باركولي .. وانصحوني .

[لصة شوكولا]

السلام عليكم ورحمة الله وبركاته

شحالكم خواتي ؟؟؟


كل السالفة اني حبيت حد ينصحني لان ما عندي اخت كبيرة وامي استحي اسالها اي شي .

فكرت اسال منو طبعا طرى على بالي بنات المنتدى .



السالفة وما فيهاا :-

انا من كم يوم ملجت ولله الحمد.

وعقبال كل البنوتات يارب .



بما انكم خواتي وعندكم خبرة بالحياة فحابة كل وحدة تنصحني نصيحة بشكل عام .


في ميزان حسناتكم ولا تنسون .

الدين النصيحة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلع الغلاااا]

ربي يوفقج حبيبتي ,,, مبروووووووووووووك ..

نصيحتي لج قبل كل شيء تتعرفين ع ريلج اكثر يعني تشوفين شو شخصيته عسب تعرفين كيف اتعاملينه .. وهذا بتلقينه عند ناعمة الهاشمي دخلي قوقل وشوفي .شو شخصيته ... شمالي جنوبي شرقي ......الخ ...

لنه هالشي بيسهل عليج وااااايد ان شاء الله .. حتى عقب الزواج

[دموع-.-الصمت]

الف الف مبروووووووووووووووووووووووووووك حبوووبه الله يسعدج يااااارب


امممممم شو انصحج امممم خخخخخ

بس حاولي تفهمي ريلج تعرفي شو يحب من اكلات وشو مايحب جي عسب تعرفين شو تسويله
و لا تشتكين واايد لان الريال مايحب الحرمة الي وايد تشتكي
وشو بعد شووو ....امممم
بس ها الي يا ف بالي ان شاء الله اكون فدتج
وحااولي تسالين امج بعد هي بتكوون ادرى بالامووور وبتفيدج وااايد
مووووووووووووووووووفقه ...عسى درووب السعادة تخاويج يارب

[lolali..!]

نصيحتي الاولى والاخيره لج
كوني على طبيعتج ولا تتصنعين ابدا
لا تخلينه الحين يعيش ويا شحصيه ويحبها
وعقب العرس ينصدم بشخص ثاني
خلج انتي , فكلامج فلبسج فشكلج فكل شي
لا تكونين انانيه فالتعامل او متكبره
خلج خجوله وهاديه ومطيعه له
حسسيه انه هو يسيطر عليج
مثلا مره بغيتي تطلعين او تسيرين عند حد , وشاورتيه وقال لا
لا تزعلين !!! بالعكسس , طبعا حسسيه انج تبين ها الشي من خاااااطرج
لكن عشان خاطره بتضحين وما بتسوينه
صديقيني بيخق بيحس عمره سوبر مان هههههههه

و شي ثاني شي واايد مهم
لا تطلبين منه شي فوق طاقته
حاولي انج تعرفين منه , شو الي يقدر يقدمه لج
قصدي من الناحيه الماديه , للعرسو التجهيز
اذا كان انسان مقتدر الحمدلله خير وبركه
لكن اذا كان دخله بسيط او راتبه يدوب يسد
لا تجبرينه انه يتسلف ويتدين عشان يسويلج عرس خيالي
ان شخصيا عشت ها التجربه ويا اخواني
وثدق تطيح من عينهم الحرمه الي تطلب المظاهر والاشياء الغاليه
بدون ما تراعي ضروف ريلها ومادياته
ارضي بالي يقدر عليه فديتج وحسسيه بخوفج عليه !
قوليله سعادتي مب فالمظأهر وفالغالي
سعادتي فراحتك انت وفقيمة الشي الي يكون من قلبك ومن خاطرك
حسسيه انج ما تبين تحملينه ديون واتعبينه

وغيرها من الامور الي بتقرينها لو قريتي فالنت
او اشتري كتب عن الحياه الزوجيه او التفاهم مع الزوج
بتفيدج واايد !

ان شاء الله اكون انا فدتج ولو بالقليل
وموفقه ان شاء الله

[غلا القحطاني]

نصيحتي لج داومي ع الاذكار والرقيه من العين لا العين حق والحسد اعوذ بالله

لاتسوين اي الا فكرتي فيه ولا تقولين اي كلمه الا فكرتي فيها قبل كل شي محسوب عليج

ومهما يصير تعلمي الصبر وشي اسمه "طلاق" لاتحطينه في قامموسج استقري ويا ريلج وربي يتمملج ع خير

[* ام خماس *]

مبروك والله يتمم لج ع خير حبوبة

[bellegirl]

ربي يوفقج اختي

ونصيحتي لج

احفظي الله يحفظك


قبل لا تدورين راحة ريلج دوري الشي الي يرضي رب العالمين

وأحسني لنفسج عسب تقدرين تحسنين للناس ^_^

وكل ماكنتي صاينـة دينج كل ما زواجج بينجح بإذن الله

ولا تقارنين ريلج بغيره

مب اي شي فاد ربيعتج مع ريلها بيفيدج مع ريلج

دائما اسمعي الكلام

ونقي منه المفيد

واتركي الي ما بيفيدج

مب ضروري مب زين لكن بكل بساطـة ما يناسب شخصيتج وشخصية ريلج ^_*

وعودي نفسج وريلج توعون ساعـة قبل الفجر

ركعتين قيام تقربا من رب العالمين

وطلبا للبركـة في زواجكم وتمام الأمور على خير

والله يتمم لج عرسج على خير

[3thab A7mad]

.
.

ألــــــــــــــف مَبرُوك حَبيبتِي ورَبي يتَمملِج عَ خير ,,


و عَ النصَآيِح ، أنَآ أقُولج :

رَآقبُو الله فِي كِل تصَرفَآتكُم ..~

إعتَبري رَيلِج كَزُوج وصَديق وأَخ ، وعَآملِيه باحترَآم وبإسلُوب حلُو ..~

ولَو صَآرت أي مشكلِه لآ سَمح الله ، لآ تحَآوليِن تدَخليِن أي حَد بينكُم ..~




.
.

[سوارة]

[ღcute girlღ]

سبَحآن الْلَّه وَبِحَمْدِه سُبْحَآن الْلَّه الْعَظِيْم

[غرنوجه]

ربي يوفقج فديتج ما شاء الله خواتي ما قصرن فيج وإن شاء الله فادوج
وربي يجمع مبينكم ع خير ويجملكم في نظر بعضكم
ولا يفرق مبينكم

[فللة]

ألف مبروك

اهم شي في بداية الحياة الزوجية يكون شي اسمه تفاهم واحترام والنصيحة الطيبة وشكر ربالعالمين ع طول ولايشغلج عن طاعته شي واسرار الزوجية تكون بينكم ولاتخبرين حد والله يوفقج

[ميانه بوظبي]

آلله أكبر كبيرا والحمدآلله كثيرا وسبحان الله بكرة واصيلا ..

[لصة شوكولا]

مشكورات خواتي

انتظر البقية

[احب الحب]

ربي يوفقج وعقبااالي ^^