طفرت من عيالي

**انا وروحي** · 2011-05-31, 14:12

السلام عليكم ورحمة الله وبركاته
حبايبي حبيت اقول لكم مشكلتي الي اعاني منها وايد في بداية الامر مثل كل ام تراعي عيالها وتحبهم وما تخلي شئ في خاطرهم ودايما افكر فيهم واخاف عليهم وايد واحبهم وايد وايد وايد بس الحين من كبرو احس مالي خصوصية في غرفتي من ادخلها بعد الدوام القا الكل داش واري الي متسدح على الشبرية الي يدور شئ في كبتي افصخ ثيابي موجودين اتسبح يحوسون في الحجرة احس ريلي يتضايق الحبيب يبي يحس بالرومانسية مافي فايدة من نسكر الحجرة شوي تدقديق على البيبان يعني افكارنا تتشتت واصغرهم يصيح عند الباب يكسرلي خاطري واحس ريلي يتنرفز وما عندنا حد قريب من الاهل بوديهم وبعدين انا اصلا ما احب اودي عيالي عند حد اخاف واااايد عليهم وما حب يقولون لي ولدج سوى ولدج كسر كافة خيري شر عن حد واحسهم يكسرون خاطري ومب عارفة شو الطريقة وياهم ابيهم يستقلون عني خلاص ازعاج ازعاج من اكبرهم لاصغرهم اكبر واحد عمرة 16 واصغرهم عمرها 2 سنتين وعلى فكرة من اروح مكان وارجع احسهم مفتقديني وكل واحد يالس في صوب ونعسانيين ومن ايي يبتدي النشاط فديهم والله واعاني بعد من اني ما اقدر البس شئ شخلعة يعني خخخ الا وملاحضين واحسهم يفهمون مب نفس قبل صغار وبعد يوم اشوف افلام بنتي لازقه لزقه في الي اشوفة تشوفه الي اكله تاكلة وبعدين انا احب اشوف الافلام الهندية والرومانسية واموت من القهر ليش يالسة بنتي العودة تشوف وياي اخاف اقولها افتح عيونها على هذا الشئ تعرفون انتو الافلام الهنديه عااد
بس جذي بخسر زوجي وراحته اذا تمو جي عطوني الحل الله يخليكم

المزيد من آخر المواضيع من نفس القسم:

**bellegirl** · 2011-05-31, 14:25

لا حول ولا قوة إلا بالله

غاليتي

مشاعر الأمومـة شي كبير ومب أي حد يقدر يستوعبه

لكن اي شي اذا زاد عن حده انقلب لضده

ما تقدرين تخسرين نفسج عسب تربين عيالج

لإن فاقد الشي لا يعطيه

عسب تحبين عيالج لازم تحبين نفسج وتهتمين فيها وفي خصوصيتها

وريلج طبعا بيتفهم لكن لازم انتي تقودين عيالج بدون إفراط

لا تنقلبين عليهم مرة وحدة وتمنعيهم من دخول الغرفـة

وانما سوي لهم برنامج يومي يشغلهم باللي يفيدهم حتى يوم تكونين بالبيت

بالتدريج نقصي من دخولهم لغرفتـج

وخلي غرفهم أماكن تجذبهم أكثر

انتي أمهم وهم لهم حق عليج هذا أكيد

بس لنفسج عليج حق ولريلج عليج حق

والفوضى بالبيت تشرد الريال ..

حاولي أختي تنظمين جدولـج الزمني وقت لج ووقت لعيالج ووقت لريلج

وخلي ريلج بعد يساعدج في برنامجج

وهو بعد يشجع عياله على برامج تنمي من قدراتهم وفي نفس الوقت تشغل وقتهم

وبهالطريقـة ما بيكون عندهم وقت يدشون غرفتج

وانتي الي بتستوين تدورين عليهم عسب تشوفينهم ^_^

وعلى فكرة أختي

حتى الي عمرها سنتين تراها ماشاء الله بدت تفهم وتقدرين تسوين لها أنشطـة تناسب عمرها

أو تكلفين أخوها الكبير بمسؤوليتها

ترى 16 مب صغير أختي

في شباب يتزوجون بهالعمر ^^

خليه يحس بالمسؤولية من الحين

وربي يسخرلج عيالج ويرزقج الصبر

**حبيبي محمد** · 2011-05-31, 14:36

انا شوري مادام ماشالله عندج ولد كبير وفاهم خليه ايشوف اخوانه لو ساعتين قوليله محتاجة راحة واباك تتحمل المسؤولية عني وحاولي اتعودينهم ع روتين انج تقعدين وياهم فترة تلعبين وياهم وترمسينهم ومثلا الظهر فترة راحة لج وباجي اليوم لهم والعشا خلاص ممنوع الازعاج ادري صعب بس بالتدريج لين مايتعودون
احسج بس محتاجة تقسيم وقت وشوية نظام وانشالله بيتسهل الموضوع لج والله يساعدج الغالية

**حزامية** · 2011-05-31, 14:40

ماشاء الله ., ربي يحفظلج عيالج .,
اول شي حبيبتي احمدي ربج ان عيالج متعلقين فيج .,.
وما يشوفون بالدنيا غيرج .,.
احسن من عيال هـ الزمان اللي ما يقدرون الام لانهم تربية الشغالة .,.

ثاني شي مسألة الثياب حساسة شوي لان ولدج ماشاء الله كبير .,.
ومب حلوة يشوفونج بنوعية معينة من الثياب .,
فانتي خليج كاشخة ببدل .,. بفساتين ., ببنطلونات .,.
وها كله بيحبه ريلج ,.. وخلي السوالف الثانية لغرفتكم .,.

اما مبدأ الخصوصية فهـ الشي انتي تعلمينه عيالج .,.
علميهم ما يدشون الغرفة الا باستئذان .,.
نبهي عليهم محد يفتش باغراضج ولا تعاقب .,.
ونفذي العقاب عشان يعرفون متضايقة من هالتصرف .,.

خبريهم ان ابوكم يرد تعبان من الشغل ويبي راحة .,.
فلو شفتونا دخلنا ننام لحد يزعجنا و يدق .,.
عشان احنا نحب بابا ونبيه يرتاح .,.
انتي ادرى بعيالج مرة كلمة حلوة مرة زجر .,.

الله يحفظلج عيالج ويعينج على تربيتهم ويرزقج برهم لج ولأبوهم .,

**عواشهـ** · 2011-05-31, 16:44

لي عوووده باذن الله

**مس UAE** · 2011-05-31, 22:28

احس يبالج نظااام ..

نحن يوم كنا صغار نخاااااااف من الابو واايد خاصه يوم يدخل يرقد ...

انتي بعد خلي ريلج يكلمهم ومحد يدخل الغرفه اذا باابا تعبان وبيرقد الظهر مثلا ...

يبالج جدول وتنظيم ...

**سراب الحياة** · 2011-05-31, 22:30

الله يعينج ^^
انا ما عندي فكره ^^

**ღcute girlღ** · 2011-05-31, 23:21

سبَحآن الْلَّه وَبِحَمْدِه سُبْحَآن الْلَّه الْعَظِيْم

**الأحلام الملونة** · 2011-06-01, 01:36

كان يفترض هذا الشيء يحدث وهم صغار وهو الحدود والنظام يعني لهم غرفتهم ممنوع دخول غرفتك خالص

شو لهم خص فيها أجلسي مع عيالك كيف بيتعلموا بدون توجية منك مباشر وخبريهم ممنوع دخول غرفتي والعبث

بمحتويتها هذا أمر غير قابل للنقاش 0000 ثاني شيء خبريهم كيف يوم يكون أبوكم موجود ويبي يرتاح ودقوا علي

الغرفة هذا لا يجوز حبيبتي هذة الأمور يبالها أمر صريح عيالك موا صغار 0000

**حياتي انجاز** · 2011-06-01, 02:23

اختي ما شاء الله عيالج كبار انا احيد من يوم كان عمري 6 سنوات ارقد بروحي مع اخوي كان عمره 5 سنوات ما جد رقدنا عقب هالسن مع امي و بالنسبة للياهل الصغير المفروض بنتج العودة تعابله عيل انا شو اقول بنتي الكبيرة عمرها 4 سنوات و الصغار ولدين سنتين و نص

**ياقوتةخضرا** · 2011-06-01, 22:41

**؟ بنوتة عسل؟** · 2011-06-02, 00:51

ربي يحفظهم لج انشالله
احس يبالج نظام شوية

**الارياف** · 2011-06-03, 13:10

اجل انا اشد منك اعاني شنطتي يعبثون فيها واذا جيت اثاريهم مضيعين اغراضي من دون ماادري مع العلم ان بنتي خووووووافه بمعنى الكلمة تعبت من هالعادة او تفتح اعيون اخوها على اشياء هو غافل عنها الله يلصحهم بس

**عالية الغالية** · 2011-06-03, 13:59

الله يحفظهم ويخليهم لج

لازم تحطين لهم نظام خاص

وقت الرقاد خلاص فيج محد يدق عليج

الصغير خليه عندج الين وقت الرقاد وعقب شليه عند اخوانه

الكبار لازم يفهمون ان لكل شي وقت

صح يباله وقت هالنظام بس احسن عشان يتعودون

**امراة لا تنسى** · 2011-06-03, 14:12

خليج حازمة شوي ...الغرفة ليها مفتاح بنقفل وما يفتحه الا انتي وريلج..
وهنا بعد زوجج له دور ..كونوا حازمين شوي خاصة عيالج كبار وعيال ه>ا الزمان غير عنا وعن زمانا..
انا اختي ما تحب اتخلي عيالها بالبيت من يردون من المدرسة توديهم مراكز تحفيظ القرآن او نوادي الكرة لو يومين بالاسبوع..

رتبي جدول حياتكم وبتحصلين الفايدة ان شاء الله

انتي عيالج بس..فما بالج انا عايشة بيت اهل ريلي ...مرة بطب عليج العمة ومرة العم وغير الشغالة..يالله لحق ما تلحق..

الموضوع: طفرت من عيالي

أدوات الموضوع

عرض

طفرت من عيالي

المزيد من آخر المواضيع من نفس القسم:

المواضيع المتشابهه

طفرت !!

انا من بوظبي وابغي اظهر ويا عيالي وابو عيالي وين اروح