ارجووكم ساعدوووني بديت انهار من تفكيري الخاطئ

[مالهم مثيل]

السلام عليكم ورحمة الله وبركاته



اولا انا مب صاحبة النك نيم وانا اول مره ادخل فيها منتداكم

لاني اريد انكم تحلون لي مشكلتي



بنات انا انسانه مطلقه من عقب عرس بس زوجي مادخل عليه طلقني من اول شهر حسبي الله ونعم الوكيل صديقاتي اللي اصغر عني ولي انا عرست قبلهم الحين كلهم سبقوني وكل وحده تحتها ياهل وحامل والله كل ما اجوف وحده منهم جايه تزورني وبطنها جدامها اطالع بطنها وعيوني كلها دموع
واتم اتحسر على عمري وعلى نفسي ان تزوجت بس ما تمتعت ولا جبت يهال وانا خاطري ومون عيني بياهل والله خاطري بنونو كل ما تيقدم لي احد يشردون مني لني مطلقه ولن ريلي مادخل عليه يتمون يرمسون عني بالسوء ان طليقي اكيد جاف عليه شي عسب جي مادخل عليه ولا لمسني عذبوني بكلامهم حتى الرجال صارو يرمسون بعذريتي وعن شرفي وعن وعن وعن بلاوي قالوها عني

بنات انا عمري ماكنت حاقده ولا حاسده احب صديقاتي واموت عليعم بس لما اشوفهم مرتاحات وكل وحده منهم تعرس ماشاء الله ورى الثانيه وانا محلك سر يجيني ظيق واحس اني اريد ابجي وبس ومرات اتهرب منهم اذا يبون يرمسوني ولا يزوروني اتهرب منهم واتهرب من زياراتهم لي واتهرب من الرمسه وياهم عشان ما اتم وحده تتمدح لي بريلها وتقولي شو سوت وياه من حركات وشو جاب لها من هدايا وانا مب محصله هذا كله وعشان ماتم وحده تقولي ريلي يحاتيني مايخليني المس اي شي بالبيت خايف عليه وعالبيبي وانا مب محصله ها كله بالعكس يوم عرست ريلي كان كل يوم يمسيني على اهانه ويصبحني على اهانه وشهر العسل اللي يقولون عنه عسل كان بصل بالنسبه لي وتطلقت بدون سبب طلقني بسبب حبيبته اللي يباها وانا مالي ذمب بهذا كله

فكيف ماتبوني قلبي يعورني يوم اشوف ربيعاتي كل وحده تتمدح بزوجها وكيف مهتم بها وكيف يجيب لها بهدايا وانا ما تتحرك مشاعري واتحسر على حالي ويظيق خلقي واتذكر اللي صارلي واتم اصيح وبس

واتهرب منهم حتى هم يقولون لي بلاج تغيرتي اقولهم ما تغيرت بس كله اتهرب منهم واتم بروحي واحبس روحي وبس

والله بنات خاطري اكون ام خااااااطري خاطري احس بهالشعور خاطري احس بالفرحه اللي يحسن بها ربيعاتي يوم يحملون ورياييلهم يفرحون بهم خاطري احس بالراحه اللي هم حاسات فيها خاطري احس ان في ريال يحبني ويموت عليه وخاطره بياهل مني



الله يخليكم مابي اي وحده تهاجمني انا انسانه شراتي شراتكن انا مب ملاك

خاطري اسمع نصايح تهون عليه باللي انا فيه


نفسيتي تعبانه والله تعبانه من الخاطر

حسبي الله فيك ياطليقي

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[تووتانة]

حسبي الله على من كان السبب
الله ايسر امورج ويرزقج ولد الحلال اللي يحبج ويعوضج الايام اللي راحت

[ابتسامة قمر]

ما عليه حبوتي

ادري انه اللي صارلج مب شوي

بس كل شيء فيه خيررر

يمكن الله يبااا يعطييج شيء اكبر من اللي تتمنينه
يبا يشوف صبرج

ان شاء الله بييييج واحد وبيحطج في عيونه و بتيبين درزن عيآل


نتريا الاخبار الحلوة من صووبج

لا تتضايجين حبوبتي
ربج ما ينسى حد


لا تحبسين روحج
اطلعي واستانسي ويا اهلج
مارسي هواياتج

ولا ما بتطلعين من هالحالة
ساعدي نفسج اختيه
...
..
.

[القلب 2009]

بالعكس حبيبتي هو الخسران

وانتي الله انقذج منه

المفروض الحين تحاولين تشغلين نفسج باشياء ثانية طلعي واشتغلي وخذي دورات

يمكن زوج المستقبل يشوفج بالصدفة برع او بمكان عام او احد من اهله يمدحج له

ضيقج وقعدتج وانقطاعج عن العالم مو حل

اسعي والله بيفرجها لج

الله يوفقج ويرزقج الزوج الصالح

[مشغوله]

بالعكس حبيبتي هو الخسران

وانتي الله انقذج منه

المفروض الحين تحاولين تشغلين نفسج باشياء ثانية طلعي واشتغلي وخذي دورات

يمكن زوج المستقبل يشوفج بالصدفة برع او بمكان عام او احد من اهله يمدحج له

ضيقج وقعدتج وانقطاعج عن العالم مو حل

اسعي والله بيفرجها لج

الله يوفقج ويرزقج الزوج الصالح

انا ويا الاخت .,

اطلعي و استانسي و نسي عمرج كل اللي طاف

عيشي حياتج ،

و اشتغلي و طوري عمرج

بيني للناس ان شخصيتج قويه و خليه يندم هو واهله انه طلقج

و افرضي على الناس احترامج و راويهم شخصيتج و اخلاقج

هالشي هو اللي بيأكد لهم انج بنت زينه

ولا الحبسه في البيت بتسوي العكس بيقولون فيها و فيها عسب جي منخشه اتحممممملي

كوني قويه ، و ما عليج من حد

و الاهم من هذا كله خلي ايمانج بالله قوي و اتقربي من ربج و استغفري الليل و النهار

الله هو القادر انه يغير كل شي ، لكن حطي في بالج هالآيه ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)) صدق الله العظيم

لا تخلين عمرج جي نصيييييييييحه

[ديناء]

أختي و لا يهمك لا تزعلين روحك

قدر الله و ما شاء فعل

و أمر المؤمن كله خير

بنت خالي ملكت و تطلقت و زفت بنات خوالي اللي أصغر منها

و شفت الألم بعيونها و الحمدلله الله عوض صبرها كل خير

عايشة بأحسن فلة و يوم عيدميلادها ريلها سفرها فرنسا

و الحمدلله

بس في شغلة بقولك عليها

محد ياخذ رزق حد و هذا ابتلاء من رب العالمين لانه ربك يحبك

فأصبري و أشكري الله و أحمديه

صديقاتك لازم تفرحين لهم
مثل ما قلت لك محد ياخذ رزق حد

صديقتي الروح بالروح تزوجت بعدي بسنة بالظبط
و حملت و يابت ولد ما شاء الله عليه

و أنا صار 4 سنين كل ما أحمل أطيح
و يشهد الله أني ما حقدت عليها و على غيرها

يمكن أزعل على نفسي شوي بس بعدين عادي

قسمتي و نصيبي و أن راضية

أختي النصيب يصيب و من مكان ما يخطر على بالك

و صدقيني بيصير بوقت أنتي ما تتوقعينه

عيشي حياتك يوم بيوم و لا توقفينها

يا ما في غيرك اللي حاله أسوأ و أردى

خلي عنك التفكير السلبي و أشغلي نفسك

اللي تبغينه أنتي أختي شوية ثقة بالنفس

ألجئي لربك و عسى الله يسهل أمورك

و يرزقك بالزوج اللي يحبك و يصونك

و يعوض صبرك كل خير

[the duchess]

أختي و لا يهمك لا تزعلين روحك

قدر الله و ما شاء فعل

و أمر المؤمن كله خير

بنت خالي ملكت و تطلقت و زفت بنات خوالي اللي أصغر منها

و شفت الألم بعيونها و الحمدلله الله عوض صبرها كل خير

عايشة بأحسن فلة و يوم عيدميلادها ريلها سفرها فرنسا

و الحمدلله

بس في شغلة بقولك عليها

محد ياخذ رزق حد و هذا ابتلاء من رب العالمين لانه ربك يحبك

فأصبري و أشكري الله و أحمديه

صديقاتك لازم تفرحين لهم
مثل ما قلت لك محد ياخذ رزق حد

صديقتي الروح بالروح تزوجت بعدي بسنة بالظبط
و حملت و يابت ولد ما شاء الله عليه

و أنا صار 4 سنين كل ما أحمل أطيح
و يشهد الله أني ما حقدت عليها و على غيرها

يمكن أزعل على نفسي شوي بس بعدين عادي

قسمتي و نصيبي و أن راضية

أختي النصيب يصيب و من مكان ما يخطر على بالك

و صدقيني بيصير بوقت أنتي ما تتوقعينه

عيشي حياتك يوم بيوم و لا توقفينها

يا ما في غيرك اللي حاله أسوأ و أردى

خلي عنك التفكير السلبي و أشغلي نفسك

اللي تبغينه أنتي أختي شوية ثقة بالنفس

ألجئي لربك و عسى الله يسهل أمورك

و يرزقك بالزوج اللي يحبك و يصونك

و يعوض صبرك كل خير

ما علي اختي لا تكونين انسانه متشأمه ولا تغارين وتتحسرين

انتي نصيبج من الله ،،

اكيد في الموضوع فيه خير لو فكرتي فيها ،، مثلا لو يبتي يهال يمكن يضيع ويتبهدل بين امه وابوه ومرت ابوه
ويمكن تاخذين انسان يعيشج براحه وعيالج يربون من بينكم

انا اعرف وحده عرست اظن وصلت الـ 40 لا كانت مطلقه ولا شي ،، بس سبحان الله انكتبلها نصيب

اتصدقي وتقربي من الله وادعي

مثلا انتي طالعه وتشوفين هندي ينظف في الشمس والحر عطيه لو مبلغ بسيط 5 دراهم وشوفي فرحته مثل ما انتي بتفرجين عنه الله بيفرجها عليج

[ابداااع للتصميم]

حسبي الله عليه من ظالم"حبوبه الله كريم وبيرزقج بالاحسن منه توكلي عليه وادعيه ليل نهار

[so0ona]

حبيبتي لاتتضايقين
أعرف بنات مثلج والحمدلله تزوجو
خلي إيمانج بالله قوي
واللي يرمس عنج الله فوق وبحاسبه
وانصحج لازم تستانسين على ربعج أكيد تحبينهم وماتبين يعيشون تجربتج
واللي يتمنى الخير للناس الله بيعطيه مثل مايتمنى لهم

حب لأخيك ماتحبه لنفسك

[ام ذياااب]

بالعكس حبيبتي هو الخسران

وانتي الله انقذج منه

المفروض الحين تحاولين تشغلين نفسج باشياء ثانية طلعي واشتغلي وخذي دورات

يمكن زوج المستقبل يشوفج بالصدفة برع او بمكان عام او احد من اهله يمدحج له

ضيقج وقعدتج وانقطاعج عن العالم مو حل

اسعي والله بيفرجها لج

الله يوفقج ويرزقج الزوج الصالح

أختي و لا يهمك لا تزعلين روحك

قدر الله و ما شاء فعل

و أمر المؤمن كله خير

بنت خالي ملكت و تطلقت و زفت بنات خوالي اللي أصغر منها

و شفت الألم بعيونها و الحمدلله الله عوض صبرها كل خير

عايشة بأحسن فلة و يوم عيدميلادها ريلها سفرها فرنسا

و الحمدلله

بس في شغلة بقولك عليها

محد ياخذ رزق حد و هذا ابتلاء من رب العالمين لانه ربك يحبك

فأصبري و أشكري الله و أحمديه

صديقاتك لازم تفرحين لهم
مثل ما قلت لك محد ياخذ رزق حد

صديقتي الروح بالروح تزوجت بعدي بسنة بالظبط
و حملت و يابت ولد ما شاء الله عليه

و أنا صار 4 سنين كل ما أحمل أطيح
و يشهد الله أني ما حقدت عليها و على غيرها

يمكن أزعل على نفسي شوي بس بعدين عادي

قسمتي و نصيبي و أن راضية

أختي النصيب يصيب و من مكان ما يخطر على بالك

و صدقيني بيصير بوقت أنتي ما تتوقعينه

عيشي حياتك يوم بيوم و لا توقفينها

يا ما في غيرك اللي حاله أسوأ و أردى

خلي عنك التفكير السلبي و أشغلي نفسك

اللي تبغينه أنتي أختي شوية ثقة بالنفس

ألجئي لربك و عسى الله يسهل أمورك

و يرزقك بالزوج اللي يحبك و يصونك

و يعوض صبرك كل خير

هالخوات كفن ووفن .. وكلامهم ذهب ماشاء الله .. امشي على كلامهم وتوكلي على الله .. وما عليج من الي يتكلم عليج دامج واثقه من عمرج ..

ربي يرزقج ويعوضج بانسان يحب ويهتم فيج ويحطج ف عويناته ^^

[ريلي حياتي]

انا اعرف وحدة خطبها ولد عمها بسبب ضغط الاهل والولد ما كان راضي ملج عليها
وتم مالج عليها خمس سنوات تقريباا
بدون ما يعطيها ابسط حقوقها مت هدايا بيزات وما ما كان يزورها اصلا مع انهم ييران
عقب البنت تعبت وطلبت الطلاق بدون ما اطالب بحقوقها
وماتم ميلس ما انذكرت فيه البنت
قالو عنها اشي واشي وتمت ار بع سنين بدون ما حد يتقدم لها
اونه فيها شي ليش ريلها طلقها
بس يا اختيه ربج كبير يختبر عبده
هي صبرت واحتسبت االاجر من عند رب العالمين
وعقب تقدم لها واحد متدين خلوق ومن عايلة محترمة
تزوجت البنت واحين هي حامل ما شاء الله
الله يتتم حملها على خير
انا قلت لج سالفتها لاني تذكرتها اول ما قريت قصتج
انتي اصبري اختيه ولج الاجر باذن الله
وعسى ان تكرهوا شيئا وهو خير لكم
عسى الله يرزقج بالزوج الصالح عاجلا غير اجل
ويرزقج الذرية الصالحة المعافاة
وييسر امورج

[مـــــريم]

الله يريحج حبوبة..

[laila226]

ربي يكون فعونج ^^

[مجنونة و تجنن]

ربي يهون عليج ان شاء الله

[ارضي ربي]

الله يرزقج بولد الحلال ان شاء الله ويرزقج بالذريه صالحه يارب
وعقبال كل بنوته يارب وعقبال كل محروم بالذريه صالحه