مشكلتي ويا الصراصير

[thariya]

مركز تحميل الصور

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نااادر وجوودي]

هذا ردي في موضوع ثاني

حبيت افيدج

البودرة وفليت البف باف ينخاف منهم
خصوصاً اذا عندج ياهال

استخدم الجل الي حاطين صورته فوقه ،، احسه أأمن شي
اخلص علبتين منه كل شهر تقريباً من يبتدي الصيف وانا ما اتهنى برقادي دوم اوسوس من الصراصير
يععع

حطي منه في الزواية المخشوشة الي ما يطالونها الياهال
فالحمام وزعي فالزوايا
عندج الدرايش نظفيهن عدل وحطي نقطة من الجل وسكري الستارة بالعدال ما بيهن شي
لازم يتم يوم كامل عشان يعطي مفعول
ودايماً جيكي ع الدرايش يمكن تنسونهن مفتوحات


اذا عندج بواليع ناشفة فالبيت ، ترا الصرصور يطلع منهن
مثلاً بالوعة البلكونة

انا فالبيت عندي تقريباً 3 بواليع ناشفة
اصب فيهن البودرة ، اكون مخصصتنه بس للبواليع

المطبخ نظفيه بـ ديتول وجيف السبراي
وحطي بعد من الجل فالزواية المخشوشة

اغبلهم الي اعرفهم يشتكون من الجل انه يخلي بقع بنية
عندج وايد مواد فالجمعية مبيضة تقدرين تستخدمينها
او حتى رشة كلوريكس بتطيرها

وحاولي انتي دايماً تحطين السم لا تخلين البشكارة

بس ها الي يا في بالي الحين
ان شاء الله ان ذكرت شي زيادة برجع

وعلى فكرة انا بيتي فجأة انترس نمل اشقر بس من حطيت الجل اختفن

[مون لايت]

حبيبتي نحن بعد ف البيت نفس المعاناه

[jameela200]

والله هذي معاناتي

حتى يدخلون في الثلاجة ... صغار مثل النمل


اعاااني وايد

[om salma]

معاناتي مصدرها المنهولات هل ينفع لها الجل
وهل موجود فقط بالجمعيات ؟ موجود بكارفور أو لأ؟؟

[مون لايت]

خواتي اللي قالو عن الجل ممكن تعطون اسمه أو صورته أو رقم الشركه اللي تبيعه

ومشكورين

[الـسـرمـديـه]

عندي الحل
كنا نعااني من هالمشكله..وماخلينا شي وماسوينااااه...
لين واحد جزاه الف خير ..قال للوالد..طريقه عجيبه ..ماحد يتوقعهاا...
يعني تقوولين خلطه سحريه...
سويناهاا وفي نفس اليوم تلاقينهم ميتاات الصراصير..وكل يووم شي يمووت...
لين كملنا اسبووع والحمد الله..ماعاد شفنااهن اختفن....

بقولكم عن الخلطه...ومقاديرها سهل..

1.ملح البوريك.....ينلقي في الصيدليه فقط.
2.نيدو
3.سكر

اكيد بتستغربوووون...بس والله ماشي مثلهااا...والله نفعتناا واللحين ولا صرصوور..

عاد تاخذين من كل شي نفس المقدرا وتحطينه في مله....وتصبين ماي عليه..وتكون الخلطه شوي متماسكه لاتسوينها ساايله لا شوي خليها غليظه...
وخذي منها شوي وحطي في اماكن الصراصير وفي الزوايا....تحت الكبت والثلاجه..يعني المحلات اللي تكون دايم فيها الصراصير...

وهذا الدوا خليه...يكفي لمده 6 شهور يعني مايخترب ولا يرووح مفعوله بسرعه..لا يتم 6 شهوور...

وبعد ماتسوين وتشوفين النتيجه ..ياليت تخبرينااا...عشان يستفدوون البنات..بعد..

فدييتج ادعيلي بالتوفيييق في عرسي..بس ها اللي ابغييه..

[الـسـرمـديـه]

!!!!!!!