خريف صلالة 2011 (بالصور )

[نيولوك]

السلام عليكم ورحمة الله

بدأت محافظة ظفارمبكرا عيش أجواء الخريف الذي ينطلق فلكيا في الحادي والعشرين من يونيو، حيث اكتست الجبال بالسحب المنخفضة وسط تساقط كثيف للرذاذ وهو ما يبشر بموسم خريف مميز هذا العام والذي شهد فيه مهرجان صلالة السياحي تقديم موعد افتتاحه ليكون في الأول من يوليو المقبل ويستمر لمدة شهر.
وحسب تصريح لخبير طقس قال "الرياح الموسمية هذا العام متقدمة بشكل ممتاز والتوقعات تشير الى استمرار نشاطها على سواحل بحر العرب مع توقعات بارتفاع في موج البحر".
واستمرار تدفق السحب المنخفضة على الشريط الساحلي للمحافظة والجبال المجاورة له.

الحمدلله السنه يقولون الخريف مجدم واايد بدا عندهم الرذاذ من تاريخ 8/6/2011 وبداية الخريف فلكيا من كل عام يبدا 21/6/2011

هالتقرير في بدايته الصور مب مال الحين بس محطتنهن كتوضيح حق اللي بيسافر صلاله هالسنه شو لازم يسوي ووين يسير وفي اخر التقرير بحطلكم الصور الحالية لصلاله وانشاء الله يوميا الصور بتتجدد بنتابع وياكم تطورات الخريف لين شهر سبعة

بكتبلكم شوي عن صلالة بخليكم تعيشون الجو ككككككك

اول شي تجهزون الشنط وتشلون وياكم اكل وعصاير ماي لانه ماتظمنون المطاعم اللي عالخط اصلا ماتشوفون استراحات الا بعد ساعتين او ثلاث ساعات وكلهن فلل




حدود الامارات -عمان


حدود عمان


والله تعاملهم قمه في الاحترام ماتحسون انكم طلعتو من الامارات ودخلتو عمان والله جنكم في بلادكم الثانيه

ولاتنسون عقب ماتسون التامين في الحدود تاخذون الخارطه اللي هي مثل هاي


بخبركم اول شي عن طريق الامارات _ صلالة صح تعب بس والله ونااااسه احلا عن السفر بالطياره بواايد تحسون انكم تسون مغامره خاصه يوم تمشون نمشي عخط صلاله نص الليل يعني تشوفوون السيح ظلاااااام وماشي ليتات والسيح فاااااضي والشارع شبه فاضي
مثل هاي الصوره


بس نصيحه لا تسيرون سياره وحده لازم عالاقل سيارتين او ثلاث لان في السيح في مناطق مافيها ارسال ابدا اتمون عالخط تمشون تقريبا ساعتين بدون ارسال ولازم تكون وياكم العده للطوارئ مثل تايرسبير وطفايه واي شي يخص الطواري للسياره طبعا لازم ماتطلعون من البلاد ولا انتو مجيكين الموتر تجييك كاااامل

هاي صوره للخط

وهاي صوره ثانيه






لا تردون بكمل

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نيولوك]

ونصيحه ثانيه كل ماتمرون على محطة بترول عبو التانكي فلل لاتقولون بعده فيه وايد بنعبي المحطه الثانيه لانه مرات يصادف انه بعض المحطات يخلص عنها البترول بسبب الزحمه فالاحسن تعبون في كل محطه والفرق بين المحطه والثانيه تقريبا ساعتين

وهاي صورة الزحمه عند المحطات


واذا حسيتو انكم تعبتو من الدرب خذولكم استراحه
بتلقون لافته عالطريج تخبركم متى ماقتربتوا من الاستراحه
مثل هاي


وهاي احد الاستراحات ( استراحة هيما )


وهاي صورة احد الاستراحات من داخل


والغرف


المكان مب نظيف وايد بحكم الزحمه اللي تكون في هالاماكن
بس شو نسوي بسبب التعب من الخط الواحد يطر ياخذله غرفه عشان يريح شوي ساعتين او ثلاث طبعا ننزل كفراتنا ويانا لانه السراير مب نظاف
بس يعني مرات مابتلقون غرف بسبب الزحمه فاحسن حل تتيمعون وتفرشون قريب الاستراحه وتريحون شوي فليل الجوو روووعه برع ومهب بارد في السيح بس المشكله اذا مالقيتوا غرفه في الاستراحه في النهار الله يعينكم من الحر

نحن كل مره نطلع فليل عشان الجو يكون ابرد واذا ما لقينا غرفه في الاستراحه نقدر نريح برع طبعا انكون كم عايله ويكون الجو رووعه ونرتاح لين صلاة الفجر نتريق ونتوكل






جاري التكمله تعبت

[عيوني عسلية]

كملي الغلا متابعينج

[نيولوك]

واخيرا وصلنا خط ثمريت
ثمريت تبعد عن صلاله ساعه


نهاية ثمريت وبداية دخول صلاله









فجاة وانتو داخلين صلاله فوق اليبل يبدا يتغير الجو وتنزل درجة الحراة وتدخلون في وسط الرذاذ القوي والهوا الباااااارد



عند بوابة الدخول فوق اليبل شوفو كيف الجو




ملاحظه (( لاتدخلون صلالة عالمغرب وفليل الافضل تدخلونها في النهار شفتو الصور كيف ايكون الجو في النهار فما بالكم في الليل وغير جي الشوارع تزلق وكل سنه في مدخل صلاله فوق اليبل تكون تحويلات انتبهوا يعني اذا شفتو انكم بتوصلون قريب الليل خذولكم استراحه قبل صلاله لين الصبح وعقب توكلو ))




بكمل

[نيولوك]

بكمل بعد ساعتين تعبت

[@مبدعه@]

ما شاء الله تقريرج فقمة الروووعه شجعتينا نروح صلاله نترياج الغلا

[نيولوك]

النزول الى مدينة صلالة



هالجو يكون على اخر سبعه وبداية ثمانيه بس الاغلب بداية ثمانيه تكون صلاله خضره مثل هالصوره



وهنه قبل وصولكم للمدينه تحت



وهنه المدينه




وعقب تبدون ادورولكم سكن اخر سبعه وبداية ثمانيه يكون زحمه عالسكن وتطلع عيونا ونحن ندور طبعا نحن ندور الاماكن والشقق الفندقيه العائلية والقهر يوم توصلون وانتو تعبااانيين من الخط ويقولولكم البنايه فللل وانمر الثانيه والثالثه والرابعه لييين نحصل نحن خلاااص هلكاانيين من الخاااااطر
في فنادق ومنتجعات بس نحن مانحب هالاماكن لانه مايكونون كلهم عرب نحب الشقق الفندقيه يكونون اللي عدالنا كللهم خليجيين طبعا الاقلبية الاكثر الاماراتيين فديتنا والله شاردين عن الحر او انا نستاجر فله





وهذي صور احد الفلل في صلالة طبعا في احلا من جي بس هالموجود في النت






بكمل

[شما المرر]

صلاله امبونهاا حلوه وجنه ماشاءالله

الغاليه بغيت آسآلج هالصور مال هالسنه 2011 ولا مال قبل > الجو مطر وحلو وعندهم 6 حرر ولا هالسنه مجدم الخريف ؟!
اترياا ردج بلييييييز

[نيولوك]

في شقق احلا ومرتبه وبيوت راقيه من الداخل بس للاسف مالقيت لانه كل الصور اللي عارضتنهن من النت وتعبت وانا ادور

المهم بعد ماترتاحون ثاني يوم تبدا الطلعات
طبعا لا تنسون تاخذون وياكم مرهم الباعوض متوفر في كل الصيدليات في صلاله تدهنون جسمكم قبل الطلعه لانه عند اليبل الارض رطبه وهناك بعوض وايد

وطبعا لا تنسون تشلون وياكم الغدا حلاتة الغدا فوق اليبل وسط الطبيعة ولا تنسون تجربون الاكلات الشعبية العمانيه روووعه







بكمل

[نيولوك]

صلاله امبونهاا حلوه وجنه ماشاءالله

الغاليه بغيت آسآلج هالصور مال هالسنه 2011 ولا مال قبل > الجو مطر وحلو وعندهم 6 حرر ولا هالسنه مجدم الخريف ؟!
اترياا ردج بلييييييز

لا الغاليه هالصور جديمه من النت محطتنها عشان اللي اول مره بيسير صلالة يعرف شو يسوي ووين يسير بس في نهاية التقرير انشاء الله بحطلكم الصور الحالية لصلالة والسنه يقولون مجدم الخريف والبارحه مطلعين الصور على قناة عمان انشاالله اليوم واو باجر الصبح بعرض الصور كلهن وبحاول اعرضلكم الجو اول باول الحرارة هالايام 28

[شما المرر]

لا الغاليه هالصور جديمه من النت محطتنها عشان اللي اول مره بيسير صلالة يعرف شو يسوي ووين يسير بس في نهاية التقرير انشاء الله بحطلكم الصور الحالية لصلالة والسنه يقولون مجدم الخريف والبارحه مطلعين الصور على قناة عمان انشاالله اليوم واو باجر الصبح بعرض الصور كلهن وبحاول اعرضلكم الجو اول باول الحرارة هالايام 28

يزااااااج الله خيير حبيبتي بس لان عندنا ناس يبون يسيرون ف نص 7 وانا شفت الصور قلت حلوو الجو بقولهم يجدمون السسفر=) عشان جيه بغيت اعرف الجو هالسنه كييف ؟!

اترااج الغلاا واسمحيلي جان دشيت ف نص الموضوع =)

[شيخه بمعانيها]

ماشاء الله تقريرج حلوو ومفيد ..
انا سرت صلاله بس خذنا طياره من مسقط لصلاله .. الطيران العماني الداخلي ..
واجرنا سياره فصلاله .. والحياه حلوه

بس فكرة السكن صح ذكرتيني .. نحن كنا متفقين مع واحد ع اساس السكن ف فيلا ..
لكن وصلنا 3 الفير والفيلا ابدن مب نظيفه وجان نحجز ف كراون بلازا صلاله .. المكان حلوو وبعيد عن الحشره ..
وذكرتيني بالارض الرطبه .. كنت انقهر دوم تخيس عباتي من تحت ..
بس جوو صلاله رووعه لكن مافيها مولات ندور السوق دواره هههههـ


وكملي متابعينج ~

[3so0ola_AD]

تسلم ايديج ع الصور..صلاله روعه بس خساره هالسنه مابنروح

[نيولوك]

او انكم تسون الغدا عاليبل


وتسون شاي وكرك


وتحلون برطب نحن نشل ويانا شوية رطب من البلاد


ومن بعد هالدلع نبدأ الجولة بالسيارة لين المغرب





بكمل

[نيولوك]

يزااااااج الله خيير حبيبتي بس لان عندنا ناس يبون يسيرون ف نص 7 وانا شفت الصور قلت حلوو الجو بقولهم يجدمون السسفر=) عشان جيه بغيت اعرف الجو هالسنه كييف ؟!

اترااج الغلاا واسمحيلي جان دشيت ف نص الموضوع =)

مسموحه الغاليه بس افضل وقت نص سبعه حاليا في صلاله امطار ورذاذ واليبل بعده ماخضر بس الشير اخضرن يقولون السنه ياهم وايد مطر عشان جي خضرن الشير من وقت بسبب الامطار اللي يتهم مب بسبب الرذاذ بس اليبل بعده يباله وقت لين يخضر يعني انشاءالله عبداية سبعة احتمال يبدا يخضر
اللي يسمع المعلومات يقول جني صلاليه عايشه هناك خخخخخخخخخخخخ بس انا دايمة ادور واتابع تتطورات الخريف في المنتديات شو اسوي ادمنت صلاله وانشاء الله بنقللكم تتطورات الجو هناك