحب كل فلوسي وبعطيعهن لختيه مؤقت
وبطلع اله انه ماعندي شي
وانج عطيتهن وحده من ربيعاتج عشان تدلين وياها بمشروع بس خسرتن
وخلاص !

**الأحلام الملونة** · 2011-06-22, 20:55

مشكلة الفلوس تعمل حساسية بين الزوجين

بس اطلبيهم وبعدها خبرية أخذت بهم سكوك او وديعة أو أسهم

بس الصراحة لا أحب الكذب خبرية أنك ما بتسلفية حتى ينظم مصروفة

**عيالي وبس** · 2011-06-22, 20:57

حبيبتي هالمره حاولي اتصبرين نفسج ومن ايردهم خبريه انج هب مستعده اتسلفينه مره ثانيه لانج حرمه وعندج التزامات وتنقصج بعد اشياء فتحتايين فلوسج وخبريه يصرف ع قده يعني ما يعتمد عليج اذا الشي ما بيكون من نفسج يعني برضاج فخلاص ما في داعي تجبرين نفسج هب ملزومه تسلفينه كل شهر وممكن بعد اتساعدينه فتنظيم مصروفاته سوي وياه جدول وعرفي هو ليش معاشه ما يكفيه وليش يصرف هالكثر يمكن بعد ما يعرف انه يمكن يبذر فلوسه باشياء هب محتاجلها ما يحتاي ياخذ منج وان شاء الله مشكلتج تنحل

**ايام الحزن** · 2011-06-22, 21:04

لو تشترين فيهم ذهب مندون كرستال وفاي وقت تبغي الفلوس تبيعي الذهب بس راح تخسرين المصنعيه بس انتي لا تبيعي خليه عندج الذهب ما ينزل سعره ابسرعة

**حياة السورية** · 2011-06-22, 21:18

يالغاليه اصبري على ريلك وتبي تردين الفلوس قوليله انا بدي انزل السوق الحين وايد تنزيلات واهم حاجه انك ما تذكرين الفلوس الي اخذهم قوليله انا محتايه2000درهم اتسوق فيهم

**al3yo0on 2009** · 2011-06-22, 22:01

صارحيه وقوليله هالشي ~

اذا كان ريلج من النوع المتفهم

**رضآٳڪ يٳ ربٳه** · 2011-06-22, 23:01

آآآآآآآآب

**النجمةاللامعة** · 2011-06-22, 23:08

ممكن تشتري فيهم ذهب وتلبسيهم وخلاص
أو تحطيهم وديعة فالبنك أو بأي مشروع وتخبريه أنه صعب تسحبي منهم

**أم شوأأخي** · 2011-06-22, 23:40

معااج حق

تدرين خبريه انج بتدخليين جمعيه او بتسلفيين حد من خواتج اووو اي شس يقطع الطمع

وممكن تخبرينه بعد انج تشريتي منهن وهذتي اشياء بخاطرج مع الوقت بيفقد الامل

**آم رشؤؤدي ، ،** · 2011-06-22, 23:45

فوووق

**نونا2009** · 2011-06-22, 23:47

لازم تعرفي بالاول هو على شو هو يصرف البيزات

اذا على البيت ما فيها شي لانه يصرف عليج وعلى البيت وعلى العيال

واذا عليه بروحه وربعه لا تعطيه ولا فلس وفهميه انه البيزات بيزاتج وحتى لو كان عندج بيزات هو مجبور يصرف عليج لو كانت عندج ملايين

**أم مغاوي** · 2011-06-23, 00:40

المشاركة الأصلية كتبت بواسطة نونا2009

لازم تعرفي بالاول هو على شو هو يصرف البيزات

اذا على البيت ما فيها شي لانه يصرف عليج وعلى البيت وعلى العيال

واذا عليه بروحه وربعه لا تعطيه ولا فلس وفهميه انه البيزات بيزاتج وحتى لو كان عندج بيزات هو مجبور يصرف عليج لو كانت عندج ملايين

صح لازم تعرفين وين تسير الفلوس

مافيها شي اذا الزوجه ساعدت ريلها تكسب اجر اذا كان يمر بظروف وازمه !

وان عرفتي ان الفلوس تسير ع اشياء مالها لزمه وهو مبذر

الافضل تشترين ذهب وكل تسع شهور او سنه تبيعينه وتشترين غيره

عمتي جي تسوي

الموضوع: أرجوا المساعده

أدوات الموضوع

عرض