مشــــكله ريلي ... ماعرف شو اسويبه .. خبلبي,,

**دلوعه ابويه** · 2007-07-20, 13:06

الســـلام عليكم ...

ترددت وايد قبل ما اكتب ... انا مالجه من تقريبا سنه ..ومأجلين سالفه العرس لين ماخلص دراسه ان شاء الله ..

المهم في البدايه كان ريلي .. سوالف ضحك يقولي كلام حلو .. يسأل عني .. في الفتره الاخيره احسه تغير وايد كلمته بهدوء قتله في شي مضايقنك من صوبي ...

قالي بالعكس انا احبج اكثر عن قبل بس هاذي سوالف المراهقين ماحب اقولها مع ان عمره 26 سنه يعني والله ما في يوم من نفسه جيه ياني وقالي احبج .. كل ما اكلمه احس يبا يسكر عني يتريا متى تخلص المكالمه ..

يا بنات انتوا فاهمين الفراغ العاطفي اللي تمر فيه كل بنت ودها تسمع كلام حلو اهتمام حتى لو بسيط ..

المهم من اسبوع كنا نسولف جان اقوله فديتك احبك جان يقولي اخييييييييييييييييييه والله ياتني عبره وسكتت ..

المهم حطيت في خاطريه وقلت ما عليه بصبر وان شاء الله يتعدل المهم اليوم الثاني قعدت اسولف معاه وقتله ودي اناقش معاك موضوع وتراها بس سوالف لا تنفعل واذكره بالكلام اللي قاله جان يقول انا استحي واحس عمري غبي يوم اقول جيه قتله انزين حاول عشاني هالكلام يفرحني جان يقولي ماقدر ..

اكره نفسي يوم اقول هالكلام تخيلوا يا بنات يعني في مره تأخرت بيت ربيعتي ورجعت متأخره ولا يسألني وين سايره ووين بتروحين ليش تأخرتي بس مثلا اذا تضاربنا .. لازم يطري السالفه بيقول هيه حوطي وتأخري على راحتج وانا ساكت عنج ..

يعني من النوع اللي يحط في خاطره ويوم يستوي موقف معين يذكر الشي اللي قاهرنه مني يعني ما يحب يبين ..

والله تعبت يحبطني وايد هالانسان ..انا متأكده مليون بالميه ان يحبني بس المشكله ان ما يروم يعبر صدقوني ما خليت طريقه ما جربتها معاه .. بالعكس احسه يبتعد وكل ماقوله جيه يقولي انتي هبله انا احبج اكثر عن قبل ..

انا احبه وهو يعرف بعد بس كيف اخليه يعبر عن شعوره ودي هالعقده تنفك احس يوم بنتزوج ونحن على هالحاله ما بنستمر ..

شورووا عليه يزاكم الله خير ...

المزيد من آخر المواضيع من نفس القسم:

**احلى شجون** · 2007-07-20, 13:23

أول شي ما اقدر اقولج غير اصبــــــــــــري عليه بعد ،، ولا تتسرعين عليه يمكن ايتغير بعد العرس ويوم تنتقلين بيت الزوجية ،، ريلج من النوع الي يخبي عاطفته وما ايحب ايبين حبه الكبير لج حبوبة الله يسهل عليج ادعي له ،، هو يمكن ما ايعرف ايعبر بس اكيد صدقيني يحبج وايد ،،، هذا النوع صعب اطلعين منه كلمة وحدة بس حبه كبير وقوي .....ومشاعره جياشة ........احسن مليون مرة من ريال لسانه كلام معسول ومنمق .....بحب وغزل والي في القلب ما تدرين شو هو ..........الله يهنييج وايسر امرج وتتوفقين مع ريلج ..........ومشكلتج بسيطة محتاجة انج تصبرين على ما اتعودينه بيتعـــــــود باللين والصبـــــر ................والسموحة

**دلوعه ابويه** · 2007-07-20, 13:30

المشاركة الأصلية كتبت بواسطة احلى شجون

أول شي ما اقدر اقولج غير اصبــــــــــــري عليه بعد ،، ولا تتسرعين عليه يمكن ايتغير بعد العرس ويوم تنتقلين بيت الزوجية ،، ريلج من النوع الي يخبي عاطفته وما ايحب ايبين حبه الكبير لج حبوبة الله يسهل عليج ادعي له ،، هو يمكن ما ايعرف ايعبر بس اكيد صدقيني يحبج وايد ،،، هذا النوع صعب اطلعين منه كلمة وحدة بس حبه كبير وقوي .....ومشاعره جياشة ........احسن مليون مرة من ريال لسانه كلام معسول ومنمق .....بحب وغزل والي في القلب ما تدرين شو هو ..........الله يهنييج وايسر امرج وتتوفقين مع ريلج ..........ومشكلتج بسيطة محتاجة انج تصبرين على ما اتعودينه بيتعـــــــود باللين والصبـــــر ................والسموحة

الغاليه ... مشكوره على ردج الجميل .. اللي قلتيه فعلا هو الواقع واللي صاير .. وانا الحمدلله صابره لاني احبه .. واللي اطلبه مب وايد كلام حلو من فتره لفتره ..

بالنسبه لان يمكن يتغير في بيت الزوجيه .. ويمكن يتعود على هالطبع .. ويقولي ااناا من عرفتج وانتي تعرفين طبعي ... !!

هذا كلامه حتى الحينه جيه ..

**الحور الغيد** · 2007-07-20, 13:33

~::~

السلام عليكم يالغالية شي من الرياييل ما يرومون يعبرون

عن حبهم بالكلام .. يعني يعبرلج عن حبه بس بطريقته الخاصة

بتصرفاته مثلا ..

حاولي تتقربين منه أكثر وتعرفين شو يحب وشو يكره فيه ناس

عايشين مع ريايلهم تحت سقف واحد وعندهم كلمات الحب والغزل

من الممنوعات وكأنها مقتصرة ع مكان وزمن وعمر محدد..

الكلام الحلو مب حق المراهقين وبس حق كل الفئات وكل الأعمار

وكلنا بحاجة له.. بس انتي

لا تصرين ع سالفة هالكلام لانه البعض كتوم وما يعبر بالطريقة

الصح إلا بالقطارة حبة حبة ولو أجبرتيه ممكن يعبر

بطريقة ما تعيبج أو تجرحج ..اصبري وبتفهمينه أكثر عقب

الزواج لأنه عقب بتكونين أقرب له وربي ييسر عليج حبوبة ويوفقج ..

~::~

**دلوعه ابويه** · 2007-07-20, 13:43

المشاركة الأصلية كتبت بواسطة الحور الغيد

~::~

السلام عليكم يالغالية شي من الرياييل ما يرومون يعبرون

عن حبهم بالكلام .. يعني يعبرلج عن حبه بس بطريقته الخاصة

بتصرفاته مثلا ..

حاولي تتقربين منه أكثر وتعرفين شو يحب وشو يكره فيه ناس

عايشين مع ريايلهم تحت سقف واحد وعندهم كلمات الحب والغزل

من الممنوعات وكأنها مقتصرة ع مكان وزمن وعمر محدد..

الكلام الحلو مب حق المراهقين وبس حق كل الفئات وكل الأعمار

وكلنا بحاجة له.. بس انتي

لا تصرين ع سالفة هالكلام لانه البعض كتوم وما يعبر بالطريقة

الصح إلا بالقطارة حبة حبة ولو أجبرتيه ممكن يعبر

بطريقة ما تعيبج أو تجرحج ..اصبري وبتفهمينه أكثر عقب

الزواج لأنه عقب بتكونين أقرب له وربي ييسر عليج حبوبة ويوفقج ..

~::~

مشكوره عزيزتي ... انا ما اصر بس لان هالشي تعبني نفسيا واييني نوع من الاحباط .. يعني تخيلي تقولين لريلج احبك .. ويقولج اخيييييه صدقيني بتتعبين .. وحاولت اتقرب منه وتقريبا اعرف كل شي عنه بس شو اقول غير الصبر ..

**دلوعه ابويه** · 2007-07-20, 13:45

المشاركة الأصلية كتبت بواسطة PinkyH

أكيد في سبب غيره ! لان مثل ما قلتي ما كان جي فالبدايه كان مهتم فيج ويقولج رمسه حلوه يعني مب طبعه من النوع الساكت بس اكييد في شي غيره جان قلتيله فالبدايه ماكنت جي ! وربي يسعدج ويوفقج

انااا شكيت في الموضوع الغاليه .. قلت يمكن في وحده ثانيه .. بس اتعوذت من الشيطان وما خليت للشيطان طريق من بينا ,,,

لان الواحد يوم يعرف وحده ثانيه يتغير ويسوي امور ثانيه يعني اهمال تام ووايد اشياء وهو بالعكس انا اعرف كل تصرفاته وين يروح وين يرجع ..

كل يوم فالليل بدون ما اسأله يقولي كل شييييييييييي تلقائيا ..

**احلى شجون** · 2007-07-20, 13:48

حبوبة انا اقولج هالرمسة لان ريلي نفس ريلج ،، ما يعرف يعبر يخليج بفضول تبين تسمعين كلمة حلوة و الحين مثلا اصبري هذا النوع اكيد ايحبج ،، تطمني بس الكلام الحلو لا تجبرينه عليه بيطلع منه مع الوقت في بيت الزوجية ..... يوم ايعيش معاج العيشة الحقيقية هنا بتعرفين اشكثر ايحبج وبتستغربين روحج منه وحبه تحت غطاء اللامبالاة المصطنعة ... ويمكن عنده ضغوط نفسية افهميه واتقربي منه .....موفقة

**دلوعه ابويه** · 2007-07-20, 13:58

المشاركة الأصلية كتبت بواسطة احلى شجون

حبوبة انا اقولج هالرمسة لان ريلي نفس ريلج ،، ما يعرف يعبر يخليج بفضول تبين تسمعين كلمة حلوة و الحين مثلا اصبري هذا النوع اكيد ايحبج ،، تطمني بس الكلام الحلو لا تجبرينه عليه بيطلع منه مع الوقت في بيت الزوجية ..... يوم ايعيش معاج العيشة الحقيقية هنا بتعرفين اشكثر ايحبج وبتستغربين روحج منه وحبه تحت غطاء اللامبالاة المصطنعة ... ويمكن عنده ضغوط نفسية افهميه واتقربي منه .....موفقة

تراني احاول فديتج ومشكوره على ذكر تجربتج .. ان شاء الله يتغير ... بس قتلج الوضع يختلف من شخص لشخص .. يعني انا نفسيا والله تعبانه من هالموضوع .. الله يعين بس ..

**أم زايــــد** · 2007-07-20, 14:13

الغاليه أنا أجووووف سالفتح وااااااااايد عاااديه ........... وبالعكس .. لازم تصبريييين عليييه ..........

يمكن هو من النوع إللي يمل بسرررعه ,,,,,, يعني لاتجبرينه على الكلام الحلووو يوم بيطلع منه خير وبركه ....... وأهم شي أنه بعد يحبج ........ يعني عاااادي لاتكبرييين الموضوووووووووع ... والحياااه مره فيها الحلو ومره المررر ... ولا توسوسيييييين وتشكييييييييين ...

وهو عقب رووحه بيتغزل فيييج ........ والكلااام الحلووو مب دووووووم ويمكن هو مل من هالروتييييين يعني عاااااااااادي تحمليييه واصبري عليييييييييييه ..بس انتي خففي شويه من الضغط عليييه ..... وخلييه على راحته وحاسبي في تعاملج وياااه وكوني حذره وابتعدي عن المشااكل ............ وأكيييد فيه شي شاغل باله من الشغل وأموووووور الحياااااه فقط لاغير ...

**دلوعه ابويه** · 2007-07-20, 14:18

المشاركة الأصلية كتبت بواسطة أم زايــــد

الغاليه أنا أجووووف سالفتح وااااااااايد عاااديه ........... وبالعكس .. لازم تصبريييين عليييه ..........

يمكن هو من النوع إللي يمل بسرررعه ,,,,,, يعني لاتجبرينه على الكلام الحلووو يوم بيطلع منه خير وبركه ....... وأهم شي أنه بعد يحبج ........ يعني عاااادي لاتكبرييين الموضوووووووووع ... والحياااه مره فيها الحلو ومره المررر ... ولا توسوسيييييين وتشكييييييييين ...

وهو عقب رووحه بيتغزل فيييج ........ والكلااام الحلووو مب دووووووم ويمكن هو مل من هالروتييييين يعني عاااااااااادي تحمليييه واصبري عليييييييييييه ..بس انتي خففي شويه من الضغط عليييه ..... وخلييه على راحته وحاسبي في تعاملج وياااه وكوني حذره وابتعدي عن المشااكل ............ وأكيييد فيه شي شاغل باله من الشغل وأموووووور الحياااااه فقط لاغير ...

ياالغاليه ... انا هب مكبره الموضوع بالعكس صارلي سنه صابره وصدقيني ما كتبت الا من بعد ما طفح الكيل وبالعكس عمري ما جبرته يقول شي ما يبا يقوله ...

**سرب المعاني** · 2007-07-20, 15:51

حبيبتي موضوعج جدا عاااادي في ريايييل من النوع اللي مايعبر مايحب يبينلج انه ضعيف انه بكلمه حلوه بيضعف جدامج وبس يعبر عن حبه لج باشياء ثانيه يعني بهدايا بطلعات يسويلج اللي تبينه تراااهم الريايييل مب كلهم واااحد بس هالنوع حنون في داخله بس يكابر ويشوف هالشي انه مال يهال وبيضيع هيبته جدامج. انا اعرف حد نفس نوعية ريلج وحرمته تعبت نفسيا لدرجة انها قامت تشك فيه. تعوذي من ابليس .... والله يتمم لج على خير ويحنن قلبه عليج.

انتي جربي مره لاتتصليبه ولاتردين على مكالماته شوفيه بتحسيبه بيخاف عليج ..بس يوم واحد او نص يوم وشوفيه

**دلوعه ابويه** · 2007-07-20, 16:57

المشاركة الأصلية كتبت بواسطة سرب المعاني

حبيبتي موضوعج جدا عاااادي في ريايييل من النوع اللي مايعبر مايحب يبينلج انه ضعيف انه بكلمه حلوه بيضعف جدامج وبس يعبر عن حبه لج باشياء ثانيه يعني بهدايا بطلعات يسويلج اللي تبينه تراااهم الريايييل مب كلهم واااحد بس هالنوع حنون في داخله بس يكابر ويشوف هالشي انه مال يهال وبيضيع هيبته جدامج. انا اعرف حد نفس نوعية ريلج وحرمته تعبت نفسيا لدرجة انها قامت تشك فيه. تعوذي من ابليس .... والله يتمم لج على خير ويحنن قلبه عليج.

انتي جربي مره لاتتصليبه ولاتردين على مكالماته شوفيه بتحسيبه بيخاف عليج ..بس يوم واحد او نص يوم وشوفيه

مشكوره الغاليه ... فعلا انتي جنج وصفتي شخصيته فعلا هوووو واييييييييد حنون ما يتحمل يشوف دمعه تنزل من عيني ... مره صحت جدامه يوم توفى خالي الله يرحمه ... ما تتخيليييين شو استوابه تخبل قالي لا تصيحين انتي الوحيده في العالم كله ماتحمل اشوفها تصيح ... بالعكس الحمدلله انا ماشك فيه ..

فديته توه اتصل فيني تخيلواا من نفسه قالي فديتج حبيبتي انتي الغاليه ماستغني عنج الحمدلله جنه قرا الموضوع خخخخخ لا يكون حد منكم قاله .....>>>> امزح ..

عسى ان شاء الله دوم بس ادعووولي ...

**um_maryam** · 2007-07-20, 17:07

سبحااااااااان الله نفس المشكله مريت فيها وانا مالجه
بس بعد ما اتزوجنا حاولت اغيره واول شي سويته كنت اطنشه وما اسمعه اي كلام حلو
صدقيني من بعدها اتغير100 درجه واستوى رومنسي وكل شويه يتغزل فيني

**كيفي حلوه** · 2007-07-20, 17:20

الغاليهـ ماعليج الا بالصبر

لان في رياييل جذه مايظهرون الرمسهـ الحلوة بسهولة ،، يمكن بعد الزواج بزهر كل شي لانج بتكونين معاه ع طول
وع رمستج انهـ تغير وقبل كان يسمعج كلام حلو فأكيد عنده ظروف ولا شي عسب جذه تحسين انهـ تغير شوي
بس هذا هب معناته انه، مايحبج لا الغاليه ماعيج الا بالصبر والدعوة الصالحة لج ولهـ

واللهـ يوفقج ان شاءاللهـ ويهنيج مع ريلج

ونحن بندعيلج

والسموحهـ منج غناتي

**Hella** · 2007-07-20, 17:46

يالحبوبة انا زوجي من هذا النوع قبل وبعد الزواج.... وتعودت عليه جي بس اعرف انه يحبني وايد يبين عليه من تصرفاته معاي من لمسته من هداياه لي من عيونه يعني يعبر عن حبه لي مب بالكلام والرمسة ولا مرة قاللي انه يحبني بدون ما اسأله ، ايام الملجة كنت احس مثلج واقول شنو هذا بلا احساس وبلا مشاعر بس بالعكس ، طلع يحبني اكثر ولاحظت هالشي من خلال تلبية طلباتي ومحاولته يرضيني والحمدلله....حبيبتي هذا النوع من الرياييل حبهم كبير وغالي ، انتي سوي الي عليج وغرقيه بحبج واهتمامج حتى لو كان هو مايسال هذي بس البداية بس بعدين بس يشوف تصرفاتج واهتمامج وكلامج يتعلم منج... لانه احتمال خجول او بعده مامتعود قوللي الحمدلله انه هو جي ماعنده خبره وية النسوان احسسسسسسسسن

مثلا انا كنت بقوله مشتاقة لك يقوللي انا هم بعد انا برد اقول له مشتاقللي وايد لو شوي بيرد يقوللي لا اكثر عنج ...يعني بالقوة اطلع الكلام منه .... ههههههه شسوي ابي شوي رومانسية

احنا النسوان طبعنا عاطفيات ورومانسيات بس الرياييل حبهم يعبرون عنه بالعقل هذا النوع انتي لازم تفتحين باب الحوار والنقاش بحرية ماشي رسميات

ربي يوفقج ويهنيج ,ديري بالج على ريلج

الموضوع: مشــــكله ريلي ... ماعرف شو اسويبه .. خبلبي,,

أدوات الموضوع

عرض

مشــــكله ريلي ... ماعرف شو اسويبه .. خبلبي,,

المزيد من آخر المواضيع من نفس القسم:

هلا اختي !!!!!!!

المواضيع المتشابهه

ريلي ماعرف شوفيه شورن علي

ماعرف اكشخ حق ريلي .. ساعدوني

ماعرف شو اسوي ......... ريلي وايد استحي منه

ابي اهدي ريلي هالموضوع .. بس ماعرف كيف!

ارجوكم ماعرف شو اسوي من غيرتي على ريلي