الي سافروا الى بنغلور

**ام حمود00** · 2011-06-07, 18:43

هلا بنات اريد مساعدتكم لاذات الي سافروا الى بنغلور واوتي وكيرلا اريد معلومات عنها لاني بسير مع عيالي من بتساعدني لاني اول مرة اسير مع عيالي اشلون اقدر ارتب حق سفر

المزيد من آخر المواضيع من نفس القسم:

**دلوعة مايد** · 2011-06-07, 19:28

هلا الغالية

انا متعودة فبل السفر بشهر او اكثر آخذ معلومات عن الدولة الي بسيرلها سواء عن طريق النت او اسأل الناس الي ساروا هاي لبلاد وجربوها اقصد من الأهل
بس اكثر شي آخذ من النت اقصد المنتديات وادخل على تقارير الأعضاء طبعا في تقاريرهم بتحصلين كل الي تبغينة وبالعكس بتستفيدين واايد من كل شي سواء تقارير إيجابية او تقارير سلبية كلة بيفيدج

بس لاتسوين مثلي يوم ادش تقارير صاحب التقرير مثلا يمدح البلاد و يرفعها فوق ( انا افرح واتشجع اكثر وابا اسافر بسرعة )
ويوم ادخل تقارير صاحب التقرير يذم في البلاد وما يخلي فيها علة ألا و طلعها ( اتحبط وما تعرفييين عااد شو يستوي فيني ) وانا عاد محد يقولي شي الله يهديني وسواسية واايد الله يبعد هالمرض عن كل انسان يارب
المهم وين وصلنا هي :-

ويوم بتدخلين في قوقل سوي صوره وعقب اكتبي اسم البلاد الي بتسيريلها وعاد بيراويج كل الي ادورين علية إن شاء الله
( وجد ما تقدرين ) خذي معلومات عن الدولة الي بتزورينها وسويلج جدول يومياتكم يعني كل يوم من الصبح لين الليل شو بتسوون بالساعة والدقيقة .

وإن شاء الله تسافرين وتستانسين انت وعيالج وترجعين بالسلامة

وعاد لاتنسييييييييييييييييييين اهم شي الصوغاااااااااااات لكل وحدة ادش موضوعج فقط وانا اول وحدة
ههههههههههههههههههههههه اسولف وياج الغالية ههههههههههههههههههههههههههه

**мǝэм** · 2011-06-07, 21:44

حبيبتيّ بنغلوَر وآيّد حَلوة آنا رحَتلهّآ 3 مرَآت
فيَها كَل شيّ مرَآكز ، حدآيقّ ، منَآظر طبيعيَة غرآآمَ
نسكَن في مجَمع العتيَبة فيهَ وآيد منَ آهل الدَآر
وهآذيَ صورتّ الحَديقة في وسّط المجَمع فيهّآ آلعآبَ

عندجَ السّكن نظآم شققَ
فيهـَا على حسّب غرفتين ، ثلآث معَ صآله و غرفَة طعَآم و مطبخً و عَزج الله كَذا حمَآم
و آوَل مَآ تسكنينَ بتلقينَ فيهَآ سَلة فوآكَه طآزجَه معَ كرتوَن مآي
و فيهّآ غسآلهّ بعد و منشفّه ..
سعّر السكّن ليوم علىّ حسب في حدود 500 ، 600 ، 700 درهمّ
و السّوبرمّآركتّ بعّد موجودّ فيّ المجّمع ..
المطآعمَ موجودهَ في كلَ مكانّ عندجّ هاريدزّ و كنتاكيّ و بيتزآ هتّ و كذآ مطعمّ و فيّ توصيل بعّد
المرآكزّ وآيد حلوهّو رخيصّه و البازارات في كّل مكّآن ..
و يوًم الاثنينً مخصصَ للزهَور ..

و بخصوصّ آوتيّ حلوّه و بآرده بس بعيييييييييييييييده وآيد يعني 8 ساآعات لين توصلينّ و دربهآّ وآيد زيّآغ :S
نصعدّ اليبَل و لفآت و دربَ وآحد سآير رآد يعنيّ تبين الصدّق مآ تنفعّ ليهَآل ..

فيّ منآطق ثآنيَة حّلوة مثل ميسوّر فيهآ فنآدق حلوةَ و رخيصَة بعد
و حذآلهَآ محلاآت القطع و مرآكز و فيهآ حديقة الحيوآناتَ و حديقةً النوآفيًر..

و منطقة لمندي حلوَة وبآردة بعد و دربهَآ آهم شي زينَ

وبعدينَ فيهآ مطآر تروحيَن لمومبايَ تقريباَ سآعة ونصّ ..

آتمنى آنيّ آفدتجّ حبيبتي

**شوكليت توي** · 2011-06-07, 23:37

بالتوفيق

**ام شوق وعزوز** · 2011-06-08, 01:19

ويا اليهال الله يعينج ويعينهم على الهند

**ملاك_الحب** · 2011-06-08, 20:59

الغلا تبين تعرفين اي شي عن بنجلور وميسور واووتي راسليني الخاص انا عايشة هناك 5 سنوات

وبقولج عنها معلومات بسيطة بنجلور منطقة تجارية يعني مب ذاك الزود فيها اماكن سياحية يعني تقريبا يسد تقعدين فيها 4 ايام وميسور تبعد عن بنجلور 3 ساعات ونص ويبالج يومين اتمين فيها عسب اتخلصين القصور والاماكن السياحية واووتي تبعد عن ميسور 4 ساعات تقريبا بس اووتي منطقة جبلية وفي قمة الروعة صح ما فيها وايد اماكن سياحية جوها خبال وبتعيشين فيها ايام وايد حلوة

واذا ماكنتي حاجزة فندق في بنجلور في وايد اماكن بنصحج فيها

والسموحة منج واتمنى اني اكون افدتج في شي

**دبلوماسية راك** · 2011-06-09, 13:06

للرفـــــــــــــــــــــــــــــــــع

**ام حمود00** · 2011-06-09, 19:50

شكرا على كل من يرد علي والله صج الله يعيني ويعطيكم الف عافي يليت الي عندها سايق او تعاملت مع سايق في بنغلور لاني اريد ارتب قبل ما اسير عندهم
دلوعة مايد غالي وطلب رخيص
مجمع العتيبة حلوة والله يفرج همومكم عل كل من ردعلي

الموضوع: الي سافروا الى بنغلور

أدوات الموضوع

عرض

الي سافروا الى بنغلور

المزيد من آخر المواضيع من نفس القسم:

المواضيع المتشابهه

بنغلور

هدايا من بنغلور

سنجاب بنغلور

بنغلور<الهند

اهل الخبره في بنغلور