أول زيارة منذ الخطوبة .

[حياتي حمودي]

..
..
..
..

:

هلا حبوبااااات شحاااااالكن ..؟؟
الأسبوع اليااااي الحبيب بيزوورني لمرة الأولى و أحنا بعدنااا مخطوبين شوو اسووي أنا وااااااايد استحي منه.. وشوو ألبس ..؟؟؟؟ اطبخ له شي ولا مب لازم ..؟؟ وهيك
مع العلم ( ملجتناااااا جريب إن شاء الله )
يااااااااريت ياااا حبوبات اللي عندهااااااا خبره تفيدني
والسموووحه حبوووبات

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[lolali..!]

ما يجوز هذا الشي !
الخطبـه ما نزيل الحاجز الي بينكم
الخطبه مجرد كلااااااام ووعد بالزواج
هذا بعده اجنبي عليج ولا هو محرم ولا شي
يلستج وياه حرام وشوفته لج حرام !
كيف اهلج يرضون !!!!!!!!!

الله يهديكم بس
ابدوا حياتكم وعلاقتكم صح وبشرع الله
عشان الله يوفقكم فالمستقبل
بعد الملجه لج الحريه فالي تسوينه
شوفيه كثر ما تبين وخليه يزوورج حتى لو كل يوم
لكن قبل العقد هذا ريال غريب حاله حال اي واحد من برع

ما اعتقد ان حد يفيدج بأي رد
لان ماضن في بنت اهلها رضوا انها تظهر ويا خطيبها او يزورها او اي شي ثاني
ها الشي مرفوض شرعا ومن الدين . . ومرفوض من عاداتنا وتقاليدنا

سمحيلي اذا ردي زعلج بس هذا الصح ياختي !
اذا اهلج ما عنده فكره عن ها الشي وماعندهم علم واسع فالشرع او فالعادات
انتي خبريهم وانتي من نفسج امشي على الصح واتبعيه
عشان الله يوفقج ويرضى عليج

من رايي انج ما تسوين ها الشي ولا ترضين بالزياره
واذا هو بالفعل ريال زين وخلاص موافقين عليه , استعيلوا بالملجه
واملجوا اول . . خلاف خذي راحتج وياه
اطبخيله وألبسيله وسوي كل الي فخاطرج

الله يهيدكم ويصلحكم
ويوفقكم

[حياتي حمودي]

حبيبتي الزيااارة أصلا مب حقي . هو أصلا بيزور حد من أهلي و أكييد بي يسلم ع أبوي بس جي السالفة يعني (بيمر عندنا ) بعدين الحمد لله عاايلتنا محافظه وتعرف الشرع والأصول ,, شكلج رحتي لبعيد ..!! ...

[حياتي حمودي]

من رايي انج ما تسوين ها الشي ولا ترضين بالزياره
واذا هو بالفعل ريال زين وخلاص موافقين عليه , استعيلوا بالملجه
واملجوا اول . . خلاف خذي راحتج وياه
اطبخيله وألبسيله وسوي كل الي فخاطرج

الله يهيدكم ويصلحكم
ويوفقكم

أصلا الملجه مثل ماااقلت أنهاااااا جريب إن شاء الله يعني بعد أسبوعين جي تقريباً

[lolali..!]

انتي ما قلتي جيه من البدايه فديتج
قلتي انه بيزورج ومحتاره شو تلبسين وشو تطبخين
ما قلتي ان الزياره لأهلج
هذا كان كلامج

الأسبوع اليااااي الحبيب بيزوورني لمرة الأولى و أحنا بعدنااا مخطوبين شوو اسووي أنا وااااااايد استحي منه.. وشوو ألبس ..؟؟؟؟ اطبخ له شي ولا مب لازم ..؟؟

دام انها لأهلج او ابوج وبيسلم عليهم
انتي مالج علاقه عيل فالموضوع انج تيلسين وياه
اذا بييلس يتعشى ويا اهلج ممكن انج انتي تسوين العشا اذا حابه

وعقب اسبوع ان شاء الله يوم تملجون يلسي وياه براحتج
والله يسعدج ويووفقج ان شاء الله

وسوري مره ثانيه , انا ما سار فكري بعيد بالعكس
بس لانج انتي ما وضحتي كلامج من الاول ان الزياره مب لج

ع العموم حصل خير
والسموحه منج

[۞ ملاك ۞]

مممم اكيد بتكونين لابسه شيله وعباه


وحطي جحال وقلوس يعني شي خفيف


وسوي سويت ^_^


والف مبرووووك حبوبه

[shoshoa]

انا رايي من راي ملاك .. اذا بتطلعيله خلج بعباتج و حطي ميك اب خفيف ..

وعن الطبخ .. رويه شطارتج عقب .. و لو بتسوين خلج عالسويتس و جي


الله يتمملج على خير حبوبه

[Dlaal]

عباه وشيله مرتبات ومكياج خفييييييييييييييييف لا تكثرين لانه بعده مب ريلج
وسويله شي خفييف سوييت وهالامووور
وعقب الملجة باذن الله تكشخييله

[ام شوق وعزوز]

مخوره وشيلة

[شـوشـو.]

بس مايجوز انتي تقولي خطيبج يعني بعدج ماملجتي الا اذا قصدج تقعدين مع اهله البسي اللي تحسينه حلووو علييج

وربي يوفقج

[nonoty11]

رايي من راي الاخت lolali..!

[حياتي حمودي]

شكلكم بعدكم ما فعمتوني عدل ..أنا بينت في البداية أني مخطوبة((وأنا أدرك وأعرف شووو يعني خطوبة وشو يعني ملجه )) يعني أكيييييييد أكييييييد أذا بكشخ مب حقه ,,,حق خوات حق أمه أهله معاااااارفه (الحريم ) ..!!
اتمنى انكم فهموو صح ..!!^^

[إفطيمي]

لا تراوينه جمالج لين يوم الملجة ....خليه يشتاق يشوفج ...أنا حتى في الملجة كنت أتغلى ..وما أطلع له وبالتوفيق ..

[m!s$.CaNdy]

خيبه مب جيه النصيحه ودخلون اهلهاااااا ....

الله يوفقج حبيبتي

[بنت الشوامخ]

مووفقه حبوبه

اذا ممكن تسوين سويت ( طبعا اذا هو يحب ياكل سويت لانه في رياييل مايحبون ) اذا ماياكل سويت حاولي تسوين طبق جانبي ( مثل ورق عنب ومحاشي وغيره )

اما عن شكلج يعني اهله يايين وجي قعده حريم طبعا تعدلي خلي ستايلج ناعم ورقيق وبسيط نفس الوقت ،، عشان بالملجه تطلعين غير نعومه مع كشخه اكثر

يعني ممكن تلبسين مخوره رقيقه وناعمه اذا حابه مع اني مب من انصار المخورات ^^" احس تكبر
او ممكن بدله حلوه بسيطه وميك اب خفيف وتفتحين شعرج ،، مثل ستايل الاجانب حلووو ^^

اما اذا حسيتي راح يمر شوي للسلام وجي بين الاهل ( طبعا انا مب من حقي انصحج وجي الحمدلله اكيد مثل ماقلتي انتو ناس محافظين ومايبيله ارشاد وحاله تعرفون الاصول ) طبعا اما تكونين لابسه عباتج والشيله
او بدون عباه اذا انتي لابسه مخوره ساتره ومع شيله ،، الميك اب خفيف >> يعني نفس يوم النظره الشرعيه ^^

واذا مايشووفج يكون احسن عشان التشويق ^^

الله يتمم لج على خيير يارب