محتايه مسااااعده........-_-

**سميتك غلاآي** · 2011-06-16, 20:18

مرحبااااا.........

بنات انا عقب اسبوعين طالعه السعوديه ان شاء الله.......بنطلع انا واهلي كلنا بنعمر وبعدها بنسير الدمام عند اهل ابوي مناك ساكنين وهم سعوديين.........>>ولدهم خطبني قبل كمن اسبوع بس هو ما قد مره شافني ولا اهله شافوني يعني خطبني بس لانه ولد عم ابوي.......-_-

الحين المشكله مب هني المشكله اني انا اول مره ادخل بيتهم وهم اول مره يشوفوني.......والله احس عمري بموت.........مب عارفه كيف اتعامل وياهم..........>>انا من النوع اللي يستحي و ما يتكلم واااايد.......-_-

بنااااااااات ساعدوني قولولي شو اسوي......-_-

المزيد من آخر المواضيع من نفس القسم:

**ashash** · 2011-06-16, 20:28

موفقة ^_^

**صاحبة السمو85** · 2011-06-16, 20:42

وعليكم السلام ورحمة الله وبركاته

خليج بحيااائج ولا تتصرفين ..الا بطبيعتج ...الله يوفقج

**عطر رومانس** · 2011-06-16, 20:43

كوني على طبيعتج ولا تتصنعين ..وتوكلي على الله

**فتاه صابره** · 2011-06-16, 20:52

الله يوفقج الغلا

عادي تصرفي عاادي مافيها شي كوني طبيعيه وعادي الاموور

**عشقـ بدويـ** · 2011-06-16, 21:14

للرفع

**bellegirl** · 2011-06-16, 21:56

لا حول ولا قوة إلا بالله

غاليتي

استخيري

وخليج طبيعية وكوني على عادتج

والحياء شعبة من الإيمان

**ابداااع للتصميم** · 2011-06-16, 21:56

الله يسهلها عليج"خلج طبيعيه ولا تتكلفين"

**اهاات ليل** · 2011-06-17, 02:42

خلج طبيعية وعادي لو ما تكلمتي مافيها شي شئ طبيعي تستحين بمثل هالموقف ^^

وبالتوفيق إنشاء الله

**"قلبي رهيييف"** · 2011-06-17, 02:45

بالتؤفيج ان شـــآء اللـــــه ..

**سميتك غلاآي** · 2011-06-17, 22:35

مشكوووووووورات خواتي وما قصرتن الصراحه...........

بس انا خايفه ومرتبكه.....اخاف يمكن ما اعيبهم ........والله خاااااايفه ماعرف شو اسوي...........-_-

**دربوحه** · 2011-06-18, 00:34

اووووويه انا خففففففت ههههههه وين انتي ..

**دربوحه** · 2011-06-18, 00:37

نصيييييييييحنه ..
.. 1- دااام ولدهم بياخذج ..
1- من اتييين حبي راس امه و ابوه خخ ..
2- ع كل شي فزي .. لا تخلينهم يمشون على ريولهم .. خدميهم بعيوونج خ <~ الله يعينج ..
3- يوم تجوفينه لا تخلين عمرج خبله ومستحيييه .. بس لفي ويهج ولا تغشي .. < علشان يقول حشيمه <~ -.-
4- لا تضحكيييييييييين واييد .. جدامهم .. يوم يسئلونج جاوبي ع قد السؤال <~ ههه حسيت امتحااااان ههههههه ..

اسسسسسولف عليييييج .. اشيا تزيغ ..

**حزامية** · 2011-06-18, 01:15

لا اله الا الله .,.

::.

الغالية ترى بعدكم بالبداية .,.
وهـ الزيارة بتخليج تعرفين طبيعتهم .,.
قبل ماهم يدققون فيج .,.
بعدين صدقيني لو هم مب سامعين عنج الا كل الزين .,.
والا ما تشجعوا وخطبوج لولدهم .,.

::.

لا تحاتين حبيبتي .,.
بالعكس تصرفي بكل عفوية .,.
وزيدي جرعة الحيا .,.
لانه ممكن تدشين البيت عروس بالقريب العاجل .,.

::.

حبيت انبهج لشغلة .,.
سبحان الله لو ما حصل نصيب .,.
ما ابيج تحطين زيارتج لهم .,.
او تعرفهم عليج هو السبب ,.
بالنهاية الواحد ما ياخذ الا نصيبه .,.
وتأكدي ان ربي يريد لج الخيرة سواء معاه او بدونه .,.

::.

الله يوفقج ويتمملج على خير .,.
ويشيل من صدرج كل الهموم والضيق والخوف .,.

**الأحلام الملونة** · 2011-06-18, 01:21

حبوبة الزواج قسمة ونصيب

أولا كوني وثقة من نفسك عجبهم أو ما عجبهم أنت تصرفي على طبيعتك

وأكيد عندهم بنات وحريم بنفس عمرك كونى حبوبة ولطيفة مع الجميع يعنى لا خجل مبالغ ولا أنفتاح منفر

وبأذن الله تكون زيارة تعارف والله يكتب لك الخير

الموضوع: محتايه مسااااعده........-_-

أدوات الموضوع

عرض

محتايه مسااااعده........-_-

المزيد من آخر المواضيع من نفس القسم:

المواضيع المتشابهه

ابي اعرس محتايه لريآآآآآآآآآآآآآآآآآآآآآآآآآآآآآآآآآآآآآل محتايه لمحرم :(

مسااااعده

محتايه محتايه وربي محتايه لـ....!!