افكاري مع صور ..( Part 2 )

[✿ĨśṨ Ğă6ωẬ₥]

هلاااااا والله فيكم
رجعت لكم بأفكاااااري اليديده
>
>
>
>
>
الفكرة الاولى
هاي الفكره لبنات الايتي المتخرجات ومالقن وظيفة وهن ما شاء الله عليهن يعرفن لسوالف الكمبيوتر خااااصة فالبرمجه والصيانه
وفكرتي اهياا اذا عندهن دخل وتقدر تفتح محل واهياا اديره او تحط عامل له .. يعني اخر الدوام يشل الكمبيوترات لبيتهاا وتبرمجهن وتسويلهن صيانه او فورمات .. او تبدأ مشروعها فالبيت انه البنات يطرشلها لابهن واهياا تعدله .. بتقولون اسهل لنا العامل .. بس بصراحه انا كرهت شغل العامل لانه لابي صااحي وردولي ايااه اخس عن قبل .. واحيانا بعض البنات يحطن صورهن وجي ويعلق فجاه او ينسن انه فيه صورهن .. وتخافينه يشوفهن .. اما لو شغل بنت تطمنين اكثر ^^





>
>
>
الفكرة الثانيه
لوحات لطلبة المدارس
يعني مثلا انتي خطج حلووو بالكتابه .... وتتفنين بالمشاريع للطلاب ( اقصد بالمشاريع المجسمات )
واللوحات مطلوبه واااايد خاصة يوم الاتحاد والمناسبات
كل ام او طالبة ترسلج الكلام اللي تباه ع اللوحه او فكرة المشرووع ... والام مشغوله ماعندها وقت للوحه والمجسمات
وانتي تفنني باللوحه ^^ ماوصيج







>
>
>
الفكره الثالثه
باص للخضروات والفواكه
تشترين باص صغير .. وتتعاملين مع مكان نظيف وتاخذين بالجمل فواكه وخضروات اوك
وخلي الباص يحوط فالشعبيات او المناطق خاااصة اللي بعيده عن الاسواق
لانه في ناس تكون محتاجه وماعندها احد يوصلها لسوق الخضرة او الجمعيه عشان تشتري اما هذاا بيكون لها اوفر وفرررش ^ـ^
وكل يوم حدديله مكااان يعني اهو ( يزور المنطقه مره فالاسبوع ^ـ^ )

مالقيت صورة بس هذا معبر هههههههه





>
>
>
الفكرة الرابعة
في بنات يحبن السياحه ويعرفن وايد اماكن بالعالم
يستغلن هذا الشي ... كيف؟؟؟
مثلا لاحظت وايد بنات يبن يروحن لشهر العسل بس مايعرفن لوين ؟؟ او لكل وحده حابه تغير جوو وتسافر بس ماتعرف وين ؟؟
المهم هاي الفكره عباره عن انج تدورين لهم مكان حلوووو او جزيرة حلووه وتكونين فاهمه هاي الشغل لانها مب سهله شوي صعبه
وتحددين لهم كم الفتره اللي بقضونها
وانتي مهمتج بعد تسوين لهم مخطط كااااااااااامل لسياحه فالمنطقه اللي اختارووها بحيث انج بتسهلين لهم وايد اشياء مثل احسن الفنادق وانظفها واحسن الاماكن واحسن المواصلات كل شي كل شي
واخر شي تطرشين لهم بروشور او كتيب او اي اشي المهم بطريقة حلوووه
يحصلون فيه كل شي من ناحية الصور والمدة اللي يقعدون فيها وسعر التذاكر وسعر الفندق واسعار كل شي
تتفقين مع البنت اول بأول عن طريق الفون لين تخلصين مخططج واطرشينه لها كامل
وانتي قاعده ع النت دوري ع المناطق









اكتفي بهاي الافكار ^^
راااايكن يهمني فديتكن

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت