بكريه وخايفه من الولاده

**سدره المنتهى** · 2011-05-19, 03:13

السلام عليكم .. بنات انا بكريه ويمكن اربي في أي وقت الحين بس خايفه وااايد كل ما احس بويع ماقدر استوعب اني بربي اتمنى من اللي مجربات الولاده يفيدني =(

المزيد من آخر المواضيع من نفس القسم:

**wr000d** · 2011-05-19, 03:16

انا ما جربت الولادة بس احسه سهل انتي توكلي ع الله يقولون احلا الام الام الولادة الله لا يحرمنا من هالالام

**wr000d** · 2011-05-19, 03:17

ان شاء الله تربين وتقومين بالسلامة وتنسين كل الالام يوم بتحظنين ولدج

**um 7am00dy** · 2011-05-19, 03:36

بالعكس المفرووض تكونين متشجعه ولا تخافين حاولي تثقفين عمرج بمواضيع الولاده والطرق الي تخفف الالم وترى الولاده اكشن ههههه وتحصلين الاجر واتحسين بالامومه والله ويع ساعه وساعتين ولا ويع اسبوووع بالعملية خليج قويه والله يحليلي انا اول ماربيت كان عمري 16 سنه وماكنت خايفه امايه كانت مسافره وام ريلي بعد ومحد معاي غير حميتي و ريلي والحمدالله الله سهل علي وحاولي انج ماتصااارخين لان الصريخ يتعب الوحده وادعي واقري القران ان الله يسهل عليج فديتج

واتقومين بسلامه والله شوفت النونو كم تسوى تسوى اوياااع الدنيا كلهااا والله يسهل عليج

**امل نبيل** · 2011-05-19, 03:51

حبيبتي لا تخافين توكلي ع الله و لا تحاتين انا كنت واايد أخاف و سبحان الله وقت الولادة أني تعبت و هذا شي طبيعي بس كنت مشتاقة حق شوفة بنتي و كل ما اتالم اقول يا رب و اذكر سيدة مريم كيف ولدت و محد عندها...... اهم شي نفسيتج تكون مستعدة اذا تميتي جي خائفة ما بتستفدين شي اقري قران و ادعي

الله يسهل عليج و يقومج بالسلامة و تشوفين ضناج بصحة و عافية يا رب

**brave heart** · 2011-05-19, 08:36

توكلاي على الله ولا تخافين

بس فكري انه على كل ويع تحسيبه تاخذين اجر كبيـــر
وأول ما تشوفين البيبي تنسين كل التعب ان شاء الله ^_^

ربي يسهل عليج ولادتج يا رب

**Um7amod** · 2011-05-19, 08:58

لا تخافين حبوبة ترا الولادة مب الشي المستحيل اللي ما ترومين تتحملينه
وترا كل الالام والاوجاع تختفي بعد ما تشوفين البيبي جدامج
اهم شي اذكري الله ترا يوم تقولين يالله مفعولها قوي والله عن تجربة
وادعي وتوكلي على الله والله يسهل عليج الغلا

**فديت ضحكتي** · 2011-05-19, 09:44

الله يقومج ويقومنا بالسلامه

**Luna Piena** · 2011-05-19, 09:49

إللي أعرفه آلام الولادة تكون أقوى من آلام الدورة .. هذا كلام بنت خالتي .. تقول أول مرة ولدت يلست تصارخ من قوة الألم .. بس شوفي يعتمد .. أمي مثلاً كانت ولاداتها عادية .. وهذا يستوي لبناتها .. وخالتي ولاداتها متعسرة وهذا طلع في بنتها .. عحسب .. إذا أمج ولاداتها عادية فبتكون ولادتج عادية إن شاء الله .. ولا تخافي .. والله يسهل عليج ^^

**نسيم العين** · 2011-05-19, 11:35

اكيد الولاده فيها الم وتقلصات شديده بس والله تروح من تشوفي البيبي وتحملي الويع وادعي الله واقري قراءن والله يسهل عليج وتقومين بالسلامه
ونصيحه من اخت لا تصارخين لانه الصراخ بيتعبج وبيتعب الببيبي على الفاضي

**غلا فوادي** · 2011-05-19, 13:29

اتفاءلي و اتخيلي البيبي ف حضنج ^^

و ان شاء الله خير.. الله يسهل عليج و علينا

توكلي على الله .. و ادعي طول الوقت و داومي ع سورة مريم

و ان شاء الله نفرحبج soon ^__^

**@@ام سمسومه@@** · 2011-05-19, 13:51

المشاركة الأصلية كتبت بواسطة Um7amod

لا تخافين حبوبة ترا الولادة مب الشي المستحيل اللي ما ترومين تتحملينه
وترا كل الالام والاوجاع تختفي بعد ما تشوفين البيبي جدامج
اهم شي اذكري الله ترا يوم تقولين يالله مفعولها قوي والله عن تجربة
وادعي وتوكلي على الله والله يسهل عليج الغلا

**β♥Ṣ** · 2011-05-19, 13:55

الله يسهل عليج و علينا جميع ،،
انا بعد بجريه و ما عندي فكره
بس حاولي تنسين و ما تفكرين بهالطريقه
فكري ان بيكون عندج بيبي
و ان هاذا الي انتي تتريينه
و بتتحملين كل شي عشانه ^^

**جرح العذاب** · 2011-05-19, 17:24

الله يسهل عليج وعلينا

**طيف الغربة** · 2011-05-19, 17:30

السلام عليكم

شحالك الغالية ., شوفي الغالية لاتفكرين ابداً بالالم ترى من تشوفين البيبي ربي يوصله بلسلامة تنسين كلللللللللللللللللللللللللللللللللللللللللل شيء وتقولي لو اعيد هالالم عشرين مرة مو مشكلة اهم شيء اشوف ضناي
بعدين هو الم ساعه ولا اقل وانتهى كل شيء انا عندي اربي مليون مرة بس الوحام لا مرة اتعب بالوحام لكن الولاده الم وقتي وانتهى ., ربي ييسر لك امرك ويفرجها عليك على خير ويرزقك بأحلى نونو ويقر عينك به يارب ., .,

الموضوع: بكريه وخايفه من الولاده

أدوات الموضوع

عرض

بكريه وخايفه من الولاده

المزيد من آخر المواضيع من نفس القسم:

المواضيع المتشابهه

يا بكريه لاتخافين من الولاده<=تعالي أحكي لك

خياطتي بعد الولاده احسها مو طبيعيه هل هذا طبيعي بكريه و خايفه ارجوكم ساعدوني

الي بالشهور الاخيره وخايفه من الولاده تعالي بقولج شي /////

بكريه وخايفه

خاااااااايفه تعرس ..وخايفه وخايفه .؟؟؟؟ شو الحل؟