متضايقه :(

[بنت الشوامخ]

السلام عليكم شحالكم

امس قعدنا نتصل على الكوافيرات على اساس احجز حق عرسي ان شاء الله لانه عقب بيطيرون
المهم
دولا طبعا ما اتييه القاعه ولازم انتي اتيين لين عندها وفوق هذا كله تاخذ 5000 ومكانها ابد مب شيء قمة الزحمه ومستحيل اروح هناك

مريم بكري تاخذ 7000 اعوذ بالله لو شو يصير بهالدنيا مابدفع هالسعر على مكياج ولو كنت مليونيره

المهم اخر شيء اختي قررت نتصل على بيوتي بالاس ونسأل كم تحط مريم بكري وغيرها داخل الصالون قالو 5000

المهم خلاص اختي حجزت لي ،، بس الحين قلبي يعورني

يعني ليلة وحده وكم ساعه 5000 وفوق هذا كله انا اروح لهم مب هم ايوون عندي ،، والله حرام اسراف والله لا يحب المسرفين الحين شو اسوي ،، اكنسل الحجز ولا اخليه مثل ماهو ؟؟

انا فكرت اني اخليهم يسوون لي مكياج سبيشل في بيوتي بالاس وعقب اطلب كوافيره ثانيه اتي لي القاعه وتسوي شعري شو رايكم ؟؟؟

او بدور كوافيره ثانيه تخاف الله في اسعارها ،، لانه انا متأكده 100% انه الكوافيره اذا شافت هذه مواطنه راح تزيد 60% من السعر او اكثر ،، وانا اخس شيء في هالدنيا عندي اكون مقصه

ماحب كلام هالحريم اللي يقولون ترى هي ليلة وحده في العمر ومادري شو انتي عروس ،، شو يعني حتى لو ليلة وحده يعني عادي أأجر فستان بمليون لاني عروس ؟؟؟ هالشيء مايرضي الله ولا رسوله ،، انا بخاطري مكياج عروس مع تسريحه يكون بحدود 2000 بس وين ياحسره الله المستعان

قبل سنتين يوم عرس اختي كنت اشوف انه 3000 واايد !! ،، الحين صار هذا السعر رخيييص وغير متوفر ،، وكله من 4000 وطالع ،، و وايد احاتي الجيل اللي ورانا مساكين عادي يوصل ميك الاب العادي من 7000 الى 10000

الحين شورو علي شو اسوي والله متضايقه انا عمري ما اسرفت الحمدلله ومابي هال5000 تروح مع الماي بثواني ،، وبعضهم قالو عادي اصلا مابتحصلين ارخص !

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Mamnoo3]

حبيبتي والله من حقج تضايقين وانا نفسج والله ,, احس ماله داعي نخسر هالكثرر عشان يوم واحد ,,

صح انه يوم عرسج بس ولو يعني ,, الاسعارر نارر يختي ..

امممم انا بدفع 6000 للمكياج والتسريحه والله واييد اوفررررررررر ,,

لا تضايقين ولاشي .. اذا تحسين انه ماله داعي تدفعين هالكثرر خلآص دوري أحد ثأني وإن شاءالله بتحصلين ^^

[الموج الصامت]

آآآآآه نفس حالتي
أنا حجزت عند دولا ،، وقلبي للحين يعورني لاني بدفع 5000
فكرت احجز عندها سبيشل ،، بس ماحد شجعني
وتقريبا كل اللي يسوون مكياج حلوو ونااعم للعرايس جيه اسعارهم ( ريتا ودولا ومريم البكري)
كنت اباا اسير صالون مورا اللي في دبي يسوون للعروس ب 3000 بس سمعت انهم مغيريين الاستف ماله
والكريم الاساس صار مب حلوو،،
استخييري والله يختار لج ما فيه الخير..
والله يسامحنا ،، نفسج قلبي يعورني لانه 5000 حق ساعتين
الله المستعان
وربي يوفقج ويسعدج وييسر لج امورج

[هدى2]

الله المستعان .... شوفي دوري لج اي صالون او ماكيره وسوي عندها بروفه لان المعروفات واللي اسمهم فوق اكيد يغلون اسعارهم... في وايد ماكييرات في المنتدى وبرع المنتدى اسعارهم حلوة سوي عندهم بروفه وتوكلي على الله المهم الشغل مب مهم الشهرة..

[soft feeling]

هو يعور يصراحه انا عني ما عشت التجربه لأن بعدنيم اعرست من اعرس اكيد بسرد لكم كل شي بس المبلغ بدون جذب واااايد اوفر

شو رايج اني قريت ان وحده من البنات هنيه تقول انها سوت ميكبها ب 10000 ..

لا تعليق

[ام شامخ 2]

مرحبابج بنت الشوامخ
اول شي حبيت اقولج مبروك وربي يكملج على خير فديتج بالنسبه لموضوعج اول مره اشوف عضوه طرت هالماكيرات مع احتراااااااامي لهم ان الاسعار مبالغ فيهااا

لان دوم العضوات يطرن الماكيرات المواطنات ان اسعرهن مبالغ فيهم ممكن يكون صح
بس في عضوات لو الماكيره تقولا ان مكياج العروس مع الشعر ب 2000 صدقيني بتستهز فيها وبتقولا شوووووو 2000 مكياج وشعر شو هذا مكياجج اكيد مب حلو

ابتكلم عن نفسي الشهر اللي طاف كلمتني عروس من الشارجة وسالتني عن المكياج والشعر خبريتها السعر ما صدقت قالتلي معقوله هذا السعر المكياج قالتلي انا من الشارجة وانتي من بوظبي بتين بها السعر خبريتها هي قالت غيريج يطلب واااايد والحمدلله اتمكيج عندي وطلعت قمر

والحمدلله انا راضيه باسعاري والحمدلله كل اللي زباين واللي اتعاملوا يقولولي اسعارج واايد اوكي
مع ان وااايد ماكيرات يطلبن مني اغير اسعاري واني ارفعهاا

والحمدلله اني مؤمنه ان الرزق بيد رب العالمين

ربي يرفقج

[سوارة]

[ساره خالد]

الله يعينج الصراحه اسعار اوووووفر

[بنت الشوامخ]

Mamnoo3

الله المستعان
انا 5000 وجي عييل كيف انتي 6000 ،، الله يعينا شو هذا
انا بسأل لاني حاطه وحده في بالي ، بس اذا ماشفت تشجيع خلاص الله كريم بتم على بيوتي بالاس لاني احب شغلهم بس يقهروني على هالاسعار


الموج الصامت

هيه نحنا نفس الحاله ،، انا كنت بعد بحجز عند دولا بس قلت ماشي فرق دولا ولا مريم اثنينهم 5000 داخل الصالون ،، وبيوتي بالاس اقرب لي بالمسافه
مايسوى تروحين دبي تعب عليج وانتي عروس هاليوم لازم ترتاحين اصلا
هيه والله عسى الله يسامحنا على هالاسراف


هدى2

تصدقين صح كلامج والله الحين الماكيرات استوو مثل الماركات ، يعني بس عالاسم يزيدون 50% او اكثر عالسعر ،، ان شاء الله راح ادور واسأل اكثر


soft feeling

لا حول ولا قوة الا بالله شووووو 10000 @_@ قسما بالله مب صاحيه ،، اللهم لا تبلينا، يمكن الميك اب فيه نسبه من الالماس والذهب ؟



ام شامخ2

اكيد مبالغ في اسعارهم لانهم معرووفات وعليهم اقبال
شفتي كيف ،، والله انه في حريم يخربون على غيرهم ،، مب بس مكياج بكل شي بأسعار العبي والفساتين وغيره ،، عبالهم كل ما كان اغلى كان احسن
ماعليج منهم اختي خلي جي اسعارج دام الحمدلله عندج زباينج وانتي اسعارج حلوه مراعيتهم فيها
والله يسامحهم هالماكيرات شو يخصهم يقولون لج ارفعي اسعارج !!!


سوارة تسلمين

سارة خالد هيه والله فوق الاوفر حتى

[مبروكين]

الله يوفقج

[فرح راكـ]

احجزي عن ام شامخ 2
دام اسعارها ارخص
توني اشوف موضوعها عيبني مكياجها
موفقه

[فدوة الخاطر]

احجزي ام شامخ
من بوظبي بعد وميكبها حلو الدمج مالها
مايحتاي تحجزين عند الاسماء المعروفة وايد

[غـلا زايـد]

المعدل اللي اشوفه مكياج وشعر مع بعض 5 الاف او 6 الاف وهم يوون الفندق لين عندج

وانتي حجزتي في الصالون المكياج بس بـ 5000 ؟؟ وايد واااايد

من ترك شيئا لوجه الله عوضه الله خيراً منه .. ربي يبارك في مهرج وعرسج حبيبتي*

[asammy]

للاسف هذي الاسعار ليش ماتسوين بروفات في الصوالين الرخيصه وتجربين حظج لان الماكيرات المعروفين غالين والصالونات المشهوره غاليه بعد شوفي عندج صالون هاي في جميرا تعديلهم حلو ورخيص وصالون فوبيلا وجراند فلور اتوقع شعر ومكياج عروس مايزيد عن 3000

[Pheno-m-enon]

سبَحآن الْلَّه وَبِحَمْدِه سُبْحَآن الْلَّه الْعَظِيْم