شعرها زعلان :(

**شقا روح** · 2011-06-13, 20:28

السلام عليكم ورحمة الله وبركاته

حبيت أطرح قصة بنت خالي مع شعرها .. وأتمنـى ان الكل منكن يشارك في الموضوع لأني أول مره بطرحه في منتدى سيدات الامارات

في البداية البنت يوم كان عمرها 10 سنوات كان لها شعر لين تحت كتوفها وكثيييف مره وكانت تحط زيت الباراشوت العادي ابو غرشه زرقا مب دايمن بس في الاجازه .. واستوى عندها عرس وراحت أمها من خوفها لبنتها لا يحسدون كثافة شعرها قصته لين فوق كتوفها واقصر شوي (كاريه) والبنت كانت تصييييح وما تبى تقص شعرها بس امها اصرت انها تقصه .. وبعدها بفتره قصيره شعر البنت قامت يتساقط ويخف لدرجة ان شعرها صار وايد جاف ومعد له حلاااه نفس قبل يوم كان كثيف.. ومن غييض البنت ع امها راحت وقصته اقصر شوي .. ومن بعدها معد طول شعرها ابدن والبنت راحت تعالج شعرها ما خلت طريقه ما استخدمها (ابر +زيوت+مساج+خلطات حناء) من جميع الانواع وجميع الخلطات عشان يرد شعرها وترد كثافته لكن بلا نتييييييجه والحين هي معرسه وعندها عيال وبعدها تعاني من شعرها ..
وعلى فكره .. بعض الحريم شافن شعرها وقالن لها ان شعرها زعلان .. واللي معروف ان الشعر اذا قصيتيه وايد قصييير يحزن وما يرد يطول الا بعد فتره .. وشعر البنت لين الحين تخيلن مرت عليها فوق الـ15 سنه ولا فيه فايده .. وقد قالوا ان الحرمه اذا حملت وربت يطول شعرها ويزين لكن مع البنت ولا صار له اي تحسن ..

آتمنـى أقرا آرائكن في الموضوع هذا وتشاركني والبنت يأست من شعرها بس حاطه أمل أنه يطول ويرد مثل قبل ..

المزيد من آخر المواضيع من نفس القسم:

**ساره خالد** · 2011-06-13, 20:33

ஐسبحان الله ஐ O.oالحمد لله O.oஐالله أكبر ஐ

*¤*~ لا إله إلا الله وحده لا شريك له ، له الملك وله الحمد وهو على كل شئ قدير".*¤
.
.
{يا مقلب القلوب ثبت قلبي على دينك}

**تسونامي** · 2011-06-13, 20:37

سمعت عن النفسيه ليش لاء لان وحده دوووم اعرفها اتمشط شعرها وتلعنه يكش زياده خخخخ

فخبروها ان شعرها يتاثر بنفسيتها وسببابها ..............خلاص بدلع شعري ولا بزعله بلمقص

الله اعلم كل شي جااايزاذا مااي يتاثر سبحان الله

**حياة السورية** · 2011-06-13, 20:39

افيدك بنصيحه الي قصتلها شعرها ليه ما نصحت الام بان الشعر الطويل لما ينقص ما بيطول الشعر والله يعوضك خير

**شقا روح** · 2011-06-13, 20:50

هيه هوه ع النفسيه يمكن والبنت كانت زعلانه ما تبى ينقص شعرها ..

وتسلمن يا خواتي ع ردودكن .. بس تتوقعن لو راحت لمطوع ولا مطوعه بتفيدها ؟

**oshana** · 2011-06-13, 21:35

للرفع

**Umlatifa08** · 2011-06-13, 23:42

الله يعينها الصراحه ..

**صعبه المنالي** · 2011-06-14, 10:33

هههههههههه اما هاي اللي تلعن شعرها ويكش بزياه ضحكتني هههههه

صح انا سمعت دوم يدتيه تقول لاتقصن شعوركن خلاف بيزعل ولابيطول.. ولليوم تقول هالكلمه الله يطول بعمرها

ياويلي انا قصيت شعريه ياخوفي مايطول اهئ اهئ اهئ ...

لكن فديتج خليها تهتم فيه وتقرا في ماي وتغسل شعرها به .. وتاكل مقويات وفيتامينات

**ليالي 2006** · 2011-06-14, 10:49

هيه انا بعد اسمع الحريم الكبااريه

يقولون ان الشعر يزعل ولا زعل ما يطووول يتم جي

من رمست العيااايييز القداااااام

بس انا اتوقع ليش لالا ؟

بس هي خلها تهتم باكلهاا وتاكل فيتامين عشاان يظهر على شعرهااا الي تاكله

**أم شما ومهره** · 2011-06-14, 11:10

لللرفع

**((شهد شاهين))** · 2011-06-14, 12:17

وانا بعد شكله شعري زعلان مني خخخخ

**شقا روح** · 2011-06-14, 18:40

الله يخليلنا عيايزنا
والبنت بعدها ما فقدت الأمل وادور حلول جديده
وتسسلمن خواتيه ع ردووودكن والبنت تقرا كلامكن والأمل بعيونها

لا عدمت وجودكن يا ربي

**شقا روح** · 2011-06-15, 23:11

ابي مشاركاتكن يالله

**فتاه صابره** · 2011-06-16, 17:27

هاي شراتي اختي قصت شعري ولا عاد طووول ههههههههه بس اذا ع النفسيه كنت عادي مره مب زعلانه حزتها برضاااي بعد ولله الحمد
سمعت انه يزعل بس ماعتقد شي منه لاني شفت بعيني زوجة اخووي قاصه شعرهاااا ويطول بسرعه ماشاء الله واختها قاصه شعرهاا وكان لين الركبه تبارك الرحمن وقلت لها لاتقصينه جي احلى طويل بس هي ملت من استيل شعرها وقصته وعادي رجع بنت خالي نفس الشي

لاتحاتي ان شااء الله بيرجع يااارب ويرجع شعري شرات قبل

انا اتمنى شعري يير كثيف اقوى شي

لانه نااااعم وااااايد ومعذبني ويتساقط^^

**شقا روح** · 2011-06-16, 17:39

سبحان الله كل وحده وشعرها .. انا بحاول ادورلها حلول جديده ومتطوره لأن ما خلت شي ما سوته لشعرها

الموضوع: شعرها زعلان :(

أدوات الموضوع

عرض

شعرها زعلان :(

المزيد من آخر المواضيع من نفس القسم:

المواضيع المتشابهه

زعلان من 3 ايام

ارسلها للي زعلان

لكل شخص زعلان

((حقك علي ان كنت زعلان....))