طفرت من عيالي

**كلي هيبه** · 2011-06-04, 23:26

امممممم..
ليش ما تشترين لهم ألعااب مثلا ويي..
واااااايد حلووه و تخليهم يناقزون رواحهم..
وخذي لهم نطااطيه هههههههه ( ترامبولين بالشبك )..
اممممم و بعدين ولدج 16 سنه مب صغيره فهميه قولي له انته العود..
وقول لاخوانك و خواتك انه انا و ابوك نبا نرتاح شووي بنرقد اي شي..
وخبرهم ما يسون حشره و و و الاولاد بهالعمر يحبون يحسون انهم راعين البيت..
ويتامرون هههههههه..خليه يحس شوي..
مب صغير..
وربي يعينج..

**الامل القريب** · 2011-06-05, 01:17

شوي شوي عوديهم ما يدخلون غلافتج

**انا وروحي** · 2011-06-06, 13:49

مشكورات وما تقصرون على النصايح المفيده
وانا الحين طبقت نصيحة وحدة من الخوات وهو برنامج القائد قعدنا وسوينا ورق كل واحد بأسمة ولي يطلع اسمة هو القائد سوينا جدول لاسبوع والحمدالله الامور ماشية تمام
فكرة القائد انج تخلين كل يوم واحد من يعالج يقود اخوانه يقومهم للمدرسة يذكرهم بوقت الصلاة واذا فر شئ في الحجرة يسجل اسمة واذا قال كلمة مو حلوة لخوانه يسجل اسمة
والمكافئة تكون اخر الشهر انا حطيت 100 درهم لاحسن قائد واحسن مطيع هو الي يختار المكان الي نروح نتمشى فية والله اني وايد مرتاحة والحمدالله والفضل لله ثم لاحلى منتدى

**بنت الغالي88** · 2011-06-06, 15:17

الله يعينج

**BANA** · 2014-06-03, 23:16

انا نفسج اعاني من نفس المشكلة
بس بسوي نفس الافكار الي سويتيها والي نصحوكي فيها الاخوات العزيزات

**Fa.R** · 2014-06-04, 01:28

هاتي عصا وبلقي ب عيونج وفي ثانيتين هم محد > واقع مرير

**مهرووووووه** · 2014-06-04, 08:17

اول شي الموضووع اللي كاتبتنه مايخصه بالعنوان!! يعني طفرت من عيالي هذي كلمه كبيره وحرام عليج تكتبينها!
انا حاسه فيج انتي تحتاجين خصوصيه وفجه شوي من عيالج!

عالعموووم مثل ماقالو الخوات يبالج نظام

**ودومه80** · 2014-06-04, 08:36

اللي قاعد يصير، يصير في كل بيت حميمي حبيبتي، أموركم الخاصة انتي وريلج خليها لا رقدوا... لان مش فير انج ترجعين ايام الرومانسية على حساب اليهال وكل زمن له متطلباته، يعني يوم كنتوا خفاف تاخذون راحتكم اكثر الحين العيال كبروا وصاروا وياكم في كل شي، ودخلتهم الحجرة عندج لان هم يحسون بالحميمية ويرتاحون صوبج لكن انتي لازم تحزمينهم انهم من تقولين اطلعوا يطلعون، ولد السنتين خلي بنتج العودا تتولى اموره عسب ترتاحين شوي... والله يهدى نفسج ويفرحج في عيالج واتشوفينهم معاريس، باجر لا اتزوجوا وطلعوا من بيتج بتفتقدين هالأجواء

**حرم الحميري** · 2014-06-04, 09:50

المشكله يكسرون خاطرج هههههه ولا هالامور يبالها شده اذا موفرتلهم حجره للعب خلاص واكبردهم بيداريهم الا في حالات الظروره والخدامه تيلس عندهم لو ساعتين والحجره قبل لا ادشيناها وجفتيهم بدو يتسحبون اوقفي وقولي شتبون يالله كل واحد ع غرفته ويوم بدشين اقفلي الباب مع الايام بيتعودون وبيعرفون انه فيه حدود والصغيروني لي يصيح حطيه جدام العاب ولا عند اخوانه وقوليلهم انا برقد مابا حشره اللي يباني يتصل هههههه حطي تيلفون يهال طفره منو يروم عليهم وجان ع شوفت التيلفزون اسميج مسوتلها بنتج سالفه حطيلهم تيلفزون خاص فحجره اللعب وان نطت قوليلها يالله مناك والصراحه انا جفت وايد رياييل يطفرون ويشكون من هالمواقف وتبدا المشاكل الاسريه لانه ما ياخذ حقوقه واطيح كل شي ع راس الحرمه فتلاحقي عمرج الحمدالله هم فالبيت مب برع عشان تحاتين ولا مارتومين تهدينهم ساعه واذا هم اتعودو ع الطفاسه عوديهم ع روتين يديد ووقت النوم وايد مهم ع الاقل اذا مارمتي تتبرضين للريل الصبح فليل وهم رقود يمكن تحصليله وقت

**حلوة واموره** · 2014-06-04, 10:17

ولدج ما شاء الله 16سنة واليوم انتبهتي ان الخصوصية معدومة.
ترا احنا اللي نعلمهم دام ابوكم راقد لا حد يدق باب الغرفة .الغلط منج مب منهم.بالنسبة للطفلة اللي عمرها سنتين قبل لا ريلج ايي سبحيها وغديها وتنام لين العصر وفهالوقت بيكون عندج وقت لنفسج.العصر لين قبل المغرب خليه وقت يلعبون فالحوش والكبار ترا وقت دراستهم.انتي الام وانتي من يتحكم فيهم وانتي اللي احطين النظام فالبيت مب اليهال.
كل واحد عطيه مسؤولية يسويها.الخدامة تساعد بس .تحمل المسؤولية هي اللي تخلي الانسان يكبر ويعقل.

**Cobon** · 2014-06-08, 09:43

يبغي لج نظام صارم
لانج ذكرتيني بواحد اعرفه يشتكي ان عياله منسدحين ع شبريته ومب ماخذ راحته ابدا
انتبهي لها النقطة تأثر عليج و ع حياتج
لا تسمحين لعيالج يرقدون في حجرتكم و لو يدقون الباب طنشي و رصي ع قلبج
و اهم شي دايما اقفلي الباب
ولا تبدلين حتى يدام الطفل بو سنتين
انتبهي والله اليهال يلقطون كل شي بسرعه

سوي نظام واضح +
تعلقين لوحة كبيييرة في مكان بارز مع نقاط معينة لكل طفل لو يسوي اشياء زينة و تشيلين النقاط لو سووو اشياء مب زينة
و سوي له غرف نوم خاصة مع حجرة خاصة لهم للالعاب

البيت بدون نظام يخترب

**نونه دلوعه** · 2014-06-08, 15:46

الحمدلله ع كل الحال

**أم ردينا** · 2014-06-08, 16:14

هلا اختي

مثل ما قالن البنات

سوي لهم جدول اول ما توصلين البيت يستقبلونج تسلمين عليهم وتجلسين معهم شوي
تقولين لهم يالله بروح ابدل ملابسي واجيكم واعطي كل حد شي يسويه عشان ما يلحقونك
وراج

ولدك العود عوديه يعلم اخوانه وفهميه واشرحي له انج تعبانه وابوهم بعد تعبان
تغدون يميع والعصر سوي الي يبونه

والله يبارك لك فيهم

الموضوع: طفرت من عيالي

أدوات الموضوع

عرض

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

رد: طفرت من عيالي

المواضيع المتشابهه

طفرت !!

انا من بوظبي وابغي اظهر ويا عيالي وابو عيالي وين اروح