شو العمر المناسب

**lovley breeze** · 2011-06-20, 12:51

هلا وغلا بخواتي في منتدى بلادنا الحبيبة بنات بنتي تباني اشتريلها بلاك بيري اونه صديقاتها عندهم وايد تحن على هالموضوع انا وعدتها بشتريلها في يوم ميلادها اللي هو بعد تقريبا اسبوع ان شاء الله بتكمل ثمان سنوات بس ابغى اعرف شو اعمار عيالكم يوم دخلوا عالم التكنلوجيا ؟؟ وهل عمر بنتي طبيعي لهالشي؟
بنات بليييز ردن اهي اكبر وحدة عندي فما عندي وايد خبرة و ابا اعرف

المزيد من آخر المواضيع من نفس القسم:

**lovley breeze** · 2011-06-20, 12:53

هيه و بعد اريد اضيف انا ما عندي بلاك بيري فلو ممكن تخبروني لو وايد يختلف عن التيلفون العادي او مب وايد و شو الاختلافات
و سلامات

**مشوطه** · 2011-06-20, 13:04

8 سنوات وبلاك بيري نو وي بالنسبه لعيالي واذا ابوهم خذا لهم بكسره

**أم شوأأخي** · 2011-06-20, 13:04

والله وايد عمرها صغير ع البيبي

والمشكله انج انتي ماعندج خبره عنه

شورايج انتي تاخذين لج ولها
حتي تكونين مطلعه ع كل الامور وتحت رقابتج وتكونين مطلعه ع كل التفاصيل وتخبرينها انها ماتستخدمه استخدام سيئ وفي حالة اساأت استخدامه بتسحبينه منها يعني تحطين شروط وتخوفينها انه ممكن اخذه عنج فحزتها

**ღcute girlღ** · 2011-06-20, 13:06

**مجرد ام** · 2011-06-20, 13:14

حرااااااااااااااام ياهل وتيبيلها بلاك بيري
هذا فيه بلاوي
وبعدين اختي مش كل الي يطلبونه العيال نيبه لهم
لا تخلين العاطفة تغلب العقل
واسفة هذا راي

**No0or Ednya** · 2011-06-20, 13:15

خذيلج وخذيلها .. وعطيها شرط انه فليل يتسكر وفي المدرسة ما تشله ^^,

بس أحس 8 وايد صغيرة .. عالأقل 12 سنه

البنت بنتج والراي رايج

**أنغام الصدى** · 2011-06-20, 13:15

حــبوبة وايد صــغــيرة ,, خليـهآ فعروستهآ أحـلى ,,

نصـيحة ,, لاهـ ,, بتتعود عليه ,, أبدآ ما بتـمل منـه

**ريلي حياتي** · 2011-06-20, 13:17

8سنوات وبلاك بيري!!!!!!!!!!!!
مستحيل

**β♥Ṣ** · 2011-06-20, 13:23

حبيبتي بنتج وااااايد صغيره عالفون !
و انتي تبين تعطينها بلاك بيري الله يهداج !!!!
مادري فديتج انا اشوف انها وايد كتكوته على الفون !
و البلاك بيري كله بلاوي و خرابيط ؟
ليش تفتحين عيونها على اشيا باجر الله لا يقول تندميين !
الحين الولد نقول اذا عمره 8 صغير عالفون فما بالج البنت ^^
حبيبتي انا اقول ،، انتي خذي لج بلاك بيري
و قوليلها اذا تبا تستخدمه مب مشكله !
على الاقل انتي تشوفين و تعرفين كل شي فيه !
و تكون عيونج مفتحه على كل شي تبا تسويه ~
عن باجر يستوي شي تندمين عليه الله لا يقول ،،
السموحه فديتج و انا هاذا رايي ^.^
اتمنى اني ما زعلتج ولا ضايجت بج ~

**اثير الكحل** · 2011-06-20, 13:29

اكبر غلط حبيبتي اصلا ليش تاخذين لها موبايل في هالعمر ... انا كان عندي موبايل من اول ثانوي و منا ريلي عرف قال ممنوع حق عيالناا موبايلات في ايام المدراس بس لما بيروحو الجامعه ياخذونه و لما يردون يرجعونه حقي ... و انا شفت انه كلامه صح .. يعني روحي اخذيلهاا ايبود و حطي فيه العاب اطفال و جي و عطيهاا هديه الايبود احسن لهاا لكن بلاكبيري انا ماخذتنه من شهر و نص تقريباا و الله شفت فيه البلاوي فما انصحج ابداا و انتي لاتفكرين بنوعه بلاك بيري فكري بالسالفه نفسهاا بنتج صغيره على الفون سواء بلاك بيري او غيره في العااب تليق للبناات و في بلاي ستيشن لونه وردي خاص للبناات الايبود بس نزلي فيه العاب تعليميه و برامج دينيه اتفيدهاا .؟. و اخذي شي يفيدهاا و لا يضرهاا و للعلم انا بناات عمي عندهم بلاك بيري و في عمر بنتج بس شوفايدته و هم ما يذاكرون و لا شي و كله ع البلاك بيري يسولفون و توصل لهم صور بايخه و افكار سخيفه ,, و لا تنسين هاي.. بنت ؟؟

**دمعة نمله** · 2011-06-20, 13:33

لا حبيبتي لاتفتحين لج ابواب عقب ما تتسكر

حبيبي يبيلها اشياء ثانيه قوليلها لما تكبرين باخذ لج فون

هاي بعدها صغيره بالعمر ياهل

**عهد المحبه..** · 2011-06-20, 13:44

حبيبتي بنتج وااااااااايد صغيره ع الفون .. ومثل ماتكرمت اختي BS قالت انه خذي ع اساس يكوون لج انتي وهي ف الوقت اللي تبا تستخدمه تاخذه منج مثل ماسوت عمتي بنتها مب 8 سنين عمرها الا 14 سنه وماطاعت اتيب لها بلاك بيري بروها والبنيه تحن فوق راس امها الا وتبا قامت عمتي خذته لها بس الوقت اللي تباه تاخذه عنها يعني تقدر تشووف وتراقب بنتها شوو تسوي

و اكببببببر غللللط يسوونه الاهالي انهم يعطوون لعيالهم فونات لانه خراااااااااااااااااب
ها من رايي حبيبتي وكلام الحريم والبنيات اللي قبلي صحح ><

**laila226** · 2011-06-20, 13:46

لا فديتج مأنصحج
بنتج بعدها صغيره على هالسوالف
لنفترض بالغلط وصلها شي مب زين او انها سوت شي من وراج لاقدر الله؟
خليها تشغل نفسها بالدراسه او اي شي ثاني ينفعها ^^
لان البلاك بيري راح يلهيها عنكم
وراح يفتح عيونها على اشيا ثانية

السموحه منج اختي

**بنت سلطون** · 2011-06-20, 13:50

ياااااااااااااااااااااااهل اوييه
اختي يوم كان بهالعمر ما سويتلها سالفه

احين هي عمرها 10 بشتريها فون عادي مب بلاك بيري لا بتخترب صح واعرف انتي ان حصلت يسليها ما تركز بالدراسه
وقلتلها ان يبتي علامات عاليه بشتريلج فون مب بلاك بيري
بس لانها تبي تتواصل ويا ربيعاتها
بس ما انصحج تشتريلها بلاك بيري خلها تتريا لين تكبر
او شي حقج وخلها تستخدمه ..
انا اذكر عطوني فون يوم دشيت ثالث فوني روحي
كنت استخدم ويا اختي فون واحد كله كنا نتضارب ههههههه
بس صدق اختي بلاك بيري فهالعمر احسه توو مج
وهذا راي

الموضوع: شو العمر المناسب

أدوات الموضوع

عرض

شو العمر المناسب

المزيد من آخر المواضيع من نفس القسم:

المواضيع المتشابهه

كيفية تقليم الورد وماهو الموعد المناسب وماهو العمر المناسب ....شرح بالصور

شو العمر المناسب بين الزوجة وزوجها؟؟؟

ما هو العمر المناسب للحضانة؟ للتعليم..

كم فرق العمر المناسب

العمر المناسب للزوااااااج؟؟؟