دجاج مشوي بالفرن...

**بنت بوظبي 99** · 2011-05-22, 13:26

:

laalahalaallah

:
هلاااا اريد مساعدتكم اريد اشوي دجاج بالفرن دجاجه كامله كيف طريقه والحشوه وكم س بالفرن عادي او الكهربائي؟؟وشو احسن دجاج ينضج بسرعه ويكون نظيف وطعمه أوكى؟؟

المزيد من آخر المواضيع من نفس القسم:

**ام عبد الهادى** · 2011-05-22, 14:31

في طريقتين مجرباهم وحلوين اول طريقة تحطىي ملعقتين كبيرة سماق مع بصلتين مفرومين وشوية زيت زيتون يدعك يبها الدجاج المقسم ويوضع فى الفرن العغادي حوالي ساعة

الطريقة الثانية تحطي كركم وفص توم وعلبة زبادي فى الدجاج 6 ساعات على الاقل ويوضع فى الفرن ساعة

**thariya** · 2011-05-22, 16:37

الدياي الطازج مافي احسن منه,,عندج البستان او غيره,,,,حسب المتوفر
اتنظفينه,,ورشي عليه ملح وكركم وخل.........خليه نص ساعة
اغسليه,,,نظيف
الحينه تبليه,,
رشي عليه ملح......كركم,,,,,,,بهارات التندوري.......وادعكيه من كل الجوانب باللبنة,,,واذا ماعندج روب
الحشوة,,,تقدرين تكتفين بالليمون مع بهارات حب مثل دارسين,,,فلفل اسود...هيل ومسمار
او: بصل محمس مع النخي المسلوق والبطاط والبهارات

عندج خيارين,,,,
اما اتحطين الدياي في كيس المخصص للشواء...وياخذ منج ساعة.....بحيث اتحطين الدياية مع شرايح بصل وطماط وجزر وبطاط وربع كوب عصير لومي,,,,تصكين الكيس وتخرمينه بالسكين شوية لإدخال الهوا,,,,
وتخلينه فالرف الأوسط,,,,,,,والفرن شغال من تحت فقط وبروحه بيحمر بالبخار

او في صينية بايركس وياخذ منج ساعتين الا ربع,,,ونفس الأشياء اتحطينها من خضار,,واتغطين البايركس بالقصدير,,,والفرن من تحت فقط,,,,,بعد ساعة ونص,,تتأكدين اذا نضج؟؟ عقب تحمرينه من فوق

**عشقـ بدويـ** · 2011-05-22, 17:05

للرفع

**غلا الشامسي** · 2011-05-22, 17:13

انا بعد اليوم بسوي دجاج مشوي بس صدور مب دجاجه كامله

اكيد بسويها بنفس الطريقة بس بقدع الصدور بالسكين واحط الحشو داخله اي فناااااااان

ياليت اتقولون لنا شو الاطباق الجانبة مع الدجاج المشوي ؟؟؟؟؟؟؟؟؟؟؟؟؟؟؟

**بنت بوظبي 99** · 2011-05-22, 19:47

مشكورين حبايبي على المعلومات

**أم حمــد3** · 2011-05-22, 21:24

الله يوفقكم

منكم نستفيد

**@مبدعه@** · 2011-05-23, 08:11

ما شاء الله البنات ما قصرن

**بنت_غير** · 2011-05-23, 15:09

انااا اليوم قلت حق اللي في البيت يسووون دياي مشواي بطريقتي هههههههههههههههههههههههههه اووني عاد

انااا بصراحه ما اعرف احب ... افور الدياي قبل لا احطه في الفرن ... ما ااا احب ريحت الدياي .. اللي مب مفور ..

تقطعينه اربع .. او نصين تخلين كل نص بروحه ... تحطين له روب ... وخلطه جاهزه فالجمعيات تلاقينها باجياس او علبه مكتوب عليها بهارات الدياي المشوووي ... انااا احب احط وااايد سوالف ..احط فلفل اسود... احط فلفل احمر .. ثوووم مدقوق شوووي واخلي الدياي علا جنب حتااا بعد ما افووووره ... لانه ها الخلطه بحطه كلها عقب في الصينيه ما بعق منها شي فاحسن يكون الدياي مفور ونظيف .....

طبعااا تحت الديايه في الصينيه يعني احط الخضره اللي تتحمل تدخل الفرن كل واحد وذوقه ..بصل ..جزر صغير حلووو ..وطماط صغير ..هذولا كاملات ما تقطعينهم... الفلفل البارد ..اذا عندج الوااان بعد احلااا واحلاااا.. اذا فكرتي تحطين بطااااطاااا في الخلط ..... قلي البطاطا شوويه في زيت يعني الكل يتقطع مدور الا (الجزر الصغير والطماط))

وعقب تصبحين الدياي مع خلطته علا الخضروات مالتج... طبعا لا تنسين اذا تبين اللون غامج تحطين طماط ..كركم هذا اذا تبين شوووي يكون الدياي فيه صالوونه واذا ما تبين مالهم داعي انتي ورغبتج ..

تحيااااااااااااااااااااااتي

الموضوع: دجاج مشوي بالفرن...

أدوات الموضوع

عرض

دجاج مشوي بالفرن...

المزيد من آخر المواضيع من نفس القسم:

المواضيع المتشابهه

:: دجاج مشوي بالفرن بالصور خطوة خطوة ::

دجاج مشوي بالفرن بالصور خطوة خطوة من مطبخي (لا يفووووتكم)

دجاج مشوي بالفرن بالصور خطوة خطوة من مطبخي (لا يفووووتكم)

دجاج مشوي بالفرن بالصور خطوة خطوة ؛؛؛؛رااااائع