ايهما اصعب تربية الاولاد ام تربية البنات ؟؟

**ميانه بوظبي** · 2011-06-21, 11:20

اللهّم اغننا بحلالك عن حرامك ،

**دهن العووووود** · 2011-06-22, 02:31

آكيد الاولاد اصعب ..

الله يعين بس

**alo0oya** · 2011-06-27, 00:59

بنجرب وبنشوف

للحين بنتي مخبله فيني اكثر عن اخوها

**أمورة** · 2011-06-27, 18:58

ماعندي غير ولد و تربيته صعبه بس الحمدلله على كل حال و الله انه نعمه

ختيه و امايه يقولن من تجربتهن البنت اسهل في التربيه يوم هي صغيره لانها من الله تكون هاديه يوم هي صغيره

عكس الولد يوم صغير يكون صياح و مزعج و حركي اكثر عن البنت

بس مثل ما قالت ام سلطان البنت تربيتها اصعب يوم تكبر في هالزمن....

ادعولي ربي يرزقني البنت الصالحه

**بثـينه** · 2011-06-27, 20:50

أنا أشوف الولد وهو صغير تربيته أسهل من البنت ..
حتى في تعليم الحمام عزكم الله أحسن الولد أموره طيبه ><
في اللبس الولد تلبسينه بثواني أي شي ع السريع أو كندوره و السلااام .. عكس البنت تنقيلها لبس متكامل سواء فستان أو بدله و شباصات و ربطات و دلع و عفسه ☻

في سالفه الحركه و الخراشه هالشي يعتمد على شخصيه الطفل .. في أولاد هاديين و أولاد العكس و نفس الشي البنات ...

الولد ترومين تحطينه في أي مكان وانتي متطمنه .. عكس البنت لاااااااااااازم تتطمنيين من كل الموجودين و تتأكدين من سمعه المكان لو بتلحقينها بنادي مثلا لازم تتأكدين من سمعته و سمعه الموظفين اللي فيج علشان تحافظين على عرضها ..

يعني من تكبر البنت الخوف عليها أكثر .. بس التربيه والله كلهم متعبين ..

و مثل ما قال المثل .. العلم في الصغر كالنقش على الحجر ...

أقل شي لاااااااااازم تعلمون عيالكم يحترمونكم و تعلمونهم انه لأبوهم كلمه ما يردونها عسب يحسبون له حساب و يكون له هيبه مستقبلا .. طبعا بالتفاهم و بعيد عن الضرب ...

الله يبارك لنا في عيالنا و يجعلهم من الذريه الصالحه ان شاء الله ...

**محبة الفن** · 2011-06-27, 21:14

انا اشوف انه الاولاد وهم صغار تربيتهم اسهل من البنات لانه البنات دايما عنيدات بعمر سنتين اكثر من الاولاد بس لما يصير عمرهم 4 سنوات وفوق يبدأ التعب مع الاولاد وتكثر حركتهم ويعلى صوتهم وتصير البنت جنة بالنسبة لهم

**رؤوس الجبال** · 2011-06-28, 19:42

فعلا تربية الاولاد صعبة وتربية البنت سهلة لأنها تسمع الكلام اكثر من الولد لأنه بطبعه عنيد اعطيكم مثال ولدي عمره عشر سنوات يقولي ابا موبايل وربعي اللي بالصف عندهم موبايل ومن ومستانسين طبعا انا عارضت قلتله باجر يوم بشوف الشنب واللحية بويهك ذيج الساعة افكر اشتريلك ومن اغلى الانواع تعرفون السبب لأن سلبيات الموبايل ينزل من مستواه الدراسي وكله مضيع وقته وياه اليهال شراته وبعد مع الايام بيطور الوضع اكثر يا دوب اخلي عنده موبايل مؤقت عند الحاجة عيل بقولي اليوم موبايل وبوصل 15 سنة بيقول يلا ابا سيارة مب عكيفه عاد سلملم

*

**miss romance** · 2011-06-28, 20:40

والله مادري بس بصراحه
احس الصعوبه فتربية لعيال يوم بيكبرون فسن المراهقه
لازم تفتحين عينج عليهم هالمتن ههههههههه
يمكن بعض الاخوات يقولون ان الرك على الام والابو اذا ربوا عيالهم صح
بس وايد ناس ربوا عيالهم صح ولكن رفقاء السوء خربوهم للأسف

**ميانه بوظبي** · 2011-06-29, 15:04

" لا اله الا انت سبحانك اني كنت من الظالمين "

الموضوع: ايهما اصعب تربية الاولاد ام تربية البنات ؟؟

أدوات الموضوع

عرض

المواضيع المتشابهه

ايهما اصعب فتره الحمل والولاده "او" تربية الطفل ؟! تصويت

تربية طفل تحت سن سادسة اليكي اساليب تربية

تربية الآباء قبل تربية الأبناء

لكل ام تحب ابنها وتريد ان تربية تربية ناجحة وتساهم في بناء مجتمع صحيح تدخل هنا