وصلت حدي من ام ريلي

[*أم الغالي*]

وصلت حدي من ام ريلي تغااار بشكل فضييع اريييد حل وياليت تساعدوني وتعلموني كيف اتصرررف*
لاني جربت كل الطرق وحااولت اتقرب واتودد لها بس ماشي فاايده ما اعرف ليش زوجت ولدها دامها تريده لها بس مش رااضيه تفهم انه زاادت عليه المسؤوليه وانه عنده اسره واهتماماته لازم تتغير مع اني اشووفه مش مقصر معاهم باللي يقدر عليه،، وسألت عمي اللي هو ابو زوجي لانه اكبر منا وافهم عنا وقالي مسكين ما شفنا لا منج ولا من ريلج شين والعالم الله ،، يحليليه عمي وااايد طيب واحبه واايد ربي يحفظه ويطول بعمره ويخليه ذخر لنا ،، حتى عمتي طيبه بس مخرب عليها غيرتها وكبريائها مع انها انسانه متعلمه*
عن نفسي وحسيبي ربي عمري ما وزيت زوجي على اهله او منعته من انه يخدمهم من اي شي،، ومش مدح في نفسي بس الله يعلم اني اساعدها بشغل المطبخ اذا ما في خدامه ،، دايما اسألها عن صحتها لانه فيها سكري واذا عندها مواعيد ورايحه المستشفى اسألها اذا تريدني اروح معاها لانه ما اقدر بعد اودر عيالي بروحهم واسير واذا طلبت مني اسير بعد اسير ما اقول لا ,,, الا ساعات تكون تعبانه وانا ما ادري لانها ما تقول لنا شو فيها او مافيها وتلومنا بعد كيف بالله عليكم نعرف اذا هي ما تقول ؟! اروح معاها عند صديقاتها واقدر منهم ،، واقدم لها هدايا بين فتره وفتره لعلى وعسى تحبني،، علااقتي مع بناتها وعياالها فووق الزين وعمرهم ما اشتكوا مني وبنفسي سألتهم ،، عمري ما طلعت غير مشاورتنهم او شايفه اذا احد يريد يروح معانا الا ساعات ما اسأل *اذا كنت بروح بيت اهلي بس وساعات اذا في مناسبه اقولهم وتروح مرات *
*اذا ريلي موجود فالبيت يحاول يسوي باللي يقدر عليه ،، خوانه واقفلهم وقفه لانه هو اكبر واحد وابوهم كبير فالسن ويوم هو برع ماشي بايده ولو شاف نفسه يقدر سوى اللي يقدر عليه
مااا ادخل خير شر بعلاقته باهله مدام مو مقصر معاي وهذي سياستي*
لكن امه تريد تدخل فكل شي وحاطه فبالها اني انا مغيره ولدها وانا ما احبهم ولا اريد اعيش معاهم مع انه عمري ما قلت لهم بطلع عنكم *او جرحتهم في الكلام دايما تسمعني كلام سلبي وتنتفخ علي لدرجة اني استغرب شو السبب ويوم اسألها او افاتحها فالموضووع تهل اللي فخاطرها وتقعد تلومني وتقولي فيج وفيج وغيرتي ولدي واذا تبين تطلعين بيت روحج اطلعي يعني كأنها تطردني وتحسسني انها مش ميته علي وكلهو احد عندها ..... الخ*
وانا صااابره عشان ريلي بس مع انه ساعات اناقشها وابرر موقفي بس احس ماشي فايده ،، ساعات تصير زينه يمكن يئست مني لانه ردت فعلي تكون بارده وارجع طبيعي ما ازعل بالعكس اتعذر منها واخلي نفسي انا الغلطانه ،، بس ما بسوي اكثر من اللي اسويه هي تريدني اكووون قريبه واااايد منهم وانا من النوع بصراحه احب خصوصياتي لي وما احب احد يدخل في شؤوني الخاصه و علاقتي بهم شبه رسميه علشان بس ما اغلط عليهم او يقولون فلانه سوت او فعلت اسوي الواجب اللي علي وبس ما اعرف شو تريد اكثر مني ،؟؟!!، مش ناكره جميلها لي تحب عيالي وواقفتلهم وقفه يوم اروح الدوام بس احسها تغاار واايد مني ومن اهلي لانه واايد قريبه منهم وما اكذب عليكم لانه اهلي بعد يحبوني ويقدروني اكثر منها مشان جي متقربه منهم اكثر وهي تغاار من النوع اللي فيهاشوي كبرياء تريدني داايما انا اللي ابادر وانا صرااحه عيزت وتعبت لانه ماشي فايده بعدني في نظرها مقصره،، تريدني اتقرب بس هي ما تقربني ،،
بالله عليكم انتي داخله عرووس فبيت ناس ما تعرفين اطباعهم مش لازم قبل تفهمين طبعهم علشان تطبعين مثلهم ؟! ومش اهل البيت يتقربون منج عشان تتقربين منهم اكثر؟! انا هذا كله ما لقيته منها كعمه ام زوج وراعية البيت ومع ذلك تقربت منهم باسلوبي وبحذر اكثر عشان ما اتصرف تصرف غلط وحد يلومني ومع ذلك مش عايبنها >< انزين انا ما اعرف اطبااعكم طبعيني انتي!! ،مع اني والله العظيم من النوع اللي يتأقلم وقااعده اعود نفسي اعيش مثل عيشتهم لانه في شوي فرق بين عيشتي قبل عند اهلي وبعد الزواج عندها وبالعكس عمري ما شفتهم بنظرة دونيه وربي يعلم،،، كتبت لكم شوي بالتفصيل عشان اريد اعرف هل انا مقصره او لا؟! *وشو الواجب اللي اسويه*

ريلي الحين قريب بيرجع وهي قالت بتعاتبه ولازم صراحه احط حد للموضوع مع اني عمري ما نقلت له كلام مهما يصير بيني وبينهم او اي شي يصير فالبيت وهو مو موجد بس علشان ما يقولون فلانه قالتله او نقلت كلام مع انه والله انه محلفني وقايلي بيزعل لو ما اخبره اي شي يزعلني بس بصرااحه الله يعلم بنيتي عشان المشاكل ماتزيد ما اقوله واعرف مهما قلت هذيلا اهله ما اريد كل مره اقوله امك وامك لانه كل اللي يزعلني سببه امه والله يعلم بنيتي وان شاء الله ما تنكتب سيئه عند ربي ،، *لكن هالمرره مصرره اقووله لاني تعبت اذا مرتاحه معاه مو مرتاحه من امه ريلي جننه ربي يحفظه ويخليه وبهدي سره لي يحبني وااايد وانا عيوونه المركبه له ولو شااف مني قصوور جان ما حبني وسوااا كل شي يرضيني وعمره ما رفضلي طلب ومن النوع المتفهم وااايد وهو يعرف طبع امه وسبق وقالي وكلمني عنها لانه صارت كذا مشكله بحظووره ،،، شوو تنصحوني خواتي لانه بصراااحه مو ماخذه راحتي ابد معاها بين فتره وفتره تنازع وتسمعني كلاام


،، الله يهديها ويحنن قلبها علي *
*

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية