هلي مايحسون فيني اقولهم بموت يقولون لي الـ.........

**بنت آل نهيان** · 2011-05-31, 18:30

خواتــــــــــــــــــــــــــــــــــــــــــي ...

يــــــارب سامحني على كل شي سويته .. بقصد أو بغير قصــــد

والله كم كتبت وتعنيت وأكثر ردود البنـــــــــــــات يكون ( طلاق ومحـــــــــاكم )
وأنا وحده ماعندي ظهــــــــــــر ولا حد ألجــأ له من بعد الله تعالى

الحين صـــار لي تقريبا سنه يالسه بيت هلي
ولا حد مهتم فيني بس فالحين الناس يتتشمتون فيني او يقولون هذي تتدلع تبا بيت روحها
انزين ياناس كيف تبون ارد حق بيت هله وهم متبرين مني ومن عيالي والمشاكل اللي سووها لي
وغير الضرب والاهانات يدام هله وغير الطرد اللي على آخر الليل وأنا مظلومه من هذا كله
وماعندي الا غرفه بحمامه بس وفي السطح يعني اطلع 60 دري وانزل 60 دري
حسبي الله عليهم
والله تعبت تعبت نفسيتي تدمرت .. الحمدلله ان للحين عقلي براسي ماستوابي شي
تخيلوا معاي بس :
معاشه عشرين الف .. 12 الف يروح على ديونه وديون البطاقه الائئتمانيه
والمحكمه تاخذ 7810 على طليقته على عقد الحضانه في ورقه الحضانه مع المسكن
وانا وعيــــــــــــــــــــــــــــــــالي وخدامتي ولا شي ولا فلس

هلي يعطوني بس 1100 درهم كل شهر
800 راتب الخدامه
بيبقى 300 اشتري فيهم حليب ولا بامبرز ولا اغراضي الخاصه ولا ملابس عيالي ولا شو ؟
عيالي صغار تحت السنه ونص اعمارهم واغراضهم وايده

ويوم طلبت من هلي كم فلس زياده ذلوني اونه يكفيج ولازم ماتصرفين وايد ومن هالكلام
والله العظيم والله يشهد علي ماعندي شي مثل الاوادم البسه احاول ماقصر على عيالي بشي
وانا كل يوم اروح عند امي وابوي واصيح عندهم واذل عمري اقولهم اني بموت والله بموت ماقدر اتحمل هالعيشه
يقولون لي عادي (( القبور وايده يبون ميتين ))
والله حـــــــــــــــــــــــــــــــــــرام عليهم
كافي اني عايشه بذل معاهم

وريلي يقولي خل ننفصل احسن انتي سبب المشاكل وانا مب زينه والكلام كله سبق اني ذكرته لكم
وانا في بيت هلي يطعن فيني اوني يالسه هناك بحجة اني اكلم واحد وآخذ راحتي معاه
وكــــــــــــــــــــــــــــــــــــــــــــلام وايد يعذبني والله تعبـــــــــــــــــــــــــــــــــــــــت

ابا بيت يسترني انا وعيالي ,, ابا استقر واربيهم والله نفسيتي متدمره ماعرف كيف اربيهم
كله اصارخ واعصب ماتحمل شي ..
لقيت شغل بعد طلوع الروح بس شفتات مابي اترك عيالي فتره العصر او الليل ..

ابغي آخذ حقي من ريلي واهله مادري لو اشتكي عليهم وعلى اللي سووه فيني
اخاف كله يروح عالفاضي ..
واخاف هلي يطردوني من البيت لو عرفوا اني سرت المحاكم

حسبي الله ونعم الوكيل .. أبــــــــــــــــــــــــــا حل
أرجـــــــــــــــــــــــــــــــــــــــــــــــ ـــــــــــــــــــــــــــــــــــــوكم أبا حل

الشكوى لغير الله مذله بس شسوي والله تعبت امراض الدنيا بتيني
مب زين جي ..

المزيد من آخر المواضيع من نفس القسم:

**bellegirl** · 2011-05-31, 18:36

لا حول ولا قوة إلا بالله

غاليتي

ماضاقت إلا لتنفرج

هونيها وتهون ,, وشوفي الخير في الدنيا بتحصلينه

يمكن أختي المصروف الي أهلج يعطونج اياه هو الي يقدرون عليه ..

انتي أختي مب محتاجـة شغالـة في هالظروف ..

الأولى بج تحتفظين براتبها لنفسج ويساعدج في إعالـة عيالج

وخلي جزء منه ولو ربعه وابدئي به تجارة صغيرة أكل اساور أي شي بسيط

والمنتدى فاتح أبوابه لكل الناس أختي ^_^

وخطوة خطوة لين يستوي عندج مدخول إضافي

وشوفي حد عاقل أختي حتى لو إمام مسجد مب ضروري من أهلج

خليه يسير يكلـم ريلج

ان هو يبغى الصلاح وانتي تبغين الستر حاولو تردون

وانتي أختي اقعدي مع أهله وان كان في حساسيات لا تقعدين معاهم

يكفي اطرشين هدية أو أكلة مع عيالج لهم وخلج بعيدة

وبالكلمـة الطيبـة الصخر يذوب فما بالج الإنسان

وانتي أختي لازم توقفين وقفـة جدية في حياتج

ادعي رب العالمين كل ليلة في جوف الليل بتيسير الأمور

وانتي اسعي أختي دوري وظيفـة مهما كانت بسيطـة تراها مصروف إضافي

وحاولي تعتمدين على نفسج أكثر ما تعتمدين على الغير

ولا تشوفين عمرج مسكينة ومكسورة جناح

كلنا في داخلنا طاقـة عظيمـة رزقنا بها رب العالمين

دوريها بتحصليها واعتمدي عليها الحياة بعدها جدامج وكل خير فيها

واستغفري أختي الإستغفار يهدي النفس ويقربج من رب العباد ويخلي تركيزج وروحج نقية وفعالـة

**مغربية راك** · 2011-05-31, 18:38

الله يعينج ويسر امورج انشالله الله فوق حبيبتي وما ينسى عباده ارفعي ايدج لله سبحانه هو اللي بينصرج ويفرجها عليج انشالله

**رضآٳڪ يٳ ربٳه** · 2011-05-31, 18:39

يـآآ عمري عليج ..
حسبي الله ونعم الوكيل ع الظالم إللي ما يخااف الله ,, يعله الحرآآآآآآآآآآآآق

ربي يكوون في عونج حبيبتي ,,
والله يحفظ لج عياالج

بصرآآحه عورتي قلبي
><
واهلج الله يهديهم كيف جي يقولوون لج ؟

مآ عندي شي اقووله

ما لج غير الاستغفاار ,, وربي ينصرج ع الظالم ..

حسبي الله ونعم الوكيل

**مالها وجود** · 2011-05-31, 18:43

لا حول ولا قوة الا بالله ... أحسن شيء تسوينه تشتغلين و تنفعين عمرج و عيالج

**3so0ola_AD** · 2011-05-31, 18:46

عورتيلي قلبي .. الله يهونها عليج ياربي

**مربط الجن** · 2011-05-31, 18:49

المشكله انتي تعاندين وريلج يعاند واهله يعاندون وهم ماقالوا انهم بريئين منج ومن عيالج الا لانهم زعلانين منج لانج طلعتي من البيت

الحل وبكل سهولة تقدرين تسيرين المحكمة لا تطلبين الطلاق اطلبي مسكن منفصل ونفقه لج وللعيال وراتب خدامه وبيلزمونه بالنفقه غصبا عنه ومابتحتاجين اي مصاريف للمحكمه غير طباعه الاوراق وبخصوص المحامي بدون ماتوكلينه بس تخلينه يكتبلج الاوراق والطلبات واللوائح والمذكررات وتدفعيله ياخذ شوي مب وايد وانتي تاخذينهم وتودينهم المحكمة وصدقيني بيكون كل شي لصالحج حتى لو ريلج قالهم ان ماعنده وانه مايشتغل المحكمة تلزمه بالغصب او بيحكم قاضي التنفيذ بامر ضبطه واحضاره يدفع او سجن عنده ولا ماعنده يدبر نفسه .. هذا حقج بالقانون اذا تبين محامين يكتبونلج المذكرات راسليني

**حرفين** · 2011-05-31, 18:51

الله يسهل عليج يارب :] و يعيينج يارب=]

**ღcute girlღ** · 2011-05-31, 19:00

سبَحآن الْلَّه وَبِحَمْدِه سُبْحَآن الْلَّه الْعَظِيْم

**زم_قمر_ان** · 2011-05-31, 19:03

الله يكون في عونج

المشكله انتى تشوفى الحياه بتشاوم

تفائلى وتوكلى على الله

وكثرى من الاستغفار ولا تشتكى لاحد

وربي بيفرجها عليج

**نم نم مي** · 2011-05-31, 19:37

السلام عليكم ..

لا إله إلا الله ..

أذكـري الله أختي الفاضله ولا تضيجين الدنيا بعيــنج ..

غاليتي وكلي أمرج للواحد الاحــد وعليج بقيام الليل فضائلهــا عظيمه داومي عليهــا ..

غيري إسلوبج ويا أهلج وحببيهم فيج أنتي بنتهم وأكيــد من كثرت مشاكلج جذه قالو ..

إنتي ادورين حل وتايهـ بين المشاكل والهموم والضغوطــات إنطرحي لربج في السجود بيعينج محد عالم بحالج غيره سبحانه ..

إتصلي بريلج وأعتذري وردي بيت ريلج أخير لج عن المشاكل وتقبلي كل شي من أجل العيال ربيهم تحت جناح أبوهم ..

الطلاق مر لا تجربينه وتندميـــــــن ..

هالله هالله ببرج لوالدينج بيحطونج ع راسهم ..

أسباب المشكلات بين الزوجة وأهل زوجها ، وطرق حلها هنا

حفظج ربي ..

**عواشه22** · 2011-05-31, 19:44

الله يعيننج والله ..

**عذبة~** · 2011-05-31, 19:55

حبيبتي البنات وفوا وكفوا..

بس ابى اذكرج..

مثل ما الزمته المحكمة يدفع نفقات طليقته الاولى.. بتلزمه يدفع نفقاتج..
وخل يدبرها من تحت الارض محد قاله.. يلعب ببنات الناس ويدين ويعيش هالحياة..

خلج جادة ف موقفج ولا تضعفين..

لا تمين ترددين تعبت وضعفت ومحد يبيني..!!!

حاولي هالفترة تتدخرين اي مصروف بسيط.. وعن الخدامة ممكن تستغنين عنها حاليا وتعتمدين على نفسج مؤقتا..
او لو حد من اهلج او خواتج بيساعدج ف تربية العيال ..

لنها ماخذة اكثر عن نص مصروفج حرام..

احسمي الموضوع وتوكلي على الله..

ربي يعينج ويقويج =)

**cute uae** · 2011-05-31, 20:02

الله يعينج والله

أنصحج بقراءة سورة البقرة و الاستغفار.

**روح الشامسي1** · 2011-05-31, 20:08

الله يسر امورج ان شاء الله
عليج بالدعاء والاستغفار والله ما ينسى عباده

الموضوع: هلي مايحسون فيني اقولهم بموت يقولون لي الـ.........

أدوات الموضوع

عرض

هلي مايحسون فيني اقولهم بموت يقولون لي الـ.........

المزيد من آخر المواضيع من نفس القسم:

المواضيع المتشابهه

بموت من الضيقه الي فيني

يقولون فيني سكري الحمل مظاااااااااايجه

يقولون انه فيني

يقولون لي انتي محسودة وانا اقولهم الله مابيخيب ظني

بموت من الويع ابى من يحس فيني ابى شووركم.......