حبوب duphaston

**so0ondos** · 2011-05-29, 00:47

سلام عليكم بنات

بنات اباكم تساعدوني

من فيكم جربت حبوب duphaston

هل هي تزيد الوزن

انا صارلي اخذها 3 ايام واحس كله ابي انام واذا نمت مابي اقعد ويالله لين ماقعد ومزاجي ضارب

واحس روحي كله ابي اكل

هل هي من هالحبوب ولا النفسية ومجرد مزااااااااااااااااج

الله يخليكم اللي تعرف لاتبخل علي

المزيد من آخر المواضيع من نفس القسم:

**نونه دلوعه** · 2011-05-29, 01:03

للرفع

**USA Online** · 2011-05-29, 01:04

سبحان الله و بحمده

**جنح الظلام86** · 2011-05-29, 01:09

الدافستونDuphastonهو :
نوع من البروجسترون المصنع Dydrogestroneالذي يشابه البروجسترون الانثوي وله قابيلة كبيرة لاتحاد مع مستقبلات البروجسترون في الجسم ويعمل كعمل البروجسترون الطبيعي ..وحيث ان البروجسترون ضروري جدا للحمل وتثبيته لانه يزيد من سمك بطانة الرحم بالمعدل المسموح لانغراس البويضة الملقحة ونمو الجنين وتكوين الرابط بينه وبين الام عن طريق نمو المشيمة وحتى الشهر الخامس تبدا بعدها المشيمة بافراز كميات محترمة من هرمون البروجسترون وبالتالى فهو مثبت فعال للحمل ...

ولديه بعض الاثار الجانبية ولكن على المدى الطويل من الاستخدام :

1- حدوث بعض الاضطرابات في الجهاز الهضمي ..
2-حساسية الجلد وارتيكارياUrticaria..
3-تغير في الرغبة الجنسية ..
4- ظهور حب الشباب
5- احتباس السوائل في الجسم
6-زيادة في الوزن
7- اكتئاب
8-تغير في الصدر احيانا تضخم ...

**bint_alzaabi** · 2011-05-29, 13:06

حبوب التثبيت
يزيد من الهرمون الي ممكن يسبب اعراض الوحام

**FoOo** · 2011-05-29, 13:20

هو علاج مثبت للحمل ممكن تكون له اعراض عند البعض مثل الاكتئاب

**طموحه بوظبي** · 2011-05-29, 13:51

Up up

**so0ondos** · 2011-05-29, 15:52

اشكركم يالغاليات والله

احاول قد ماقدر ماسستسلم للاعراض الاكتاب

الله يعين ادعوووولي بالذرية الصالحة

**حرم زوجي** · 2011-05-29, 16:19

الله يرزقج حبيبتي بالذريه الصالحه عاجلا غير آجلا..

انا اليوم اخذ آخر حبتين..
وايد زين الدوفاستون..اذا شي حمل يثبته واذا ماشي ينظم الدوره..عقب ماتوقفين الدوى ب3ايام تنزل الدوره اذا ماشي حمل..

**نواري2-2** · 2011-05-29, 19:47

مرحبا خواتي...انا اخذ هالحبوب من ثلاث ايام..لان عندي تقلصات في الرحم وانا باول الشهر الخامس..بس وصفته لي 3 مرات باليوم..؟؟ وانا بصراحه اخذة مرتين .. شو رايكم .احس ان 3 وايد والتقلصات راحت عني اكمل الحبوب ولا اوقف لان هي قالت لي شهر كامل استمر عليها؟

**miss Rawa9'ii** · 2011-05-30, 00:32

مرحبا الغاليه

انا خذته فترة ولا حسيت شي تغير عليه ... يمكن نفسي
والله يثبت حملج باذن الله واذا علىى الوزن ان شاء الله من تربين بتضعفين على الرضاعه

**عيناويهـ حلوه** · 2011-05-30, 00:50

هااي حبوب تثبيت الحمل..

**غزالةبغداد** · 2011-05-30, 01:12

والله انا خذته قبل ماعرف اني حامل كمثبت للحمل ومستمرة عليه صارلي خمس شهور وصراحه متنت شوي واحس بطني مصدري كبرو وريولي انتفخت الافخاذ من فوق >< بس شنسوي اللي يريد الدح مايقول اححح ^^ ربي يرزقج يارب ويسهل عليج تحملي هو فترة وتقطعيه لين تتاكدين من ثبات البيبي ^^

**الجوري 44** · 2011-05-30, 01:25

اب اب اب

الموضوع: حبوب duphaston

أدوات الموضوع

عرض